झापाको दमकमा कामना सेवाको ६९ औँ शाखा
काठमाडौँ । कामना सेवा विकास बैंक लिमिटेडले आफ्नो सेवा विस्तारको क्रममा झापा जिल्ला, दमक नगरपालिकाको वडा नं ०६, सन्तविर चोकमा नयाँ शाखा स्थापना गरेको छ । बैंकले सोमबार ६९ औँ शाखा कार्यालय स्थापना गरी कारोबार शुरु गरेको छ । बैंक संचालक समितिका सदस्य भीमप्रसाद तुलाचन तथा प्रमुखकार्यकारी अधिकृत प्रविण बस्नेतले संयुक्त रुपमा कारोबार शुभारम्भ गरेका हुन् । सो अवसरमा प्रमुख कार्यकारी अधिकृत बस्नेतले उक्त शाखा प्रदेश नं. १ को दोस्रो शाखा भएको र थप सात शाखाहरु पनि शीघ्र सञ्चालनमा ल्याउने बताए ।
केएमसीमा नेपाल इन्भेष्टमेण्टको एक्स्टेन्सन काउण्टर, नवजात शिशुको खातामा ५ सय र केक उपहार
काठमाडौँ । नेपाल इन्भेष्टमेण्ट बैंक लि.ले काठमाडौंको सिनामंगलस्थित काठमाडौं मेडिकल कलेजमा ११औं एक्स्टेन्सन काउन्टर र १११औं एटिएम एकसाथ खोलेको छ । काउन्टर र एटिएमको बैंकका प्रमुख कार्यकारी अधिकृत ज्योतिप्रकाश पाण्डे र काठमाडौं मेडिकल कलेज(केएमसी)का प्रमुख कार्यकारी अधिकृत प्रा.डा.दामोदरप्रसाद पोखरेलले संयुक्त रुपमा उद्घाटन गरे । आजैदेखि काठमाडौं मेडिकल कलेजमा जन्मने नवजात शिशुहरुको खाता खोलिएमा निःशुल्क ५०० रुपैयाँ खातामा राखिदिने र उक्त खातामा बैंकले तोकेको न्युनतम औषत मौज्दात जम्मा भएपछि जन्मदिनमा बैंकले केक उपहार दिने बताइएको छ ।
नबिल बैंकको ३४ प्रतिशत लाभांश पारित, चुक्ता पुँजी ९ अर्ब नाघ्यो
काठमाडौं । नबिल बैंक लिमिटेडको प्रस्तावित ३४ प्रतिशत लाभांश पारित भएको छ । सोमबार सम्पन्न कम्पनीको ३४औँ वार्षिक साधारणसभाले बैंक सञ्चालक समितिको उक्त प्रस्तावलाई पारित गरेको हो । सभाले पारित गरेबमोजिम बैंकले आर्थिक वर्ष(आव) २०७४/७५ को मुनाफाबाट सेयरधनीलाई २२ प्रतिशत नगद र १२ प्रतिशत बोनस सेयर गरी सो मात्राको लाभांश वितरण गर्ने भएको छ । बैंकले आव २०७४/७५ मा ३ अर्ब ९८ करोड रुपैयाँ हासिल गरेको थियो । बैंकले प्रतिसेयर आम्दानी ५०.२५ रुपैयाँ हासिल गरी आफ्नो वासलात विस्तार गर्दै १ खर्ब ६१ अर्ब पुर्याएको छ । हाल बैंकको संचालन मुनाफा ५ अर्ब ६५ करोड रहेको छ । अघिल्लो वर्षको तुलनामा बैंककोे यस वर्षको संचालन मुनाफा र खुद मुनाफामा क्रमश ७.५२ र ७.५५ ले वृद्धि भएको कम्पनीले जनाएको छ । समीक्षा बर्षको मुनाफाबाट प्रस्तावित बोनस सेयर पश्चात बैंकको पुँजी ९ अर्ब १ करोड रुपैयाँ नाघेको कम्पनीले जनाएको छ । बैंकको संचालक समितिका अध्यक्ष शम्भुप्रसाद पौड्यालकाे नेतृत्वमा यस बैंकको “नेटवर्थ” २० अर्ब ५९ करोड रुपैयाँ रहेको छ ।
निगमले लुफ्तान्जालाई दिएको टेन्डर स्वीकृति नियमसंगत छ : लेखा समिति
काठमाडौं । लेखा समितिले नेपाल वायुसेवा निगमले ए३३० विमान मर्मतका लागि छनोट गरेको जर्मन कम्पनी लुफ्तान्जालाई छनोट गरेको प्रक्रिया नियमसंगत रहेको जनाएको छ । लेखा समितिको सोमबार बसको बैठकले उक्त विमानको पिबिएच कम्पोनेन्ट सप्लाईका लागि गरेको आह्वान गरेको टेन्डरमा उक्त कम्पनीको प्रस्ताव प्रभावग्राही हुनुका साथै निगमले पत्राचार मार्फत प्रतिक्रिया मागेकोमा प्राप्त थप प्रस्ताव मितव्ययी समेत रहेको भन्दै सो कम्पनिको प्रस्ताव समावेश गर्दा सार्वजनिक खरिद ऐन २०६३, नियमावली २०६४ र निगमको आर्थिक विनियमावली अनुरुप नै रहेको देखिएकोले सो प्रस्ताव समेत मूल्यांकनमा समावेश गरी टेन्डर प्रक्रियालाई निरन्तरता दिन निगमलाई निर्देशन दिएको हो । त्यस्तै उल्लिखित टेन्डरका सम्बन्धमा भविष्यमा यस्ता समस्याहरु पुनरावृत्ति हुन नदिन थप आवश्यक कारबाहीका लागि लेखा समितिले सम्बन्धित निकायको ध्यानाकर्षण समेत गराएको छ ।
चितवन र नवलपरासीमा माछापुच्छ्रे बैंकको २ नयाँ शाखा सञ्चालन
काठमाडौँ । माछापुच्छ्रे बैंक लिमिटेडले कावासोती र टाँडी शाखा कार्यालय सञ्चालनमा ल्याएको छ । बैंकले सोमबार नवलपुरको कावासोती नगरपालिकामा कावासोतीशाखा कार्यालय र चितवनको रत्ननगर नगरपालिकामा टाँडी शाखा कार्यालयको औपचारिक सुरुवात गरेको हो । कावासोती शाखा कार्यालयको उद्घाटन कावासोती नगरपालिकाका उपमेयर प्रेमशंकर मर्दनियाले गरे भने टाँडी शाखा कार्यालयको उद्घाटन रत्ननगर नगरपालिकाका मेयर नारायण बनले गरेका हुन् । नयाँ शाखा मार्फत बैंकले आफ्ना ग्राहकहरुलाई कर्जा, निक्षेप लगायतका सम्पुर्ण बैकिङ्ग सुबिधा उपलब्ध गराएको छ । बैंकले उक्त शाखाहरुमा २४ सै घण्टा चल्ने एटीएमको पनि व्यवस्था गरिएको जनाएको छ ।
सगरमाथा र ईस्ट्रनबीच संझौता, दुर्घटनामा परेको गाडी बनाउँदा नगद तिर्नु नपर्ने
काठमाडौँ । सगरमाथा इन्स्योरेन्स कम्पनी लिमिटेडमा बीमा भएका आईसर कम्पनीका गाडीहरुको दुर्घटना भई क्षती पुगेकोमा ईस्ट्रन एजेन्सी प्रालिको आधिकारिक सर्भिस सेन्टरमा नगद भुक्तान गर्नु नपर्ने भएको छ । गाडी बनाउदा बीमितले नियमान’सार प्राप्त गर्ने रकम सोझै ईस्ट्रन एजेन्सी प्रालि अन्तर्गगतका सर्भिस सेन्टरहरुलाई सगरमाथा इन्स्योरेन्सले भुक्तानी गर्ने र सो भन्दाअधिक रकम बीमितले भुक्तानी गर्ने गरी सम्झौता भएको छ । सगरमाथा इन्स्योरेन्स कम्पनी लि. र ईस्ट्रन एजेन्सी प्रालिबीच सोमबार क्यासलेस भुक्तानी सम्वन्धि सम्झौता भएको हो । सगरमाथा इन्स्योरेन्स कम्पनीका प्रम’ख कार्यकारी अधिकृत चंकी क्षेत्री र ईस्ट्रन एजेन्सी प्रालिका प्रमुख कार्यकारी अधिकृत एण्ड प्रवन्ध निर्देशक प्रकाश पौडेलले क्यासलेस भुक्तानी सम्वन्धि सम्झौतामा हस्ताक्षर गरेका छन् । उक्त अवसरमा यस सम्झौता पश्चात सगरमाथा इन्स्योरेन्सका प्रमुख कार्यकारी अधिकृत चंकी क्षेत्रीले आफ्ना ग्राहकले आफुलाई समस्या परेको समयमा गाडी मर्मतका लागी रकमको ब्यवस्था गर्नु पर्ने झन्झटबाट मुक्त हुने गरी सुबिधा ल्याएको बताए ।
धादिङ्गबेसीमा नेपाल बैङ्कको नयाँ शाखा
काठमाडौं । नेपाल बैङ्क लिमिटेडले प्रदेश नम्बर ३ धादिङ्ग जिल्लाको धादिङ्गबेसीमा नयाँ शाखा स्थापना गरेको छ । बैंकले बजार विस्तारको क्रमलाई निरन्तरता दिँदै उक्त स्थानमा नयाँ शाखा खोलेको हो । हाल बैंकले ६१ जिल्लामा १५९ शाखा १२ वटा एक्सटेन्सन काउन्टर ७९ वटा एटिएम आउटेलेट् मार्फत १५ लाख बढी ग्राहकलाई प्रत्यक्ष बैङ्किङ्ग सेवा दिईरहेको छ ।
चन्द्रगिरि रिसोर्ट चैत्र १ देखि सञ्चालनमा आउने, केबुलकार र हेलिकप्टर यातायातकाे सुविधा
काठमाडौं । धुलाम्मे काठमाडौं खाल्डोको व्यस्तताबाट ३० मिनेटको यात्रापछि पुगिन्छ थानकोट प्रहरी चौकी । त्यो चौकीबाट ३ सय मिटर बायाँ लागेपछि आउँछ चन्द्रगिरि केबलकारको बटम स्टेशन । समुन्द्री सतहबाट १४ सय मिटरको उचाईमा रहेको काठमाडौं खाल्डोबाट १५ मिनेट केबलकारको यात्रा गरेपछि पुगिन्छ, चन्द्रागीरी डाँडो जहाँ छ भालेश्वर मन्दिर । यो त्यहि ठाउँ हो जहाँबाट पृथ्वीनारायण शाहले काठमाडौंलाई पहिलो पटक नियालेका थिए र सोही पहिलो नजरबाटै यहाँको राजा हुने सपना देखेका थिए । पृथ्वीनारायण शाहले सपना देखेको त्यहि चन्द्रगिरि डाँडोमा बसेर यतिबेला बर्षेनी लाखौं आगन्तुकले सपना देखिरहेका छन् । अब त्यहिँ थपिँदैछ बुटिक रिसोर्ट । र, त्यो बुटिक रिसोर्टको ‘सफ्ट ओपनिङ’ चैत्र १ गते गर्ने तयारीमा चन्द्रागिरि व्यवस्थापन लागेको छ । ‘एउटा रेष्टुरेन्ट, एउटा बार र केहि फुड आईटमसहित रिसोर्टको सफ्ट ओपनिङ गर्दैछौं’, चन्द्रागिरि हिल्स लिमिटेडका महाप्रबन्धक अभिषेश प्रताप शाहले भने । त्यसका लागि हाल २ वटा ब्लकमा ४८ वटा रुम पूर्णत तयार भएका छन भने एउटा रेष्टुरेन्ट पनि । स्वीट रुम र अर्काे रेष्टुरेन्ट भने केहि समयपछि मात्रै खुला हुनेछ । रिसोर्ट सञ्चालनका लागि केहि समय ढिला भैसकेको निष्कर्षसहित चैत १ गतेलाई पहिलो चरणको सेवा आरम्भ गर्ने साइतका रुपमा अघि सारेको पनि शाह बताउँछन् । त्यसको ठिक ३ महिनापछि चन्द्रागिरि हिल्स रिसोर्ट पूर्ण रुपले सञ्चालनमा आउनेछ । चैत, बैशाख र जेठ महिनाको पर्यटकीय सिजनलाई मध्यनजर गरेर ‘ट्रायल ओपनिङ’ पछि सेवामा विस्तार र मूल्य निर्धारण हुनेछ । ‘बुटिक रिसोर्ट’का रुपमा पाँच तारे होटलको सुविधासहित सञ्चालनमा आउने रिसोर्टले ‘सर्भिसमा कम्प्रोमाइज’ नगर्ने अठोट कसेको छ । शाह भन्छन–‘पछिल्लो समय फाइभ स्टार होटलहरुको सेवा र गुणस्तरमा प्रश्नहरु उठ्ने गरेका छन्, हामी यी दुबै पक्षमा कुनै सम्झौता गर्दैनौं ।’ गत वर्ष ७ लाख स्वदेशी तथा विदेशी पर्यटक केबलकार चढेर चन्द्रागिरि हिल्सको टुप्पोमा पुगेका थिए । त्यसरी केबलकार चढेर चन्द्रागिरि पुग्नेहरुलाई त्यहि बास बसेर प्रकृतिसँग स्पर्श गराउने अवसर दिन भन्दै रिसोर्ट निर्माण गरिएको हो । २, ५५१ मिटर उचाईमा रहेको रिसोर्टमा मौसम चिसो र हल्का पानी वर्षासँगै हिउँ पनि पर्छ । यस वर्षको हिउँदमा मात्र छ पटक चन्द्रागिरिमा हिमपात भयो भने निर्माणाधिन रिसाेर्ट घरीघरी हिउँले ढपक्क ढाक्यो । उच्च हिमश्रृंखला, घना वनको आनन्दका साथमा शान्त काठमाडौं उपत्यकाको दृश्यावलोकन समेत रिसोर्टबाट गर्न पाइन्छ । हिउँले ढपक्क भएकाे चन्द्रागिरि रिर्साेट जसरी पोखरा, चितवन, अत्रपूर्ण राउण्ड जस्ता पर्यटनका प्याकेज बनिरहेका छन्, त्यसरी नै चन्द्रागि रिलाई पूर्णतः नयाँ गन्तव्यका स्थापित गराउने सोँच बनेको छ । वैवाहिक समारोह, हनीमुन र कर्पारेट ईभेन्ट हब पछिल्लो समय नेपालमा विवाह, पार्टी, कर्पाेरेट इभेन्ट, मिटिङहरुका उपयुक्त गन्तव्य खोज्ने क्रम बढेको छ । त्यति मात्रै होइन, हनिमुन र सप्ताहन्त (विकेन्ड) मनाउने चलन पनि बढिरहेको छ । यसैलाई आफ्नो उपयुक्त बजारका रुपमा विस्तार गर्ने योजना रिसोर्टले बनाएको छ । ‘भारतमा विवाहका लागि राज भिल्ला, ओमर भिल्ला जस्ता ठाउँहरु रोजिन्छन, हामीले पनि चन्द्रागिरि हिल्स रिसोर्टलाई त्यस्तै गन्तव्यका रुपमा स्थापित गराउन चाहेका हौं’, शाहले सुनाए । कस्तो हुनेछ रिसोर्ट ? रिसोर्ट कुल १ सय रुम क्षमताको हुनेछ । जसमा स्वीट रुम, डिलसक्स रुम, एक्युटिभ रुम रहनेछन् । त्यसका अलवा नेपाली पन झल्कने र विश्वस्तरीय सेवा उपलब्ध हुने कफि शप र फुड कोर्ट हुनेछ । नेपाली फुड आइटमहरुलाई बिशेष प्राथमिकतामा राखिनेछन् । रिसोर्टमा एउटा बार, एउटा बोर्ड रुम र ३ वटा कन्फ्रेन्स हल हुनेछन् । त्यस बाहेक स्वीमिङ पुल, स्पा र हेल्थ क्लब पनि हुनेछन् । त्यस्तै, भिआईपी गेष्टहरुका लागि २ वटा हेलिप्याडको व्यवस्था पनि गरिएको छ । विदेशबाट आउने पर्यटकहरुलाई विमानस्थलबाट सिधै चन्द्रागिरि लैजाने सुविधा समेत प्रदान गरिनेछ । साथै विवाह समारोहमा बेहुला बेहुलीलाई हेलिकप्टरबाट आवतजावतको सुविधा प्रधान गर्ने कम्पनीको योजना छ । अधिकांश मानिस केबुलबार चढेर पुग्नेछन् । साथै, रिसोर्टका सबै संरचनाहरु ह्विलचेयरमैत्री छन् । अपाङ्गता भएका यात्रुहरुलाई चन्द्रागिरी केबुलकारदेखि मन्दिरसम्म सबै स्थानमा भ्रमण सक्ने गरि पूर्वाधार निर्माण गरेकोले नेपाल अपांगता महासंघले चन्द्रागिरीलाई अपांग मैत्री भनेर प्रमाणित गरिदिएको छ । सर्भिस स्ट्याण्डर्ड चन्द्रागिरिले हाललाई विदेशी चेन होटलसँग साझेदारी गर्ने योजना बनाएको छैन । विदेशी होटल तथा रिसोर्टको चेन लिँदा पनि सर्भिस दिने नेपाली नै भएकाले अब आफ्नै ब्राण्ड स्थापित गर्ने अठोट देखिन्छ । ‘नेपालीपन झल्कने मौलिक रिसोर्ट बनाउन खोजेका छौं । हामीमा अतिथि देवो भवःको संस्कृति नै छ । आत्मियतासहितको नेपाली स्ट्याण्डर्डको सर्भिस दिन्छौं । बेलायत वा अमेरिकाको जस्तो होइन, नेपाली मोडलको चन्द्रागिरिको जस्तो सर्भिस होस भन्ने हाम्रो चाहना हो । त्यसैले हाललाई चेनमा जाने सोच छैन’–शाहले भने । नेपाली फुड, आत्मिय सेवा नेपाली फुडलाई वेष्टर्न स्टाइलमा शोकेस गर्ने प्रयास गर्ने शाह बताउँछन् । खाना र सर्भिसलाई फिडब्याक अनुसार थप परिस्कृत गर्दै जाने उनी बताउँछन् । पूर्वाधारमा सम्झौता नगरेकाले सर्भिसमा पनि सम्झौता नगर्ने उनको भनाई छ । त्यसकारण यतिबेला उनको टिम ‘सिग्नेचर डिस’बारे केही अध्ययन गरिरहेको छ । नेपालको हस्पिटालिटी विश्व बजारमा राम्रो मानिन्छ । त्यसैलाई आत्मसाथ गर्दै रिसोर्टले शतप्रतिशत जनशक्ति नेपाली नै परिचालन गर्दैछ । केबलकारमा ८० स्थानीयले नै रोजगारी पाएका छन् । नेपालीपनको प्रवद्र्धन गर्ने भनेपछि स्थानीयलाई बिशेष ग्राह्यता दिएको उनले बताए । हाल केबल कारमा २ सय जनाले प्रत्यक्ष रोजगारी पाएका छन् । रिसोर्टले अझै थप रोजगारीको अवसर ल्याउँछ । ‘वातावरण, पूर्वाधार, सुविधालाई मिल्ने गरि मूल्य निर्धारण हुनेछ । सेवा सुविधामा सम्झौता नगरेपछि मूल्यले खासै अर्थ राख्दैन् । फेरी पनि यसलाई न्यायसंगत नै बनाउने छौं, मूल्यमा गुनासो आउँदैन’–शाहले भने । ४ अर्ब लगानी २ अर्ब ५० करोड चुक्ता पुँजी भएको कम्पनीले हालसम्म ४ अर्ब लगानी गरेको छ । कम्पनीले बार्षिक साधारण सभाबाट १० प्रतिशत सेयर सर्वसाधारणलाई निष्काशन गर्ने निर्णय गरिसकेको छ । साधारण सेयर निष्काशन गर्ने सम्बन्धमा नियमित प्रक्रियागत काम भईरहेको छ । ‘सम्बन्धीत निकायहरुबाट अनुमति जति चाँडो आउँछ त्यति चाँडो नै सार्वजनिक सेयर निष्काशन हुन्छ’ उनले भने । पाराग्लाईडिङसहितका थप योजना चन्द्रागिरिमा ७ सय मिटर लामो जिप लाइन निर्माण हुँदैछ । त्यो भन्दा पहिले मिनी जिप लाइन र बालबालिकाका लागि केन्द्रित गरेर छुट्टै परियोजना पनि आउँदैछ । त्यति मात्रै होइन, क्लाम्बिङ बनाउने योजना पनि तय भएको छ । पाराग्लाईडिङ पनि विकास हुँदैछ । चन्द्रागिरिबाट उडेको पारागलाईडिङलाई चित्लाङ लैजाने योजना छ । हावाको चाप र भूगोलको बनोटबारे विस्तृत अध्ययन गर्ने, परीक्षण उडान भर्ने तयारी भईरहेको छ । स्थानीय विकासमा प्रभाव गत वर्ष ७ लाख भन्दा बढीले चन्द्रागिरी केबलकारको यात्रा गरेका थिए । यसपाली दैनिक २ हजारको हाराहारीमा आगन्तुकहरुको संख्या पुगिरहेको छ । मानिसहरुको आवागमन वृद्धिसँगै स्थानीय तहमा नयाँ बजारको विकास भएको छ । केबलकारको तल्लो स्टेशनमा ९० वटा भन्दा बढी क्याफे, होटल र रेष्टुरेन्ट खुलेका छन् । त्यहाँ सैयौंले रोजगारी पाएका छन् । चन्द्रागिरि नगरपालिका, इन्द्रसरोबार गाउँपालिका र थाहा नगरपालिकालाई छोएको चन्द्रागिरि हिल्सले सो क्षेत्रको पर्यटन प्रवद्र्धनमा पनि नयाँ उत्साह थपिएको छ । चित्लाङलाई पर्यटकीय गन्तव्यका रुपमा चिनाउन चन्द्रागिरि हिल्सले ठूलो योगदान पुर्याएको छ । २ वर्ष भन्दा बढी समय भयो केबलकार सञ्चालनमा आएको । ‘३ वटै सरकारसँग राम्रो सम्बन्ध छ । ३ वटा स्थानीय तहसँग हामीले निरन्तर सहकार्य भैरहेको छ । सबैको सहयोगबाट नै यस परियोजनाले सफलता पाईरहेको छ’ शाहले भने ।
