बारा जिल्लाको निजगढमा कामना सेवाको शाखा बिस्तार
काठमाडौँ । कामना सेवा विकास बैंक लिमिटेडले बारा जिल्लाको निजगढ नगरपालिका वडा नं ७ स्थित निजगढमा सोमबार ७४औँ शाखा कार्यालय स्थापना गरेको छ । बैंकका संचालक चतुराखर अधिकारी तथा प्रमुख कार्यकारी अधिकृत प्रविण बस्नेतले संयुक्त रुपमा कारोबार शुभारम्भ गरेका हुन् । उक्त कार्यक्रममा प्रमुख कार्यकारी अधिकृत बस्नेतले बैंकको संक्षिप्त जानकारी गराउँदै प्रदेश नं २ मा यो सँगै ८ वटा शाखा पुगिसकेको र निकट भविष्यमा थप शाखाहरु पनि सञ्चालनमा आउने बताए ।
महालक्ष्मीको बीमा सेवा एनसीसी बैंकबाट पनि पाइने
काठमाडौँ । नेपाल क्रेडिट एण्ड कमर्स बैंक(एनसीसी बैंक) लि. र महालक्ष्मी लाईफ इन्स्योरेन्स लि.बीच बीमा पोलिसी बिक्री गर्ने गरीे सोमबार सम्झौता भएको छ । सम्झौता अनुसार एनसीसी बैंकको कर्पोरेट तथा बिभिन्न शाखा कार्यालयहरुबाट महालक्ष्मी लाईफ इन्स्योरेन्स लि.को पोलिसी बिक्री गरिनेछ । सम्झौतामा नेपाल क्रेडिट एण्ड कमर्स बैंकका तर्फबाट प्रमुख कार्यकारी अधिकृत रमेशराज अर्याल र महालक्ष्मी लाईफ इन्स्योरेन्स लि. का तर्फवाट प्रमुख कार्यकारी अधिकृत रमेशकुमार भट्टराईले हस्ताक्षर गरेका छन् ।
दुगड ग्रुप अन्तरगतको विवेक अटोमोबाइल्सले थाइल्याण्डमा मनायो वार्षिकोत्सव
काठमाडौँ । नेपालमा पियाजियो थ्री ह्विलर्सको आधिकारिक बिक्रेता एमभी दुगड ग्रुप अन्तर्गतको विवेक अटोमोबाइल्स प्रालिले आफ्नो पहिलो वार्षिकोसत्वको उपलक्ष्यमा देश बाहिर पहिलो अन्तराष्ट्रिय कन्फरेन्स सम्पन्न गरेको छ । थाइल्याण्डको पट्टाया शहरमा सम्पन्न कन्फरेन्समा ४६ ब्रान्च तथा डिलरहरुलाई संलग्न गराइएको थियो । कार्यक्रममा ५ उत्कृष्ट बिधाहरुमा अवार्ड समेत दिईएको थियो । कार्यक्रममा बेस्ट डिलर रिजन अवार्ड, बेस्ट ब्रान्च रिजन अवार्ड, १०० क्लब अवार्ड, अपकमिङ स्टार अवार्ड र गोर्खाली अवार्ड वितरण गरिएको कम्पनीले जनाएको छ । उक्त अवार्ड एमभि दुगडका उपाध्यक्ष विवेक दुगड, डाईरेक्टर उर्भि दुगड, पियाजियो भेहिकल प्रालि ईण्डियाका उपाध्यक्ष सूधान्सु अग्रवाल, निर्यात बिक्री म्यानेजर दिपककुमार र हेड अफअपरेसन विजय महत्तोले हस्तान्तरण गरे । तीन पाङ्ग्रेले हिमाल, पहाड र तराईलाई जोडेको हुँदा यसप्रति हरेक नेपालीको आत्मियता गासिएको र आगामी दिनहरुमा यस्तै थप कार्यक्रमहरुका साथ एमभि दुगड ग्रूप अग्रसर रहने उपाध्यक्ष विवेक दुगडले बताए ।
घातक रोगको उपचारका लागि सिटिजन लाइफले गर्यो ५ लाख भुक्तानी
काठमाडौं । सिटिजन लाइफइन्स्योरेन्सले घातक रोग दाबी भुक्तानी वापत रु ५ लाख बराबरको रकम भुक्तानी गरेको छ । कम्पनीले हृदयघात भएको कारण बुटवलका हरिसिंह ठकुरीलाई उपचार खर्चको लागि उक्त्त रकम एकमुष्ठ भुक्तानी गरेको हो । कम्पनीले आइतबार उपचारको लागि काठमाडौंमा रहेका ठकुरीलाई उपचार खर्च स्वरुप ५ लाख बराबरको घातक रोग दाबी भुक्तानीको चेक हस्तान्तरण गरेको थियो । सिटिजन लाइफको तर्फबाट कम्पनीका सीओओ दशरथमणि खड्काले हरिसिंह ठकुरीलाई सो चेक प्रदान गरे । हृदयघात भएका ठकुरीलाई उनले प्रस्तुत गरेको मेडिकल रिपोर्टको आधारमा बिना कुनै झन्झट तथा बिना कुनै बिल सहज, सरल एवम् छिटो दाबी गरिएको थियो ।
दाङ र बर्दियामा मुक्तिनाथको शाखा बिस्तार
काठमाडौँ । मुक्तिनाथ विकास बैंकले दाङ्ग जिल्लाको घोराही र वर्दिया जिल्लाको गुलरियामा शाखा कार्यालय विस्तार गरेको छ । घोराही शाखाको उद्घाटन घोराही उप–महानगरपालिकाका मेयर नरुलाल चौधरीले गरे । सो अवसरमा प्रमुख अतिथि चौधरीले मुक्तिनाथ विकास बैंकले आफ्नो उत्कृष्ट सेवालाई कायम राख्दै आगामी दिनमा अझै उत्कृष्ट सेवा प्रदान गर्दै सामाजिक तथा आर्थिक विकासमा थप योगदान पुर्याउन सफल बनोस् भन्दै शुभकामना व्यक्त गरे । त्यसैगरी गुलरिया शाखाको उद्घाटन गुलरिया नगरपालिकाका मेयर मुक्तिनाथ यादवले गरेका हुन् । सो अवसरमा प्रमुख अतिथि यादवले बैंकले स–साना उद्यम गर्ने व्यवसायीका साथै ठूला ठूला उद्योगपतिहरुलाई पनि सहज र सरल सेवा प्रदान गर्दै अगाडि बढ्नु पर्ने बताउँदै यस क्षेत्रका जनतालाई सरल, सुलभ र ग्राहकमुखी सेवा प्रदान गर्नु पर्नेमा जोड दिए । शाखा कार्यालयहरुको उद्घाटन समारोहमा बैंकका सहायक प्रमुख कार्यकारी अधिकृत गोविन्दबहादुर राउत, स्थानीय जनप्रतिनिधिहरु, व्यापारी, कर्मचारी र समाजसेवीहरुको उपस्थिति रहेको थियो ।
बीमा समितिको निर्देशन लत्याउँदै बैंकहरु, कुमारी बैंकको बैंकास्याेरेन्सबारे समितिले अनुसन्धान गर्ने
काठमाडौ । बीमा समितिले जारी गरेको नीति नियम विपरित बैंकहरुले बीमा सेवा बेच्न थालेको पाईएको छ । ग्राहक आकर्षित गर्न बैंकहरु अस्वस्थ्य प्रतिस्पर्धामा उत्रिएको भेटिएको छ । चार वटा निर्जीवन बीमा कम्पनीसँग बैंकास्योरेन्स गरेको कुमारी बैंकले आफ्ना ग्राहकलाई बीमा समितिको निर्देशनभन्दा बढी बीमा शुल्क छुट दिएर बीमा गर्न/ गराउन शाखा कार्यालयहरुलाई निर्देशन दिएको पत्र विकासन्यूजले प्राप्त गरेको छ । फागुन १४ गते कुमारी बैंकका प्रमुख कार्यकारी अधिकृतको कार्यालयबाट सबै कर्मचारीलाई जारी गरेको परिपत्रमा एसएमई लोन र कर्पोरेट लोन लिने ग्राहकको सम्पत्ति बीमा गर्दा बीमा समितिको निर्देशन भन्दा बढी छुट दिएर व्यापार विस्तार गर्न निर्देशन दिईएको छ । बैंकले ग्राहकलाई कर्पोरेट डिस्काउन्ट १० प्रतिशत र विशेष सम्बन्ध भएका ग्राहकलाई थप ४ प्रतिशत गरी १४ प्रतिशतसम्म छुट दिन निर्देशन दिईएको छ । बीमा समितिको सम्पत्ति बीमा निर्देशिका २०७५ ले सम्पत्ति बीमाका दर तोकेको छ । तोकिएको बीमा दरको आधारमा बीमा शुल्क गणना गरी सोही बमोजिमको बीमा शुल्क लिनु पर्नेछ । निर्देशिका बमोजिम जारी गरिने बीमा लेखको बीमा शुुल्कमा कुनैपनि प्रकारको छुट (डिस्काउन्ट), रिहायत, कटौति वा सहुलियत दिन पाईने छैन । तर, बीमा अभिकर्ताको प्रयोग नगरी सिधै बीमा लेख बिक्री (प्रत्यक्ष बीमा) गरिएको अवस्थामा हुलदंगा तथा आतंकबाद जोखिम समूह बापतको बीमा शुल्क बाहेक अन्य कुल बीमा शुल्क गणना गरेपश्चात १० प्रतिशतका दरले हुन आउने रकम छुट प्रदान गर्न सकिन्छ । कुमारी बैंकले निर्जीवन बीमाको प्रिमियम तिर्दा त्यसमा सहभागी हुने ग्राहकलाई १० प्रतिशत छुट दिने र एसएमई र कर्पोरेटका ग्राहकलाई प्रत्यक्ष १० प्रतिशतका अतिरिक्त ४ प्रतिशत बीमा शुल्कमा छुट दिने व्यवस्था गरेको छ । प्रिमियर ईन्स्योरेन्स, लुम्बिनी जेनेरल ईन्स्योरेन्स, प्रुडेन्सियल ईन्स्योरेन्स र सानिमा जेनेरल ईन्स्योरेन्सले कुमारी बैंकलाई संस्थागत अभिकर्ता बनाएका छन् । संस्थागत अभिकर्ताले बीमा शुल्कको ५ प्रतिशत कमिशन पाउने व्यवस्था छ । तर अभिकर्ताले ५ प्रतिशत कमिशन लिएपछि बीमितलाई छुट दिन नपाइने बीमा समितिका उच्च अधिकारीले बताए । ‘बैंकले १० प्रतिशत छुट पाउँछ । बैंकले पाएको छुट सबै ग्राहकलाई दिन्छ भने त्यो बैंकको आफ्नो कुरा भयो । थप चार प्रतिशत दिन मिल्दैन । उनीहरुले कसरी गरेका रहेछन् ? हामी अनुसन्धान गर्छौ’ बीमा समितिका उच्च अधिकारीले विकासन्यूजसँग भने । कुमारी बैंकले ग्राहकलाई १४ प्रतिशत छुट दिनै नसक्ने सानिमा जनरल इन्स्योरेन्स कम्पनीका नायब महाप्रवन्धक सुबोधलाल श्रेष्ठले बताए । ‘बैंकले बीमा कम्पनीको तर्फबाट सीधै पोलिसी बेचेमा आधारभूत बीमा शुल्कको १० प्रतिशत छुट दिन सक्छ । बैंकले अभिकर्ताको रुपमा बीमा गराएको हो भने ५ प्रतिशत मात्र कमिशन पाउँछ’ उनले भने–‘बैंकले दुई मध्ये एक प्रकारको छुटको सुविधा लिन सक्छ । १० प्रतिशतमा अतिरिक्त ४ प्रतिशत छुट दिनै सक्दैन । दिएको हो भने पनि हामीलाई त्यसबारे जानकारी छैन ।’ पछिल्लो समय व्यवसाय विस्तार र नाफा वृद्धिमा परेको चापसँग बैंकहरुले बीमा अभिकर्ताको रुपमा काम थालेका छन् । तर, बैंकहरुले बीमा सेवा प्रदान गर्ने क्रममा बीमा समितिले जारी गरेको नीति नियमहरु परिपालना नगरेको गुनासा बीमा क्षेत्रमा बढ्दै गएको छ ।
कसले किन्यो मुक्तिनाथ विकास बैंकको एकैदिन २ करोडको सेयर ?
काठमाडौं । सोमबार मुक्तिनाथ विकास बैंकको २ करोड ८ लाख रुपैयाँ बराबरको संस्थापक(प्रमोटर) सेयर बिक्री भएको छ । बैंकको एकैदिन प्रतिकित्ता २०८ रुपैयाँमा एक लाख कित्ता प्रमोटर सेयर किनबेच भएको हो । सो दिन ब्रोकर नम्बर ५८(नासा सेक्युरिटज कम्पनी) र ब्रोकर नम्बर ४२(सानी सेक्युरिटज प्रा.लि) मार्फत बैंकको साे मात्राकाे प्रमोटर सेयर कारोबार भएको हो । बैंकको एकैदिन भएको दुईवटा कारोबारमा कुल एक लाख कित्ता सेयर काराेबार भएकाे छ । साेमध्ये पहिलो कारोबारमा ५० हजार कित्ता सेयरको बिक्री ५८ नम्बर ब्रोकरबाट भएको छ भने ४२ नम्बर ब्रोकरबाट खरिद भएको छ । त्यस्तै, दोश्रो कारोबारमा ब्रोकर नम्बर ५८ ले ब्रोकर नम्बर ४२ बाट ५० हजार कित्ता सेयर किनेको छ ।
‘पृथ्वीमा जीवन रक्षाका लागि हिउँ बचाउँ ’ अभियानमा शेर्पाका बाबुछोरा, ७ हिमाल आरोहण गर्ने
काठमाडौं । सगरमाथा, कन्चजंगा लगायतका हिमाल आरोहण गरेका ४१ वर्षिय पूर्णकुमार (पि.के) शेर्पा ‘पृथ्वीमा जीवन रक्षाका लागि हिउँ बचाउँ ’मा लागेका छन् । १४ वर्षिय छोराको साथमा २०१९ मार्च अन्तिमदेखि सात महादेशका ७ हिमाल आरोहण गर्ने अभियान्ता पि.के शेर्पाले जानकारी दिएका छन । उनले भने ‘हिमाल आरोहणका लागि करिब ६ करोड लागत लाग्ने र विभिन्न संघ संस्थाले सहयोग गर्ने प्रतिवद्धता दिएका छन् ।’ एस ट्रेकिङ एजेन्सीको आयोजना भुकुटीमण्डपमा भएको उक्त जलवायु परिवर्तन तथा हिमालीका हिउँ बचाँउ अभियानमा २ दशकदेखि अनवरत रुपमा लागिरहेका छन् । विश्वमा पहिलो पटक सो अभियान शुरु हुन गईरहेको छ । हिमाल आरोहण यहि मार्च अन्तिममा अष्ट्रेलियाबाट सुरु गर्ने र मे २०२० मा माउण्ट एभरेस्टमा अन्तिम रहने बताए । अष्ट्रेलिया, अफ्रिका, रसिया, अन्ट्राटिका, उत्तर अमेरिका र अन्तिममा नेपालको गरि ७ हिमाल आरोहण गर्ने जानकारी दिएका छन् ।
