चाल्नाखेलमा बस दुर्घटना हुँदा २४ घाइते, ६ जनाको वयोधा अस्पतालमा उपचार हुँदै
काठमाडौँ । पुरानो वसपार्कबाट दक्षिणकाली रुटमा चल्ने ना३ख १४४४ नम्बरको यात्रुबाहक बस मंगलबार बिहान दुर्घटना भएको छ । दुर्घटनामा परी २४ यात्रु घाइते भएको प्रहरीले जनाएको छ । फर्पिङबाट पुरानो बसपार्क आउने क्रममा चाल्नाखेल स्थित हात्तीवनमा सो बस दुर्घटना भएको हो । महानगरीय ट्राफिक प्रहरी महाशाखाका प्रहरी नायब उपरीक्षक कृष्णदत्त भट्टका अनुसार बस हिलो सडकमा चिप्लिएर दुर्घटना भएको हो । दुर्घटनामा घाइते भएका मध्ये हाल ६ जनाको बल्खु स्थित वयोधा अस्पतालमा उपचार भइरहेको छ । उपचारका लागि पुगेका १५ जना मध्ये ६ जनाको अवस्था गम्भीर भएकाले भर्ना गरेर उपचार भइरहेको हो । बाँकी ९ जना सामान्य उपचार पछि घर फर्किएको बयोधा अस्पतालका हाडजोर्नी विशेषज्ञ डा. शशी झाले बताए । हातको हड्डी भाँचिएको र टाउकोमा समेत चोट लागेकाले माइती थिङ, मञ्जु भट्टराई र अजय महर्जनलाई आइसीयूमा राखेर उपचार भइरहेको छ । आइसीयूमा राखेपनि उनीहरुको अवस्था गम्भीर नभएको डा. झाले बताए । बाँकी ३ जनाको भने जनरल वार्डमा राखेर उपचार भइरहेको छ ।
सेयर बजार सामान्य अंकले बढ्यो, माइक्रोफाइनान्स बाहेक सबै समूह हरिया
काठमाडौं । मंगलबारको सेयर बजार सामान्य अंकले बढेको छ । सो दिनको नेप्से परिसूचक २.०७ अंकले बढेर ११४०.७२ अंकमा पुगेको छ । जुन अघिल्लो दिनको तुलनामा ०.१८ प्रतिशत बढी हो । सोमबारको नेप्से पनि सामान्य अंकले उकालो लागेको थियो । बजारमा कुल १७१ कम्पनीको २१ करोड ५१ लाख रुपैयाँ बराबरको सेयर कारोबार भएको छ । सो मध्ये सबैभन्दा बढी नेपाल बङ्गलादेश बैंकको प्रमोटर सेयर कारोबार भएको छ । बैंकको एकैदिन एक करोड ५८ लाख रुपैयाँ बराबरको प्रमोटर सेयर किनबेच भएको छ । जसको सेयर मूल्य प्रतिकित्ता १२० रुपैयाँ रहेको छ । त्यस्तै, एनएमबि बैंकको ९६ लाख रुपैयाँ बराबरको साधारण सेयर कारोबार भएको छ । सो दिन माइक्रोफाइनान्स बाहेक कारोबारमा आएका सबै समूह हरिया भएका छन् । मंगलबार १० वटा समूह कारोबारमा आएका थिए । जसमध्ये निर्जीवन बीमा र उत्पादनमूलक समूह क्रमशः २४ र ११ अंकले उकालो लागेका छन् भने बाँकी समूह सामान्य अंकले बढेका छन् । माइक्रोफाइनान्स समूह ५.१२ अंकले ओरालो लागको छ । मंगलबार कारोबारमा आएका १० समूह
एनआरएनए युरोप क्षेत्रीय बैठक सम्पन्न, नेपाल भ्रमण वर्ष २०२० लाई सफल बनाउने निर्णय
लण्डन । गैर आवासीय नेपाली संघ (एनआरएनए) अन्तर्गत युरोप क्षेत्रको क्षेत्रीय साइबर बैठक सम्पन्न भएको छ । २४ मार्च २०१९ मा क्षेत्रीय संयोजक शिव बरुवालको अध्यक्षतामा सम्पन्न बैठकले १२ औँ युरोपेली भेला अगस्ट ३ र ४ मा इटालीको रोममा गर्ने निर्णय सर्वसम्मतिले पारित गरेको छ । बैठकमा संस्थाले विगतमा गरेका गतिविधिको समीक्षा गर्दै आगामी कार्ययोजनाको बारेमा समेत छलफल गरिएको थियो । बैठकमा यूरोपेली क्षेत्रमा रहेका गैरआवासीय नेपालीहरुलाई संघको सदस्यता वितरण त्यसको व्यवस्थापन तथा नवीकरण लगायतका विषयमा सचेत गराउने र हाल भइरहेको पहललाई समेत थप सार्थक बनाउने गरी अघि बढ्ने निर्णय गरिएको छ । साथै, यूरोप क्षेत्रमा नेपाल महोत्सवको आयोजना गर्ने र नेपाल भ्रमण वर्ष २०२० लाई सफल बनाउन व्यापक प्रचार प्रसार गर्ने निर्णय समेत गरिएको छ । बैठकबाट १२ औँ युरोपेली भेला लाई भव्य रुपमा सम्पन्न गर्नको लागि युरोप संयोजक शिव बरुबालको संयोजकत्वमा युरोप क्षेत्रका सम्पूर्ण आइसीसी सदस्य एनसीसी अध्यक्ष आयोजक राष्ट्र इटालीका उपाध्यक्ष महासचिव समेत रहने गरी मूल आयोजक समिति गठन गरेको छ । युरोप उप–संयोजक गोबिन्दप्रसाद गौतमले सञ्चालन गरेको बैठकमा युरोप क्षेत्रका महिला उपसंयोजक, युवा उपसंयोजक साथै एनसीसी अध्यक्षहरुले आफ्नो प्रगति प्रतिबेदन प्रस्तुत गर्दै सदस्यता वितरणको लागि संघले सुरु गरेको नयाँ डिजिटल प्रविधिलाई सहज बनाउनु पर्ने र डाटा सुरक्षाको ग्यारेन्टी हुनु पर्ने धारणा राखेका थिए । आइसीसी सदस्यहरुले आइसीसी र एनसीसीबीच समन्वयलाई थप प्रभावकारी बनाउनु पर्ने विषयमा चर्चा गरेका थिए । बैठकमा आइसीसी उपाध्यक्षद्वय कुमार पन्त र सपिलाराज भण्डारीले सम्बोधन गर्दै आगामी कार्ययोजनाको बारेमा जानकारी गराएका थिए । युरोपका २८ राष्ट्रमा फैलिएर रहेको एनआरएनए युरोप क्षेत्रको बैठकमा युरोप क्षेत्रका विभिन्न एनसीसी अध्यक्ष तथा महासचिवहरु, आइसीसी सदस्यहरु युरोप क्षेत्रका उप–संयोजकहरु, महिला उपसंयोजक, युवा उप–संयोजक लगायतको सहभागिता रहेको थियो ।
नौ समूहलाई हिमाल आरोहणको अनुमति, चार दिनमै ४ करोड राजश्व सङ्कलन
काठमाडौँ । पर्यटन विभागले हिमाल आरोहण अनुमति ‘पर्मिट’ जारी गर्न शुरु गरेको चार दिनमै करीब चार करोड रुपैयाँ राजश्व सङ्कलन भएको छ । सर्वोच्च शिखर सगरमाथासहितका विभिन्न हिमालबाट रु तीन करोड ९० लाख नौ हजार २९७ राजश्व उठेको विभागको पर्वतरोहण शाखाका रामेश्वर निरौलाले जानकारी दिए । यीमध्ये सबैभन्दा बढी सगरमाथाबाट रु तीन करोड ५३ लाख राजश्व उठेको छ । विभागले यो सिजनको गत फेब्रुअरी २७ मा पहिलो आरोहण पर्मिट जारी गरेको थियो । पछिल्लो मार्च २३ देखि २५ सम्म तीन दिनमै रु तीन करोड ८७ लाख राजश्व उठेको छ । वसन्त ऋतुको यो याममा हिमाल आरोहणका लागि १५ भन्दा बढी आरोही दलले पर्मिटका लागि निवेदन दिएकामा विभागले सोमबारसम्म नौ समूहलाई आरोहण अनुमति दिएको छ । यीमध्ये तीन सगरमासहित ल्होत्से, अन्नपूर्ण, कुम्भकर्ण, पुमरी, थापा पिक र छोपबमरी रहेका छन् । वैशाख महिनासम्म आरोहण अनुमति लिने भएकाले आरोहीको सङ्ख्या बढ्ने विभागको अनुमान छ । सन् २०१८ को यही मौसम (वसन्त ऋतु) मा सगरमाथासहितका हिमाल आरोहणका लागि १०७ आरोही समूह गएका थिए । तीमध्ये सगरमाथा आरोहणका लागि ३४ समूह गएका थिए । सन् २०१७ को सोही याममा सगरमाथासहितका हिमाल आरोहणका लागि १०८ आरोही दल गएका थिए । सगरमाथा आरोहणको रोयल्टी ऋतुअनुसार फरक–फरक हुन्छ । विदेशी आरोहीले वसन्त ऋतुमा ११ हजार अमेरिकी डलर रोयल्टी तिर्नुपर्नेछ । विभागका अनुसार सन् २०१८ को वसन्त ऋतुमा ४१ करोड २८ लाख ८४ हजार ६३८ रोयल्टी जम्मा भएको छ । योमध्ये सबैभन्दा धेरै सगरमाथाबाट मात्रै रु ३५ करोड १४ लाख ९८ हजार ३१२ रोयल्टी उठेको छ । सरकारले आरोहणका लागि ४१४ हिमाल खुला गरेको छ, अझै आरोहणयोग्य १३ सयभन्दा बढी हिमाल रहेका छन् । रासस
प्रियंका र आयुषमानले फ्यानहरुसँग मोःमोःउत्सव मनाए
काठमाडौँ । कोका–कोला नेपालद्वारा आयोजित चौथो संस्करणको ‘कोक र मःमः पर्फेक्ट जोडी’ नारा सहितको मोःमोःउत्सवले कोक र मःम प्रेमीहरु माझ लोकप्रियता कमाएको छ । नायक÷नायिकाहरु प्रियंका कार्की र आयुषमान देशराज जोशीलले मोःमोः उत्सवको रौनक बढाउन काठमाडौंका विभिन्न आउटलेट र होटलहरुमा भ्रमण गर्दै फ्यानहरुसँग बसेर कोका–कोला र विभिन्न परिकारको मःमःको मज्जा लिइरहेका छन् । प्रियंका र आयुषमानले मंगलबार नयाँ बानेश्वरका मुड अन केफ, बर्गर हाउस, बर्गर क्लब, बिशाल मःमः र चिकेन स्टेशनका आउटलेटहरुमा भ्रमण गरेका छन् । प्रियंका र आयुषमानले विभिन्न आउटलेटका संचालक, स्टाफ् र फ्यानहरुसँग भेटघाट गरेर कोक र मःमःको अनुभव बढाउदै फोटो खिचेका छन् । आयुषमानले मोःमोःउत्सवको अनुभव साट्दै भने, ‘मलाई कोका–कोला मोःमोःउत्सवले विभिन्न परिकारको मःमः र चिसो कोका–कोलाको अनुभव बढाउन अवसर प्रदान गरेको छ ।’
ज्योति विकास बैंकको संस्थापक सेयर साधारणमा परिणत, सर्वसाधारणको हिस्सा ४५ प्रतिशत
काठमाडौं । ज्योति विकास बैंकको संस्थापक सेयर साधारणमा परिणत भएको छ । बैंकको कुल १३ लाख ४४ हजार ५३१ कित्ता प्रमोटर सेयर साधारण सेयरमा परिवर्तन भएको हो । उक्त सेयर संरचना परिवर्तन भएसँगै बैंकको संस्थापकको ५५ प्रतिशत र सर्वसाधारणको ४५ प्रतिशत स्वामित्व हुने छ ।
एनसीसी बैंकबाट अजोड इन्स्योरेन्सको बीमा सेवा पाइने
काठमाडौँ । नेपाल क्रेडिट एण्ड कमर्स बैंक(एनसीसी बैंक) लि. र अजोड इन्स्योरेन्स लि.बीच बीमा सेवा प्रदान गर्ने सम्बन्धी सम्झौता भएको छ । सम्झौता अनुसार एनसीसी बैंकको कर्पोरेट तथा बिभिन्न शाखा कार्यालयहरुबाट बैंकका ग्राहकहरmले अजोड इन्स्योरेन्स लिमिटेडले प्रदान गर्ने निर्जीवन बीमा सम्बन्धी सेवा सुविधाहरm प्राप्त गर्न सक्ने छन् । सम्झौतामा नेपाल क्रेडिट एण्ड कमर्स बैंकका तर्फबाट प्रमुख कार्यकारी अधिकृत रमेशराज अर्याल र अजोड इन्स्योरेन्सका तर्फबाट प्रमुख कार्यकारी अधिकृत कुमारबहादुर खत्रीले हस्ताक्षर गरेका छन् ।
चीनबाट गाई ल्याउनु जरुरी छैन: भगिरथ तिमल्सेना
काठमाडौँ । अन्नपूर्ण दुग्ध उत्पादन सहकारी संस्थाका अध्यक्ष हुन् भगिरथ तिमल्सेना । २०४३ सालदेखि उनी सो संस्थामा आवद्ध भए र ०४६ सालदेखि संचालक समितिको सदस्य काम गरे । उनले संस्थाका नेतृत्व लिएर काम गरेको १२ वर्ष भएको छ । भरतपुर नगरपालिकाको वडा नं ६ मा सञ्चालित सो सहकारीले दैनिक २५ हजार लिटर दूध संकलन गर्दै आएको छ । स्थानीय क्षेत्रमा दूध उत्पादन धेरै उत्पादन भएकाले चितवन जिल्लामा दुग्धजन्य पद्धार्थ उत्पादन गर्ने उद्योग स्थापना गर्ने योजना रहेको अध्यक्ष तिमल्सेनाले विकासन्यूजलाई बताए । सो सहकारीले नेपाली युवाहरुलाई वैदेशिक रोजगारमा जानबाट निरुत्साहित गर्दै स्वदेश मै उद्यम गर्नु पर्नेमा उत्साहित बनाउने काम गरेको उनले बताए । चितवन गीतानगरमा उनले अन्नपूर्ण गाई श्रोत केन्द्र सञ्चालन गरेका छन् । २०६८ सालदेखि उनी यो उद्यममा संलग्न रहेको बताउँछन् । सो केन्द्रबाट नेपालका ४२ जिल्लामा २ हजार गाई र बाछी उत्पादन गरी बिक्री गरिसकेको उनले बताए । सेलेक्टेड गाईहरुलाई कृतिम गर्भाधान(एआई) गरेर बाच्छी उत्पादन गर्ने र स्थानीय कृषकहरुलाई बिक्री वितरण गर्ने गरेको उनले बताए । शुरुमा पन्जाबबाट उन्नत खालको जर्सी गाई र होलस्टेनको गाई ल्याएर स्थानीय गाईहरुमा क्रसविट गराई नेपालमा नै पहिलो पटक यस प्रक्रियाद्वारा गाई उत्पादन गरेको उनले बताए । राज्यले ठाउँठाउँमा गाई श्रोतकेन्द्र खोलेर किसानलाई उद्यम गर्न उत्साहित पार्नु पर्ने उनको धारणा रहेको छ । राज्यबाट पर्याप्त सहयोग छैन सामान्य किसानहरुलाई राज्यले जुन प्राथामिकता दिनु पर्ने हो, त्यो दिइरहेको छैन । कृषि र पशुपालन पेसामा आवद्ध मानिसलाई विपन्न तथा अशिक्षित उपमा दिने गरेको हुँदा यो दृष्टिकोण बदल्न राज्यबाट समेत पहल हुनु पर्ने अध्यक्ष तिमल्सेनाको भनाई छ । उनले भने-‘जबसम्म कृषि र पशुपालनलाई सरकारले मान्यता दिंदैन, तब युवा जनशक्ति यो पेशाप्रति आकर्षित हुँदैन । लाई यस पेशा प्रति सकारात्मक उर्जा आउँदैन । चीनबाट गाई ल्याउनु जरुरी छैन अध्यक्ष तिमल्सेनाका अनुसार अन्य राष्टबाट नयाँ उपकरण भित्राउनु राम्रो हो, चीनबाट गाई ल्याउने प्रदेश सरकारको निर्णय राम्रो होइन । स्वदेश मै उत्पादन भएका दूधालु गाईलाई व्यवसायीकरण गर्नु पर्छ । उनी भन्छन्–‘सरकारले हाल चीनबाट ३२ अर्बको गाई ल्याउने सम्झौता गरेको छ, यसप्रति हाम्रो संस्थाको विरोध रहेको छ ।’ चीनबाट गाई भित्र्याउने सरकारको निर्णयप्रति किसानहरु आन्दोलित हुने उनले बताए ।
