हिमालय उर्जाको सेयरमा करिब ४ गुणा बढी आवेदन
काठमाडौँ । हिमालय उर्जा विकास कम्पनी लिमिटेडले सर्वधारणका लागि जारी गरेको १३ लाख ६६ हजार २०० कित्ता साधारण सेयरका लागि ४ गुणा बढी आवेदन परेको छ । कम्पनीले १४ लाख ८५ हजार कित्ता साधारण सेयर मध्ये कर्मचारीहरुलाई छुट्याइएको ३ % अर्थात ४४ हजार ५५० र सामूहिक लगानी कोषलाई बाँडफाँट गरिएको ५% अर्थात ७४,२५० कित्ताबाहेक बाँकी रहेको १३ लाख ६६ हजार २०० कित्ता साधारण सेयर यहि चैत्र २० गते बाट सर्बसाधारणको लागि निष्काशन तथा बिक्री खुल्ला गरिएको थियो । सोमबार अन्तिम दिन सम्म साँझ ५ बजे सम्ममा करिब ७२ हजार जना आवेदकहरुले ५१ लाख ३७ हजार ५५० कित्ता सेयरको लागि रु. ५१ करोड ३७ लाख ५५ हजार रकम आवेदन गरेका छन् । लगानीकर्ताहरुको उत्साहजनक सहभागिताले सेयर निष्काशन भएर माग भए भन्दा४ गुणा बढी शेयर आवेदन भएको कम्पनीका प्रबन्धक प्रकाश दुलालले बताए । कम्पनीले रामेछाप र दोलखा जिल्लाको सिमाभएर बहने खिम्तिखोलामाकम्पनीले १२ मेवाको उपल्लो खिम्ति र ७ मेवाको अपर खिम्ति–दोश्रो गरी कुल १९ मेवाका आयोजनाहरु निर्माण गरिरहेको छ । १९ मेवा निर्माण गर्नको लागि लागत करिव ३ अर्व १५ करोड रहेको छ । यसरी हेर्दा प्रति मेवा लागत करिव १६ करोड ५६ लाखमात्र रहेको छ भने दुवै आयोजना २०७६ आसार मसान्तमा सम्पन्न हुने जनाइएको छ ।
टिच फर नेपाललाई नेपाल बङ्गलादेश बैँकले गर्यो १० लाख सहयोग
काठमाडौँ । नेपाल बङ्गलादेशल बैंकले संस्थागत सामाजिक उत्तरदायित्व अन्र्तगत टिच फर नेपाल काठमाडौँलाई १० लाखकोे रकम हस्तान्तरण गरेको छ । सोमबार बैंकका प्रतिनिधि, कनिष्ठ नायव महाप्रबन्धक सलोनिका सिंह र टिच फर नेपाल काठमाडौँको तर्फबाट प्रमुख कार्यकारी अधिकृत शिशिर खनालद्वारा सम्झौता पत्रमा हस्ताक्षर कार्यक्रम सम्पन्न भएको भयो । सो रकम संस्थाले राष्ट्रिय तथा अन्तर्राष्ट्रिय विभिन्न विश्व विद्यालयहरुबाट स्नातक तह उत्तीर्ण नेपाली युवाहरुलाई २ वर्षको लागि स्वयम्सेवी शिक्षकको रुपमा अंग्रेजी, गणित र बिज्ञान बिषयहरु सार्वजनिक विद्यालयमा ग्रामीण समुदायका बालबालिकाहरुलाई गुणस्तरीय शिक्षा प्रदान गर्नेछ ।
नेशनल माइक्रो फाइनान्सद्धारा कुखुरा पालन तालिम संचालन
काठमाडौं । नेशनल माइक्रोफाइनान्सकाे शाखा कार्यालय सुडाद्धारा २ दिने व्यवसायी कुखुरा पालन तालिम’ को शुरुवात गरेको छ । कंचनपुरमा रहेकाे साे शाखा फाइनान्सबाट समुहमा आवद्ध व्यवसायिक कुखुरापालक कृषकहरुको लागी २ दिने सिपमुलक तालिम शुरुवात गरेको हो । महिला कृषकहरुको ज्ञान,सिप र क्षमताअभिबृद्धिगदै व्यवसायको विस्तार एवम् आय—आर्जनमा सुधार र वृद्धिकालागी सुदा फार्मको निजि कोठामा तालिमको आयोजना गरेको छ । संस्थाका शाखा प्रमुख उन्नती बांस्तोलाको अध्यक्षतामा संचालित कार्यक्रम प्रमुख अतिथि बेदकोट नगरपालिका प्रमुख अशोक कुमारचन्द र बरिष्ठ पशु चिकित्सक डा. पानसिंह ठगुन्नाले पानसमा वत्ती बालेर संयुक्त रुपमा कार्याक्रमको उद्घाटन गरेका थिए । सो कार्यक्रममा बोल्दै नगर प्रमुखचन्दले छोटो समयमानै यस क्षेत्रको बिकास र समृद्दिका निमित्त साथै उत्पादन-ब्यवसायमा महिला सहभागीताका लागि संस्थाले गरेको प्रयास तथा कार्यका लागी नेशनल माइक्रोफाइनान्सलाई व्यवसायको विस्तार र त्यसले देशमा पुयाउन सक्ने योगदान र नगरपालिका लगायत सम्पुर्ण साझेदार निकायको सहयोग र योजनाकालागी कृषक चनाखो हुनुपर्ने र कृषिको विकास र विस्तारीकरणका लागीनगरपालीका पुर्ण सहयोग गर्न तत्पर रहेको बताए । त्यस्तै बरिष्ठ पशु चिकित्सक डा.पानसिह ७ गुन्नाले कृषि क्षेत्रको भुमिका योगदान सम्भावना र कुखुरा पालनमा आउने अवसर एवम् जोखिम र यसले कृषि क्षेत्रमाल्याउने आकर्षण तथा व्यवसायीकता र स्वरोजगारीमा महिलाहरु कसरी लान सकिन्छ र भेटनरी कार्यालयले महिला तथा अन्य किसानलाई कसरी सहयोग तथा परिचालित गर्ने भन्ने वारे धारणा राखे । तालिम १५ र १६गते संन्चालन हुने र यो तालिम लगायत यस्ता कार्यक्रम नेशनल माइक्रोफाइनासले आगामी दिनमा सदस्यहरुलाई प्रदानगर्ने र सदस्यहरुले लधुउधम द्धारा जिविको पार्जनलाई व्यवस्थीत योजना संगै कार्यान्वयन गर्ने जानकारी दिएको छ । चालु आर्थिक वर्षको २०७५फाल्गुन मसान्त सम्ममा हिमाल, पहाड र तराईका गरीकुल ५० बटा शाखा कार्यालयहरु मार्फत संस्थाले देशका सातै वटा प्रदेशका ३७ वटा जिल्लाका आफ्ना ७० हजार भन्दा वढी विपन्न परिवारमा लघुवित्त सेवा प्रदान गर्दै आइरहेको छ । हाल संस्थाको लगानीमा रहेको कर्जा रु ३ अर्व ३० करोड र बचत रु १अर्ब १७ करोडभन्दा वढी रकम सदस्यहरुवाट वचत गर्न सफल भएको संस्थाले जानकारी दिएकाे छ ।
वैशाख ६ र ७ गते चितवनमा प्रदेशस्तरीय लगानी सम्मेलन, ‘देशभित्र कै लगानीकर्तालाई आकर्षित गरिने’
हेटौँडा । सङ्घीय सरकारले सफलतापूर्वक लगानी सम्मेलन सम्पन्न गरेको एक महिनाभित्रै प्रदेश नं ३ सरकारले पनि देशभित्रकै लगानीकर्तालाई आकर्षित गर्न सोही प्रकृतिको कार्यक्रम गर्ने भएको छ । लगानीकर्तालाई प्रदेशका विभिन्न क्षेत्रमा लगानी गर्न प्रेरित गर्ने भन्दै सरकारले निजी क्षेत्रका व्यवसायीलाई भेला पारेर लगानीका लागि अनुरोध गर्ने भएको हो । एक सय देखि १५० सम्भावित लगानीकर्ता तथा विज्ञलगायत दुई सयको सहभागितामा आगामी वैशाख ६ र ७ गते चितवनमा प्रदेशस्तरीय सम्मेलन गरिने भएको हो । पाँच खम्बे नीतिलाई प्राथमिकतामा राखेर लगानीका बाटो खोलिने उद्देश्यसहित निजी क्षेत्रसँग वृहत छलफल हुनलागेको प्रदेश नीति तथा योजना आयोगका सदस्य श्यामकुमार बस्नेतले बताए । आयोगको आधार पत्रले निर्दिष्ट गरेका तथा अध्ययनमार्फत पहिचान भएका आधारमा रहेर लगानीकर्तालाई अनुरोध गरिने उनको भनाइ छ । देशका लगानीकर्तालाई प्रदेशमा लगानीका लागि प्रेरित गर्ने आधार तय भएको प्रदेशसभा सदस्य बस्नेतले बताए । आधार पत्रमा उल्लेख भएअनुसार प्रदेशको विकास र समृद्धिका लागि निजी क्षेत्रलाई सहभागी गराउन लागिएको हो । सम्मेलनपछि लगानीकर्ता प्रदेशको पर्यटन, कृषि, उद्योग लगायतको क्षेत्रमा लगानीका लागि आकर्षित हुने योजना आयोगको अनुमान छ । संघीय सरकारको विसं २०२० सम्ममा वार्षिक २० लाख पर्यटक भित्र्याउने लक्ष्य पूरा गर्न पनि यही प्रदेशको मुख्य योगदान रहने जानकार बताउँछन् । विश्व सम्पदा सूचीमा समावेश १० सम्पदामध्ये ८ वटा यही प्रदेशमा रहनु तथा लाङटाङ राष्ट्रिय निकुञ्ज, पर्सा राष्ट्रिय निकुञ्ज(कतिपय क्षेत्र) शिवपुरी राष्ट्रिय निकुञ्ज, गौरीशङ्कर संरक्षण क्षेत्र जस्ता महत्वपूर्ण वन सम्पदा पनि यही प्रदेशभित्र हुनु, साहासिक जलमार्गमा रुचि राख्ने पर्यटकका लागि त्रिशूली, सुनकोशी, भोटेकोशी जस्ता नदी हुनु , हिमाल आरोहणका लागि लाङटाङ, गणेश हिमाल, रोलवालिङ जस्ता हिमाल हुनु आदि पर्यटक भित्र्याउने आधार भएको पर्यटन क्षेत्रका जानकार बताउछन् । प्रदेश नं ३ फलफूल उत्पादन, जडीबुटी तथा पशुपालनका दृष्टिले पनि निकै नै महत्वपूर्ण मानिन्छ । त्यसैले प्रदेशको कृषिक्षेत्र पनि लगानीका लागि उपयुक्त क्षेत्र रहेको कृषि क्षेत्रका अगुवा बताउँछन् । तथ्याङ्क अनुसार देशका ११ औद्योगिक क्षेत्रमध्ये प्रदेश नं ३ मा चारवटा औद्योगिक क्षेत्र छन् । बालाजु औद्योगिक क्षेत्र, पाटन औद्योगिक क्षेत्र, भक्तपुर औद्योगिक क्षेत्र र हेटौंडा औद्योगिक क्षेत्रमा देशमा भएका बहुराष्ट्रिय उद्योगहरु मध्ये ८० प्रतिशत भन्दा बढी उद्योगहरु यहाँ छन् । साथै औद्योगिक उत्पादनको अभिबृद्धि प्रदेशको समृद्धि भन्ने मुलनारा सहित प्रदेश सरकार र नीति तथा योजना आयोग लागि परेको अवस्थामा लगानीकर्ताहरुले सरकारको दरिलो साथ पाउने बताइएको छ । आयोगका अनुसार प्रदेश ३ मा प्रसस्त लगानीका अवसरहरु छन् । विगतमा सरकार र नीजि क्षेत्रको समेत कमजोरीका कारण लगानीको सुरक्षा नहुदा स्वदेशी लगानीकर्ताहरु बैदेशिक क्षेत्रमा लगानी गर्न रुचाउने परिपाटी थियो । सम्मेलन मार्फत सरकारका वा नीजि क्षेत्रका कमीकमजोरीहरु पत्ता लगाउने र तिनलाई सुधार गर्ने सरकारको रणनीति रहेको छ । रासस
सिद्धार्थ बैंकको दुई नयाँ शाखा विस्तार
काठमाडौं । सिद्धार्थ बैंकले एक्कै दिन दुई नयाँ शाखा विस्तार भएक छन् । तनहुँको दुलेगौँडा र कास्की जिल्लाको लेखनाथमा दुई शाखाहरुको औपचारिक उद्घाटन भएको हो । बैंकको दुलेगौँडा शाखाको उद्घाटन गण्डकी प्रदेशका सांसद आशा कोइरालाबाट र लेखनाथ शाखाको उद्घाटन गण्डकी प्रदेशका आर्थिक मामिला तथा योजना मन्त्री किरण गुरुङबाट भएको थियो । बैंकिङ्ग सेवाको पहुँच पुर्याउने उद्देश्यले देशभर १४९ वटा शाखा (४ एक्स्टेन्सन् काउन्टर सहित), १०० शाखारहित बैंकिङ्ग सेवा, १६० एटिएम र १२ सय भन्दा बढी पिओएस् मेसिन मार्फत् उच्चस्तरिय बैैकिङ्ग सेवाप्रदान गर्दै आएको छ । बैंकले नगद रहित कारोवार प्रवद्र्घन गर्न हालै क्यास ब्याक योजना सञ्चालनमा ल्याएको छ । यसै गरि कार्डको माध्यमबाट गरिने अनलाइन कारोबारलाई थप सुरक्षित बनाउन भेरिफाई बाई भिसा सेवा प्रविधिको अवलम्वन गरेको छ ।
कुलमान घिसिङको चिन्ता-‘जनतालाई अँध्यारोमा राख्न खोज्नेहरु सक्रिय हुन खोजे’
काठमाडौँ । विगतमा अनाधिकृतरुपमा विद्युत कटौती गर्नेहरु पुनः सल्बलाएको नेपाल विद्युत् प्राधिकरणले टिप्पणी गरेको छ ।प्राधिकरणमा आज आयोजित पत्रकार सम्मेलनमा कार्यकारी निर्देशक कुलमान घिसिङमाथि गलत लाञ्छना लगाएर पुनःप्राधिकरणलाई असफल बनाउन सकिन्छ कि भन्ने मनसाय राखेको बताए । उपभोक्तालाई सहजरुपमा विद्युत् सेवा उपलब्ध गराउन प्राधिकरण सक्रिय रहेको भन्दै उनले हुँदै नभएका विषयमा अफवाह फैलाएर प्राधिकरणको नेतृत्वलाई असफल बनाउने सोच कोही कसैले राखेको भए त्यो पूरा हुन नदिने स्पष्ट पारे । प्राधिकरणका हरेक काम कारवाही स्पष्ट र पारदर्शी रहेको उल्लेख गर्दै पछिल्लो दुई वर्षदेखि संस्था नाफामा गएको, मुलुकभर विद्युत् सेवा पुगेका स्थानमा विद्युत भार कटौतीको अन्त्य भएको विषयलाई नजरअन्दाज गर्न नहुने बताए । प्राधिकरणको नेतृत्वको हिसाबले आफूले नियमानुसार पाउने भत्ता तथा अन्य सुविधा मात्रै लिएको भन्दै कार्यकारी निर्देशक घिसिङले तथ्य नै नबुझी गलत प्रचार गर्नेप्रति रोष प्रकट गरे । प्राधिकरणलाई सबल, सक्षम बनाउने लक्ष्यका साथ आफू प्रयासरत रहेकाले उहाँले नियमितरुपमा सबल र विश्वसनीय विद्युत् सेवा उपलब्ध गराउने प्रतिबद्धताबाट विचलित नहुने उल्लेख गरे । प्राधिकरणमा कार्यरत कर्मचारीको साझा टे«ड युनियनको निर्वाचन गराउन प्राधिकरणको व्यवस्थापन प्रयासरत रहेको भन्दै सञ्चालक समितिको बैठकमा आमन्त्रित रहेका व्यक्तिले प्राधिकरणको मर्यादामा आँच पुग्ने गरी प्रचार गर्दै हिँडेकामा समेत उनले आपत्ति जनाए । “प्राधिकरण प्रणालीमा चल्छ, विगतमा जस्तो कमाइ खाने भाँडो बनाउन दिइँदैन, यो नेपाली जनताको सम्पत्ति हो, यसको आफ्नै पदसोपान रहेको छ, त्यसविरुद्ध जाने जो कोहीलाई पनि कारवाही हुन्छ, आधिकारिक टे«ड युनियनका नाममा गलत गर्दै हिँड्ने माथि स्पष्टीकरण सोधिएको छ, त्यस्ता व्यक्तिलाई कारवाहीको दायरामा ल्याइन्छ”, कार्यकारी निर्देशक घिसिङले भने । विगतमा प्राधिकरणको व्यवस्थापनसँग मिलेर विद्युत् कटौती गर्ने, नागरिकलाई अँध्यारोमा राख्ने नै पुनःसल्बलाउन खोजेको भन्दै उनले त्यस्ता प्रवृत्तिलाई पाखा लगाउन प्राधिकरणका ग्राहक तथा सञ्चारकर्मीको सहयोगको अपेक्षा राखे ।
माछापुछ्रे बैंकले शुरु गर्यो रेमिट्याप एप, १० हजार ठाउँबाट रकम भुक्तानी
काठमाडौं । माछापुछ्रे बैंकले रेमिट्याप एप सर्वजनिक गरेको छ । माछापुच्छे बैंक, टाइम्स रेमिट र एएमभी टेल कम्पनीबीच विशेष गरी विदेशबाट रेमिट्यान्स पठाउन लागि बैंकले एपको सार्वजनिक गरेको हो । बैंकका ग्राहकहरु लगायतका सम्पूर्ण सर्वसाधरणको सुविधाको लागि रेमिट्याप मोबाइल वालेट सेवा सम्बन्धि त्रिपक्षीय संझौता गरेर सोमबारदेखि सेवा शुभारम्भ भएको छ । अब रेमिट्यापको माध्यामबाट विदेशमा कार्यरत प्रवासी नेपालीहरुले आफ्नो परिवारका सदस्यहरुलाई तुरुन्तै आफ्नो वालेट, बैंक खातामा र १० हजारभन्दा धेरै स्थानबाट न्यून लागतमा रकम पठाउन सकिने भएको छ । बैंकका प्रमुख कार्यकारी अधिकृत सुमन शर्माले धेरै सुविधाहरु भएको रेमिट्यापले वालेटबाट वालेटमा रकम स्थान्तरणका साथै कुनै पनि बैंकमा रकम स्थानान्तरण गर्ने सुविधा पदान गर्ने बताए ।
ग्लोबल आइएमई र सुमेरु सिटी हस्पिटलबीच सम्झौता
काठमाडौं । ग्लोबल आइएमई बैंक र सुमेरु सिटी हस्पिटलबीच विभिन्न सेवा तथा सुविधाहरुमा दिइने छुट सम्बन्धी सम्झौता पत्रमा हस्ताक्षर भएको छ । उक्त सम्झौतापत्रमा सुमेरु सिटी हस्पिटलका प्रबन्ध निर्देशक सुनिल डंगोल र ग्लोबल आइएमई बैंकका कार्ड बिक्रि तथा बजार प्रबद्र्घन विभागका प्रमुख नवीन सुवेदीले हस्ताक्षर गरेका हुन् । ग्लोबल आइएमई बैंकले आफ्ना ग्राहकहरुलाई बैंकिङ्ग सेवाको अतिरिक्त अन्य सुविधाहरु प्रदान गर्ने उद्देश्यले लामो समयदेखि विभिन्न संस्थासँग समन्वय गरी यस्तो योजनाहरु ल्याईरहेको छ । उक्त सम्झौता पश्चात सुमेरु सिटी हस्पिटल, पुल्चोकमा उपचार गराउँदा ग्लोबल आइएमई बैंकबाट डेबिट, क्रेडिट, प्रिभिलेज कार्ड लिएका बैैंकका ग्राहक तथा ग्लोबल आइएमई बैंकका कर्मचारीले अस्पतालले प्रदान गर्ने विभिन्न सेवामा १० प्रतिशतसम्म छुट पाउने छन् । ग्लोबल आइएमई बैंकका १३५ वटा शाखा, १५ वटा राजश्व संकलन काउण्टर, १४२ एटिएम, ९ वटा एक्सटेन्सन काउण्टर तथा १२६शाखा रहित बैंकिङ्ग सेवा र नेपालबाहिर ३ प्रतिनिधि÷सम्पर्क कार्यालय मार्पmतआफ्ना १० लाखभन्दा बढि ग्राहकहरुलाई सेवा प्रदानगर्दै आइरहेको छ । बैंकले अस्पतालसँग आफ्ना ग्राहकलाई स्वदेशमा गुणस्तरीय उपचारमा सहुलियत दिने उद्देश्यले दुईपक्षीय सम्झौता गरेको हो ।
