बैशाख ९ गतेदेखि देशभर सुजुकी मेगा एक्सचेज मेला, नयाँ खरिदमा आकर्षक छुट
काठमाण्डौ । सुजुकी इण्डियाद्धारा उत्पादित विश्व प्रसिद्ध जापानिज ब्राण्डको मोटरसाईकल तथा स्कुटर नेपालका लागि आधिकारिक बिक्रेता भिजी अटोमोबाईल्स प्रालिले ग्रहाकहरुको मागलाई मध्यनजर गर्दै बैशाख ९ गतेदेखि १५ गतेसम्म नेपाल अधिराज्यभर आधिकारिक शोरुमहरुमा सुजुकी मेगा एक्सचेज मेला सुरु गरेकोे छ । मेलामा कुनैपनि ब्राण्डका मोटरसाईकल वा स्कुटर एक्सचेज गरी सुजुकीको नयाँमोटरसाईकल वा स्कुटर खरिद गर्न सकिने कम्पनीले जनाएको छ । गुडदै नगुड्ने मोटरसाईकल वा स्कुटरलाई न्यूनतम ३० हजार रुपैयाँको मूल्याङ्कन गरिने र चालु अवस्थामा रहेका मोटरसाईकल वा स्कुटरलाई बजार मुल्य भन्दा थप १५ हजार प्रदान गरी नयाँ खरिदमा आकर्षक छुटको व्यवस्था रहेको कम्पनीले जनाएको छ । पछिल्लो समय यूवापुस्तालाई आकर्षित गर्न सफल सुजुकी मोटरसाईकल तथा स्कुटरले राम्रो माईलेज दिने तथा अत्याधिक बलियो भएको तथा नयाँ मोटरसाईकल वा स्कुटरमा ५ बर्षको वारेन्टी रहेको कम्पनीले जनाएको छ।
मोबाइल वित्तीय सेवामा प्राधिकरण र राष्ट्र बैंकबीच सम्झौता
काठमाडौँ । मोबाइल वित्तीय सेवाको विकास तथा नियमनका लागि आवश्यक सहकार्य तथा समन्वय गर्न नेपाल दूरसञ्चार प्राधिकरण र नेपाल राष्ट्र बैंकबीच समझदारी भएको छ । राष्ट्र बैंकको भूमिकासहितको सो सम्झदारी पत्रमा बैंकको तर्फबाट गर्भनर डा. चिरञ्जीवी नेपाल र प्राधिकरणको तर्फबाट कार्यवाहक अध्यक्ष पुरुषोत्तम खनालले हस्ताक्षर गरेको प्राधिकरणका प्रवक्ता मीनप्रसाद अर्यालले जानकारी दिए । मोबाइल वित्तीय सेवाको विकास तथा नियमनलाई अझ बढी विश्वसनीय र प्रभावकारी बनाउन दुवै नियमनकारी निकायले संयुक्तरुपमा गर्नुपर्ने कार्य र त्यसका लागि समन्वयका क्षेत्र र विकास रणनीतिसमेत समझदारी पत्रमा उल्लेख गरिएको छ । साथै दूरसञ्चार प्रविधिको प्रयोग गरी देशमा क्रियाशील विभिन्न भुक्तानीसम्बन्धी कार्यमा संलग्न भुक्तानी सेवा प्रदायक, भुक्तानी प्रणाली सञ्चालक र दूरसञ्चार सेवा प्रदायक संस्थासँग सम्बन्धित कार्यलाई सहजीकरण तथा नियमन गरी आवश्यकता अनुसार नीति निर्माण कार्यमा समेत सहयोग पु¥याउने उद्देश्यले दुवै नियमनकारी निकायको प्रतिनिधित्व हुने गरी एक संयुक्त समन्वय समितिसमेत गठन गरेको छ । रासस
निगमले दिल्ली उडान थप्यो, वैशाख १८ देखि सातामा १४ उडान भर्ने
काठमाडौँ । राष्ट्रिय ध्वजावाहक नेपाल वायुसेवा निगम (नेपाल एयरलाइन्स) ले भारतको नयाँ दिल्लीमा उडान थप गरेको छ । भारतीय वायुसेवा प्रदायक कम्पनी जेट एयरले काठमाडौँ उडान स्थगित गरेका कारण निगमले दिल्ली उडान थपेको हो । निगमले आगामी वैशाख १८ (मे १ देखि) काठमाडौँ नयाँदिल्ली सातामा १४ उडान भर्ने जनाएको छ । उक्त गन्तव्यमा अहिले निगमले सातामा ११ उडान भर्दै आएको छ । यात्रुको सुविधाका लागि व्यावसायिक योजनाअन्तर्गत दिल्ली उडान थापिएको निगमका सहायकप्रवक्ता नवराज कोइरालाले राससलाई जानकारी दिए । आर्थिक समस्याका कारण जेट एयरले एक साताअघि काठमाडौँ–दिल्ली उडान बन्द गरेको थियो । जेट एयरको उडान बन्द भएपछि निगमले यात्रुको सहजतालाई दृष्टिगत गर्दै उडान वृद्धि गरेको हो ।यसअघि निगमले ‘न्यारो बडी’ र वाइड बडी जहाजबाट दिल्ली उडान गर्दै आएकामा वैशाख १८ गतेदेखि रातिको उडान भने वाइड बडी जहाजबाटै गर्ने जनाएको छ । “व्यवसायिकतासँगै यात्रुको सहजताका लागि दुबै ‘वाइड बडी’ जहाजबाटै दिल्ली उडान गर्दैछौ, ‘वाइड बडी’ उड्दा २७४ यात्रु र समान आउने जाने हुन्छ, जुन ‘न्यारो बडी’ (१५८ सिट क्षमता०)को दोबर यात्रु एउटै ‘वाइड बडी’ले बोक्ने भएकाले सबै उडान ‘वाइड बडी’ मार्फत नै गर्न लागेका हौँ,”–सहायक प्रवक्ता कोइरालाले भने । निगमले हाल भारतकै मुम्बई र बैङ्लोरमा सातामा तीन उडान भर्दै आएको छ भने अन्य आठ मुलुकमा पनि अन्तर्राष्ट्रिय उडान भर्दै आएको छ । केही महिनाभित्रै जापानको ओसाकाका लागि पनि उडान गर्ने तयारी गरेको छ । निगमसँग अन्तर्राष्ट्रिय उडानका लागि एक ‘बोइङ’–७५७, दुई ‘न्यारो बडी’ र दुई ‘वाइड बडी’ जहाज छन् । रासस
साँखुमा प्रभु बैंकको नयाँ शाखा बिस्तार
काठमाडौँ । प्रभु बैंक लिमिटेडले काठमाण्डौ जिल्ला शंखरापुर नपा वडा नं. ७ स्थित साँखुमा शाखा कार्यालय बिस्तार गरी कारोवार शुरु गरेको छ । उक्त शाखाको शंखरापुर नपाका मेयरसुवर्ण श्रेष्ठले उद्घाटन गरे । बैंकको साँखु शाखा कार्यालय उद्घाटन कार्यक्रमको अवसरमा विभिन्न सरकारी कार्यालयका प्रतिनिधिहरु, विभिन्न राजनीतिक दलका प्रतिनिधिहरु, उद्योग वाणिज्य संंघका पदाधिकारीहरु, विभिन्न संघ संस्थाका प्रतिनिधिहरु, स्थानीय व्यापारी, बुद्धिजिवी लगायत ठूलो संख्यामा सर्वसाधारणहरुको उपस्थिति रहेको थियो । कार्यक्रमका प्रमुख अतिथि तथा शंखरापुर नगरपालिकाका मेयर श्रेष्ठले प्रभु बैंकले शाखा सञ्जाल विस्तार गर्दै स्थानीय तहका विभिन्न गाउँपालिका तथा नगरपालिकाहरुमा बैंकिङ्ग पहुँच भन्दा बाहिर रहेका सर्वसाधारणहरुलाई सहज, सरल एवम् गुणस्तरीय बैंकिङ्ग सेवा उपलब्ध गराउन लागेकोमा प्रंशसा गरे । उक्त कार्यक्रममा प्रभु बैकका प्रमुख कार्यकारी अधिकृत अशोक शेरचनले बैकले कृषि, उद्योग र पर्यटन क्षेत्रमा लगानी बढाउने उद्देश्यका साथ बिभिन्न सहुलियतपूर्ण कर्जाहरु प्रदान गर्दै आइरहेको हुँदा कृषि, उद्योग र पर्यटनको प्रचुर संभावना बोकेको साँखु क्षेत्रका स्थानीय बासिन्दाहरुलाई यस बैकबाट प्रदान गरीने बिभिन्न कर्जा सुविधा लगायतका अन्य अत्याधुनिक सेवाहरु उपभोग गरी लाभ लिन आग्रह गरे ।
गोर्खा इको प्यानलको १४ औं डिलर धनगढीमा
काठमाडौं । गोर्खा इको प्यानलको अधिकृत विक्रेता कैलालीको धनगढीमा पनि राखिएको छ । अप्सन बिल्डर्स प्रालि धनगढी कैलालीलाई १४ औं डिलरको रुपमा राखिएको हो । गोर्खा इको प्यानलका प्रमुख कार्यकारी अधिकृत (सीईओ) ईन्जिनियर कृष्णभक्त दुवालले अप्सन बिल्डर्स प्रालिका प्रोपाइटर डम्वर शाहीलाई राखेर एक समारोहबीच आधिकारिक डिलर घोषणा गरिदिएको हो । गोर्खा इको प्यानल आधुनिक निर्माण सामाग्री हो । बाहिरी तथा भित्री पार्टेशन वाल (पर्खाल) को रुपमा इटाको विकल्पको रुपमा यसको प्रयोग हुन्छ । यसको प्रयोगबाट तीव्र निर्माण सम्भब हुन्छ । किनकि यो पहिला नै कारखानामा निर्माण सम्पन्न गरी निर्माणस्थलमा जोडे मात्रै हुन्छ । यो आईएसओ ९००१ः२०१५ चिन्ह प्राप्त कम्पनी हो । यसका डिलरहरु देशभरि फैलिसकेका छन् । पूर्वमेचीदेखि पश्चिम महाकालीसम्म गरी हालसम्म यसका १४ वटा डिलरहरु भएको कम्पनीले जनाएको छ । १५ औ डिलर सन्धीखर्कमा हुन लागेको कम्पनीले जनाएको छ । नेपालमै पहिलो पटक उत्पादित उत्पादित गोर्खा इको प्यानलको मुख्य कर्पाेरट कार्यालय भक्तपुरको मध्यपुर थिमि राधेराधे नजिकै छ । यसको कारखाना भने भक्तपुरको चाँंगुनारायण नगरपालिका हनुमानचामा छ । यसका उत्पादनहरु हिमाल, तराई, पहाड सवैतिरको निर्माणमा प्रयोग भइरहेका छन् ।
रसुवागढीको आईपीओमा लगानीकर्ताको आकर्षण, दुई दिनमा कति पर्यो आवेदन ?
काठमाडौं । रसुवागढी हाइड्रोपावर कम्पनीले निष्काशन गरेको आईपीओमा हालसम्म ५८ करोड ३६ लाख ४६ हजार रुपैयाँको आवेदन परेको छ । बिक्री प्रबन्धक सिद्धार्थ क्यापिटलका अनुसार आइतबार साझ ५ बजेसम्म ९३ हजार ८८ जनाले उक्त आईपीओमा आवेदन दिएका छन् । हाइड्रोले आईपीओ निष्काशन गरेको दोश्रो दिन अर्थात आइतबारसम्म कुल ५८ लाख ३६ हजार कित्ता आवेदन परेको क्यापिटलले जनाएको छ । जुन कूल निष्काशित सेयरको ६२.४९ प्रतिशत हो । कम्पनीले वैशाख ६ गतेदेखि ९३ लाख ३९ हजार ४६७ कित्ता सेयरको बिक्री खुला गरिरहेको छ । इच्छुक लगानीकर्ताले छिटोमा आगामी मंगलबार अर्थात वैशाख १० गते बैंकिङ समय भित्र आवेदन दिन सक्नेछन् । रसुवागढी हाइड्रोपावरको आईपीओमा पहिलो दिन कति पर्यो आवेदन ? रसुवागढी र साञ्जेनको आईपीओ आजदेखि, कुन कम्पनीको कति-कति भर्ने शेयर ?
नेपाल मेडिसिटी अस्पतालका स्वाथ्यकर्मीद्वारा यातायात मजदुरको स्वास्थ्य परीक्षण
काठमाडौँ । ललितपुरमा रहेको नेपाल मेडिसिटी अस्पतालले वैशाख ८ गते विभिन्न स्थानमा स्वास्थ्य शिविर सञ्चालन गरेको छ । ललितपुरको लगनखेलमा चालक तथा सहचालकहरुको स्वास्थ्य परीक्षण गरिएको छ । नेपाल यातायात स्वतन्त्र मजदुर संगठनको आयोजनामा नेपाल मेडिसिटीको मेडिकल टोलीले यातायात मजदुरहरुको स्वास्थ्य परीक्षण गरेको हो । शनिबारदेखी लगनखेल बसपार्कमा यातायात श्रमिकहरुका लागि आयोजित निःशुल्क स्वास्थ्य परीक्षण कार्यक्रममा २ दिनमा ५ सय भन्दा बढीको उपचार गरिएको छ । शनिबार र आइतबार नै नेपाल मेडिसिटीका महाप्रबन्धक बिजय रिमाल सहितको प्राविधिक समूहले मजदुरहरुको स्वास्थ्य जाँच गरेको हो । यातायात श्रमिकहरुमा स्वास्थ्यबारे सचेतना कम हुँदा रोगको उच्च जोखिम रहेको र सडक दुर्घटना समेत हुने गरेकाले यातायातश्रमिक स्वास्थ्य परिक्षण राष्ट्रिय अभियान अन्तरगत लगनखेलमा कार्यक्रम सञ्चालन गरिएको नेपालयातायात स्वतन्त्रमजदुर संगठनका अध्यक्ष भीम ज्वाला राईले जानकारी गराए । यस्तै, इष्टरका अवसरमा ललितपुर क्रिष्टियन कमिटीले आयोजना गरेको इष्टर सण्डे र्यालीमा नेपाल मेडिसिटी अस्पतालले निःशुल्क स्वास्थ्य परीक्षण कार्यक्रम सञ्चालन गरेको छ । विभिन्न स्थानबाट निस्किएको ¥याली जावलाखेल पुगी कोणसभामा परिणत भएको थियो । त्यस्तै, किर्तिपुरको वडा नम्बर १ मा पनि आइतबार नै नेपाल मेडिसिटी अस्पतालले निःशुल्क स्वास्थ्य परीक्षण कार्यक्रम सञ्चालन गरेको छ । किर्तिपुर वडा नम्बर १ का अध्यक्ष हर्ष महर्जनको उपस्थिति र किर्तिपुरका स्वास्थय संयोजक फत्तेमान मानन्धर सहभागी रहेको कार्यक्रममा स्वास्थ्य बीमाबारे विशेष जनचेतना अभिवृद्धि तथा छिमेकी सहुलियत कार्ड वितरण गरिएको जनाइको छ ।
३२ अंकले बढेको नेप्सेमा आधा दर्जन कम्पनीको बोलवाला, बजारको वृद्धि कति स्वाभाविक ?
काठमाडौं । साताकाे पहिलाे दिन नेपाल स्टक एक्सचेञ्ज (नेप्से) परिसूचक ३१.८९ अंकले बढ्यो । आइतबार २.५९ प्रतिशतकाे बजार वृद्धिको मुख्य हिस्सा बैंकिङ समूह रह्यो । २७ ओटा वाणिज्य बैंक रहेको उक्त उपसमूह ४५.४९ प्रतिशतले बढ्यो जुन ४.१ प्रतिशत बढी हो । नेप्से ३२ अंकले बढे पनि ११ ओटा उपसमूहमध्ये २ ओटाको परिसूचक घटेको छ भने ३ ओटा उपसूचकको एक प्रतिशत भन्दा कम मूल्य वृद्धि हुँदा ४ ओटा सूचकको मूल्य १ देखि २ प्रतिशतले भएको छ । तर बैंकिङ समूहमात्रैको मूल्यवृद्धि ४ प्रतिशत माथि पुगेको छ जुन अन्य उपसूचकको भन्दा दोब्बर भन्दा बढी प्रतिशतको बढोत्तरी हो । बैंकिङ परिसूचकभित्रकै वृद्धिलाई नियाल्ने हो भने पनि त्यसभित्र रहेका २७ ओटा कम्पनीको शेयरमूल्यको उतारचढावमा एकरुपता देखिँदैन । आजको बजारमा यो उपसूचकमा पर्ने कम्पनीमध्ये २ ओटाले मूल्य गुमाएको अवस्था छ भने १७ ओटा कम्पनीको मूल्य औसतभन्दा कम प्रतिशतले बढेको छ । नबिल, एभरेष्ट, बैंक अफ काठमाण्डू, हिमालयन, एसबिआई, स्ट्याण्डर्ड चार्टर्ड र कुमारी बैंक गरी ७ ओटा कम्पनीको मात्रै ६ प्रतिशतभन्दा बढीले मूल्य बढेको छ । ६ प्रतिशत माथि बजार मूल्य वृद्धि भएका कम्पनीमध्ये कुमारी बैंकबाहेक अन्य सबै बजार पुँजीकरण ठूला मानिएका कम्पनीहरु हुन् । बढी बजार पुँजीकरण रहेका कम्पनीमा लगानी सुरक्षित (जोखिम कम) हुने भएकाले लगानीकर्ताहरुको यी कम्पनीहरुमा बढी आकर्षण देखिएको हो । पहिले नै बजारमा राम्रो तरिकाले स्थापित भइसकेकाले यी कम्पनीहरुमा स्थिर लाभांश भुक्तानीहरूको सम्भावना रहन्छ। यी लाभांशहरूले लगानीकर्ताहरूलाई राम्रो रिटर्नहरू दिन सहयोग पुग्नेछ । गत साता मार्वाडी समूह बजारमा प्रवेश भएकाले सोही समूहका बैंकहरुको बढी कारोबार भएको बजारमा हल्ला चलेको थियो । बीमा कम्पनीकाे लगानी क्षेत्रकाे दायरा फराकिलाे भएपछि ती कम्पनीहरु पनि तुलनात्मक रुपमा बलिया कम्पनीहरुमा आकर्षित भएर शेयर किन्न थालेको समेत बताइन थालिएको छ । तर यस मात्र नभएर बजारमा सेयर किनबेच गर्नेबीच उल्लेख्य बार्गेनिङ भएकाले सेयर कारोबारको रकम बढिरहेको छ । यसले बजारमा थप सुधार ल्याउने संकेत गरेको छ । आइतबार बढी कारोबार गर्ने १० कम्पनीमा १० वटै वाणिज्य बैंकहरु परेका छन् । सो मध्ये सबैभन्दा बढी नेपाल बैंकको १४ करोड ८० लाख रुपैयाँ बराबरको सेयर कारोबार भएको छ । बैंकको सोमबार वैशाख ९ गते बुक क्लोज गर्दै छ त्यसैले आइतबार यस कम्पनीको बढी सेयर किनबेच भएको हो । सेयर बजारमा उछालः नेप्से ३१ अंकले बढ्दा कारोबार रकमले एक अर्ब नाघ्यो
