मोबाइल मेलामा भिडसँगै थपिए अफर, मोबाइल किन्दा १ लाखको बीमा
काठमाडौं । राजधानीका तीन स्थानमा एकै पटक सञ्चालन भैरहेको मनसुन मोबाइल मेगा अफरमा मोबाइल किन्नेको भिड लागेको छ । सेवाग्राहीको चाहनालाई ध्यानमा राखेर झण्डै आधादर्जन अफरहरु थप गरिएको हो । एउटा मोबाइल किन्दा अर्को मोबाइल निशुल्क पाउने यस अघिको योजनामा मोबाइलका ४ मोडलहरु थप गरिएको छ । यसका साथै हरेक मोबाइलको खरिदमा १ लाख रुपैंयासम्मको जीवनबीमा, निशुल्क सिनेमा टिकट लगायतका अफरहरु थपगरिएको छ । ६ सय ५० रुपैंयामा मोबाइल किन्नेहरु पनि उल्लेखित अफरमा सहभागि हुनेछन् । चबहिल चुच्चेपाटी स्थित के एल मोबाइल हब, दरबार मार्गस्थित मर्कन्टाइल प्लाजाको पहिलो तल्लामा रहेको एप्पल वल्र्ड मोबाइल तथा सिटिसि मल सुन्धाराको भुई तल्लामा रहेको सिटिसी मोबाइल हबमा जारी मोबाइल मेलामा उल्लेखित अफरहरु थप गरिएको हो । मेलाअवधिमा एउटा मोबाइल किन्दा अर्को मोबाइल सित्तैंमा पाइने अफर आईमार्स मिल्की वे एम २, आई मार्स भि सन ६, नुबिया जेट मिनी १७, जेट १७मिनी एस्, जेट १७लाईट,नुबिया भि १८ लगायतमोडलका मोबाइलको हकमा लागू हुनेछ । १५हजार ९ सय ९९ रुपैंयामा २ वटा सेट खरिद गर्न सकिने आईमार्स मिल्की वे एम टू मा२ वटा सिमकार्ड, ओ एस एण्ड्रोइड ८.१ भर्सन, ३२ सय एमएएचको व्याट्री, ५ दशमलव ४५ इञ्चकोस्क्रीन, ८ मेगापिक्सेलको फ्रण्ट क्यामेरा तथा १३ मेगापिक्सेलको रियर क्यामेरा, २ जीबी र्याम तथा १६ जीबी स्टोरेज छ । १० हजार ४ सय ९९ रुपैंयामा २ वटा सेट खरिद गर्न सकिने आईमार्स भि सन ६ मोबाइलमा एण्ड्रोइड ७, ५ इञ्चको एचडी आईपीएस स्क्रीन१ जीबी र्याम, १६ जीबी स्टोरेज, २२०० एमएएचको व्याट्री छ । नुबिया ब्राण्डको बिशेषता सिडीएमए तथा जिएसएमसिम एकै साथ प्रयोग गर्न सकिन्छ । २८ हजार ९ सय९९ रुपैंयामा २ वटा सेट खरिद गर्न सकिने नुबिया जेड १७मिनीमा ५.२ इञ्चको स्क्रीन, ४ जीबी र्याम, ६४ जीबी स्टोरेज, १६ मेगा पिक्सेलको फ्रण्ट तथा १३ मेगा पिक्सेलको रियर क्यामेरा छ । त्यसै गरी ३६ हजार ९ सय९९ रुपैंयामा २ वटा सेट किन्न सकिने नुबिया जेड १७मिनीएसमा ५.२ इञ्चको स्क्रीन, ६ जीबी र्याम, ६४जीबी स्टोरेजका साथै पछिल्ला एण्ड्रोइड फिचर समावेश गरिएको छ । ३४ हजार ९ सय ९९ रुपैंयामा २ वटा सेट खरिद गर्न सकिने नुबिया जेड १७ लाइटमा ५.५ इञ्चको स्क्रीन, ६ जीबी र्याम, ६४ जीबी स्टोरेज, फंगिरप्रिण्टका साथै आधुनिक फिचर्स छन् । ३१ हजार ९ सय ९९ रुपैंयामा २ वटा सेट किन्न सकिने नुबियाभी १८ मा६ इञ्चको स्क्रीन, ४ जीबी र्याम, ६४ जीबी स्टोरेज, भी७.१ एण्ड्रोइड भर्सन, चार हजार एमएएचको व्याट्री, फिंगरप्रिण्ट सेन्सर लगायतका विशेषता छन् । मेलामा जुनसुकै ब्राण्डका मोबाइल शुन्य प्रतिशत ब्याजदरमा शुन्य प्रतिशत डाउन पेमेन्ट तथा ७० प्रतिशतसम्मको छुटमा किन्न सकिन्छ । पुरानो मोबाइलनयाँ मोबाईल साट्ने व्यवस्था पनि मिलाइएको छ । साथै मोबाइल किन्दा मेरो सुरक्षाको मोबाईल प्रोटेक्सन प्लान र १ लाख बराबरको जीवनबीमा निशुल्क पाउने छन् । मोइबालको खरिदमा आर्कषक उपहारको व्यवथा गरिरेको थियो । साथै गोलाप्रथाबाट प्रत्येक दिन एउटा मोबाइल बितरण गरिने छ । मोबाइल मेला आगामी असार १५ गतेसम्म चल्नेछ ।
सुबिसु भयङ्कर अफर लक्की ड्रमा हेमन्ती शाहले जितिन् स्मार्ट टिभी
काठमाडौँ । सुबिसु केबलनेट प्रालिले सुबिसु भयङ्कर अफर अन्तर्गत लक्कि ड्रमा बम्पर प्राइजको रुपमा भद्रपुरकी हेमन्ति शाहले ४० ईन्चको टिभी जितेकी छिन् । कम्पनीले १४ औं हप्तासम्म गरेको लक्कि ड्रमा आफ्ना सक्रिय ग्राहाकहरु मध्ये १४० जना भाग्यशाली ग्राहाकहरुले क्लियर टिभि तथा इन्टरनेट सेवामा तीन महिनाको निःशुल्क सेवा प्राप्त गरेका छन् । १५औं तथा अन्तिम हप्तामा बम्पर प्राइजको लागि गरिएको लक्कि ड्र अन्तर्गत हेमन्ति शाहले ४० इञ्चको स्मार्ट टीभी हात पार्न सफल भएको कम्पनीले जनाएको छ ।
ग्लोबल आइएमईका ग्राहकलाई सुमेरु अस्पतालमा १० प्रतिशत छुट
काठमाडौँ । ग्लोबल आइएमई बैंक लि. र सुमेरु अस्पताल प्रालिबीच अस्पतालले बैंकका ग्राहक तथा कर्मचारीहरुलाई प्रदान गर्ने विभिन्न सेवा तथा सुविधाहरुमा दिइने छुट सम्बन्धी सम्झौता पत्रमा हस्ताक्षर भएको छ । सम्झौता पत्रमा ग्लोबल आइएमई बैंकको कार्ड बिक्रि तथा बजार प्रबद्र्घन विभाग प्रमुख नवीन सुवेदी र सुमेरु अस्पताल प्रालिका निर्देशक दिलिप डंगोलले हस्ताक्षर गरेका छन् । ग्लोबल आइएमई बैंकले आफ्ना ग्राहकहरुलाई बैंकिङ्ग सेवाको अतिरिक्त अन्य सुविधाहरु प्रदान गर्ने उद्देश्यले लामो समयदेखि विभिन्न संघ÷संस्थाहरुसँग समन्वय गरी यस्ता योजनाहरु ल्याउने गरेको जनाएको छ । उक्त सम्झौता पश्चात सुमेरु अस्पताल, धापाखेल, ललितपुरमा उपचार गराउँदा ग्लोबल आइएमई बैंकबाट डेबिट, क्रेडिट, प्रिभिलेज कार्ड लिएका बैैंकका ग्राहक तथा ग्लोबल आइएमई बैंकका कर्मचारीले अस्पतालले प्रदान गर्ने विभिन्न सेवामा १० प्रतिशतसम्म छुट पाउने छन् ।
चढ्ने हैन त नयाँहोण्डा डीआइओ डीएलएक्स ? मूल्य २ लाख ३ हजार
काठमाडौं । नेपालका लागि होण्डा मोटरसाइकल तथा स्कुटरको अधिकृत बिक्रेता र ज्योति ग्रुपको एक अग्रणी कम्पनी स्याकार ट्रेडिङ्ग कम्पनी प्रालिले नेपालमा सर्वाधिक बिक्री हुने डीआइओ स्कुटरको नयाँ मोडेल होण्डा डीआइओ डीएलएक्सलाई नेपाली बजारमा भित्र्याएको छ । समकालीन शहरी डिजाइनमा आधारित होण्डा डीआइओ डीएलएक्समा आकर्षक र स्टाईलिस लुक रहेको छ, जसले आधुनिक स्कुटरहरुलाई पूर्णरुपमा रि-डिफाइन गर्न सफल भएकोे छ । उत्कृष्ट माइलेज भएको १०९ सिसि ईन्जिनयुक्त यस डीआइओ डीएलएक्समा चालकहरुको सहजताका लागि पूर्ण डिजिटल मिटरका साथै इसीओ स्पिड इण्डिकेटर रहेको छ । विभिन्न विशेषताहरुले भरिपूर्ण होण्डा डीआइओ डीएलएक्समा मुख्य आकर्षक विशेषता भनेकोसर्भिस ड्यू इण्डिकेटर रहेको छ, जसले चालकहरु लागि नियमित रुपमा सर्भिसिङ्ग गर्नको लागि स्मरण गराउँछ । मोबाइल चार्जिङ्ग सकेट सहितउपलब्ध यस नयाँ डीआइओ डीएलएक्सको नेपाली मूल्य २ लाख ३ हजार ९ सय रुपैयाँ तोकिएको छ ।
सेवाग्राहीलाई कामनाले डिजिटल वालेट प्रदान गर्दै
काठमाडौं । ‘प्रगतिको आधार कामना सेवासँग कारोबार’ भन्ने मुल नाराका साथ कामना सेवा बैंकले खल्ती (डिजिटल वालेट) प्रदान गर्ने भएको छ । सर्वसाधारणलाई विभिन्न सुविधा प्रदान गर्दै आइरहेको कामना सेवा विकास बैंकले स्पारो पे को खल्ती डिजिटल वालेट सुविधा समेत प्रदान गर्ने भएको हो । बैंकको मोवाईल बैकिङ सेवा लिएका ग्राहकले आफ्नो खातामा भएको रकम मोवाईल बैकिङ मार्फत खल्ती डिजिटल वालेटमा फण्ड लोड गर्ने सुविधा प्रदान गरिएको छ । खल्ती वालेट मार्फत ग्राहकले क्रेडिट कार्डको बिल भुक्तानी, इन्स्योरेन्सको प्रिमियम भुक्तानी, बिद्युत महसुल भुक्तानी, खानेपानी महसुल भुक्तानी, मोवाइल टप अफ गर्ने लगायत अन्य विभिन्न भुक्तानीमा सहयोगी हुने बंैकले जनाएको छ । बैंकले देशका विभिन्न भागहरुमा ९१ वटा शाखा तथा ४३ वटा एटिएम मार्फत ग्राहकलाई आफनो सेवाहरु प्रदान गर्दै आएको छ । साथै बैंकले एविविएस्, एसएमएस् व्याकिङ्ग, मोबाइल व्याकिङ्ग, सी एएसबिए लगायतका माध्यमबाट समेत सम्पूर्ण बैंकिङ्ग सेवाहरु उपलब्ध गराउँदै आएको तथा समय सापेक्ष आफ्ना सेवाहरु थप गर्दै जाने बैंकको योजना रहेको जानकारी दिएको छ ।
गुठी विधेयक खारेजीको माग गर्दै उर्लियो जनसागर (फोटो फिचर)
काठमाडौं । गुठी विधेयक फिर्ता मात्र भई खारेजीको माग गर्दै माइतीघर मण्डलामा विशाल जनसागर उत्रिएका छन् । गुठी विधेयक सरकारले फिर्ताको घोषणा गरेता पनि गुठियारहरुको त्यस विषय प्रति चित्त बुझाएका छैनन् । लामो समयदेखि गुठी विधेयकको विषयमा गुठियारहरुले परम्परागत गुठीको संरक्षण एवं संवद्र्धन विपरित विधेयक ल्याएकोमा असन्तुष्टि व्यक्त गर्दै विरोध जनाउँदै आएका थिए । मंगलबार पत्रकार सम्मेलन गर्दै भुमि व्यवस्था मन्त्री पद्मा अर्यालले गुठी विधेयकमा भएका केहि त्रुटी सुधार गर्नु पर्ने भन्दै सो विधेयक फिर्ता लिएको घोषणा गरेकी हुन् । सो विधेयक फिर्ता लिएर मात्र नभई खारेज गर्नु पर्ने भन्दै उपत्यकाबासीले काठमाडौंको माइतीघरमा दिनभर वृहत प्रदर्शन गरेका छन् । ४० भन्दा बढी गुठीहरुका गुठीयारहरु तर्फबाट सहभागिता जनाएका थिए । उक्त प्रदर्शनले दिनभर काठमाडौं उपत्यकाको यातायात व्यवस्थामा समस्या भएको थियो । हेर्नुहाेस् फोटो फिचर :
सिप्रदी ट्रेडिङ्ग प्रालिले ल्यायो विशेष आर्कषणका साथ मनसुन मेनिया कार्यक्रम
काठमाडौंं । टाटा मोटर्सको आधिकारिक बिक्रेता रहेको सिप्रदी ट्रेडिङ्ग प्राइभेट लिमिटेडले मनसुनको अवसरमा मनसुन मेनिया कार्यक्रम आयोजना गर्ने भएको छ । उक्त कार्यक्रमम ४ गते देखि ८ गते सम्म टाटा मोटर्सको थापाथली स्थित अत्याधुनिक सोरुममा संचालन गर्ने भएको हो । उक्त अवसरमा ग्राहक महानुभावहरुले टाटा मोटर्सका नयाँ तथा अत्याधुनिक डिजाइनका नेक्सन, टियागो, टिगोर, हेग्जा र स्ट्रोम लगायतको गाडीहरु अबलोकन तथा टेष्ट ड्राइभ गर्न र जुनसुकै ब्राण्डका गाडीहरुमा एक्सचेन्जको सुविधा उपलब्ध गराएको छ । कार्यक्रममा नगद छुट, गाडीको एक्सचेन्जमा बिशेष सुविधा, प्रत्येक बुकिङ्गमा स्मार्ट फोन, प्रत्येक गाडीको मुल्याङ्कनमा इन्धन सुविधा र टेस्ट ड्राइभमा सिनेमाको टिकट लगायतका विशेष आर्कषणहरु रहेका छन ।
७ सय ५३ स्थानीय तहमा ६ सय ५४ होटल, कुन स्तरका कति ?
काठमाडौ । संघीय नेपालको ७ सय ५३ स्थानीय तहमा कुल ६ सय ५४ होटल दर्ता भएका छन् । पर्यटन विभागका अनुसार ५ तारे होटलदेखि पर्यटक स्तरका होटल दर्ता भएका हुन् । नेपालको विभिन्न स्थानमा घुम्न जाने स्वदेशी र विदेशी पर्यटक तारे होटलदेखि सामान्य होटलसम्म रम्दै आएको पर्यटन विभागले जनाएको छ । विभागका अनुसार होटल दर्ता हुने क्रम बढिरहेको छ । विभागका निर्देशक सुरेन्द्र थापाका अनुसार देशभरी कै तथ्याङ्क हेर्दा होटल संख्या ६ सय ५४ पुगेको हो । कुन प्रदेशमा कति छन् ५ तारे होटल ? नेपालमा हाल १४ वटा पाँच तारे होटल रहेका छन् । ती मध्ये २ वटा भने सञ्चालनमा रहेका छैनन् । कुल संख्या मध्येमा प्रदेश नम्बर १, २, कर्णाली र सुदूरपश्चिम प्रदेशमा मा पाँच तारे होटल छैनन् । यस्तै, प्रदेश नम्बर ३ मा ९, गण्डकी प्रदेशमा २ र ५ नम्बर प्रदेशमा ३ वटा रहेका छन् । ४ तारेको संख्या कति ? ४ तारे होटलको संख्या १० वटा रहेको छ । प्रदेश नम्बर १ र कर्णालीमा ४ तारे होटल छैनन् । प्रदेश नम्बर २ मा १, प्रदेश नम्बर ३ मा ४, गण्डकी प्रदेशमा १, ५ नम्बर प्रदेशमा ३ वटा र सुदुर पश्चिम प्रदेशमा एउटा मात्रै छ । ३३ वटा छन् ३ तारे ३ तारे होटलको संख्या भने ३३ वटा छ । प्रदेश नम्बर १ मा २ वटा, प्रदेश नम्बर २ मा १ वटा, प्रदेश नम्बर ३ मा २४ वटा, गण्डकी प्रदेशमा २ वटा, प्रदेश नम्बर ५ मा ४ वटा छ । कर्णाली र सुदूरपश्चिम भने ३ तारे होटल एउटापनि छैन । कर्णाली र सुदूरपश्चिममा छैनन् २ तारे नेपालमा २ तारे होटलको संख्या सबैभन्दा बढी छ । हालसम्म २ तारे होटको संख्या ४३ वटा छ । सो मध्ये प्रदेश नम्बर १ मा १ वटा, प्रदेश नम्बर २ मा ३ वटा, प्रदेश नम्बर ३ मा २७, गण्डकी प्रदेशमा १० र ५ नम्बर प्रदेशमा २ वटा छन् । कर्णाली र सुदूरपश्चिम भने २ तारे होटलको संख्या शून्य छ । ६ वटा प्रदेशमा छन् १ तारे, कर्णालीमा छैन हालसम्म १ तारे होटलको संख्या ३४ वटा छ । प्रदेश नम्बर १ मा १ वटा, प्रदेश नम्बर २ मा २ वटा, प्रदेश नम्बर ३ मा २४ वटा, गण्डकी प्रदेशमा २ वटा, प्रदेश नम्बर ५ मा ४ वटा र सुदुर पश्चिम प्रदेशमा एउटा छ । कर्णाली प्रदेशमा भने १ तारे होटल नभएको पर्यटन विभागले जनाएको छ । पर्यटक स्तरका होटल २० वटा नेपालमा पर्यटक स्तरका साधारण होटलको संख्या भने ५ सय २० वटा रहेको छ । प्रदेश नम्बर १ मा ९ वटा, प्रदेश नम्बर २ मा १ वटा, प्रदेश नम्बर ३ मा ४ सय ९६ वटा, गण्डकी प्रदेशमा ९ वटा, ५ नम्बर प्रदेशमा ४ वटा, र कर्णाली प्रदेशमा एउटा छ । पर्यटक स्तरको होटल सुदुरपश्चिममा भने छैन ।
