विकासन्युज

उपत्यकामा माछापुच्छ्रे बैंक र प्रहरीको सहकार्यमा हात धुने व्यवस्था

काठमाडौं । माछापुच्छ्रे बैंक र महानगरिय प्रहरी कार्यालयको संयुक्त पहलमा काठमाडौंका विभिन्न स्थानमा साबुन पानीको व्यवस्था गरिएको छ । यससँगै काठमाडौं तथा भक्तपुरका १६ स्थानहरुमा हात धुन पाइने भएको छ । बैंकले आईतबारदेखि काठमाडौंको अत्यन्त भिडभाड हुने स्थान नयाँ बानेश्वर चोकमा ५००० लिटरको पानी ट्याङ्की तथा साबुन/स्यानिटाईजरको व्यवस्था गरेको हो । आइतबार बिहान बानेश्वर चोकमा व्यवस्था गरिएको हातधुने ठाउँको महानगरिय प्रहरी कार्यालय रानीपोखरी काठमाण्डौका प्रमुख प्रहरी नायव महानिरिक्षक विश्वराज पोखरे तथा माछापुच्छ्रे बैंकका निमित्त प्रमुख कार्यकारी अधिृकत सन्तोष कोइरालाले संयुक्त रुपमा उद्घाटन गरेका हुन् । अत्यावश्यक कामका लागि बाहिर निस्किने आम नागरिकको स्वास्थ्यलाई ध्यानमा राख्दै बैंकले बानेश्वर चोक लगायत काठमाडौं तथा भक्तपुरका अत्यन्त भिडभाड हुने प्रमुख १६ स्थानहरुमा हात धुने ठाउँको व्यवस्था गरेको हो । हाल विश्वभरका अधिकांश देशमा देखिएको कोरोना भाईरसको संक्रमणबाट बच्नको लागि साबुन पानीले हात धुन अनुरोध गर्दै बैंकले काठमाडौंका विभिन्न स्थानमा साबुन पानीको व्यवस्था गरेको हो । विश्वका अधिकांश देशमा महामारीको रुपमा देखा परेको कोरोना भाईरसको संक्रणबाट बच्नको लागि साबुन पानीले हात धुनु अनिवार्य रहेको तथा काम विशेषले बाहिर निस्किने नागरिकको लागि सबै सार्बजनिक स्थानमा हात धुन सम्भब नहुने हुँदा बैंक तथा महानगरिय प्रहरी कार्यालयले आम नागरिकको स्वास्थ्यलाई ध्यानमा राख्दै उक्त व्यवस्था गरेको हो । बैंकिङ्ग क्षेत्र अत्यावश्यक क्षेत्र अन्तगर्त पर्ने भएको हुँनाले माछापुच्छ्रे बैंकले आफ्नो मुख्य कार्यालय लगायत सम्पूर्ण शाखा कार्यालयहरुमा ग्राहकहरुको स्वास्थ्यलाई मध्यनजर गर्दै पर्याप्त स्यानिटाईजरको व्यवस्था गरेको छ । बैंकले अत्यावश्यक बाहेकका अन्य कामको लागि सकेसम्म बाहिर ननिस्किन आग्रह गर्र्दै बैंकिङ्ग कारोबारका लागि बैंकले प्रदान गर्दै आइरहेका विभिन्न डिजिटल भुक्तानीका माध्यमहरुको उपयोग गर्न सबैंमा आग्रह गरेको छ । साथै, बैंकले प्रदान गर्दै आइरहेका डिजिटल भुक्तानीका माध्यमहरुबाट कारोबार गर्दा कुनै पनि शुल्क नलाग्ने हुदाँ नगद कारोबारलाई कम गर्न समेत सम्पूर्ण ग्राहकहरुमा आग्रह गरेको छ ।

अब देशभरका होटल र विद्यालयलाई क्वारेन्टाइन बनाइने

विश्वरभर कोरोना भाइरस (कोभिड १९) को संक्रमण बढ्दै गएको बेला नेपाल सरकारले पनि उचित सतर्कता अपनाइरहेको छ । हालसम्म नेपालमा कोरोना भाइरसको संक्रमण नदेखिएपनि सरकारले पूर्व तयारी भने तीव्र रुपमा भइरहेकाे छ ।नागरिकमा कोरोनाको त्रास बढिरहेको बेला सरकारले विभिन्न होटल र विद्यालयहरुलाई क्वारेन्टाइन बनाउने तयारी गरिरहेको छ । विभिन्न होटल सञ्चालकहरुले आफ्ना होटललाई क्वारेन्टाइनको रुपमा दिन सहमत भएपछि सरकरले पनि त्यसको लागि तयारी गरिरहेको हो । शनिबार बसेको कोरोना रोकथामका लागि उच्चस्तरीय समन्वय समितिको बैठकले देशभर आवश्यकता अनुसार क्वारेन्टाइन बनाउने निर्णय गरेको छ । बैठकले व्यक्तिको घर, विद्यालय र होटलहरु क्वारेन्टाइन बनाउन दिने प्रस्तावलाई पनि स्वीकार गरेको हो । विभिन्न ठाउँका होटल सञ्चालकहरुले होटलहरुलाई क्वारेन्टाइनका रुपमा दिन सक्ने निर्णय गरिसकेका छन् । काठमाडौंका सबै होटल सरकारलाई कोरोना रोकथामका लागि आवश्यक परे क्वारेन्टाइनका लागि दिने होटल व्यवसायीहरुले निर्णय गरेका छन् । शनिवार होटल  व्यवसायी महासंघको नेतृत्वमा होटल तथा पर्यटन व्यवसायी संघ प्रदेश नम्बर ३ काठमाण्डौ जिल्ला होटल व्यवसायी संघका ९ वटा इकाईका अध्यक्षहरुको आकस्मिक बैठकबाट काठमाण्डौ उपत्यकाभित्र रहेका पर्यटन सम्बद्ध होटलहरुले नेपाल सरकारलाई कोरोना नियन्त्रणका लागि आवश्यक परेको खण्डमा पर्यटन व्यवसायको रुपमा संचालन भइरहेका होटलहरु क्वारेन्टाइन संचालनका लागि प्रदान गर्ने निर्णय गरेका हुन् । बैठकले उपत्यकाबाहिरका अन्य जिल्लाहरुमा सम्बन्धित जिल्ला अध्यक्षहरुसँग समन्वय गरी देशैभर क्वारेन्टाइन संचालनका लागि सहयोग गर्ने निर्णय समेत गरेको छ । होटल व्यवसायी महासंघका अध्यक्ष हिराध्वज शाहले उपत्यका बाहिर पनि सम्बन्धित जिल्ला अध्यक्षहरुसँग समन्वय गरी देशभर क्वारेन्टाइन सञ्चालनमा सहयोग गर्ने निर्णय गरेको बताए । काठमाडौंका होटलहरुमा मात्र ३० हजार कोठा उपलब्ध हुने उनकाे भनाइ छ । यस्तै, ठूला होटलहरुको छाता संगठन होटल संघ नेपालले पनि होटल क्वारेन्टाइनमा दिनको लागि आज साँझ बैठक बस्ने बताएको छ । संघका महासचिव शाजन शाक्यले सरकारले चाहेमा आफुहरु सहयोग गर्ने तयार रहेको बताए । आज त्यसको बारेमा छलफल गर्ने र कसरी जाने भन्ने विषयमा छलफल हुने बताए । व्यवसायीहरुले कोरोनाको त्रासका कारण आफूहरुको व्यवसाय शून्यको अवस्थामा झरेकोमा चिन्ता समेत व्यक्त गरेका छन् । तर, राज्यलाई विपत आएको अवस्थामा आफूहरु सहयोग गर्न तयार रहेको उनीहरूकाे भनाइ छ । यस्तै, प्रेसिडेन्ट ग्रुपले पनि क्वारेन्टाइनका लागि होटलहरू सरकारलाई दिन तयार भएकाे छ । प्रेसिडेन्ड ग्रुपका अध्यक्ष शंकर भण्डारीले एक विज्ञप्ती जारी गरी होटललाई क्वारेन्टाइनका लागि प्रयोग गर्न सरकारलाई दिने घोषणा गरेका हुन् । अध्यक्ष भण्डारीले काठमाडौंमा रहेका प्रेसिडेन्ट होटलका एक सय वटा कोठाहरू क्वारेन्टाइनका लागि सरकारलाई निःशुल्क उपलब्ध गराउने बताएका छन् । अब सरकारले क्वारेन्टाइनमा कडाइ गर्ने भएकाे छ । होम तथा सेल्फ आइसोलेसनमा बस्नुपर्ने व्यक्तिहरु समेत नबसेको पाइएपछि कडाइ गर्ने निर्णय गरेको हो । शनिबारकाे बैठकमा क्वारेन्टाइन तथा आइसोलेसनमा बस्नु पर्नेहरु नबसेको, बिरामीहरू चेकजाँचमा नगएको पाइएपछि सुरक्षाका साथ शंकास्पद व्यक्तिलाई नियन्त्रणमा लिएर क्वारेन्टाइन तथा आइसोलेसनमा राख्ने निर्णय गरेको छ ।

आज ४ बजे मन्त्रिपरिषद्को बैठक बस्दै

काठमाडौं । प्रधानमन्त्री केपी शर्मा ओलीले आइतबार दिउँसो ४ बजे मन्त्रिपरिषद्को बैठक बोलाएका छन् । प्रधानमन्त्री ओलीले मिर्गौला पुनः प्रत्यारोपणपछि आज पहिलोपटक मन्त्रिपरिषद्का बैठक बोलाएका हुन् । फागुन १८ गतेपछि आज पहिलो पटक मन्त्रिपरिषदको बैठक बस्ने लागको हो । उक्त १८ गतेको बैठकले कोरोना संक्रमणको रोकथाम तथा नियन्त्रण उच्चस्तरीय समन्वय समितिको गठन गरेको थियो । आजको बैठकमा यो बीचमा उक्त समितिले गरेको काम कारबाहीको समीक्षा हुने छ । बैठकले कोरोनाको उच्च जोखिमलाई मध्यनजर गर्दै केही महत्वपूर्ण निर्णय लिने बुझिएको छ ।

द ब्रिटिस कलेजले अनलाइनबाटै पढाउन थाल्याे

काठमाडौं । काठमाडौं थापाथलीस्थित द ब्रिटिस कलेजले अनलाईन कक्षा संचालनमा ल्याएको छ । विश्वव्यापी रुपमा फैलिइएको कोरोना भाइरस (कोभिड-१९)को संक्रमणको कारण कलेजले आइतबारबाट अनलाईन कक्षाहरु संचालनमा ल्याएको हो । कलेजले विद्यार्थी तथा कर्मचारीहरुको सुरक्षालाई ध्यान दिँदै उक्त निर्णय गरि कार्यान्वयनमा ल्याएको जानकारी दिएको छ । नेपाललाई विश्व स्वास्थ्य संगठनले पनि कोरोना भाइरसको संक्रमणको उच्च जोखिममा रहेको राष्ट्रको रुपमा लिएको तथा नेशनल हेल्थ सर्भिस (यूके) र नेपाल सरकारले समेत सतर्कता अपनाउन निर्देशन दिएसँगै कलेजले अनलाइन कक्षा गर्ने निर्णय कार्यान्वयनमा ल्याएको हो । विद्यार्थी तथा शिक्षकहरु कक्षाकोठामा उपस्थित नभए पनि पठनपाठनमा कुनै प्रभाव नपर्ने कलेजले बताएको छ । यसको लागि प्रध्यापकहरुले विद्यार्थीहरुलाई अनलाईन प्लेटफर्ममार्फत कक्षा दिनेछन् । साथै विद्यार्थीहरुको सेवाको लागि कलेजका हरेक शाखाको हटलाइन नम्बरहरु संचालनमा रहेका छन् । उपलब्ध भएका हरेक शाखाका हटलाइन नम्बरसँगै इमेल, ह्वाट्स एप तथा भाइबरबाट समेत विद्यार्थीहरुले कलेजबाट पाउने सेवा पाउनेछन् । कलेजले हालको अवस्थाको बारेमा सम्बन्धन लिएका विश्वविद्यालयहरुलाई पनि यसबारेमा जानकारी गराई आगामी दिनमा पठनपाठनलाई सहज बनाउने र विद्यार्थीहरुको पढाइको गुणस्तरमा कुनै कमी हुन नदिने दृढता समेत व्यक्त गरेको छ । साथै कलेजले यस अवस्थालाई सबैले बुझ्न तथा अवस्था अनुकुल हुनेवित्तिकै नियमित पढाईमा फर्कने बताएको छ ।  

चौतर्फी दबाबपछि बुद्ध एयरले घटायो हवाई भाडा, कहाँ जान कति ?

काठमाडौं । चौतर्फी दबाबपछि बुद्ध एयरले हवाई भाडा घटाएकाे छ । सरकारले लामो दूरीका यात्रुवाहक सवारीसाधन सञ्चालनमा १० दिनसम्म रोक लगाएपछि बुद्ध एयरले हवाई भाडा घटाएको हाे । आइतबार बिहान विज्ञप्ती जारी गर्दै हवाई भाडा घटाएको बताएकाे हाे । यात्रुवाहक सवारीसाधनमा रोक लगाएपछि हवाईमार्ग मात्रै यात्राको पहिलो साधन बन्न पुगेकाले नेपाली यात्रुहरुलाई थप सजिलो र राहतका लागि भन्दै भाडादर घटाइएको बुद्धको भनाइ छ । जसअनुसार विराटनगरमा ७ हजार ८ सय ७८ रुपैयाँ लिँदै आएकोमा ५ हजार ५ सय, भैरहवा ४ हजार ९ सय, नेपालगन्ज ६ हजार ३ सय, भद्रपुर ६ हजार २ सय, धनगढी ७ हजार ९ सय, पोखरा ३ हजार ७ सय, राजविराज ४ हजार २ सय रुपैयाँ ताेकेकाे छ । कुन ठाउँ जान कति ?

कैलालीमा शंकास्पद वस्तु बिस्फोट हुँदा एक जनाको मृत्यु

काठमाडाैं । कैलालीमा  बिस्फोट हुँदा एकजनाको मृत्यु भएको छ। जिल्लाकाे गोदावरीमा  जिल्लाको गोदावरी नगरपालिका वडा नम्बर ४ फुलबस्तीमा पितल जस्तो देखिने वस्तु बिस्फोट हुँदा   ४० वर्षीय नरबहादुर बिकको मृत्यु भएको जिल्ला प्रहरी कार्याल कैलालीले जनाएको छ। जंगलमा भेटिएको वस्तु आगोमा तताउँदा पड्किएर उनकाे मृत्त्यु भएकाे प्रहरीले जनाएकाे छ । घटनाकाे विस्तृत जानकारीका लागि ईलाका प्रहरी कार्यालय मालाखेतीबाट प्रहरीकाे टोली घटना स्थलतर्फ प्रस्थान गरेकाे बताइएकाे छ

कोरोनासँग जुध्न आ-आफ्नै प्याकेज, कुन देशले ल्याए कस्तो प्याकेज ?

काठमाडौं । अहिले विश्वभर कोरोना भाइरस ( कोभिड १९) को संक्रमण बढ्दैगएसँगै त्यसको त्रास पनि उतिकै छ । कोरोना भाइरसकै कारण विश्वको अर्थतन्त्र अहिले चौपट भएको छ । नागरिकहरुलाई दैनिक उपभोग्य सामानको गुजारा गर्न पनि समस्या परिरहेको अवस्था छ । यही अवस्थामा विभिन्न देशका सरकारहरुले आफ्ना देशका व्यवसायी, उद्योगी र आम नागरिकहरुका लागि विभिन्न किसिमको प्याकेजको घोषणा गरेका छन् । तर, नेपाल सरकारले भने हाल सम्म उद्योगी व्यवासायी र हाम सर्वसाधारणका लागि त्यस्ता कुनै पनि प्याकेज ल्याएको छैन । आज हामीले कुन देशले कस्तो किसिमको प्याकेज ल्याएका छन् भन्ने विषयमा उल्लेख गरेका छौं । भारत भारत सरकारले अहिले सम्म कुनै औपचारिक रुपमा प्याकेजको घोषणा नगरेपनि भातीय प्रधानमन्त्री नरेन्द्र मोदीले आम सर्व साधारणका लागि विभिन्न सहुलियतपूर्ण कार्यक्रमहरु ल्याउने बताइरहेका छन् । यस्तै, भारत सरकारले हवाई क्षेत्रमा चाँडै प्याकेजको घोषणा गर्ने भारतीय मिडीयाहरुले लेखेका छन् । भारतको केन्द्रिय बैंकले आफ्ना ऋणीहरुलाई ब्याजदर क मगर्ने तयारी गरेको छ । चीन कोरोना भाइरसको मुहान चीनको वुहान हो । चीन सरकारले चीनमा कोरोनाको महामारी फैलिएलगत्तै ३ सय ९४ अर्ब डलरको राहत प्याकेज ल्याएको थियो । चीन सरकारले सो रक मभौतिक पूर्वाधारमा खर्च गरेको थियो । यस्तै, चीन सरकारले विभिन्न व्यवसायी उद्योगीहरुलाई बैंकमा ब्याजदर कटौती गरेको थियो भने करको समावधि पनि लम्बयाएको थियो । अमेरिका अमेरिकी सरकारले पनि विभिन्न किसिमको राहत प्याकेज ल्याउने घोषणा गरेको छ । अमेरिकारले यतिबेला संकटकालको घोषणा गरिसकेको छ । अमेरिकी सरकारले एक ट्रीलयन डलरको आर्थिक राहत प्याकेज ल्याएको थियो भने अझैं थप राहत प्याकेज ल्याउने बुझिएको छ । बेलायत बेलायती सरकारले ४ सय अर्ब डलर बराबरको बेलआउट फण्ड ल्याएको छ । बेलायत सरकारले आगामी जुन महिनासम्म कुनै पनि व्यवसायले तिर्नुपर्ने करिब ३० अर्ब पाउण्ड बराबरको भ्याट मिनाहा गरिदिएको घोषणा गरेको छ। बैक अफ इंग्ल्याण्डले आफ्नो टार्गेट रेट घटाएर हालसम्मकै कम ०.१ प्रतिशत कायम गरेको छ। केन्द्रीय बैंकले सस्तो कर्जा कार्यक्रम ल्याएको छ जसकारण बैंकहरुलाई धेरै पैसा दिन सकियोस्फ्रान्स यस्तै कामदार बर्गका लागि राहत प्याकेज ल्याएको छ।बेलायत सरकारले रोजगारी गुमाएका मासिक २ हजार ५ सय पाउण्ड मासिकका दरले तलब पाउने प्याकेज ल्याएको छ । फ्रान्स फ्रान्स सरकराले पनि विभिन्न किसिमको प्याकेजको घोषणा गरेको छ । साना ब्यापार तथा कामदारहरुलाई राहतकालागि ४५ अर्ब यूरोको प्याकेज ल्याएको छ। अष्ट्रेलिया अष्ट्रेलियाको फेड सरकारले १७.६ अर्ब डलरको आर्थिक सहायता प्याकेज ल्याइसकेको छ भने स्कट मोरिसन सरकारले पनि अर्बौं डलरको सेफ्टी नेट प्याकेज ल्याएको छ। त्यसमध्ये २।४ अर्ब डलरको हेल्थ प्याकेज रहेको छ। यसैगरी भिक्टोरिया र क्यापिटल टेरिटोरी बाहेक अन्य सबै राज्यहरुले पनि ४ अर्ब डलरको स्वास्थ्य र आर्थिक सहायताका आफ्ना आफ्ना छुट्टा छुट्टै प्याकेज समेत ल्याएका छन्। अष्ट्रेलियाको केन्द्रीय बैंकले पनि बजारमा प्रत्यक्ष हस्तक्षेप गर्दै संकटकालीन अवस्थामा ब्याजदर कटौती तथा केही सहज बनाउने औजारहरु घोषणा गरिसकेको छ। न्यूजिल्याण्ड न्यूजिल्याण्ड सरकारले पनि १२.१ अर्ब डलरको रेस्क्यू प्याकेज ल्याएको छ। न्यूजिल्याण्डका सरकारले यसबाट प्रभावित सबै क्षेत्रहरु र ब्यापारका लागि समेत सब्सिडी दिनकालागि ५.१ अर्ब डलरको राहत दिएको छ। यस्तै ब्यवसायमा कर कटौती तथा क्यास फ्लोलाई ध्यानमा राखी २.८ अर्ब डलरको प्याकेज ल्याएको छ। टर्की टर्की सरकारले पनि विभिन्न किसिमका राहत प्याकेज ल्याएको छ । टर्की सरकराले कोरोना भाइरसको संज्ञmमणका समयमा १५.३ अर्ब डलरको प्याकेज घोषणा गरिसकेको छ । टर्की सरकारले उक्त प्याकेजमा कर, बीमालगायतका विषयहरु समावेश गरेको छ । यस्तै उसले सामाजिक सुरक्षा र बीमाको भुक्तानीहरु, रिटेल बिजनेस, आइरन तथा स्टिल, लजिस्टिक, खाद्यान्न, सिनेमा, टेक्साइल र होटल बिजनेसहरु पनि आगामी ६ महिनाको लागि बन्द गरेको छ। यसैगरी उसले एयरलाइन्सहरुका लागि भ्याट १८ प्रतिशतबाट घटाएर १ प्रतिशतमा झारेको छ। ब्यापारीहरुले सरकारी बैक हल्क बैंकबाट लिएको ऋण तिर्नकालागि ३ महिना समय दिएको छ। इटाली इटाली सरकारले ४९ अर्ब डलरको राहत प्याकेज दिएको छ। उसले कम्पनी तथा कामदारहरुलाई सहयोग गर्न यो राहत प्याकेज ल्याएको जनाएको छ। जापान जापान सरकारले ४ अर्ब डलरको प्याकेज घोषणा गरेको छ। यो प्याकेज साना र मध्यमस्तरका कम्पनीहरुमा लक्षित छ। सरकारले भाइरसका कारण प्रभावित साना उद्योग तथा फर्महरुलाई बिना ब्याजदर नै रकम उपलब्ध गराउने भएको छ। जर्मनी जर्मन सरकारले क पनि ६०८ अर्ब डलरको राहत प्याकेज घोषणा गरेको छ । जर्मन सरकराले ब्यापार ब्यवसायलाई असिमित कर्जा उपलब्ध गराउने जनाएको छ। जर्मन सरकारले वयवसायीलाई व्याजमा कटौती र करको समावधि पनि बढाएको छ । (अन्तर्राष्ट्रिय सञ्चार माध्यको सहयोगमा)

अस्ट्रेलिया सरकारले गर्याे ४० अर्ब डलरको राहत घोषणा

सिड्नी । अस्ट्रेलिया सरकारले कोरोनाभाइरसको महामारीबाट भएको आर्थिक क्षतिलाई न्यूनीकरण गर्न ३८ अर्ब अमेरिकी डलरको राहत योजना सार्वजनिक गरेको छ । सरकारले भाइरस फैलिन नदिन आमनागरिकलाई देशभित्रै गरिने यात्रा र घुमफिरलाई पनि केही समय रद्द गर्न आग्रह गरेको छ । अस्ट्रेलियाका अर्थमन्त्री जस फ्राइडेनबर्गले आइतबार घोषणा गरिएको ६६ अर्ब अस्ट्रेलियन डलर समेत कूल एक खर्ब ८९ अर्ब अस्ट्रेलियन डलर मुलुकको अर्थव्यवस्था सुधारका लागि खर्च गरिने बताएको छ । यो रकम कूल गार्हस्थ्य उत्पादनको करिब १० प्रतिशत हो । अर्थमन्त्री फ्राइडेनबर्गले यो विशिष्ट परिस्थितिलाई सम्बोधन गर्न यस्तै विशिष्ट कदम चाल्नुको विकल्प नरहेको जानकारी दिए । उनले पछिल्लो राहत घोषणाले लाखौं अस्ट्रेलियाली नागरिकमा आशाको सञ्चार गराउने विश्वास व्यक्त गरे । सरकारको योजना अनुसार साना व्यवसाय र गैर नाफामूलक संस्थाहरुले एक लाख अस्ट्रेलियाली डलरसम्म अनुदान प्राप्त गर्नेछन् भने बेरोजगारको भत्तालाई दोब्बर बनाइने तथा निवृत्तीभरण प्राप्त गर्नेहरुलाई थप ७ सय ५० अस्ट्रेलियाली डलर नगद दिइनेछ । अर्थमन्त्री फ्राइडेनबर्गले आर्थिक क्षति १० दिनअघि सोचिए भन्दा निकै व्यापक रहेको पनि बताए। कोरोनाभाइरसका कारण मुलुकको अर्थव्यवस्था विगत २९ वर्षदेखिको लगातार प्रगतिपश्चात पहिलो पटक मन्दीको अवस्थामा पुग्ने खतरा रहेको छ । अस्ट्रेलियामा कोरोनाभाइरसबाट संक्रमित व्यक्तिको संख्या १ हजार ३ सय पुगेको छ भने ७ जनाको मृत्यु भएको छ । अस्ट्रेलियाका प्रधानमन्त्री स्कट मरिसनले भाइरस प्रसार हुन नदिन अन्तर्राष्ट्रिय हवाई उडानमा प्रतिबन्धहरु लगाउनुका साथै गैर अस्ट्रेलियालीलाई देश प्रवेशमा रोक लगाएको छ । रासस/एएफपी