राष्ट्रपतिबाट बेलायती प्रधानमन्त्रीकाे स्वास्थ्यलाभको कामना
काठमाडौं । राष्ट्रपति विद्यादेवी भण्डारीले टेलिफाेन मार्फत बेलायती प्रधानमन्त्रीकाे स्वास्थ्यलाभको कामना गरेकी छन् । उनले संयुक्त अधिराज्यकी महारानी एलिजाबेथ द्वितीयालाई टेलिफोन सम्पर्क गरी कोरोना भाइरस सङ्क्रमित भई उपचाररत प्रधानमन्त्री बोरिस जोन्सनको शीघ्र स्वास्थ्यलाभको कामना दिएकी हुन् । राष्ट्रपति भण्डारीले नेपाल बेलायतबीच विद्यमान करीब दुई सय वर्षको सम्बन्ध स्मरण गर्दै विश्वमा महामारीका रुपमा फैलिएको कोभिड–१९ विरुद्ध लड्न सम्पूर्ण विश्व एक हुुनुपर्ने आवश्यकता पनि औंल्याएको राष्ट्रपतिको सचिवालयले जनाएको छ ।
सुनचाँदी महासंघले सेती प्रादेशिक अस्पताललाई दियो पीपीईसहित विभिन्न स्वास्थ्य सामाग्री
काठमाडौं । नेपाल सुनचाँदी रत्न तथा आभुषण महासंघले धनगढीको सेती प्रादेशिक अस्पताललाई विभिन्न स्वाथ्य सामाग्री प्रदान गरेको छ । महासंघका मध्य तथा सुदूर पश्चिम प्रदेशका प्रमुख कमल प्रसाद लामिछानेले चैत २६ गते उक्त अस्पतालका इमर्जेन्सी वार्ड प्रमुख डा. कृष्ण बहादुर वोहोरा र स्टोर प्रमुख जगत बहादुर सिंहलाई डाक्टरहरुले छनोट गरे अनुसारको १५ थान उच्चस्तरीय पीपीई, १८० थान पञ्जा र १०० थान सर्जिकल मास्क प्रदान गरेका हुन् । महासंघका सदस्य संघहरुले मुलुकभरका विभिन्न जिल्लामा उपचारका सामग्रीका साथै निम्न आय भएका परिवारहरुमा खाद्यान्न वितरण आदि मानवीय सेवा कार्यहरु संचालन गरिरहेका छन् ।
नेपाल लाइफले सार्वजनिक गर्याे डिजिटल क्यालेन्डर, गोजी पात्रोभन्दा धेरै सजिलाे हुने
काठमाडाैं । नेपाल लाइफ इन्स्योरेन्स कम्पनीले वि.सं. २०७७ सालको वार्षिक क्यालेन्डरको डिजिटल भर्सन सार्वजनिक गरेको छ । नेपाल सरकारको राजपत्रमा उल्लेख भएका विदा, पर्व, दिवस, पञ्चांग तिथि, तारिख सहितको डिजिटल क्यालेन्डर सार्वजनिक गरेको हो । डिजिटल क्यालेन्डरलाई कुनैपनि कम्प्युटर तथा मोवाइलबाट यस लिंकमा https://drive.google.com/file/d/1m8U4ELwGlW5SrU_FaCFedeM0rxIPFmLc/view?usp=sharing गई सजिलै प्रयोग गर्न सकिने छ । यस प्राविधिक सेवाले सेवाग्राहीहरुलाई गोजी पात्रो भन्दा सरल र सजिलो हुने कम्पनीले विश्वास व्यक्त गरेको छ । एन्ड्रोइड भर्सनका मोवाइलका लागि लिंकः https://drive.google.com/file/d/1CHMANvSiC-H2U53FuFMsmQjbdmAmS12-/view यस डिजिटल क्यालेन्डरलाई छिट्टै प्ले स्टोरबाट डाउनलोड गरी प्रयोग गर्न सकिने कम्पनीले विज्ञप्तीमा उल्लेख गरेको छ । कम्प्युटर तथा मोवाइलका लागि लिंकः [pdf id=206670]
अब घरमै बसेर रेमिट्यान्स पठाउन सकिने, कसरी पठाउने त ?
काठमाडौं । अब घरमै बसेर विश्वका ५० भन्दा बढी देशहरूबाट रेमिट्यान्स पठाउन सकिने भएको छ । एनएनआईसी एशिया बैंकले वर्ल्ड रेमिट र अर्बिट रेमिटसँग सहकार्य गरी उक्त व्यवस्था मिलाएको हो । यससँगै वर्ल्ड रेमिट र अर्बिट रेमिट मार्फत विश्वका विभिन्न ५० भन्दा बढी देशहरूमा रहेका नेपालीहरूले अब बिना कुनै झन्झट घरमै बसेर एनआईसी एशिया बैंक तथा नेपालका अन्य जुनसुकै बैंक खातामा अनलाइन रकम जम्मा गर्न सक्ने छन् । विश्वभरी नै महामारीको रूपमा फैलिएको कोरोना भाइरसबाट कैयौँ सहरहरू लकडाउनको अवस्थामा छन् र यस्तो अवस्थामा बैंकले वर्ल्ड रेमिट र अर्बिट रेमिटससँग सहकार्य गर्दै घरमै बसी स्वदेशमा रहेका परिवार तथा आफन्तजनलाई रकम पठाउन मिल्ने व्यवस्था गरेको छ । कोरोनासँगको लडाईमा सरकारलाई साथ दिन बैंकले विदेशमा रहेका परिवारका सदस्य तथा आफन्तहरूले पठाएको रकम नेपालमा रहेका जुनसुकै बैंक खातामा जम्मा गर्न मिल्ने सुविधा ल्याएको हो । जसबाट ग्राहकहरूले लकडाउनको समयमा घरबाट बाहिन नगई रेमिट्यान्स सुरक्षित गर्न सक्नेछन् । यस योजनाले विदेशमा रहेका नेपालीहरूले रकम पठाउन रेमिट्यान्सको शाखासम्म पुग्ने समयको बचतसँगै आफ्ना परिवारजन तथा आफन्तहरूलाई तुरून्त रकम पठाउन सक्नेछन् । यसले गर्दा विदेशमा रहेका नेपालीहरूलाई लकडाउनको समयमा पनि आफ्ना परिवारजन तथा आफन्तहरूलाई रकम पठाउन सहज हुने बैंकले विश्वास लिएको छ । विदेशबाट रकम पठाउनका लागि निम्नलिखित तरिकाहरूबाट वर्ल्ड रेमिट र अर्बिट रेमिटस मार्फत घरमै बसी एनआईसी एशिया बैंकको खाता तथा नेपालका अन्य जुनसुकै बैंक खातामा रकम जम्मा गर्न सकिनेछः वर्ल्ड रेमिटबाट कसरी पठाउने रकम ? १. https://www.worldremit.com/en/Nepal मा Log in गरी आवश्यक विवरण भरेर सजिलै नेपालमा रहेको आफ्नो वा आफन्तहरूको खातामा रकम पठाउन सकिनेछ। २. https://youtu.be/-l37jdXu4yI मार्फत ग्राहकवर्गले वर्ल्ड रेमिटबाट रकम पठाउने आवश्यक जानकारी समेत लिन सक्नेछन् । ३. यसको साथै https://www.worldremit.com/en/stories/story/2020/04/01/sending-receiving-money-covid-19 मार्फत ग्राहकहरूले थप जानकारी लिन सक्नेछन् । ४. वर्ल्ड रेमिटबाट रकम पठाउदा नयाँ ग्राहकहरूले पहिलो ३ वटा ट्रान्सफर निःशुल्क पठाउन सक्नेछन् भने त्यसको लागि 3FREE प्रोमो कोड प्रयोग गनुपर्नेछ । ५. वर्ल्ड रेमिट बाट ग्राहक महानुभावहरूले अमेरिका, बेलायत, अष्ट्रेलिया, पोल्याण्ड, क्यानडा, डेनमार्क, फिनल्यान्ड, फ्रान्स, जर्मनी, न्यूजल्यान्ड, नर्वे, रोमानिया, सिङ्गापुर लगायत विश्वका ५० भन्दा बढी देशहरूबाट घरमै बसी रकम पठाउन सक्नेछन् । अर्बिट रेमिटबाट कसरी पठाउने रकम ? १. https://www.orbitremit.com/nepal मा Log in गरी आवश्यक विवरण भरेर सजिलै नेपालमा रहेको आफ्नो वा आफन्तहरूको खातामा रकम पठाउन सक्नेछन्। २. रकम पठाउदा कुनै समस्या भएमा अर्बिट रेमिटको रकम पठाउने वेबसाइटमा रहेको च्याट सुविधा मार्फत पनि आवश्यक जानकारी लिन सकिने छ । ३. अर्बिट रेमिटबाट रकम पठाउदा नयाँ ग्राहकहरूले पहिलो ट्रान्सफर निशुल्क रुपमा पठाउन सिक्नेछन् । निशुल्क रकम पठाउनको लागि पठाउदाFREE2NPR प्रोमो कोड प्रयोग गनुपर्ने हुन्छ । ४. अर्बिट रेमिटबाट ग्राहक महानुभावहरूले बेलायत, अष्ट्रेलिया र न्यूजिल्यान्डसहित ३ वटा देशहरूबाट घरमै बसी रकम पठाउन सकिनेछ ।
‘लकडाउन’ को समयमा पनि अत्यावश्यक काम गर्न चाहन्छन् निर्माण व्यवसायी
काठमाडौं निर्माण व्यवसायीले सरकारले सहजीकरण गरेमा वर्षा पहिले नै गरिसक्नुपर्ने निर्माणको काममा निरन्तरता दिइने बताएका छन् । अहिले पनि झण्डै डेढ सय आयोजनामा एक लाख ५० हजार कामदार निर्माणस्थलमा रहेको नेपाल निर्माण व्यवयासी महासङ्घले जनाएको छ । अहिले पनि धेरै स्थानमा वर्षा पहिले पुल निर्माण र नदी नियन्त्रणका काम सम्पन्न गर्नुपर्ने काम रहेको महासङ्घले जनाएको छ । कतिपय स्थानमा निर्माण सामग्री त्यसै खेर जाने अवस्थामा रहेको र कतिपय स्थानमा निर्माणको काम बीचैमा छाडिएकामा त्यसलाई अघि बढाउन सकिने महासङ्घका अध्यक्ष रबी सिंहले बताए । कतिपय स्थानमा आधारभूत सबै काम सकिएर थोरै मात्रै बाँकी रहेको छ । महासङ्घले पूर्णरुपमा काम गर्नेभन्दा पनि अति आवश्यक र वर्षा पहिले गर्नैपर्ने काम मात्रै अहिले गर्न चाहेको उनको भनाइ छ । असारदेखि वर्षा शुरु हुने भएकाले त्यस अघि सम्पन्न हुने काम समेत रहेका छन् । उनले भने, “कतिपय स्थानमा थोरै मेहनत पछि उपलब्धी हुने कामलाई सरकरले सहजीकरण गर्नुपर्छ ।” वर्षभरको सबैभन्दा काम गर्ने समयका रुपमा चैत, वैशाखको महिनालाई लिइन्छ । कतिपय स्थानमा नदी नियन्त्रणको काम वर्षा अघि नै सम्पन्न नगर्दा त्यहाँ वर्षामा ठूलो क्षतिको सम्भावना रहने छ । कतिपय पुल वर्षा अघि नै सम्पन्न गरिने लक्ष्य लिइएको छ । उनले भने, “सरकार आफैँले ती स्थानमा आवश्यक छ र गर्न सकिन्छ भनेर छुट्टाउनुपर्छ ।” अहिले निर्माणस्थलमै रहेका जनशक्तिलाई काममा लगाउन सकिने अध्यक्ष सिंहको भनाइ छ । त्यसबाहेक निर्माण व्यवसायीलाई थोरै सङ्ख्यामा प्राविधिक जनशक्ति मात्रै आवश्यक पर्ने उनले बताए । त्यससँगै सरकारका प्रतिनिधिले आवश्यक निगरानी गर्न जानुपर्ने हुन्छ । ‘लकडाउन’ को समय भएकाले आवश्यक सामाजिक दूरी कायम गरेर निर्माण गर्न सकिने जनाए । उनले भने, “यसले गर्दा काम गरिरहेका व्यक्ति, उसको परिवार र देशलाई पनि फाइदा पुग्छ भन्ने हामीलाई लागेको छ ।” अहिले देशभरका अधिकांश स्थानमा मजदूरहरु निर्माणस्थलमा उसै बसेर दिन बिताइरहेका उनले बताए । कार्यरतमध्ये कतिपय नियमित मासिक तलव र कतिपय कामका आधारमा पारिश्रमिक पाउने गर्छ । यहाँ बसिरहेकालाई निर्माण व्यवसायीले नै खानेकुराको प्रवन्ध गरिरहेको उनको दाबी छ । त्यही व्यक्तिले काम गर्न सके परिवारलाई पनि सहयोग गर्न सक्ने उनले जानकारी दिए । निर्माणस्थलमा रहेका मजदूर काम पनि गर्न नपाउने र मनोरञ्जनका कुनै माध्यम नहुँदा उसै बसेर दिन बिताइरहेका छन् । उनले भने, “काम गर्न नपाउँदा मजदूर आफैँ विक्षिप्त हुनसक्छन् ।” सडक विभागका महानिर्देशक केशवकुमार शर्माले विभिन्न स्थानमा अहिले पनि निर्माण सुचारु रहेको बताए। झण्डै आठ स्थानमा निर्माण भइरहेको विभागमा जानकारी आएको छ । सडक विभागका त्यहाँस्थित डिभिजनले त्यसको अनुगमन र समन्वय गरिरहेको छ । निर्माण भइरहेकामध्ये अधिकांश पुल निर्माणका ठेक्का छन् । विभागले निर्माण व्यवसायीलाई अहिले पनि आवश्यक समन्वय गरिरहेको उनको भनाइ छ । कतिपय स्थानमा ‘सवारी पास’ का लागि विभागले आवश्यक सहजीकरण गरिरहेको हो । उनले भने, “सामाजिक दूरी कायम गरेर भइरहेका काममा समस्या छैन ।” कतिपय स्थानमा काम भइरहेको र गर्न सक्ने अवस्था भएपनि सबै स्थानमा त्यही अवस्था नहुन सक्ने महानिर्देशक शर्माले बताउनुभयो । कतिपय स्थानमा स्थानीय तहले काम गर्न हुँदैन भनेको अवस्थामा निर्माण अघि बढाउन नसकिने उहाँले बताउनुभयो । थोरै कामदारलाई सुरक्षित रुपमा काम गराउन सकिने भएपनि ती कामदार बाहिर जाने वा बाहिरबाट कामदार आउने गर्नुहुँदैन । उहाँले भन्नुभयो, “निर्माण व्यवसायीले त्यहाँ रहेका हाम्रा डिभिजन, आयोजना निर्देशनालय र स्थानीय प्रशासनसँग समन्वय गरेर काम गर्न सक्नुहुन्छ ।” ‘लकडाउन’का समयमा समेत गर्न सकिने निर्माणका कामका विषयमा भौतिक पूर्वाधार तथा यातायातमन्त्री बसन्तकुमार नेम्वाङ, सचिव देवेन्द्र कार्की, शहरी विकास मन्त्रालयका सचिव मधुसुदन अधिकारीलगायतसँग पनि कुराकानी भइरहेको महासङ्घले जनाएको छ । यस्तै, डिभिजन सडक कार्यालय काठमाडौँले विभिन्न स्थानमा सडक चिन्ह लगाउने काम गरिरहेको छ । अरु समयमा सवारीसाधन र पैदल यात्रुका चापले काम गर्न कठीन हुने स्थानमा काम भइरहेको हो । रासस
नेपालमा कोरोनाः ८ उपचाररत, १७५ रेड जोनमा, १२२ आइसोलेसनमा, ८ हजार ५८० क्वारेन्टाइनमा
काठमाडौं । सरकारले कोेरोना भाइरस ( कोभिड–१९) को उपचार तथा जोखमि न्युनिकरणका लागि प्रभावकारी काम गरेको बताएको छ । नेपाल सरकार स्वास्थ्य तथा जनसंख्या मन्त्रालयका प्रवक्ता डा. विकास देवकोटाले बुधबारको नियमित ब्रिफिङमा सरकारले कोरोनाको जोखिम न्युनिकरणका लागि महत्वपूर्ण कार्य गरिरहेको बताएका छन् । हाल ८ जना कोरोना भाइरस संक्रमितहरुको उपचार विश्वस्वास्थ्य संगठनको मापदण्डमा रही गरिरहेको बताए । हालसम्म नेपालमा ९ जना काेराेना संक्रमित भएका छन् जसमा एक जना निकाे भएर घर फर्किसके पछि ८ जना मात्र उपचाररत छन् । उनले अहिले उनीहरु सबैको स्वास्थ्य अवस्था सामान्य रहेको बताएका छन् । हालसम्म नेपालमा कोरोनाको आशंकामा १ सय २२ आइसोलेसनमा छन् भने ८ हजार ५ सय ८० जना क्वारेन्टिनमा बसेका छन् । त्यस्तै, उनले अहिलेसम्म कोरोनाको उच्च आशंका तथा आजसम्म १ सय ७५ जना रेड जोनमा रहेको ताए । सरकारले कोरोनाको जोखिम कमगर्न तथा सर्वसाधारणलाई सरकराको दायरामा ल्याउनका लागि दुई कलसेन्टर स्थापना गरेको उनको भनाइ छ । त्यसबाट हालसम्म कुल ३ हजार ३ सय ६ जनाको कल सम्बोधन भएको उनको भनाइ छ । एप र वेबसाइटमा इन्ट्रि भएका जिज्ञासालाई पनि सरकारले सम्बोधन गर्दै आएको उनले बताए । कोरोनाको न्युनिकरण तथा जोखिम कम गर्नको लागि सरकारले पीपीईको लागि कार्यविधि र शंकास्वदको व्यक्तिको उपचारको कार्यविधि बनिरहेको उनको भनाइ छ । यस्तै, कोरोना भाइरसको आशंकामा २ हजार ३ सय ६६ जनाको नमुना संकलन गरी परीक्षण गरिएको स्वास्थ्य तथा जनसंख्या मन्त्रालयले जनाएको छ । देवकोटाले राष्ट्रिय जनस्वास्थ्य प्रयोगशाला टेकुमा कोरोना भाइरस आशंकामा हालसम्म एक हजार ९ सय ६५ जना परीक्षण गरिएको बताए । उनले काठमाडौ बाहिर चार सय एक जनाको नमुना संकलन गरेर परीक्षण गरिएको जानकारी दिए । “बुधबारसम्म देशैभरका अस्पतालका आइसोलेसनमा १ सय ३४ जना उपचाररत रहेका छन् । उनले हिजो बेलुकासम्म कैलाली र कञ्चनपुरमा १ सय ९८ जनाको ¥यापिट टेस्टकिट र पीसीआर मेसिनबाट गरिने स्वाब संकलन गरिएको बताए ।
मेगा बैंकले प्रदेश नम्बर ५ लाई पनि दियाे ५ लाख रूपैयाँ
काठमाडाैं । मेगा बैंक नेपालले कोरोना भाइरस रोकथामका लागि पछिल्लो पटक प्रदेश नम्बर ५ लाई सहयोग हस्तान्तरण गरेको छ । मेगा बैंकको बुटवलस्थित चौरहा चोक शाखाका प्रबन्धक दीपक न्यौपानेले प्रदेश नम्बर ५ का मुख्यमन्त्री शंकर पोखरेललाई ५ लाख रुपैंयाको चेक हस्तान्तरण गरेका हुन्। यससँगै बैंकले नेपालका ७ वटै प्रदेशलाई ५-५ लाख रुपैयाँ हस्तान्तरण गरिसकेकाे छ । मेगा बैंक संचालक समितिले गरेको निर्णय अनुसार, मेगा बैंकले कोरोना रोग रोकथाम नियन्त्रणका लागि सातैवटा प्रदेशलाई ५-५ लाख गरी ३५ लाख रुपैंया सहयोग गरेको हो । यसैगरी, केन्द्रीय सरकारले स्थापना गरेको कोषमा मेगा बैंकले १ करोड रुपैयाँ सहयोग गरेको छ ।
बुधबारसम्म नेपालमा जम्मा २३ सय ६६ जनाको काेराेना परीक्षण
काठमाडौं । बुधबारसम्म नेपालमा जम्मा २३ सय ६६ को काेराेना परीक्षण भएको छ । कोभिड–१९ सम्बन्धि नियमित ब्रिफङमा बुधबार स्वास्थ्य तथा जनसंख्या मन्त्रलायका प्रवक्ता डा. विकास देवकोटाले अहिलेसम्म २३ सय ६६ जनाको कोरोना परीक्षण भएको बताएका हुन् । बुधबार साँझसम्म राष्ट्रिय जनस्वास्थ्य प्रयोगशालामा जनाको कुल १८ सय ६५ र उपत्यका बाहिर ४ सय १ जनाको कोरोना परीक्षण भएको उनले जानकारी दिए । यसरी हेर्दा मंगलबारदेखि बुधबारसम्म २ सय ४४ जनाको परीक्षण भएको देखिएको छ । केही समय अगाडीसम्म दैनिक १ सय स्वाब पनि परिक्षण नभएको अवस्थामा सातै प्रदेशमा ल्याब संचालनमा आएसी परिक्षण संख्या केही बढेको छ । यद्यपी यो संख्य अझै बढाउनु पर्न देखिन्छ । बुधबार अछामबाट ८ सय २ स्वाब, कैलाली र कन्चनपुरबाट १ सय ९८ स्वाब संकलन गरिसकेको देवकोटाले जानकारी दिए । हाल देशभर १ सय ३४ जना आईसोलेसनमा छन् भने ८ हजार ५ सय ८० जना क्वारेन्टिनमा रहेका छन् । बुधबार कुनै नयाँ संक्रमित थपिएका छैनन् ।