दक्षिण कोरिया कोरोना सँगको लडाइँ जित्दै, २४ घण्टामा ८ जनामा मात्र देखियो
काठमाडौं ।दक्षिण कोरियामा विगत २४ घण्टामा केवल आठ व्यक्तिमा कोरोनाभाइरस सङ्क्रमण देखिएको विवरण प्राप्त भएको छ। दुई महिनायता सङ्क्रमितको सङ्ख्या एकोहोरो अङ्कमा मात्रै थपिएको यो पहिलो पटक हो। सङ्क्रमणको दर उल्लेख्य रूपमा घटेपछि सरकारले भेला र जमघटमा लगाइएका प्रतिबन्धहरू फुक्का गर्ने घोषणा गरेको छ। आठ सङ्क्रमितमध्ये पाँच जना विदेशबाट फर्किएका व्यक्ति भएको बताइएको छ। कुनै बेला चीनपछि एशियामा सर्वाधिक सङ्क्रमण फैलिएको दक्षिण कोरियाले लकडाउन नलगाईकनै कोभिड-१९ महामारी उल्लेखनीय रूपमा नियन्त्रणमा लियो। त्यहाँ सङ्क्रमितको सङ्ख्या १० हजार ७ सय पुगेको छ भने २ सय ३४ जनाले कोरोनाभाइरसका कारण ज्यान गुमाएका छन्। आक्रामक कदम फेब्रुअरी महिनामा एशियामा चीनपछि धेरै सङ्क्रमित हुनेको सङ्ख्या दक्षिण कोरियामा थियो। कोरोनाभाइरस प्रकोप नियन्त्रणमा ल्याउन दक्षिण कोरियाले सम्भावित सङ्क्रमित व्यक्तिको परीक्षण र पहिचान गर्न उपायहरू व्यापक रूपमा अवलम्बन गरेको थियो। राष्ट्रपति मुन जे-इनले आफ्नो देशले कोरोनाभाइरस नियन्त्रणका लागि गरेको प्रगतिले कोभिड-१९ लाई परास्त गर्न सकिने आशा विश्वका अन्य भागमा पनि दिने बताए। अब गिर्जाघर, मदिरालय र व्यायामशालाहरू खुल्नेछन्। तर तिनले आगामी महिनाको आरम्भसम्म व्यक्तिगत दूरीसम्बन्धी नियम पालना गर्नुपर्नेछ । यसअघि कोरोनाभाइरस नियन्त्रण र रोकथामका लागि उदाहरणीय काम गरेको भन्दै प्रशंसा पाएको दक्षिण कोरियाले एप्रिल ४ तारिखमा दुई साताका लागि सामाजिक दूरी कायम गर्ने समयसीमा थपेको थियो। उक्त समयसीमा आइतवार सकिँदैछ। व्यक्तिगत दूरी कायम गर्नका लागि दक्षिण कोरियालीहरूलाई सार्वजनिक स्थलमा एकअर्काभन्दा दुई मिटर पर उभिन सुझाव दिइएको छ। उनीहरूलाई गिर्जाघर र अन्य भेलामा नजान सल्लाह दिइएको छ। एक महिनाका लागि बन्द गरिएका विद्यालयहरूले अनलाइनमार्फत् पढाउन थालिसकेका छन्।
अब घरबाटै जीवन बीमा गर्न सकिने, सानिमा लाइफ इन्स्योरेन्सले ल्यायो यस्तो व्यवस्था
काठमाडौं । सानिमा लाईफ इन्स्योरेन्सले घरमै बसेर बीमा गर्न सकिने गरि क्लिक एण्ड कभरको व्यवस्था गरेको छ । कम्पनीले हालको परिस्थितिलाई मध्यनजर गर्दै अनलाइन बाटै जीवन बीमा खरिद गर्न सकिने उक्त व्यवस्था ल्याएको हो । यस्तो विषम परिस्थीतिमा पनि आफु र आफनो परिवारको आर्थीक सुरक्षाको बारेमा चिन्तन गरि जीवन बीमा गराउन चाहाने सचेत नागरिकहरुलाई लक्षित गरी उक्त योजना ल्याएको हो । जस अनुशार इच्छुक व्यक्तिहरुले अन लाइन पोर्टल www.sanimalife.com मा लग अन गरी आफ्नो विवरण भरि आफ्नो इच्छा अनुसारको जीवन बीमा पोलिसी खरिद प्रकृया सुरु गर्न सक्नेछन् । यस व्यवस्थाले विषम परिस्थीतिमा पनि ग्राहक वर्गलाई सेवा पुग्ने विश्वास कम्पनीले लिएको छ ।
सेती अस्पतालमा उपचाररत काेराेनाका बिरामी घर फर्किँदै
काठमाडौं । कैलालीकाे सेती अस्पतालमा उपचाररत काेराेनाका एकजना बिरामी निकाे भएर घर फर्किने भएका छन् । कैलालीको लम्कीचुहा नगरपालिका–९ प्रतापपुरका २१ वर्षीय राज विक कोरोनालाई जितेर घर फर्किने भएका हुन्। चैत २२ गते परीक्षण गर्दा कोरोना पोजेटिभ देखिएका उनको शनिबार नेगेटिभ रिपोर्ट आएको थियो। २४ घण्टामा परीक्षण गर्दा कोरोना नेगेटिभ देखिएपछि उनलाई अस्पतालले डिस्चार्ज गर्ने तयारी गरेको छ। अस्पतालले उनकाे परीक्षण गर्दा दुईपटक नै कोरोना नेगेटिभ आएकाे आजै या भोलिसम्म डिस्चार्ज गर्ने तयारी भइरहेको बताएकाे छ । मुम्बईबाट गत चैत ११ गते घर फर्किएका उनलाई चैत २२ गते कोरोना पोजिटिभ देखिएको थियो। १४ दिन क्वारन्टिनमा र १५ दिन आइसोलेसन गरी २९ दिन कोरोनासँगको लडाई जितेर उनी घर फर्किदैछन्। साे अस्पतालमा उनी सहित ५ जना काेराेनाका बिरामी छन् ।
आइस्पानको प्राधिकरणलाई पत्र,‘इन्टरनेटको शुल्क उठाएन भने व्यवसाय चल्दैन’
काठमाडौं । इन्टरनेट सेवा प्रदायक संघ नेपाल (आइस्पान) ले दुरसञ्चार प्राधिकरणलाई पत्र पठाएको छ । आइस्पानले आज प्राधिकरणलाई पत्र पठाउँदै इन्टरनेटको बिल नउठाउने हो भने व्यवसाय चलाउन समस्या हुने उल्लेख गरिएको छ । शारीरिक रुपमा पूर्णरुपले अशक्त तथा वृद्धबाहेक अन्यलाई डिजिटल भुक्तानीको प्रयोग गरी इन्टरनेट सेवा शुल्क भुक्तानी गर्न आग्रह गरेको छ । आइस्पानले दूरसञ्चार प्राधिकरणलाई पठाएको पत्रमा लेखिएको छ, ‘शारिरिक रुपले पूर्णरुपमा अशक्त, घरमा कुनै सहयोगी नभएका वृद्ध ग्राहकहरुका लागि बिना भुक्तानी निरन्तर इन्टरनेट सेवा प्रदान गरिरहेको जानकारी गराएको छ।’ दूरसञ्चार प्राधिकरणले गत शुक्रबार एक सूचना जारी गर्दै लकडाउनको अवधिभर ग्राहकहरुको इन्टरनेट सेवा निरन्तर सञ्चालन गर्न र सम्भव भएसम्म अनलाइन माध्यमबाट भुक्तानीको व्यवस्था गर्न आग्रह गरेको थियो । एकातिर सेवाको भुक्तानी समयमा उठ्न सकेको छैन । अर्को्तिर लकडाउनका कारण इन्टरनेटको खपत अत्यधिक बढेको अवस्थामा सोको आर्थिक भार सेवा प्रदायकमा परेको पत्रमा लेखिएको छ ।
उद्योग मन्त्रालयले माग्यो ११ अर्ब बजेट, यस्ता छन् नयाँ कार्यक्रम र याेजना
काठमाडौं । आगामी आर्थिक वर्षका लागि मन्त्रालयहरुले बजेट प्रस्ताव पठाउन थालेका छन् । अघिल्ला आर्थिक वर्षको बजेटभन्दा आगामी आर्थिक वर्षको बजेट उत्पादनमूखी हुने गरी मन्त्रालयहरुले बजेट माग गर्न थालेका हुन् । उद्योग मन्त्रालयले पनि उद्यत्पादन बृद्धि हुने र रोजगारी सिर्जना हुने गरी नयाँ बजेट प्रस्ताव गरेको छ । उद्योग मन्त्रालयले उद्योग, वाणिज्य तथा आपूर्तिका लागि ११ अर्ब १० करोड ३० लाख रूपैयाँ बजेट माग गरेको छ । उद्योगका लागि चालु र पुँजीगत खर्च गरी ८ अर्ब र वाणिज्य तथा आपूर्तिका लागि चालु र पुँजीगत खर्च ३ अर्ब १० करोड ३० लाख बजेट उद्योग मन्त्रालयले बजेट प्रस्ताव गरेको छ । उद्योग वाणिज्य तथा आपूर्ति मन्त्रालयका योजना, अनुगमन तथा मुल्यांकन महाशाखाका सहसचिव ध्रुव घिमिरेले उद्योग वाणिज्य तथा आपूर्ति मन्त्रालयले ११ अर्ब १० करोड ३० लाख बजेत प्रस्ताव गरेको बताए । अब आउने बजेटलाई उत्पादन र रोजगारीमा जाेड दिने गरी प्रस्ताव गरिएकाे उनकाे भनाइ छ । ‘मन्त्रालयले देशलाई आत्मनिभर र रोजगारी सिर्जनालाई विशेष ध्यान दिएकाे छ, कोरोना भाईरस (कोभिड १९) को महामारी विश्वभर फैलिएको छ, लकडाउनपछि उत्पादन र रोजगारी बढाउने किसिमको बजेट मन्त्रालयले प्रस्ताव गरेको छ,’ घिमिरेले भने । के छ उद्योग मन्त्रालयको नयाँ योजना ? प्रधामन्त्री कृषि आधुनिकीकरण परियोजना, प्रधानमन्त्री रोजगार कार्यक्रम, लघु उद्यम परियोजन, समृद्धि परियोजना र औद्योगिक ग्रामसगँ जोडेर रोजगारी दिने योजना पनि उद्योग मन्त्रालयको बजेटमा समेटिएकाे भएको छ । १६ वटा जिल्लामा मात्रै सञ्चालित समृद्धि परियोजनाको बढाएर ७७ वटै जिल्लामा नै सञ्चान गर्ने योजना पनि मन्त्रालयको छ । मन्त्रालयले संस्थानहरुलाई पनि गाभ्ने वा नाफामा लाने नीति पनि लिएको छ । रुग्ण उद्योग सञ्चालन वा मर्ज गर्ने पनि मन्त्रालयको लक्ष्य छ । नयाँ पारवाहन सन्धी गर्ने, व्यापारिक केन्दहरु निर्माण गर्ने, लकडाउनको कारण बन्द भएका उद्योगहरुलाई उत्थान गर्ने, भारतको मोतिहारीबाट चितवानसम्म पेट्रोलियम पदार्थ पाइपलाई सञ्चालन गर्ने लगायतका योजनाहरु उद्योग मन्त्रालयले समावेस गरेको छ । उद्योग मन्त्रालयले प्रस्ताव गरेको बजेटमा धौवादी फलाम खानीबाट फलाम उत्खनन् गर्न १ अर्ब ५० करोड बजेट माग गरिएकाे छ ।
एलओडीद्वारा सरकारलाई पीपीई र सर्वसाधारणलाई खाद्यान्न सहयोग
काठमाडौं । काठमाडौंको लर्ड अफ द ड्रिंक्स् (एलओडी)ले विभिन्न जिल्लामा पर्सनल प्रोटेक्टिभ इक्विपमेन्ट (पीपीई) र काठमाडौं महानगरपालिका वडा नं २६ का विपन्न सर्वसाधारणलाई खाद्यान्न सहयोग गरेको छ । कोभिड–१९ विरुद्ध सरकारको तयारीलाई मद्दत गर्न एलओडीले उक्त सहयोग गरेको हो । आफ्नो सामाजिक उत्तरदायित्व अभियान अन्तर्गत एलओडीले कञ्चनपुर जिल्लाका लागि ५० थान पीपीई सेट खानेपानीमन्त्री विणा मगरलाई र कैलाली जिल्लाका लागि ५० थान पीपीई सेट उद्योगमन्त्री लेखराज भट्टलाई हस्तान्तरण गरेको हो । त्यसैगरी, एलओडीले काठमाडौं महानगरपालिका वडा नं २६ का सफाई कर्मचारीका लागि एक सय थान पीपीई सेट हस्तान्तरण गरेको छ । साथै, एलओडीले ठमेल क्षेत्रका करिब पाँच सय जनालाई खाद्यान्न प्याकेज वितरण गरेको छ । यी प्याकेजमा ५ केजी चामल, १ केजी दाल, १ केजी गेडागुडी, १ केजी आलु, १ केजी नुन र एक लिटर तेल समावेश छ । ‘कोरोनाविरुद्ध सरकारको लडाइँमा थोरै सहयोग गर्न पाउँदा हामी हर्षित छौं । हामीलाई आशा छ हाम्रो यो सहयोगले फ्रन्टलाइनमा रहेका स्वास्थ्यकर्मी र सफाइ कर्मचारीको सुरक्षामा मद्दत गर्नेछ,’ क्बल एलओडीका सञ्चालकमध्येका रविन श्रेष्ठले भने ।
बल्ल स्वदेश पुगे बासुदेव !
काठमाडौं। भारतको क्वारेन्टाइनमा आमाको किरिया बसेका दार्चुलाका बासुदेव भट्ट स्वदेश पुगेका छन् । उनी आज नेपाल आएका हुन् । स्थानीय प्रशासनको समन्वयमा दत्तुस्थित झोलुङ्गे पुलको ढोका खोली उनलाई आज दिउँसो नेपाल प्रवेश गराइएको दार्चुलाका प्रमुख जिल्ला अधिकारी यदुनाथ पौडेलले बताए। उनको जिल्ला अस्पताल दार्चुलामा स्वास्थ्य परीक्षण पश्चात १४ दिन सेल्फ क्वारेन्टाइनमा बस्नेगरी घरमै व्यवस्था मिलाइएको पौडेलले बताए। मजदुरीका लागि भारत छिरेका भट्ट लकडाउनका बेला नेपाल आउन खोजेका थिए। तर, सीमा नाका सिल गरिएका कारण उनी नेपाल आउन नपाएपछि बलुवाकोटको महाविद्यालय क्वारेन्टाइनमा बसेका थिए। दुई साताभन्दा लामो समयदेखि भारतीय भूमिमा क्वारेन्टाइनमा बसेका भट्टकी आमाको ३ वैशाखमा घरमा निधन भएपछि उनी फर्किन खोजेका थिए। तर, अनुमति दिइएको थिएन।
सिटिजन्स बैंकले सार्वजनिक गर्यो निक्षेप योजना, ८.२५ प्रतिशत व्याज पाइने
काठमाडौं । सिटिजन्स बैंक इन्टरनेसनले आफ्नो १३औं वार्षिकोत्सवको उपलक्ष्यमा ‘सिटिजन्स छत्र फिक्स्ड’ निक्षेप योजना सार्वजनिक गरेको छ । यो योजना न्यूनतम मौज्दात १ लाख रुपैयाँमा खोल्न सकिने बैंकले जनाएको छ । ३ महिनादेखि १० वर्षसम्मको अवधि रहको यस खातामा ८.२५ प्रतिशत व्याजदर उपलब्ध हुनेछ । साथै, शाखा प्रबन्धकले उक्त व्याजदरमा ०.५० प्रतिशत व्याजदरसम्म थप गर्न सक्नेछन् । यस निक्षेप योजना अन्तर्गत व्यक्तिगत मुद्धति खाता खोल्ने ग्राहकहरूले मुद्धति खाताबाट आर्जित व्याजमा समेत मुद्धति खाता बराबरकै ८.२५ प्रतिशत व्याजदर पाउन सक्नेछन् । यो निक्षेप योजना बैंकका सम्पूर्ण शाखा कार्यालयहरूबाट उपलब्ध हुनेछ । बैंक आजबाट १३ वर्ष पुरा गरी १४ वर्षमा प्रवेश गरेकाे छ । कोरोना भाइरस (कोभिड–१९) ले विश्व नै आक्रान्त बनेको बेला अत्याधुनिक प्रविधिलाई अपनाउँदै बैंकले यसपालिको वार्षिकोत्सव भर्चुृअली मनाएको छ । बैंकले विश्वभरी फैलिएको कोरोना भाइरसको जोखिम र लकडाउनका कारण भर्चुअली मनाएको हो । भर्चुृअली मनाईएको कार्यक्रममा बोल्दै बैंकका प्रमुख कार्यकारी अधिकृत पोखरेलले बैंकमा अनवरत १० वर्ष सेवा प्रवाह गरी ‘दीर्घ सेवा सम्मान पदक’ बाट सम्मानित हुने कर्मचारीलाई धन्यवाद दिँदै बधाई तथा शुभकामना व्यक्त गरेका छन् । बैंकले हाल ९४ वटा शाखा, ९४ वटा एटीएम र १०३ वटा शाखा रहित बैंकिङ्ग एकाईहरुबाट करिव पाँच लाखभन्दा बढी ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ । ग्राहकहरुलाई विभिन्न किसिमका निक्षेप तथा कर्जा सुविधाहरु, घरैमा बसेर बैंक खाता खोल्न सकिने अनलाईन सुविधा, रेमिट्यान्स सेवा, आस्वा, ड्राफ्ट, कार्ड सेवा,साथै कुनै पनि शाखाबाट रकम झिक्न र राख्न सकिने जस्ता सुविधाहरु पनि उपलब्ध गराउँदै आएको छ । सम्बन्धित समाचारः सिटिजन्स बैंक १४औं वर्षमा प्रवेश, १५ सय जनालाई रोजगारी दिन सफल