संस्थागत निक्षेपकर्ताप्रति राष्ट्र बैंक उदार, ऋणको ब्याज घट्दै जाने विश्वास
काठमाडौं । नेपाल राष्ट्र बैंकले चालुआर्थिक वर्ष २०८०/८१ को मौद्रिक नीतिको अर्धवार्षिक समीक्षामार्फत् पाँच वटा नयाँ व्यवस्था गरेको छ । राष्ट्र बैंकले सोमबार मौद्रिक नीतिको समीक्षा सार्वजनिक गर्दै केही नयाँ व्यवस्था गरेको हो । राष्ट्र बैंकले बैंकदर र नीतिगत दरलाई भने यथावत राखेको छ । हाल कायम रहेको बैंकदर ७ प्रतिशत र नीतिगत दर ५.५ प्रतिशतलाई राष्ट्र बैंकले यथावत राखेको हो । यस्तै, राष्ट्र बैंकले संस्थागत निक्षेपकर्ताको ब्याज बढाउन पाउने नीति बनाएको हो । मौद्रिक नीतिको समीक्षामार्फत् राष्ट्र बैंकले संस्थागत मुद्धति निक्षेपको ब्याजदर निर्धारण गर्दा ब्यक्तिगत मुद्धति निक्षेपमा प्रदान गर्ने ब्याजदरभन्दा १ प्रतिशत बिन्दुसम्मले न्यून राखी तय गर्न पाउने व्यवस्था गरिने छ । यसअघि व्यक्तिगत र संस्थागत निक्षेपको ब्याजदरमा २ प्रतिशत बिन्दु अन्तर हुनुपर्ने व्यवस्था थियो । ब्याजअन्तर कम गर्नका लागि संस्थागत निक्षेपकर्ताले राष्ट्र बैंक समक्ष लबिङ गरिरहेका थिए । राष्ट्र बैंकको नयाँ व्यवस्थाअनुसार बैंकहरुले २ करोडसम्मको कर्जालाई रिटेल पोर्टफोलियोमा गणना गर्न पाउने भएका छन् । राष्ट्र बैंकले कृषि, साना, घरेलु तथा मझौला उद्यम व्यवसायमा प्रवाह भएको २ करोड रुपैयाँसम्मको कर्जालाई रेगुलेटरी रिटेल पोर्टफोलियोमा गणना गर्न पाउने व्यवस्था गरेको हो । यस्तै, राष्ट्र बैंकले ब्याजदर करिडोरलाई प्रभावकारी बनाउन २०८० फागुनदेखि स्थायी निक्षेप सुविधा (एसएलएफ)लाई कार्यान्वयनमा ल्याउने भएको छ । ‘ब्याजदर करिडोरलाई प्रभावकारी बनाउन २०८० फागुनदेखि स्थायी निक्षेप सुविधालाई कार्यान्वयनमा ल्याइनेछ,’ समीक्षामा भनिएको छ । राष्ट्र बैंकका अनुसार आर्थिक गतिविधिहरु केही शिथिल रहेको परिप्रेक्ष्यमा बैकिङ्ग प्रणालीमा कर्जा असूली कम भै निष्कृय कर्जा अनुपात केही बढेको छ । २०८० पुसमा बैक तथा वित्तीय संस्थाहरुको औसत निष्कृय कर्जा कुल कर्जाको ३.७३ प्रतिशत पुगेको छ । ब्याजदर घट्दै गएको, पर्यटक आगमन बढिरहेको र पुँजीगत खर्चमा समेत तीव्रता आउँदा आर्थिक गतिविधिहरुमा सुधार भई कर्जा असूलीमा समेत सुधार आउँदै जानेअनुमान राष्ट्र बैंकको छ । राष्ट्र बैंकले अर्थतन्त्र लयमा फर्किरहेकोले ब्याज घट्दै जाने पनि बताएको छ । एभरेष्ट बैंकका प्रमुख कार्यकारी अधिकृत सुदेश खालिङ अर्थतन्त्रका सूचकहरू सकारात्मक नै रहेकोले राष्ट्र बैंकले ठूलो नीतिगत हेरफेर गर्न नचाहेको दिएको बताउँछन् । उनले संस्थागत निक्षेपकर्ताको ब्याज र व्यक्तिगत ब्याजबीचको १ प्रतिशतकाे फरकले संस्थागत निक्षेपकर्तालाई केही राहात हुने बताए ।
एनपीएल बढे पनि अर्थतन्त्र लयमा जाँदैछ, कर्जा असूलीमा सुधार हुन्छ : राष्ट्र बैंक
काठमाडौं । पछिल्लो समय बैंक तथा वित्तीय संस्थाहरूको खराब कर्जा (एनपीएल) बढेपनि अर्थतन्त्र सुधारको लयमा रहेको राष्ट्र बैंकले बताएको छ । मौद्रिक नीतिको चालु आर्थिक वर्ष २०८०/८१ को अर्धवार्षिक समीक्षामा राष्ट्र बैंकले खराब कर्जा पौने ४ प्रतिशत पुगेपनि सुधारको अवस्थामा रहेको बताएको हो । राष्ट्र बैंकका अनुसार आर्थिक गतिविधिहरु केही शिथिल रहेको परिप्रेक्ष्यमा बैकिङ्ग प्रणालीमा कर्जा असूली कम भई खराब कर्जा अनुपात केही बढेको छ । २०८० पुसमा बैक तथा वित्तीय संस्थाहरूको औसत खराब कर्जा कुल कर्जाको ३.७३ प्रतिशत पुगेको राष्ट्र बैंकले जनाएको छ । ब्याजदर घट्दै गएको, पर्यटक आगमन बढिरहेको र पुँजीगत खर्चमा समेत तीव्रता आउँदा आर्थिक गतिविधिहरुमा सुधार भई कर्जा असूलीमा समेत सुधार आउँदै जाने राष्ट्र बैंकको भनाइ छ ।
नीतिगत र बैंकदर यथावत
काठमाडौं । राष्ट्र बैंकले बैंकदर र नीतिगत दरलाई यथावत राखेको छ । नेपाल राष्ट्र बैंकले सोमबार चालु आर्थिक वर्ष २०८०/८१ को मौद्रिक नीतिको अर्धवार्षिक समीक्षा सार्वजनिक गर्दै ब्याजदर करिडोर अन्तर्गतका दरहरुलाई यथावत राखिएको बताएको हो । ‘आन्तरिक एवम्बाह्य आर्थिक स्थिति र परिदृश्य तथा पहिलो त्रैमासिक समीक्षाको क्रममा गरिएका नीतिगत व्यवस्थाहरुलाई दृष्टिगत गरी ब्याजदर करिडोर अन्तर्गतका दरहरुलाई यथावत राखिएको छ,’ समीक्षामा भनिएको छ । हाल बैंकदर ७ प्रतिशत र नीतिगत दर ५.५ प्रतिशत छ ।
बैंकले २ करोडसम्मको कर्जालाई रिटेल पोर्टफोलियोमा गणना गर्न पाउने
काठमाडौं । बैंकहरुले २ करोडसम्मको कर्जालाई रिटेल पोर्टफोलियोमा गणना गर्न पाउने भएका छन् । नेपाल राष्ट्र बैंकले सोमबार चालु आर्थिक वर्ष २०८०/८१ को मौद्रिक नीतिको अर्धवार्षिक समीक्षा सार्वजनिक गर्दै कृषि, साना, घरेलु तथा मझौला उद्यम व्यवसायमा प्रवाह भएको २ करोड रुपैयाँसम्मको कर्जालाई रेगुलेटरी रिटेल पोर्टफोलियोमा गणना गर्न पाउने व्यवस्था गरेको हो ।
फागुनदेखि एसएलएफ सुविधा लागू हुने
काठमाडौं । नेपाल राष्ट्र बैंकले ब्याजदर करिडोरलाई प्रभावकारी बनाउन २०८० फागुनदेखि स्थायी निक्षेप सुविधा (एसएलएफ)लाई कार्यान्वयनमा ल्याउने भएको छ । नेपाल राष्ट्र बैंकले सोमबार चालु आर्थिक वर्ष २०८०/८१ को मौद्रिक नीतिको अर्धवार्षिक समीक्षा सार्वजनिक गर्दै यस्तो व्यवस्था गरेको हो । ‘ब्याजदर करिडोरलाई प्रभावकारी बनाउन २०८० फागुनदेखि स्थायी निक्षेप सुविधालाई कार्यान्वयनमा ल्याइनेछ,’ समीक्षामा भनिएको छ ।
राष्ट्र बैंकले बढायो संस्थागत निक्षेपको ब्याज
काठमाडौं । नेपाल राष्ट्र बैंकले संस्थागत मुद्दती निक्षेपकर्ताको ब्याजदर बढाएको छ । मौद्रिक नीतिको चालु आर्थिक वर्ष २०८०/८१ को अर्धवार्षिक समीक्षा गर्दै राष्ट्र बैंकले मुद्दतीतर्फको संस्थागत निक्षेपकर्ताको ब्याजदर १ प्रतिशत बढाएको हो । मुद्दती खातामा रकम जम्मा गर्दा संस्थागत र व्यक्तिगत खाताको ब्याजदर अन्तर अब १ प्रतिशत कायम राख्नु पर्ने व्यवस्था गरेको हो । यसअघि संस्थागत र व्यक्तिगत मुद्दती निक्षेपको ब्याजदर अन्तर २ प्रतिशत थियो । ‘संस्थागत मुद्दति निक्षेपको ब्याजदर निर्धारण गर्दा व्यक्तिगत मुद्दति निक्षेपमा प्रदान गर्ने ब्याजदरभन्दा १ प्रतिशत बिन्दुसम्मले न्यून राखी तय गर्न पाउने व्यवस्था गरिने छ,’ राष्ट्र बैंकको समीक्षामा उल्लेख छ । यसले संस्थागत मुद्दती निक्षेपकर्तालाई बैंकहरूको निक्षेपमा लगानी गर्न प्रोत्साहन गर्नेछ ।
मौद्रिक नीतिको समीक्षा : यस्ता छन् ५ नयाँ व्यवस्था
काठमाडौं । नेपाल राष्ट्र बैंकले सोमबार चालु आर्थिक वर्ष २०८०/८१ को मौद्रिक नीतिको अर्धवार्षिक समीक्षा सार्वजनिक गरेको छ । जसमा राष्ट्र बैंकले खासै ठूलो नीतिगत परिवर्तन गरेको छैन । यस्ता छन् नयाँ व्यवस्था: -आन्तरिक एवम्बाह्य आर्थिक स्थिति र परिदृश्य तथा पहिलो त्रैमासिक समीक्षाको क्रममा गरिएका नीतिगत व्यवस्थाहरुलाई दृष्टिगत गरी ब्याजदर करिडोर अन्तर्गतका दरहरुलाई यथावत राखिएको छ । -अनिवार्य नगद अनुपात र वैधानिक तरलता अनुपातसम्बन्धी व्यवस्थालाई यथावत राखिएको छ । -ब्याजदर करिडोरलाई प्रभावकारी बनाउन २०८० फागुनदेखि स्थायी निक्षेप सुविधालाई कार्यान्वयनमा ल्याइनेछ । -संस्थागत मुद्धति निक्षेपको ब्याजदर निर्धारण गर्दा ब्यक्तिगत मुद्धति निक्षेपमा प्रदान गर्ने ब्याजदरभन्दा १ प्रतिशत बिन्दुसम्मले न्यून राखी तय गर्न पाउने व्यवस्था गरिने छ । -कृषि, साना, घरेलु तथा मझौला उद्यम व्यवसायमा प्रवाह भएको रु.२ करोडसम्मको कर्जालाई रेगुलेटरी रिटेल पोर्टफोलियोमा गणना गर्न पाउने व्यवस्था गरिने छ ।
यस्तो आयो मौद्रिक नीतिको समीक्षा (पूर्णपाठ)
काठमाडौं । नेपाल राष्ट्र बैंकले चालु आर्थिक वर्ष २०८०/८१ को मौद्रिक नीतिको दोश्रो त्रैमासिक अर्थात अर्द्धवार्षिक समीक्षा सार्वजनिक गरेको छ । सोमबार बसेको राष्ट्र बैंक सञ्चालक समितिको बैठकले समीक्षा पारित गरेसँगै सार्वजनिक भएको हो । [pdf id=463572]
