नाफा ४६.९२ करोड रुपैयाँ ऋणात्मक रहेको सोनापुरले भन्यो- विवरणहरू सन्तोषजनक छन्
काठमाडौं । सोनापुर मिनरल्स एण्ड आयलको गत आर्थिक वर्ष २०८०/८१ को चौथो त्रैमासमा खुद नाफा ४६ करोड ९२ लाख रुपैयाँ ऋणात्मक रहेको छ । अघिल्लो वर्षको सोही अवधिमा २ करोड ६२ लाख रुपैयाँ नाफा गरेको कम्पनीको गत वर्ष भने ऋणात्मक हुन पुगेको हो । गत असारसम्म कम्पनीको सञ्चालन आम्दानी ५.२२ प्रतिशत घटेर १ अर्ब ६३ करोड ९९ लाख रुपैयाँ गरेको छ । अघिल्लो वर्षको सोही अवधिमा कम्पनीले १ अर्ब ७३ करोड १ लाख रुपैयाँ सञ्चालन आम्दानी गरेको थियो । कम्पनीको कुल नाफा ७८.९७ प्रतिशत घटेर ८ करोड ७२ लाख रुपैयाँ, अन्य आम्दानी ९९.१२ प्रतिशत घटेर ६ लाख रुपैयाँ र सञ्चालन नाफा १३ करोड ४६ लाख रुपैयाँ ऋणात्मक रहेको छ । समीक्षा अवधिमा कम्पनीको चुक्ता पुँजी ६६.६७ प्रतिशत बढेर ३ अर्ब ७ करोड ५० लाख रुपैयाँ र जगेडा कोष ६४.५७ प्रतिशत घटेर २९ करोड २१ लाख रुपैयाँ रहेको छ । कम्पनीको प्रतिसेयर आम्दानी १५.२६ रुपैयाँ ऋणात्मक रहेको छ भने प्रतिसेयर नेटवर्थ १६३.२४ रुपैयाँ रहेको छ । अधिकांश सूचकमा गिरावट आएपनि कम्पनीले व्यवस्थापकीय विश्लेषणमा भने सन्तोषजनक वित्तीय विवरण रहेको बताएको छ ।
अन्य आम्दानी २९८.९७ प्रतिशत बढाएको सर्वाेत्तम सिमेन्टको नाफा कति ?
काठमाडौं । सर्वाेत्तम सिमेन्टको गत आर्थिक वर्ष २०८०/८१ को चौथो त्रैमासमा खुद नाफा १८.५१ प्रतिशत घटेर १७ करोड ४२ लाख मात्रै आर्जन गरेको छ । अघिल्लो वर्षको सोही अवधिमा कम्पनीले २१ करोड ३८ लाख रुपैयाँ खुद नाफा आर्जन गरेको थियो । समीक्षा अवधिमा कम्पनीको सञ्चालन आम्दानी १८.४७ प्रतिशत बढेर ६ अर्ब ३७ करोड ३७ लाख रुपैयाँ गरेको छ । अघिल्लो आर्थिक वर्षको सोही अवधिमा कम्पनीले ५ अर्ब ३८ करोड २ लाख रुपैयाँ सञ्चालन आम्दानी गरेको थियो । साथै कम्पनीको अन्य आम्दानी २९८.९७ प्रतिशत बढेर ४ करोड ३५ लाख रुपैयाँ गरेको छ । अघिल्लो वर्षको सोही अवधिमा कम्पनीले १ करोड ९ लाख रुपैयाँ अन्य आम्दानी गरेको थियो । यसअवधिमा कम्पनीको कुल नाफा १८.०५ प्रतिशत घटेर ७९ करोड ६१ लाख रुपैयाँ गरेको छ । अघिल्लो वर्षको सोही अवधिमा कम्पनीको कुल नाफा ९७ करोड १५ लाख रुपैयाँ थियो । गत असारसम्म कम्पनीको कुल खर्च १३.९८ प्रतिशत घटेर ६१ करोड ३७ लाख रुपैयाँ गरेको छ अघिल्लो वर्षको सोही अवधिमा कम्पनीले ७१ करोड ३५ लाख रुपैयाँ कुल खर्च गरेको थियो । कम्पनीको चुक्ता पुँजी १४.८१ प्रतिशत बढेर ४ अर्ब ६५ करोड रुपैयाँ र अन्य इक्विटी ३६.४९ प्रतिशत बढेर ४ अर्ब २५ करोड ८५ लाख रुपैयाँ सञ्चित छ । नाफासँगै कम्पनीको प्रतिसेयर आम्दानी १.५३ रुपैयाँ घटेर ३.७५ रुपैयाँमा झरेको छ । कम्पनीको प्रतिसेयर नेटवर्थ १९८.८३ रुपैयाँ रहेको छ ।
साढे ६ अर्ब नाफा गरेको नेपाल टेलिकमको जगेडा कोष पौने १ खर्ब पुग्यो
काठमाडौं । नेपाल दूरसञ्चार कम्पनी (नेपाल टेलिकम)ले गत आर्थिक वर्ष २०८०/८१ को चौथो त्रैमासमा साढे ६ अर्ब बढी नाफा गरेको छ । गत असारसम्म कम्पनीको खुद नाफा १६.४४ प्रतिशत घटेर ६ अर्ब ६१ करोड ७७ लाख रुपैयाँ आर्जन गरेको हो । अघिल्लो आर्थिक वर्षको सोही अवधिमा कम्पनीले ७ अर्ब ९२ करोड १ लाख रुपैयाँ खुद नाफा आर्जन गरेको थियो । गत असारसम्म कम्पनीको आम्दानी ४.९९ प्रतिशत घटेर ३४ अर्ब ४६ करोड ११ लाख रुपैयाँ गरेको छ । अघिल्लो वर्षको सोही अवधिमा कम्पनीले ३६ अर्ब २७ करोड १४ लाख रुपैयाँ आम्दानी गरेको थियो । यस अवधिमा कम्पनीको वित्तीय आम्दानी १६.६८ प्रतिशत घटेर ६ अर्ब ४८ करोड ९१ लख रुपैयाँ गरेको छ । अघिल्लो वर्षको सोही अवधिमा कम्पनीले ७ अर्ब ७७ करोड ९२ लाख रुपैयाँ वित्तीय आम्दानी गरेको थियो । समीक्षा अवधिमा कम्पनीको कुल आम्दानी ६.३२ प्रतिशत घटेर ४१ अर्ब ६१ करोड ७१ लाख रुपैयाँ गरेको छ । अघिल्लो वर्षको सोही अवधिमा कम्पनीले ४४ अर्ब ४२ करोड ३६ लाख रुपैयाँ कुल आम्दानी गरेको थियो । नाफासँगै कम्पनीको प्रतिसेयर आम्दानी ७.२४ रुपैयाँ घटेर ३६.७७ रुपैयाँमा सीमित भएको छ । कम्पनीको प्रतिसेयर नेटवर्थ ५२५.४३ रुपैयाँ रहेको छ भने मूल्य आम्दानी अनुपात २२.९८ गुणा रहेको छ । १८ अर्ब रुपैयाँ चुक्ता पुँजी रहेको कम्पनीको जगेडा कोष पौने १ खर्ब पुगेको छ । अघिल्लो वर्ष ७५ अर्ब ९४ करोड ५० लाख रुपैयाँ जगेडा कोष १ प्रतिशत बढेर ७६ अर्ब ५७ करोड ७० लाख रुपैयाँ सञ्चित छ ।
वार्षिक ७ खर्ब रेमिट्यान्स कारोबार आइएमईबाट, सेवालाई अर्को लेभलमा पुर्याउन मर्ज
काठमाडौं । सन् २००१ अर्थात् आजभन्दा करिब २५ वर्षअघि सानो काउन्टरबाट आइएमई अर्थात् इन्टरनेशनल मनी एक्सप्रेस सञ्चालनमा आयो । कम्पनी स्थापना हुँदा पुँजी १ करोड मात्रै थियो । तर, २५ वर्षपछि उक्त पुँजी १ सय गुणा बढेर ११५ करोड पुगेको छ । कम्पनीको पुँजी मात्रै होइन, कारोबार रकम पनि सयौं गुणा बढेको छ । तत्कालीन समयमा आइएमईका अध्यक्ष चन्द्रप्रसाद ढकालले मासिक २ मिलियन (२० लाख) डलर रेमिट्यान्स भित्र्याउँछौं भन्दा नेपाल राष्ट्र बैंकले चासो व्यक्त गरेको थियो । राष्ट्र बैंकका तत्कालीन विदेशी विनिमय विभाग प्रमुख कृष्ण बहादुर मानन्धरले र्याडिसन होटलमा भएको कार्यक्रममा गाउँबाट आएर आधारभूत काम गरिरहेका ढकालले मासिक २० लाख डलर भित्र्याउँछु भन्दा डुब्छ की भनेर चिन्ता व्यक्त गरेका थिए । मानन्धरले २ मिलियन डलर भित्र्याउने अध्यक्ष ढकालको लक्ष्यलाई महत्वकांक्षी पनि भने । तर, आज आइएमईले मासिक २ सय मिलियन डलर बढी रेमिट्यान्स भित्र्याइरहेको छ । एउटै कम्पनीले यति धेरै रेमिट्यान्स भित्र्याउनु असम्भव जस्तै भएपनि आइएमईले सम्भव बनाएको राष्ट्र बैंकका डेपुटी गभर्नर बम बहादुर मिश्र बताउँछन् । विभिन्न मुलुकबाट वार्षिक १४ खर्ब रुपैयाँ बढी रेमिट्यान्स नेपाल भित्रिन्छ । जुन नेपालको कुल ग्राहस्थ उत्पादन (जीडीपी) को २३ प्रतिशत हुन आउँछ । राष्ट्र बैंकले २०३१/३२ सालदेखि विदेशी मुद्राको अभिलेख राख्ने गरेको थियो । तर, आर्थिक वर्ष २०५१/५२ देखि मात्रै विदेशी मुद्राको कारोबार हुन थालेको हो । त्यसपछि राष्ट्र बैंकले २०५६/५७ सालतिर रेमिट्यान्स कारोबार गर्न कम्पनीहरूलाई इजाजतपत्र (लाइसेन्स) प्रदान गर्न थाल्यो । अनुमति दिएकै आर्थिक वर्ष बैंकिङ प्रणालीबाट ४७ करोड रुपैयाँ बराबरको रेमिट्यान्स भित्रिएको तथ्याङ्क रहेको राष्ट्र बैंकका कार्यकारी निर्देशक तथा बैंक तथा वित्तीय संस्था नियमन विभाग प्रमुख गुरुप्रसाद पौडल बताउँछन् । जुन जीडीपीको झण्डै ११ प्रतिशत थियो । विस्तारै रेमिट्यान्स आउने क्रम बढ्दै गयो । ७ वर्षपछि अर्थात् आर्थिक वर्ष २०६२/६३ मा झण्डै १ अर्ब रुपैयाँ भित्रियो । रेमिट्यान्स वृद्धिदर रोकिएको छैन । पछिल्ला वर्षहरू वार्षिक १४ सय अर्ब रुपैयाँ हाराहारीमा रेमिट्यान्स भित्रिरहेको राष्ट्र बैंकको तथ्याङ्कले नै देखाउँछ । जुन जीडीपीको करिब २३ प्रतिशत हुन आउँछ । आर्थिक वर्ष २०५६/५७ मा करिब २४ प्रतिशत घरपरिवारले मात्रै रेमिट्यान्स प्राप्त गर्थे भने हाल बढेर ७६.८ प्रतिशत घरपरिवारले रेमिट्यान्स प्राप्त गरिरहेका कार्यकारी निर्देशक पौडेल बताउँछन् । ‘सरकारी तथ्याङ्क अनुसार नेपालमा ६५ लाख ६० हजार घरपरिवार छन्, एउटा घरपरिवामा ५ जना बस्छन्, सरकारी तथ्याङ्क अनुसार ५१ लाख नेपालीहरू विदेशमा बस्छन्, जसले रेमिट्यान्स उल्लेखनिय रूपमा वृद्धि भइरहेको छ,’ उनले भने, ‘यदि दक्ष जनशक्ति पठाउन सकियो भने रेमिट्यान्स भित्र्याएर उत्पादनशिल क्षेत्रमा लगानी गर्न सकिन्छ, सुरुका दिनमा प्रतिव्यक्ति १५ हजार रुपैयाँ थियो भने अहिले करिब १ लाख ५० हजार प्रतिव्यक्ति रेमिट्यान्स आउने गरेको छ ।’ रेमिट्यान्स उद्योगमा आइएमईको ५० प्रतिशत हिस्सा नेपालको पहिलो रेमिट्यान्स कम्पनी आइएमईले जीएमई रेमिटलाई गाभेर साउन ३० गतेदेखि एकीकृत कारोबार सुरु गरेको छ । जीएमई प्राप्तिपछि आइएमई लिमिटेडको नामबाट कारोबार सुरु गरेको यस कम्पनीको अध्यक्षमा हेमराज ढकाल र प्रमुख कार्यकारी अधिकृत (सीईओ)मा दिवाकर पौडेल नियुक्त भएका छन् । हेमराज ढकाल ९० करोड रुपैयाँ पुँजी रहेको आइएमईले २५ करोड रुपैयाँ पुँजी भएको जीएमई गाभेपिछि चुक्ता पुँजी १ अर्ब १५ करोड रुपैयाँ पुगेको छ । रेमिट्यान्स कारोबार रकमका आधारमा आईएमई पहिलो र जीएमई तेस्रो ठूलो कम्पनी हो । हाल वार्षिक १४ खर्ब रेमिट्यान्स नेपाल भित्रिरहेको छ । जसको ५० प्रतिशत हिस्सा आइएमई समूह अन्तर्गतका संस्थाको रहने अध्यक्ष चन्द्र प्रसाद ढकालको दाबी छ । ‘नेपाल आउने रेमिट्यान्सको करिब ५० प्रतिशत बजार हिस्सा आइएमई र ग्लोबल आइएमई बैंकको हुनेछ, जुन राष्ट्र बैंकले धेरैभन्दा धेरै रेमिट्यान्स भित्र्याउने कम्पनीको रुपमा सम्मान दिएर पुष्टि गरिसकेको छ,’ उनले भने । आइएमईका पूर्वसीईओ खिलेन्द्र पौडेल राष्ट्र बैंकले अंगिकार गरेको मर्जर नीतिलाई विप्रेषण कम्पनीले कार्यान्वयन ल्याएको र अन्य कम्पनीले पनि अँगाल्नुपर्ने बताउँछन् । आइएमई स्थापनादेखि नै आफू कार्यरत रहेको र आइएमईको सफलतामा आफ्नो पनि योगदान रहेको उनले सुनाए । ‘कम्पनी सुरू गर्दा धेरै चुनौति खेप्नु पर्याे, अहिलेको जस्तो अनलाईन प्रणाली थिएन, फ्याक्सको माध्यमबाट काम गर्नुपथ्र्याे, बाहिरबाट पठाएको पैसा आउन हप्तादिन समय लाग्थ्यो, प्रयाप्त पुर्वाधार र कानुन थिएनन्, एकातिर ग्राहकहरूले सहज रूपमा विश्वास गर्ने अवस्था थिएन भने ग्राहकलाई विश्वार दिलाउन पनि गाह्रो थियो,’ उनले भने, ‘आज देशको ठूलो कम्पनीका रूपमा स्थापित भएको छ, कम्पनी सफल हुँदा त्यसको हिस्सा बन्न पाउँदा आफूलाई भाग्यमानी ठानेको छु ।’ साविक जीएमईका अध्यक्ष अर्जुन शर्मा पौडेल रेमिट्यान्स क्षेत्रमा नेतृत्वदायी भूमिका निर्वाह गरिरहेको र बजारको माग अनुसार सेवा दिइरहेको आइएमई रेमिटसँग मर्जरपछि थप बलियो कम्पनीका रूपमा उदाउने बताउँछन् । उनका अनुसार ७ वर्षअघि जीएमईले जापान, कोरिया लगायत नयाँ र उदाउँदा श्रम गन्तव्य देशहरूमा छिटो र भरपर्दाे सुरक्षित सेवा दिँदै आएको छ । तर, केन्द्रीय बैंकले मर्जर नीति ल्याएपछि कार्यान्वयन गर्न सफल भएको उनको भनाइ छ । ‘मर्जरपछि थप बलियो कम्पनीका रूपमा उदाउनेछ । किनभने आइएमई भनेकै रेमिट्यान्स र रेमिट्यान्स भनेकै आइएमई भन्ने मानक बनेको छ,’ उनले भने, ‘विदेशमा परिश्रम र पसिनाले कमाएको रकम सुनिश्चित भएर छिटो परिवारको हातमा पुग्छ भन्ने विश्वास दीगो र दरिलो हुनुपर्छ ।’ आइएमई रेमिटका नवनियुक्त सीईओ दिवाकर पौडेल प्रतिस्पर्धी बजारमा आइएमई र जीएमई मर्जरपछि अझै स्तरीय र विस्तारित सेवा दिने बताउँछन् । यो मर्ज रेमिट्यान्स उद्योगमा पहिलो मर्जरका रुपमा दर्ज हुन सफल भएको उनले बताए । नेपालको रेमिट्यान्स क्षेत्रमा आइएमई कल्चर रहेको समेत उनको दाबी छ । ‘रेमिट्यान्स उद्योगमा नेतृत्वदायी संस्था आइएमईसँग एक हुन पाउँदा खुसी लागेको छ, आइएमईसँग जोडिदा स्थापनाका दिनहरू दिमागमा ताजा छन्, जोखिम मोलेरै वित्तीय क्षेत्रमा नयाँ सेवा दिन आँट गरिएको हो,’ उनले भने, ‘हाम्रा कदमलाई फर्केर हेर्दा रेमिट्यान्स क्षेत्रमा कार्यरत पहिलो पुस्ताका सबै आइएमई कै उत्पादन हौं, जतिपनि रेमिट्यान्स सेवा प्रदायक संस्था छन् ती संस्था आइएमईको कर्पाेरेट कल्चरबाट प्रभावित छन् ।’ उनका अनुसार मर्जरपछि रेमिट्यान्स सेवा सरल, सहज र प्रविधियुक्त बन्नेछ । डिजिटल रेमिट्यान्सको अवधारणालाई प्राथमिकतामा राखेर सेवालाई चुस्त र सुलभ बनाउने उनको भनाइ छ । चालु आर्थिक वर्षको मौद्रिक नीतिमा रेमिट्यान्सलाई प्राथमकितामा राखेर वैदेशिक रोजगारीमा जान श्रम स्वीकृति लिएका व्यक्तिको बैंक खातामा रेमिट्यान्स पठाउने सुनिश्चितताका आधारमा बिना धितो ऋण उपलब्ध गराउने व्यवस्था गरेको छ । यो व्यवस्थाले धेरै भन्दा धेरै रमिट्यान्स औपचारिक माध्यमबाट भित्रिने र सो रकम बचतमा रुपान्तरण हुने विश्वास रहेको उनले बताए । ‘वित्तीय तथा हाम्रो अनुभवलाई ध्यानमा राखेर यो उद्योगको कार्य क्षेत्र विस्तार गर्ने समय आएको छ, रेमिट्यान्स रकमलाई उत्पादन मुलक क्षेत्रमा लगानी प्रवद्र्धन गर्न, राष्ट्रिय आम्दानी तथा रोजगारी श्रृजनामा योगदान गर्न चाहन्छौं, यसका लागि कार्यक्षेत्र विस्तार हुन जरुरी छ, यसको लागि नीतिगत सहज गर्नुपर्छ,’ उनले भने । आइएमईका अध्यक्ष हेमराज ढकाल ग्राहकलाई सेवा दिँदा सुरक्षा, कम्पलायन्स, प्रविधिमा कम्प्रमाइज नगर्ने बताउँछन् । विगतमा सिक्दै यहाँसम्म पुगेको बताउँदै उनले अब सेवालाई डिजिटलाइजेशन गर्न प्रविधिमा जोड दिने बताए । साथै राष्ट्र बैंकले रेमिट्यान्स कम्पनीहरूलाई काम गर्न नयाँ क्षेत्र खुला गर्नुपर्ने उनको भनाइ छ । ‘विदेश जाँदा न्यून ब्याजमा कर्जा दिन सक्यौ भने गाउँमा सहकारीमा जस्तो उच्च ब्याजदरको समस्या कम सकिन्छ, डिजिटल बैंकको अवधारणा आइरहेको छ, डिजिटल बैंकसँगै सेवा विस्तार गर्न दियो भने अझै बढी योगदान पुर्याउन सकिन्छ,’ उनले भने, ‘व्यवसायलाई अगाडि बढाउन आइएमई डिजिटल सोलुसन (आइएमई पे) सुरु गर्याैं, हामीसँग भएको ज्ञान र अनुभवलाई अर्काे लेभलमा पुर्याउन अन्तर्राष्ट्रिय बजारमा शाखा खोल्न दिनुपर्छ ।’ राष्ट्र बैंकका कार्यकारी निर्देशक पौडेल रेमिट्यान्स रकमलाई उत्पादनशिल क्षेत्रमा लगानी होस् भनेर राष्ट्र बैंकले थुप्रै काम गरिरहेको बताउँछन् । औपचारिक माध्यमबाट रेमिट्यान्स भित्र्याउन १ प्रतिशत बढी ब्याज दिँदा करिब १२५ अर्ब निक्षेप संकलन भएको उनले बताए । साथै आईपीओमा १० प्रतिशत सेयर दिने व्यवस्था रहेको उनको भनाइ छ । ठूलो पुँजी भएका रेमिट्यान्स कम्पनीलाई अन्य थप कार्य गर्न दिने गरी राष्ट्र बैंकले व्यवस्था गरिरहेको र रेमिट्यान्सको लागत घटाउनु पर्ने बेला आएको उनले बताए । ‘अहिले रेमिट्यान्सको लागत ४ प्रतिशतको हाराहारीमा छ, अन्य देशको तुलनामा यो शुल्क महँगो होइन । तर, डिजिटाइजेशन गर्दा ५० प्रतिशत घटाउन सकिने हाम्रो अनुमान छ, १४ सय अर्ब रेमिट्यान्स भित्रिँदा ४ प्रतिशत शुल्क लिँदा ५६ अर्ब रुपैयाँ लागत लाग्छ, यदि ५० प्रतिशत लागत घटाउने हो भने २८/३० अर्ब कम भएर थप रेमिट्यान्स भित्रिन सक्छ,’ उनले भने, ‘मर्जरले लागत घटाउन र रेमिट्यान्सलाई फर्मल च्यालनमा ल्याउन थप उत्प्रेरणा मिलोस् ।’
नाडा अटो शो : ७० प्रतिशत ईभीको सहभागीता, अग्रिम टिकट बुकिङमा क्यासब्याककाे सुविधा
काठमाडौं । ‘नाडा अटो शो २०२४’ को तयारी पूरा भएको छ । भदौ ११ गतेदेखि १६ गतेसम्म काठमाडौंको भृकुटीमण्डपमा आयोजना हुन गइरहेको नाडा अटो शोको तयारी पूरा भएको हो । नाडा अटोमोबाईल्स एसोसिएसन अफ नेपालले मंगलबार पत्रकार सम्मेलन गर्दै शोको तयारी पूरा भएको जानकारी दिएको छ । यस पटकको शोमा विगत भन्दा भव्य हुने दाबी नाडाले गरेको छ । नाडाका अध्यक्ष करण चौधरीले विगतभन्दा यस पटकको अटो शो भव्य हुने बताए । टाटा डट इभी मुख्य प्रायोजक रहको उक्त शोको सह प्रायोजकमा भने शिखर इन्स्योरेन्स र सर्भो लुब्रिकेन्स रहेका छन् । उक्त शोमा प्रवेशका लागि अनलाइनबाट नै टिकट काट्न सकिने जनाइएको छ । शोको टिकटिङ पार्टनरका रूपमा खल्ती वालेट रहेको छ । उक्त अटो शोले अटोमोबाइल क्षेत्रको नवीनतम प्रविधिहरूको व्यापक प्रदर्शन गर्ने नाडाको दाबी छ । यसले देशका अर्थतन्त्रलाई नै बढाउने दाबी शोका संयोजकन अनुप बरालले गरे । ५५ ब्राण्डका सवारीसाधको सहभागीता उक्त अटो शोमा ५५ वटा ब्राण्डका सवारीसाधनको सहभागीता रहने नाडाले जनाएको छ । जसमा २४ वटा चारपांग्रे ब्राण्ड, १९ वटा दुईपांग्रे र १२ वटा हल्का व्यावसायिक सवारीसाधनको सहभागीता हुने जनाइएको छ । यसैगरी १३ वटा लुब्रिकेन्ट ब्राण्ड, ५ ब्राण्डका ब्याट्री र टायर्स, १३ वटा हेल्मेट विक्रेता कम्पनी, ५ वाणिज्य बैंक, एक विकास बैंक र एक इन्स्योरेन्स कम्पनीसहित जम्मा ९५ वटा प्रदर्शकहरू रहने छन् । उक्त प्रदर्शकहरूले १३० वटा स्टलमा प्रदर्शन गर्नेछन् । २६ अगस्टसम्म टिकट बुक गर्नेलाई २० प्रतिशत छुट उक्त शोका लागि २६ अगस्टभित्रै टिकट बुकिङ गर्नेले २० प्रतिशत क्यास ब्याक पाउने नाडाले उल्लेख गरेको छ । उक्त शोमा ७५ हजार बढी आगन्तुकहरू सहभागी हुने नाडाको अनुमान छ । उक्त आगन्तुकमध्ये एक जनाले जुम स्कूटर जित्ने अवसार पाउने छन् । जसलाई सीजी मोटर्सले प्रायोजन गरेको छ । ईभीको सहभागीता ७० प्रतिशत उक्त अटो शोमा विद्युतीय सवारीसाधन (ईभी) को वर्चस्व रहने नाडा संयोजक बरालले बताए । नेपाली बजारमा सबैभन्दा छिटो ईभी एडप्ट भएको उल्लेख गर्दै उनले उक्त शोमा ७० प्रतिशत सहभागीता ईभीका साधनहरूको हुने बताए ।
रमेश खरेलले चर्चामा आउन मविरुद्ध अख्तियारमा उजुरी हाले : कुलमान
काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङले नेपाल प्रहरीका पूर्वनायब महानिरीक्षक (डीआईजी) रमेश खरेलले दूषित मनसायका साथ आफूविरुद्ध अख्तियार दुरुपयोग अनुसन्धान आयोगमा उजुरी दिएको बताएका छन् । बुधबार एक विज्ञप्ति जारी गर्दै निर्देशक घिसिङले आफू चर्चामा आउनका लागि मात्र खरेलले उजुरी दिएको उललेख गरेका छन् । ‘निज खरेलबाट मेराविरुद्ध कुनै एक टेलिभिजनमार्फत निहित स्वार्थका साथ गलत तथा भ्रामक सूचनाको प्रयोगमार्फत कार्यक्रम उत्पादन गरी पटकपटक सम्प्रेषण भइरहेको थियो, पत्रकारिताका सर्वमान्य सिद्धान्त, मूल्यमान्यता र आचारसंहितको ठाडो उल्लंघन तथा सञ्चारमाध्यमै दुरुपयोग गर्दै निज खरेलबाट मेरो र मेरो परिवारका सदस्यहरू (मुख्य रूपमा दाइ र भाइ) को चरित्रहत्या, मानप्रतिष्ठा र छविमा आघात पुर्याउने उद्देश्यले कसैको उक्साहटमा मेरा विरुद्धमा प्रचार भइरहेको थियो र छ,’ उनले जारी गरेको विज्ञप्तिमा उल्लेख छ । प्राधिकरणले हासिल गरेका प्रगति एवम् उपलब्धिबाट अत्तालिएका केही स्वार्थ समूह पहिलेबाटै सक्रिय रहेको र विद्युत महसुल बक्यौता रकम असुल गर्न चालिएका कदमबाट आत्तिएकाहरू अहिले आफूलाई थप कमजोर बनाउन र मनोबल गिराउन सुनियोजित रूपमा लागेको घिसिङको भनाइ छ । पूर्वडीआईजी खरेलले मंगलबार कुलमानको सम्पत्तिसहित विभिन्न विषयमा अनुसन्धानको माग गर्दै अख्तियार दुरुपयोग अनुसन्धान आयोगमा उजुरी दिएका थिए ।
एनसेल प्रयोगकर्ताले रोमिङमा एसएमएस अलर्ट र ओटीपी पाउने
काठमाडौं । एनसेल सिम प्रयोगकर्ताले कुनै पनि सर्ट कोड वा सेवा प्रदायकले पठाएका वान टाइम पासवर्ड (ओटीपी), एसएमएस र अन्य एसएमएसमार्फत आउने सूचनाहरू मोबाइलमा प्राप्त गर्न सक्ने भएका छन् । यसरी प्राप्त गरिने वा पठाइने सूचनाले विशेष गरी केवाईसीमा मोबाइल नम्बर चाहिने र नेपाली नागरिकलाई आफ्ना सेवा, सुविधा बारेमा सूचित गराउन डाटा बेस राख्ने सरकारी निकायलाई ठूलो महत्त्व पुग्ने कम्पनीले जनाएको छ । विविध डिजिटल सेवाको प्रयोग बढ्दो क्रममा रहेको हालको अवस्थामा ग्राहकले एप्लिकेसन टू पर्सन (एटूपी) म्यासेजहरू जस्तै : ओटीपी, एसएमएस र अन्य नोटिफिकेसनका रुपमा प्राप्त गर्नेछन् । कम्पनीका अनुसार यस्ता ओटीपी, एसएमएस र नोटिफिकेसनहरू सरकारी, अर्ध–सरकारी, बैंक तथा वित्तीय संस्था, विभिन्न सेवा प्रदान गर्ने निजी क्षेत्रका संघसंस्था, गुगल र फेसबुक जस्ता विश्वव्यापी प्लेटफर्महरूले पठाउँछन् । ‘हाम्रा कुनै पनि नम्बर रेन्जमा एटूपी म्यासेज वा नोटिफिकेशन डेलिभरीको समस्या छैन, हरेक वर्ष बढिरहेको एटूपी म्यासेज प्रवाह डिजिटलाइजेसनको सकारात्मक सूचक हो, जसले हाम्रा ग्राहकहरू सधैं अन रहेको देखाउँछ,’ एनसेलका चीफ कमर्शियल अफिसर उमेर मोहसिनले भने । मोहसिनले कम्पनीका कुनै पनि नम्बर रेन्जमा एटूपी म्यासेज वा नोटिफिकेसन डेलिभरीको समस्या नरहेको बताए । हरेक वर्ष बढिरहेको एटूपी म्यासेज प्रवाह डिजिटलाइजेसनको सकारात्मक सूचक भएको भन्दै उनले यसबाट ग्राहकहरू सधैं अन रहेको देखाउने बताए । ‘सुरुवातमा ९७० रेन्जमा केही प्रारम्भिक समस्या देखिएका थिए । ती समस्याहरू द्रुत गतीमा समाधान भइसकेका छन्,’ उनले भने । एनसेल नम्बरमा एसएमएस, ओटीपी र नोटिफिकेसन नआउने भन्ने गलत बुझाइका बारेमा स्पष्ट पार्दै एनसेलले देशभित्र र बाहिर विदेशमा रोमिङमा भएको बेलामा एनसेलका सबै नम्बरहरू यस्ता सूचना प्राप्त गर्न योग्य रहेको उनले बताए । एनसेलले अन्य सर्ट–कोड संचालक तथा सेवा प्रदायकलाई पनि उनीहरूका प्रणालीमा एनसेलको नयाँ ९७० नम्बर रेन्ज समावेश गर्न आग्रह गरेको छ । एनसेलले आफ्ना ग्राहकलाई सुविधा अझै विस्तारित गर्ने योजना अनुरुप गत वर्षदेखि नै यो नयाँ नम्बर रेन्जमा मोबाइल नम्बरहरू जारी गर्न थालेको हो ।
प्राइम कमर्सियल बैंक र सांग्रिला डेभलपमेन्ट बैंकको अन्तरबैंक ‘कार्डलेस’ सेवा सुरु
काठमाडौं । नेपाल क्लियरिङ हाउस लिमिटेड (एनसीएचएल) ले प्राइम कमर्सियल बैंक र सांग्रिला डेभलपमेन्ट बैंक सँगको सहकार्यमा अन्तरबैंक कार्डलेस विड्रअल सेवा सुरु गरेको छ । बैंकहरूका ग्राहकहरूले सञ्जालमा रहेका एटीएम मेसिन प्रयोग गरेर बिना कार्ड मोबाइल बैंकिङ वा कनेक्ट आइपीएसको माध्यमबाट नगद निकाल्न सकिने व्यवस्था थप गरिएको छ । अब दुवै बैंकका ग्राहकहरूले यस सेवाको सुरूवात पश्चात् एउटा बैंकको खाताबाट अर्को बैंकको एटीएम मेसिन प्रयोग गरी समेत बिना कार्ड नगद झिक्न सक्ने भएको छ । हालका लागि ग्राहकहरूले एनसीएचएलले सञ्चालन गर्दै आएको रिटेल प्ल्याट्फर्मअन्तर्गत कनेक्टआइपीएसमा रजिष्टर गरी आफ्नो लिंक गरिएको प्राइम कमर्सियल बैंक वा सांग्रिला डेभलपमेन्ट बैंकको खाताबाट सो सुविधा प्रयोग गर्न सक्नेछन् ।
