लायन्स क्लव ग्लोबल आइद्वारा रक्तदान सम्पन्न, नाइजेरियन खेलाडीसहित ५० जनाले गरे रक्तदान
लतिलपुर । लायन्स क्लव ग्लोबल आइले वृहत रक्तदान रक्तदान कार्यक्रम गरेको छ । बुधबार ललितपुरको मानभवनमा लायन्स क्लव ग्लोबल आइले मानभवन व्याडमिन्टन क्लव र वृग्रेड ब्याएज क्लवको सहआयोजनामा वृहत रक्तदान रक्तदान कार्यक्रम सम्पन्न गरेको हो । विभिन्न सामाजिक कार्यगर्दै आएको लायन्स क्लव ग्लोबल आइले प्रतिकुल परिस्थितिमा पनि रगतको अभाव नहोस् भनेर रक्तदान कार्यक्रम आयोजना गरिएको अध्यक्ष अमर बान्तुले बताए । कार्यक्रममा पचास भन्दा बढी व्यक्तिले रक्तदान गरेका थिए । कार्यक्रम मल्टिपल जीएसटी कोअडिनेटर लायन अनन्तप्रसाद भेटबाल, सेकेन्ड डिस्टिक गभर्नर लायन कर्मा गुरुङ, चार्टर प्रेसिडेन्ट तथा प्रोग्राम कोअडिनेटर लायन हरि दाहाललगायतका व्यक्तित्वहरुको उपस्थिति रहेको थियो । पचासजना भन्दा बढी व्यक्तिले रक्तदान गरेको उक्त कार्यक्रममा नाइजेरियन तीन जना खेलाडीले पनि रक्तदान गरेका थिए । समय समयमा विभिन्न सामाजिक कार्य गर्दै आएको लायन्स क्लव ग्लोबल आइले कोरोना सङ्क्रमणलाई नियन्त्रण र रोकथाम गर्नका लागि गरिएको लकडाउनका समयमा अप्ठायारोमा परेका धेरैलाई सहयोग तथा राहत प्याकेज वितरण गरेको थियो ।
२ महिलासहित ६ जुवाडे पक्राउ
कास्की । कास्की प्रहरीले दुई महिलासहित छ जुवाडेलाई पक्राउ गरेको छ । पोखरा महानगरपालिका–१७ तितेपानी रानीवनस्थित रिमा गुरुङको घरमा जुवा खेलिरहेको अवस्थामा उनीहरुलाई पक्राउ गरिएको जिल्ला प्रहरी कार्यालय कास्कीका प्रवक्ता प्रहरी नायब उपरीक्षक सुवास हमालले जानकारी दिए । पक्राउ पर्नेमा घरधनी ३६ वर्षीया गुरुङ, ४१ वर्षीया मुना गुरुङ, छोरेपाटन बस्ने ३१ वर्षीय लीलाधर सुवेदी, ३० वर्षीय राजमान गुरुङ, ३८ वर्षीय डिलप्रसाद गुरुङ र पोखरा–१६ का दीप बस्नेत र ४८ वर्षीय खेम गुरुङ छन् । जुवाखालबाट ४७ हजार १ सय र तास बरामद भएको छ । प्रवक्ता हमालका अनुसार विशेष सूचनाका आधारमा जुवाडेलाई पक्राउ गरिएको हो । कास्की प्रहरीले पोखराका विभिन्न स्थानबाट तीन महिलासहित १० जुवाडेलाई पक्राउ गरेको थियो । रासस
भेनेजुएलामा संसदको निर्वाचन डिसेम्बरमा
काराकास । भेनेजुएलाको संसदको आमनिर्वाचन आगामी डिसेम्बरमा गर्नेगरी तयारी शुरु भएको निर्वाचन आयोगले जनाएको छ । आयोगका अध्यक्ष अल्फन्जो इजागुरले भेनेजुएलामा आगामी डिसेम्बरमा २ सय ७७ सदस्यीय संसदका लागि चुनाव हुने जानकारी दिए । यसपटकको चुनावमा ६६ प्रतिशतभन्दा बढी संख्यामा सांसदहरु चुनिन लागेका हुन् । भेनेजुएला सरकारले यसै वर्ष नेसनल एसेम्ब्लीका लागि चुनाव गर्ने पटकपटक प्रतिबद्धता जनाइरहेको अवस्थामा चुनावको महिना घोषणा भएको हो । त्यस्तै राज्यका गभर्नरको चुनाव पनि सन् २०२१ मा गर्ने घोषणा गरिएको छ । रासस–एएनआई
