होण्डाको ‘डिओ’ र ‘एभिएटर’ मध्ये कुन किन्दा राम्रो ? यस्ता छन् फरक
काठमाडाैं । होण्डाले नेपाली बजारको स्कुटर सेग्मेन्टमा एकछत्र राज गरेको छ भन्दा फरक नपर्ला । ‘एभिएटर’ र ‘डिओ’ त्यस्ता दुई स्कुटरहरु हुन् जुन नेपालमा होण्डाका विशेष रुचाइएका स्कुटरमध्येमा पर्दछन् । आज हामी यिनै दुई स्कुटरहरु विच रहेका भिन्नताहरुलाई उजागर गर्न गइरहेका छौं, जसले अवश्य पनि तपाईंलाई उपरोक्त दुई स्कुटरहरुमध्ये कुनै एकचयन गर्नुपर्ने अवस्थामा सहयोग पुर्याउने छ । इञ्जिन एभिएटरमा १०९.१९ सीसीको इञ्जिन दिइएको छ जसले ८.०३ पीएसको पावर र ८.९४ एनएमको टर्क प्रोड्युस गर्दछ । डिओमा पनि १५९.७ सीसीकै इञ्जिन दिइएको छ तर यस इञ्जिनले ८.११ पीएसकोपावर र ८.९१ एनएमको टर्क प्रोड्युस गर्दछ । डाइमेन्सन एभिएटरको सिट हाइट७९० मिलिमिटरको छ भने डिओको चाहिँ ७६५ मिलिमिटरको रहेको छ । त्यसैगरी एभिएटरको ग्राउण्ड क्लियरेन्स १४५ मिलिमिटर छ भने डिओको चाहिँ १५८ मिलिमिटर छ । एभिएटरको कर्ब वेट १०६ के.जी. छ भने डिओको चाहिँ १०४ के.जी. रहेको छ । त्यसैगरी एभिएटरको फ्युल ट्याङ्क क्यापासिटी ६ लिटरको रहेको छ भने डिओको चाहिँ ५.३ लिटरको रहेको छ । ब्रेक र सस्पेन्सन होण्डाले उपरोक्त दुवै स्कुटरहरुको अगाडि र पछाडि ड्रम ब्रेक दिएको छ । त्यसैगरी सस्पेन्सनको कुरा गर्नुपर्दा एभिएटरको अगाडि तर्फ टेलिस्कपिक फर्क र पछाडितर्फ चाहिँ स्प्रिङ लोडेड हाइड्रोलिक शक दिइएको छ भने डिओको दुवैतर्फ स्प्रिङ लोडेड हाइड्रोलिक सस्पेन्सन नै जडान गरिएको छ । दुवै स्कुटरहरुमा मजबुत ब्रेकिङ्गको लागि कम्बी ब्रेक सिस्टम समावेस गरिएको छ । टप स्पिड र माइलेज होण्डाका अनुसार एभिएटरले ६० केएमपीएल माइलेज प्रदान गर्दछ भने डिओले चाहिँ ५५ केएमपीएलको माइलेज प्रदान गर्दछ । त्यसैगरी एभिएटरको टप स्पिड ८२ केएमपीएच रहेको छ भने डिओको चाहिँ ८३ केएमपीएच रहेको छ । मूल्य होण्डा टू ह्वीलर्सको नेपालका लागि आधिकारिक विक्रेता स्याकार ट्रेडिङ्ग कम्पनी प्रा.लि.ले नेपाली बजारमा एभिएटरको मूल्य दुई लाख नौ हजार नौ सय रुपैयाँ तोकेको छ भने डिओको चाहिँ दुई लाख दुई हजार नौ सय रुपैयाँ तोकेको छ । त्यसैगरी, डिओकै अर्को भेरियन्ट ‘डिओ डिजिटल’ को मूल्य भने दुई लाख सात हजार नौ सय रुपैयाँ तोकिएको छ ।
यो हो नेपालमा पाइने होण्डाको सबैभन्दा सस्तो कार, खरिदमा थप सवा लाख छुट
काठमाडाैं । होण्डा कारको नेपालका लागि आधिकारिक बिक्रेता स्याकार ट्रेडिङ्ग कम्पनी प्रा.लि.ले हाल नेपाली बजारमा बिक्री गरिरहेको मोडेलहरु मध्येमा सबैभन्दा कम मूल्य पर्ने कारको रुपमा रहेको छ ‘अमेज’ । यसको बेस भेरियन्ट ‘अमेज एसएमटी’ को मूल्य ३५ लाख ६५ हजार रुपैयाँ रहेको कम्पनीले बताएकाे छ । यस सेडानका फिचरहरुको रुपमा आउटसाइड रियर भ्यू मिरर्स, फ्रन्ट फग ल्याम्प, शार्क फिन एन्टेना, सबै आवश्यक जानकारी डिस्प्ले गर्ने एनालग इन्स्ट्रुमेन्ट क्लष्टर, शोफिस्टिकेटेड ड्यास बोर्ड, मल्टि फङ्सन स्टेयरिङ्ग ह्वील, अटोमेटिक एयर कण्डिस्नर, इञ्जिन स्टार्ट/स्टप बटन, १२ भोल्टको व्याट्रीजस्ता विशेषताहरु रहेका छन् । त्यसैगरी अमेजको सेफ्टि फिचरहरुको रुपमा एयरब्याग्स्, एबीएस सिस्टम, ईबीडी सिस्टम, सेन्ट्रल लकिङ्ग, चाइल्ड सेफ्टि लक, ड्राइभर सिट बेल्ट रिमाइन्डर लगायत रहेका छन् भने कम्फर्ट फिचरका रुपमा चाहिँ फोल्डिङ्ग सिट, हाइट एडजस्ट गर्न मिल्ने ड्राइभर सिट, एडजस्ट गर्न मिल्ने हेड रेस्ट, कप होल्डर लगायत रहेका छन् । यस सेडानमा ११९९ सीसी ४ सिलिण्डर एसओएचसी पेट्रोल इञ्जिन समावेस छ जसले ८९ बीएचपीको पावर र ११० एनएमको टर्क उत्पादन गर्दछ । त्यसैगरी, यस कारमा ५ गियरहरु रहेका छन् भने कारले १९.५० केएमपीएल माइलेज प्रदान गर्दछ । ५ सिटर यो सेडानको डाइमेन्सनको कुरा गर्नुपर्दा यसको लम्वाई ३९९५ मिलिमिटर, चौडाई १६९५ मिलिमिटर र उचाई १४९८ मिलिमिटर रहेको छ भने ग्राउण्ड क्लियरेन्स चाहिँ १७० मिलिमिटर छ । त्यसैगरी, ४५ लिटरको फ्युल ट्याङ्क क्यापासिटी र ४२० लिटरको बुट स्पेस रहेको यस कारका अगाडिका चक्काहरुमा डिस्क ब्रेक र पछाडिका चक्काहरुमा चाहिँ ड्रम ब्रेक दिइएका छन् । स्याकार होण्डाले जनाए अनुसार अहिलेको अफर अनुसार यस कारको खरिदमा एक लाख २५ हजार रुपैयाँ नगद छुटको व्यवस्था रहेको छ । हाल नेपाली बजारमा अमेजका एसएमटि, भिएमटि, भिएक्सएमटि, एससिभिटि र भिसिभिटि गरी ५ अलग भेरियन्टहरु उपलब्ध भइरहेका छन् । कम्पनीले अमेजको टप भेरियन्ट ‘भिसिभिटि’ को मूल्य चाहिँ ४२ लाख ९० हजार रुपैयाँ तोकेको छ ।
टिभिएसले सार्वजनिक गर्यो ‘आरटिआर १६० ४भी’ र ‘आरटिआर २०० ४भी’ को २०२० भर्जन, यस्ता छन् नयाँ फिचर
काठमाडाैं । भारतिय मोटरसाइकल उत्पादक कम्पनी टिभिएसले २०२० संस्करणको ‘अपाचे आरटिआर १६० ४भी’ र ‘अपाचे आरटिआर २०० ४भी’ लाई भारतमा सार्वजनिक गरेको छ । कम्पनीले भारतिय बजारमा आरटिआर २०० ४भी को मूल्य एक लाख २४ हजार रुपैयाँ तोकेको छ भने आरटिआर १६० ४भी (ड्रम) को मूल्य ९९ हजार नौ सय ५० रुपैयाँ र त्यसैगरी आरटिआर १६० ४भी (डिस्क) को मूल्य एक लाख तीन हजार रुपैयाँ तोकेको छ । यी बाइकहरुको मूल्य भने अघिल्लो भर्जनको तुलनामा केहि वृद्धि भएको हो । टिभिएसले यी मोडेलहरुलाई धेरै परिमार्जन गरेर बजारमा ल्याएको हो । पहिलो परिमार्जनको रुपमा यी बाइकहरुमा बीएस६ प्रदुषण मापदण्ड अनुरुपको इञ्जिन समावेस छन् ।आरटिआर २०० ४भीमा भएको बीएस६ इञ्जिनले पहिले जतिनै अर्थात् २०.५० एचपीको पावर उत्पादन गर्दछ भने टर्क चाहिँ पहिलेको भन्दा १.३० एनएमले कम अर्थात् १६.८० एनएम उत्पादन गर्दछ । त्यसैगरी आरटिआर १६० ४भी मा दिइएको बीएस६ इञ्जिनले चाहिँ पहिलेभन्दा लगभग ०.८ एचपी कम अर्थात् १६.०२ एचपीको पावर उत्पादन गर्दछ भने टर्क चाहिँ लगभग ०.७ एनएमले कम अर्थात् १४.१२ एनएम उत्पादन गर्दछ । टिभिएसले यी मोडेलहरुमा नयाँ डिजाइनको एलईडी हेडलाइट दिएको छ जसले बाइकलाई पहिले भन्दा एग्रेशिभ लुक्स प्रदान गरेको छ । भारतिय मिडियाहरुका अनुसार कम्पनीले यी दुवै बाइकहरुमा जीटीटी (ग्लाइड थ्रू ट्राफिक) नामक फिचर पनि समावेस गरेको छ । यस फिचरले ट्राफिक भएको क्षेत्रमा कम स्पिडमा बाइकलाई स्मूथ र कन्ट्रोल्ड राइड प्रदान गर्न मद्दत पुर्याउँछ । त्यसैगरी, अन्य फिचरहरुको रुपमा यी मोडेलहरुमा ‘फिदर टच’ स्टार्ट र रिडिजाइन्ड मिरर समावेश छन् ।
