नेपालमा पहिलो पटक क्रियटिभ बिजनेस कप हुँदै, विजेतालाई ९ लाख रुपैयाँ पुरस्कार
काठमाडौं । नेपालमा पहिलो पटक उद्यमीहरुको लागि क्रियटिभ बिजनेस कप प्रतियोगिता हुने भएको छ । नेपालमा नयाँ सोच भएका नव उद्यमी तथा उद्यमशीलतासँग सम्बन्धित सम्पूर्ण ‘स्टार्टअप इकोसिस्टम’ विकास, विस्तार र संस्थागत गर्नमा सघाउने उद्धेश्यले उक्त प्रतियोगिताको आयोजना गरिएको हो । करिब ३ वर्षदेखि सक्रिय संस्था अन्तरप्रेरणा र उद्यमशिलताको क्षेत्रमा विश्वभरि कार्यरत डेनमार्कको कोपनहेगनमा रहेको क्रियटिभ बिजनेस कपबिच नेपाली उद्यमीहरुलाई अन्तर्राष्ट्रिय मञ्च प्रदान गर्ने सहमती पत्रमा हस्ताक्षर भएको छ । यसबाट यहि वर्ष नोभेम्बर महिनामा डेनमार्कको कोपनहेगनमा सम्पन्न हुने अन्तर्राष्ट्रिय क्रियटिभ बिजनेस कप प्रतिस्पर्धामा नेपाली उद्यमीलाई सहभागी हुने अवसर मिलेको छ । नेपालमा पहिलो पटक हुन लागेको यस प्रतियोगितामा उद्यमशीलताका विविध क्षेत्रमा नविन र सृजनशील कार्यहरु गरिरहेका उद्यमीहरुले प्रतिस्पर्धा गर्नेछन् । सो प्रतियोगिताबाट छानिएका उत्कृष्ट प्रतियोगीले कोपनहेगनमा हुने अन्तर्राष्ट्रिय बिजनेस कपमा आफ्नो प्रस्तुती दिन पाउने छन् । तीन दिने अन्तराष्ट्रिय कार्यक्रममा उत्कृष्ट प्रस्तुति दिनेले ७००० यूरो बराबरको नेपाली रुपैयाँ(अर्थात ९ लाख ३ हजार रूपैयाँ) नगद पुरस्कारसँगै अन्य सुविधाहरु पाउनेछन् । क्रियटिभ बिजनेस कपले उद्यमीहरुको सशक्तिकरण, उद्यमीहरुलाई विश्व बजार, लगानीकर्ता र सरोकारवालाहरु सम्म जोड्ने काम गर्दछ । हाल अन्तरप्रेरणाले नेपाली उद्यमीहरुका विचमा राष्ट्रिय प्रतियोगिताकोलागि आवेदन आव्हान गरिरहेको छ । यस बिजनेस कपमा सहभागी हुनको लागि अन्तर्प्रेरणाको वेभसाईट https://www.antarprerana.com.np/cbc बाट आवेदन दिन सकिने छ र थप जानकारी पनि पाउन सकिने छ ।
२ वर्षमा एनसीसी बैंकको नाफा पौने २ अर्ब नाघ्ने, लगानीकर्ताले कति पाउनेछन् लाभांश ?
काठमाडौं । नेपाल क्रेडिट एन्ड कमर्श (एनसीसी) बैंकले आउदो २ वर्षमा नाफा दोब्बर बढ्ने प्रक्षेपण गरेको छ । बैंकले आगामी आर्थिक वर्ष ०७६/०७७ मा नाफा दोब्बर बढेर १ अर्ब ८३ करोड ९७ लाख रुपैयाँ पुग्ने अनुमान गरेको हो । बैंकले हकप्रद सेयर निष्कासन प्रयोजनका लागि सार्वजनिक गरेको वित्तीय विवरणमा नाफा दोब्बर बढाउने प्रक्षेपण गरेको हो । गत आर्थिक वर्ष ०७४/ ०७५ मा बैंकले ९० करोड ३९ लाख रुपैयाँ खुद नाफा गरेको छ । चालु आर्थिक वर्षमा बढाएर १ अर्ब ५५ करोड ८४ लाख रुपैयाँ पुग्ने अनुमान छ । नाफामा भएको वृद्धिसंगै प्रति सेयर आम्दानी (ईपीएस) पनि बढ्ने भएको छ । बैंकको प्रतिसेयर आम्दानी बढेर २२ रुपैयाँ ९८ पैसा पुग्ने प्रक्षेपण गरिएको छ । गत आर्थिक वर्षमा बैंकको ईपीएस १९ रुपैयाँ ३२ पैसा, चालु आर्थिक वर्षमा १९ रुपैयाँ ४६ पैसा पुग्नेछ । यस्तै प्रतिसेयर नेटवर्थ पनि बढेर १७६ रुपैया पुग्ने छ । गत आर्थिक वर्षमा बैंकको प्रतिसेयर नेटवर्थ १७४ रुपैयाँ पुगेको छ । चालु आर्थिक वर्षमा घटेर १५० रुपैयाँ कायम भएको छ । बैंकले निक्रिय कर्जा अनुपात घटाएर १ प्रतिशतमा झार्ने भएको छ । गत वर्ष बैंकको यस्तो कर्जा ३.१९ र चालु आर्थिक वर्षमा १.९४ प्रतिशतमा झर्ने बैकको प्रक्षेपण छ । यस्तै पुँजी कोषको आकार १४.५१ प्रतिशत हुने अनुमान छ । गत आवमा बैंकको पुँजीकोष १३.७९ र चालु वर्षमा १७.२१ प्रतिशत पुग्ने अनुमान छ । आर्थिक वर्ष ०७६/०७७ मा बैंकको ब्याज आम्दानी २ अर्ब ४३ करोड ५५ लाख रुपैयाँ गर्ने भएको छ । गत आर्थिक वर्षमा १ अर्ब ४३ करोड ८० लाख, चालु वर्षमा १ अर्ब ४८ करोड ९३ लाख रुपैयाँ ब्याज आम्दानी हुने बैंकको प्रक्षेपण गरिएको छ । समीक्षा अवधिमा बैंकको निक्षेप परिचालन २५ प्रतिशत बढेर ९५ अर्ब ६४ करोड रुपैयाँ पुग्ने प्रक्षेपण गरिएको छ । चालु अर्थिक वर्षमा बैंकको निक्षेप बढेर ७६ अर्ब ५१ करोड रुपैयाँ पुग्ने छ । कर्जा लगानी ३०.७६ प्रतिशत बढ्ने अनुमान छ । आगामी २ वर्षमा बैंकको कर्जा लगानी बढेर ८४ अर्ब ३३ करोड रुपैयाँ पुग्ने छ । यस्तै चालु आर्थिक वर्षमा ६४ अर्ब १० करोड रुपैयाँ पुग्ने अनुमान गरिएको छ । जगेडा कोषको आकार पनि बढेर ५ अर्ब ८७ करोड ९५ लाख रुपैयाँ पुग्ने अनुमान बैंकको छ । गत आर्थिक वर्षमा बैंकको जगेडा कोष ३ अर्ब ४६ करोड ३९ लाख रुपैयाँ पुगेको छ । चालु आवमा बढेर ४ अर्ब ३ करोड ९७ लाख रुपैयाँ पुग्ने छ । २ वर्षमा पनि निक्षेपको ब्याजदर १०.६१ प्रतिशत नै हुने अनुमान बैंकको छ । गत वर्ष औसत ९.१२ र चालु आर्थिक वर्षमा ९.६९ प्रतिशत पुग्ने छ । यस्तै कर्जाको औसत ब्याजदर १४.३० प्रतिशत पुग्ने छ । गत वर्ष १३.४६ र यो वर्ष अझ बढेर १३.९९ प्रतिशत पुग्ने अनुमान छ । बैंकले भदौ ४ गतेदेखि साविकका सेयरधनीलाई हकप्रद सेयर निष्कासन गर्ने भएको छ । बैंकले चुक्तापुँजी बढाउन ५० प्रतिशत अर्थात २ अर्ब ३३ करोड ९५ लाख २९ हजार १०० रुपैयाँ बराबरको २ करोड ३३ लाख ९५ हजार २९१ कित्ता हकप्रद सेयर निष्कासन गर्न लागेको हो । हकप्रद निष्कासन असोज ७ गतेसम्म हुने निष्कासन तथा बिक्री प्रवन्धक सनराइज क्यापिटल लिमिटेडले जनाएको छ । हकप्रद निष्कासनपछि बैंकको चुक्तापुँजी ७ अर्ब १ करोड ८५ लाख रुपैयाँ हुने छ ।
लगानीकर्ता एनएमबी बैंकको बोनस सेयरमा लोभिए, सबैभन्दा बढी कारोबार
काठमाडौं । लगानीकर्ता बोनस सेयरमा लोभिदा मंगलबार एनएमबी बैंकको सबै भन्दा बढी कारोबार भएको छ । एनएमबीले गत आर्थिक वर्षमा गरेको नाफाबाट लगानीकर्तालाई १५ प्रतिशत बोनस सेयर दिने प्रस्ताव साधारणसभामा पेश गर्दैछ । बिहीबारसम्म किन्ने मात्र बोनस सेयर पाउने भएपछि लगानीकर्ताले लोभिएका हुन् । बैंकको २२ औं साधारणसभा साउन ३१ गते हुने भएको छ । बिहीबारसम्म सेयर खरिद गर्नेले सो १५ प्रतिशत बोनस सेयर पाउने छन् । एनएमबीको प्रतिकित्ता ३६४ रुपैयाँमा ७८ लाख ७८ हजार रुपैयाँको सेयर किनबेच भएको छ । बैंकले पुँजी बढाउन प्रतिकित्ता ३३३ रुपैयाँमा एफपीओ निष्कासन गरेको थियो । एफपीओमा लगानी गर्नेले प्रतिसेयर ३० रुपैयाँ बढी र थप बोनस पाउने भएपछि लगानीकर्ता लोभिएका हुन् । सभाले बैंकले प्रस्ताव गरेको चुत्तापुँजी बढाउन १ अर्ब १४ करोड ४ लाख रुपैयाँ बराबरको बोनस सेयर स्वीकृति गर्ने छ । बोनस सेयर स्वीकृतिपछि चुत्तापुँजी बढेर ८ अर्ब ७४ करोड रुपैयाँ पुग्ने छ । बैंकले एफपीओ जारी गरेर चुत्तापुँजी ७ अर्ब ६० करोड ३२ लाख रुपैयाँ पुर्याएको छ ।
नेशनल र ओरियन्टल इन्स्योरेन्स मर्जरको बाटोमा
काठमाडौं । नेशनल इन्स्योरेन्स कम्पनी लिमिटेड र ओरियन्टल इन्स्योरेन्स कम्पनी लिमिटेड मर्जरमा जाने भएका छन् । भारत सरकारको पुर्ण स्वामित्वमा रहेका ओरियन्टल र नेशनल इन्स्योरेन्स कम्पनीको शाखाका रुपमा यी दुबैले नेपालमा बीमा व्यवसाय गर्दै आएका छन् । भारत सरकारले आफ्नो स्वामित्वमा रहेका यी दुईसहित युनाईटेड इन्स्योरेन्स कम्पनीलाई मर्ज गर्ने प्रक्रिया अघि बढाएको छ । प्यारेन्ट कम्पनीमा मर्जरको प्रक्रियामा जुटेसँगै यी दुबै कम्पनीले नेपालमा पनि मर्जमा जाने तयारी थालेका हुन् । बीमा समितिले तोकेको निर्धारित पुँजीका लागि दुबै कम्पनीले मर्जरमा जाने उल्लेख गरेका छन् । ‘निर्धारित पुँजी पुर्याउनका लागि प्यारेन्ट कम्पनी मर्जमा गएकाले हामी पनि मर्जमै जान्छौं भन्ने निवेदन दिएका छन्’, बीमा समिति श्रोतले भन्यो । बीमा समितिले २०७५ असार मसान्त भित्र जीवन बीमा कम्पनीलाई २ अर्ब र निर्जीवन बीमा कम्पनीलाई १ अर्ब रूपैयाँ चुक्ता पुँजी पुर्याउनुपर्ने व्यवस्था गरेको थियो । तर विदेशी कम्पनीको शाखाका रुपमा सेवा प्रवाह गरिरहेका मेट लाइफ, ओरियन्टल र नेशनल इन्स्योरेन्सका लागि भने निर्धारित पुँजीको व्यवस्था गरिएको थियो । मेटलाइफले निर्धारित पुँजी पुर्याउनुपर्ने बाध्यताबाट मुक्ति दिन आग्रह गर्दै समितिलाई पत्र लेखेको छ । तर भारतीय कम्पनीको शाखाका रुपमा सेवा दिईरहेका ओरियन्टल र नेशनलले भने मर्जरमा जाने तयारी थालेका हुन् । भारतको केन्द्रिय सरकारले आर्थिक बर्ष २०१७।१८ को बजेट मार्फत ओरियन्टल, नेशनल र युनाइटेड इन्स्योरेन्स कम्पनीलाई मर्ज गर्ने घोषणा गरेको थियो । सरकारको सोही घोषणा अनुसार भारतमा यी ३ वटै कम्पनीहरुले मर्जरको तयारी अघि बढाईसकेका छन् । यी नै कम्पनीका शाखाका रुपमा नेपालमा कार्यरत ओरियन्टल र नेशनलले पनि मर्जमा जाने निधो गरेका हुन् । भारतमा ती कम्पनीहरु मर्ज भएपछि सर्वसाधारणका लागि सेयर(आईपीओ) निष्काशन गर्नेछन् । यी कम्पनीहरुको मर्जरपछि सन २०१८।१९ मा ८ खर्ब भारूको व्यापार अभिवृद्धि गर्ने भारत सरकारको योजना रहेको छ ।
जोशीलाई वेलायतमा ‘२०१८ को सर्वोत्तम उद्यमी’ अवार्ड
लण्डन । गैरआवासीय नेपाली संघ अमेरिका संयोजक गौरी जोशी वर्षकै उत्कृष्ट उद्यमीको उपाधिले सम्मानित भएका छन् । वेलायतबाट संचालित नेपालब्रिटेन डट कमको ११ औं वार्षिकोत्वसको अवसर पारेर उनलाई सो अवार्ड घोषणा गरिएको हो । जोशीलाई गैरआवासीय नेपाली संघको युरोप क्षेत्रीय बैठकको अवसर पारेर संघका संरक्षक जीवा लामिछाने र अध्यक्ष भवन भट्टले संयुक्त रुपमा सो अवार्डबाट सम्मान गरियो । नेपाल ब्रिटेन डट कमले वेलायतस्थित नेपाली समुदायका १० जना समाजसेवीका अतिरिक्त विश्वभर छरिएका सफल नेपाली मध्यवाट जोशीलाई चयन गरेको थियो । जोशीलाई सम्मान गर्दै संरक्षक जीवा लामिछानेले जोशीलाई सम्मान गर्न पाउँदा आफुलाई खुशी लागेको बताए । उनले भने ‘गौरीजीको पौरख मेरो आखाँले देखेको छु नेपाल ब्रिटेन डट कमले जोशीलाई सो अवार्डबाट सम्मान गर्ने गरेको निर्णय साच्चिकै राम्रो हो’ । जोशी चितवनमा रहेको पुख्र्यौली जग्गा बेचेर उनी २१ वर्ष अघि पढाईको लागि अमेरिका पुगेका थिए । उनले सन् २००० मा टेक्सासको डालास युनिभरसीटीबाट इन्फरमेसन टेक्नोलोजीमा स्नाकोत्तर गरेका छन् । आईटी क्षेत्रमा लोकप्रिय कम्पनी ए टी एन्ड टीमा जागिर शुरु गरेका जोशीले सन २००७ मा व्यवसायीक गोरेटो तय गर्न सफल भएर भास्टिका नाम आईटी कम्पनी खोलेर विश्व आइटी बजारमा व्यवसाय शुरु गरेका थिए, अहिले भास्टिकाका करिव ५ हजार उत्पादनहरु बजारमा स्थापित छन्। अमेरिकन, युरोपियन, बंगलादेशी, अफ्रिकन, वंगलादेशी, श्रीलंकाली मात्र होइन अष्टेलियाका नागरिकहरुलाई उनले काम दिएका छन् । उनका उत्पादनहरु अहिले एटी एन्ड टी, सिटी बैंक, अमेरिकन एयरलाइन देखी वर्ल्ड बैंकसम्म पुगेका छन्।
मिस नेपाल श्रृंखला खतिवडा बनिन् गोर्खा इको प्यानलको ब्राण्ड एम्वेसडर
काठमाडौं । आर्किटेक्ट मिस नेपाल वर्ल्ड २०१८ श्रृंखला खतिवडा गोर्खा इको प्यानलको ब्राण्ड एम्वेसडर भएकी छिन् । गोर्खा इको प्यालनका प्रमुख कार्यकारी अधिकृत (सीईओ) ईन्जिनियर कृष्णभक्त दुवाल र मिस नेपाल श्रृंखलाले एम्वेसडर बन्ने सम्झौतापत्रमा हस्ताक्षर गरेका छन् । व्युटी विथ व्रेन भनेर चिनिने श्रृंखला नेपालकै पहिलो आर्किटेक्ट मिस नेपाल हुन् । पेशाले आर्किटेक्ट इन्जिनियर श्रृखलाले इन्जिनियरिंग अध्ययन संस्थान, पुल्चोक इन्जिनियरिंग क्याम्पसबाट स्नातक गरेकी हुन् । आफू मिस नेपाल वर्ल्ड २०१८ भएता पनि आफनो इन्जिनियरिंग पेशा अनुरुपको प्रोडक्टमा ब्राण्ड एम्वेसडर हुन पाएको उनले खुशी व्यक्त गरेकी छिन् । स्थायी तथा अस्थायी संरचनाको निर्माणमा बाहिरी तथा भित्री पार्टेशन वालको रुपमा प्रयोग हुने गोर्खा इको प्यानलको प्रयोगबाट भूकम्पपश्चातको पुननिर्माण तीव्र हुने सम्भावना भएकोले पनि आफू गोर्खा इको प्यानलको ब्राण्ड एम्वेसडर बनेको बताएकी छिन् । वर्तमान समयमा निर्माण सामाग्रीको दुनियाँंमा नयाँंनयाँं निर्माण सामाग्रीहरु बजारमा उपलव्ध भएको कुरा औंल्याउँदै आर्किटेक्ट मिस नेपाल खतिवडाले आर्किटेक्टहरुले भबन डिजाइन गर्दा गोर्खा इको प्यानल जस्ता भूकम्प प्रतिरोधात्मक र वातावरणमैत्री निर्माण सामाग्री प्रयोग गर्न जोड दिएकी छिन् । आर्किटेक्ट इन्जिनियहरुको भाबनालाई आर्किटेक्ट इन्जिनियरले नै प्रतिनिधित्व गर्न सक्ने भएकोले आर्किटेक्ट मिस नेपाल श्रृखलालाई ब्राण्ड एम्वेसडर बनाएको गोर्खा इको प्यानलका प्रमुख कार्यकारी अधिकृत (सीईओ) इन्जिनियर कृष्णभक्त दुवालले बताए ।
हुवाईको नोभा थ्री र नोभा थ्रीआई नेपाली बजारमा, शुरुमा बुक गर्नेलार्इ आकर्षक उपहार
काठमाण्डौं । चिनियाँ फोन उत्पादक कम्पनी हुवाईको नोभा सिरिजअन्तर्गतका नोभा थ्री तथा नोभा थ्री आई स्मार्टफोनहरू नेपाली बजारमा सार्वजनिक भएका छन् । कम्पनीले होटल याक एण्ड यतिमा मंगलबार आयोजित एक समारोहबीच उक्त दुई स्मार्टफोनहरु औपचारिक रूपमा सार्वजनिक गरेकाे हाे । यससँगै ग्राहकहरूले नोभा थ्री तथा नोभा थ्री आई अग्रिम रूपमै बुक गर्न सक्छन्। साथै, सुरुमा बुक गर्ने ग्राहकहरूले आकर्षक उपहारहरू प्राप्त गर्ने मौका पनि पाउनेछन्। यो अफर सीमित समयका लागि भएकाले ग्राहकहरूलाई बुक गरिहाल्न पनि हुवाईले आग्रह पनि गरेको छ। मानव जीवनलाई पूर्ण सहज बनाउने गरी बनाइएको आकर्षक डिजाइनका यी स्मार्टफोनहरूमा एउटा अल क्वाड क्यामरा तथा शक्तिशाली प्रणाली- एसओसी जडान गरिएको छ। हुवाई नोभा थ्री तथा हुवाई नोभा थ्री आई दुवैमा दुईवटा फ्रन्ट क्यामराहरू,२४ एमपी प्राइमरी क्यामरा तथा २ एमपीको सेकेण्डरी क्यामरा जडित छ। प्राइमरी क्यामराले फोटो तथा भिडियोहरू एकदम स्पष्ट हुनेगरी खिच्दछ भने सेकेण्डरी क्यामराले गहिराईका साथ खिच्दछ। क्यामरामा भएका दुईवटा सेन्सरहरूले साँच्चै नै उत्कृष्ट फोटोहरू खिच्दछ। सेल्फी खिच्ने मजालाई बढाउन हुवाई नोभा थ्री तथा हुवाई नोभा थ्री आई दुवैले दृश्य चिन्ने क्षमता पनि रहेको छ। हुवाई नोभा थ्रीमा २४ एमपीको मोनोक्रम तथा दुईवटा एफ/१.८ वाइड एपेर्चर ६पी लेन्सहरूसहितको १६ एमपी आरजीबी सेन्सर जडान गरिएको छ। यो विशेषताले अँध्यारो वा कम उज्यालो ठाउँमा राम्रो तस्वीहरहरू खिच्न मात्र होइन ती तस्वीरहरूमाथि धेरै नियन्त्रण पनि दिन गर्दछ। हुवाई नोभा थ्री आईमा शक्तिशाली रियर क्यामराहरू पनि रहेको छ। रियर क्यामरामा १६ एमपीको प्राइमरी सेन्सर तथा २ एमपीको सेकेण्डरी सेन्सर पनि छ। कम्पनीका अनुसार दुवै स्मार्टफोनहरू अघिल्ला संस्करणका स्मार्टफोनहरूभन्दा यी स्मार्टफोनहरूको आकर्षक र पातलो पनि छ। दुवै फोनहरू आकर्षक रंगहरूमा उपलब्ध छन्। हुवाई नोभा थ्री तथा हुवाई नोभा थ्री आई दुवै यस वर्षको चर्चित रंग प्रयोग भएको छ ‘आइरिस ब्ल’ हुवाईका दुवै फोनहरू ग्लास प्यानलले ढाकिएको छ। हुवाई नोभा थ्रीको दुवै पट्टि स्मुथ डबल कर्भ ग्लास प्यानलले ढाकिएको छ भने पछाडिको प्यानलले रंगको ईभेक्टलाई अझ निखार्छ। त्यस्तै हुवाई नोभा थ्री आईमा नानो-टेक्चर्ड फिल्म जस्तो विशेषता छ, जुन जब प्रकाशमुनि राखिन्छ तब सेमी-सर्कुलर कर्भहरूबाट प्रष्ट मनमोहक ग्रेडियन्ट ईभेक्ट देखिन्छ। फेसन प्रेमीहरूका लागि बेजोड अल क्वाड क्यामरा अहिलेको समयमा आफ्नो जीवनका हरेका क्षणहरूलाई मानिसहरूले फोटो मार्फत् कैद गर्छन्। त्यसलाई नै मध्यनजर गर्दै हुवाईले पछिल्लो नोभा स्मार्टफोनहरूमा फोटो खिच्ने क्षमतामा निकै सुधार गरेको छ। हुवाई नोभा थ्री तथा हुवाई नोभा थ्री आईमा उच्च क्षमताका क्यामराहरू जडान गरिनुका साथै आर्टिभिसल इन्टेलिजन्स-एआई क्षमता भएको प्रणाली पनि जडित छ जसले सेल्फी खिच्ने मज्जालाई नै एउटा नयाँ उचाइँमा पुर्याउने कम्पनीले जनाएकाे छ ।
६ करोडका सल्लाहकारले गोकर्ण बिष्टलाई पनि डुबाउने भए
पुरन बहादुर राना काठमाडौं । कुनै पनि क्षेत्रको सिन्डिकेट मान्य नहुने बताएको सरकारले म्यानपावर कम्पनीहरुको धरौटी भने ६ करोड पुर्याउने सोचमा मग्न देखिन्छ । के यसले साँच्चिकै बैदेशिक रोजगारको सिन्डिकेट अन्त्य गर्ला कि अझ बढ्ला ? अब पुँजीपति व्यापारी मात्रै रहने या ईमान्दार व्यवसायी पनि ? यसले कामदारका समस्या सुल्झ्याउला या अझ बल्झाउला ? के कामदारको लागत साँच्चिकै कम होला या अझ बढ्ला ? अझ रमाईलो कुरा के भने, सरकारलाई ६।६ करोड रकम निर्ब्याजमा दिएर १० हजारको रसिद दिन कुनै ब्याबसायी राजी होलान् या बरु ८।१० जना मिलेर ५ तारे होटल खोल्दा वा अन्यत्र लगानी गर्दा आफूलाई सुरक्षित र प्रतिष्ठित ठान्लान ? उतिबेला ७ लाख नगद र २३ लाख बैंक ग्यारेन्टी गरेर कुल ३० लाख डीपोजिट राख्दा ७०। ८० हजार लिन पाउने नियममा हाल शून्य लागतको अवस्थामा झन् ६ करोड धरौटीको सरकारी दिवास्वप्न कति जायज होला ? मेरो बिचारमा, यो क्षेत्रमा समस्याहरु नभएका हैनन्, जरुर छन्, तर धरौटीले मात्रै भन्दा पनि सरकारको ईच्छाशक्ति र नियमित अनुगमनले यसलाई मर्यादित बनाउन र समाधान गर्न सकिन्छ । को सँग सल्लाह लिन्छन् कुन्नि हाम्रा मन्त्री र सरकार ? अनि कस्ता बिज्ञ फेला पर्छन् कुन्नि यस्ता सुझाब दिने ? मलाई डर छ, केवल स्टन्ट हान्न र सस्तो लोकप्रियताका लागि गरिने यस किसिमका निर्णयले कतै गोकर्ण बिष्टलाई पनि उही लालबाबु, बादल र रबिन्द्र अधिकारीको भुमरी पथमा पुर्याईदिने त हैन ?? पछि गएर ६ करोड धरौटी पनि ३३ किलो सुनको जस्तो किस्सा नबनोस् मन्त्री ज्यू ।-रानाको फेसबुकबाट
