उदयपुर सिमेन्ट उद्योगबाट उत्पादनमा वृद्धि, यस वर्षमा मात्र ३५ करोड नाफा
काठमाडौं । उदयपुरको जलजलेमा अवस्थित सिमेन्ट उद्योगले दुई दिनयता अहिलेसम्मकै सबैभन्दा बढी सिमेन्ट उत्पादन शुरु गरेको छ । २०४४ सालमा सुरु भएको उक्त उद्योग नेपालको सबैभन्दा ठूलो सरकारी स्वामित्वमा रहेको छ । दैनिक ७७० मेट्रिक टन सिमेन्ट उत्पादन गरे पनि शुरुका वर्षमा ७०० मेट्रिक टनसम्म सिमेन्ट उत्पादन गरेको थियो । विद्युत् अभाव तथा कटौतीका कारण दैनिक ६०० देखि ६५० मेट्रिक टनसम्म मात्र सिमेन्ट उत्पादन हुने गरेको थियो । गत वर्षदेखि सिमेन्टको गियर मेशिन नयाँ परिवर्तन गरेपछि दैनिक ७०० देखि ७५० मेट्रिक टनसम्म सिमेन्ट उत्पादन क्षमता बढाएको उद्योगका महाप्रबन्धक सुरेन्द्रकुमार पौडेलको भनाई रहेको छ । यसपटक २५ दिन उद्योग मर्मत गरेर विभिन्न मेशिन फेरिएको र अहिले विद्युत्समेत पूर्ण आपूर्र्ति भएपछि उद्योगबाट बढी उत्पादन हुने गरेको छ । दैनिक ८०० मेट्रिक टन सिमेन्ट उत्पादन क्षमता रहेको उद्योगको ७७० मेट्रिक टन सिमेन्ट उत्पादन गरी स्थापनाकालदेखि अहिलेसम्मको सबैभन्दा बढी सिमेन्ट उत्पादनको तथ्याङ्क राखेको महाप्रबन्धक पौडेलले जानकारी दिएका छन् । अब उद्योगले सिमेन्ट उत्पादनकार्यलाई पूर्ण उत्पादन क्षमता ८०० मेट्रिकटन पुर्याउने भएको छ । दुई वर्षअघिसम्म वार्षिक १० करोडभन्दा माथि घाटामा रहेको उद्योगको भौतिक र प्राविधिक व्यवस्थापन गरेपछि गत वर्ष मात्र १५ करोड आम्दानी गरेको थियो । यो वर्ष ३५ करोडभन्दा बढी नाफा गरिसकेको महाप्रबन्धक पौडेलले बताएका छन् । रासस
अष्ट्रेलिया शैक्षिक मेलाको चौथों संस्करण हुने
काठमाडौं। अष्ट्रेलिया जाने बिद्यार्थीलाई लक्षित गरि मेगा अष्ट्रेलिया शैक्षिक मेलाको चौथों संस्करण आयोजना हुने भएको छ । नेपाली विद्यार्थीलाई अस्ट्रेलियाको शिक्षा प्रणाली, भिसा प्रकृया र छात्रवृति विषयमा सूचना दिन मेला आयोजना गरिएको आयोजकले जनाएको छ । यस मेला मङ्सिर ६ र ७ गते होटेल अन्नपूर्णमा आयोजना हुने छ । मेलामा विभिन्न कलेज तथा बिश्वबिद्यालयका प्रतिनिधिबाट छात्रवृत्ति तथा बिभिन्न कोर्ष सम्बन्धि जानकारी साथै बिद्यार्थीको लागि कुन बिषय ठिक भन्ने बारेमा समेत जानकारी दिइने छ । मेलामा जान कुनै शुल्क तिर्न नपर्ने आयोजकले जनाएको छ ।
एभरेष्ट बैंक २५ अाैं वार्षिकउत्सव मनाउँदै, साढे नौं लाख भन्दा बढि ग्राहक
काठमाडौं । एभरेष्ट बैंकले २५ बर्षको यात्रा विभिन्न कार्यक्रमहरू सञ्चालन गरेर मनाउने भएको छ । वार्षिकउत्सवकाे सन्दर्भमा बैंकले कर्मचारीहरूको प्रतिभा खोज्नको लागि ईबीएल ट्यालेन्ट हन्टको आयोजना गरेको छ । ९ लाख ५०हजार भन्दा बढि ग्राहक रहेको एभरेष्ट बैंकमा क्यामल्स रेटिङ्गमा नेपाल बैंकहरु मध्य दास्रो स्थानमा रहन सफल भएको छ । यस बैकको ८६ साखा, ३ वटा एक्टेन्सन काउन्टर, २८ वटा रेभिन्यू संकलन केन्द्र तथा ११३ वटा एटिएम तथा यसको ग्लोवल संजालबाट प्राफेस्नल र इफिसीयन्ट बैकिङ्ग सेवा प्रदान गरिरहेको छ । कार्यक्रममा, कर्मचारीहरु बीच प्रतिस्पर्धा तीन विभिन्न श्रेणिमा आयोजित गरिएका अर्थात गायन, नृत्य पनि प्रस्तुत गरिएको थियो । प्रसिद्ध कलाकार मिथिला शर्मा र देशका प्रसिद्ध गायिक कुन्ति मुक्तानको उपस्थिति भएका छन् । कार्यक्रममा बैंकको सीईओ श्री सोमेश्वर सेठले विजेता र कार्यक्रमका सहभागीहरूलाई ट्राफी प्रदान गरिएको छ ।
जापान सरकारद्धारा साढे ३५ करोड अनुदान, नेपालको आर्थिक विकासमा निरन्तर सहयोगकाे प्रतिवद्धता
काठमाडौं । जापान सरकारले नेपाललाई ३५ करोड ६० लाख अनुदान सहायता उपलब्ध गराउने भएको छ । खाद्य सहायता कार्यक्रमअन्तर्गत अनुदान सहायतासम्बन्धी समझदारीपत्रमा नेपालका लागि जापानका राजदूत मासामिची साइगो र जापानका लागि नेपालका राजदूत प्रतिभा राणाले सोमबार जापानको परराष्ट्र मन्त्रालयमा आयोजित विशेष समारोहमा हस्ताक्षरको परराष्ट्र मन्त्रालयले जनाएको छ । जापानको औपचारिक भ्रमणमा रहेका परराष्ट्रमन्त्री प्रदीपकुमार ज्ञवाली र उनका समकक्षी तारो कोनोबीच प्रतिनिधिमण्डलस्तरीय वार्तापछि मन्त्रीद्वयको उपस्थितिमा दुवै मुलुकका राजदूतले उक्त समझदारीपत्रमा हस्ताक्षर गरेका हुन् । नेपालमा खाद्य सुरक्षा सुनिश्चित गर्न जापान सरकारले उक्त सहायता उपलब्ध गराएको हो । नेपाल र जापानबीच कूटनीतिक सम्बन्ध स्थापना भएता पनि नेपालको सामाजिक, आर्थिक एवं भौतिक पूर्वाधार विकासमा जापानले निरन्तर सहयोग गर्ने जनाएको छ । रासस
बजार मूल्य ९९ हुँदा प्रोग्रेशिभ फाइनान्सको २१ लाख कित्ता सेयर लिलामीमा, पुँजी नपुग्दा फाइनान्स संकटमा
काठमाडौं । नेपाल राष्ट्र बैंकले तोकेको न्यूनतम पुँजी ८० करोड रुपैयाँ पुर्याउन नसकेपछि प्रोग्रेशिभ फाइनान्स लिमिटेड संकटमा परेको छ । फाइनान्सले १ बराबर २.८१ अनुपातमा हकप्रद सेयर निष्काशन गरेकोमा सबै सेयर बिकेको छैन । हकप्रद सेयर नबिकेपछि फाइनान्सले २१ लाख २० हजार ६०४ कित्ता सेयर लिलामीमा राखेको छ । फाइनान्सले ४ लाख ४८ हजार ६४९ कित्ता संस्थापक सेयर र १६ लाख ७१ हजार ९५५ कित्ता साधारण सेयर लिलामीमा राखेको हो । उक्त सेयर लिनको लागि मंसिर १० देखि २४ गतेसम्म आवदेन गर्न सकिने फाइनान्सको धितोपत्र निष्काशन तथा बिक्री प्रबन्धक सनराईज क्यापिटलले जनाएको छ । उक्त फाइनान्सको सेयर आईतबार ९९ रुपैयाँमा कारोबार भएको छ । सोमबार १ रुपैयाँ बढेर १०० रुपैयाँमा कारोबार भएको छ । अंकित मूल्य भन्दा कारोबार मूल्य कम भएकोले टेण्डरमा राखिएको हकप्रद सेयर बिक्री हुने सम्भावना कम रहेको छ । गत वर्ष हकप्रद सेयर जारी गर्ने घोषणासँगै प्रतिकित्ता २४० रुपैयाँसम्ममा कारोबार भएको फाइनान्सको सेयर मूल्य निरन्तर घट्दै आएको छ । हाल कम्पनीको चुक्ता पुँजी २१ करोड मात्र छ तर नेपाल स्टक एक्स्चेञ्जले उक्त फाइनान्सको चुक्ता पुँजी ८० करोड भनेर झुटो विवरण राखेको छ । फाइनान्सको वित्तीय अवस्था सन्तोषजनक छैन । निक्षेप जम्मा ७० करोड छ भने कर्जा ६१ करोड रुपैयाँँ मात्र छ । पुँजी प्रयाप्तता ४४ प्रतिशत छ । यसले पुँजी अधिक भएको, व्यवसाय विस्तार गर्न नसकेको संकेत गर्छ । फाइनान्सको बेस रेट १४.१५ प्रतिशत छ । पहिलो त्रैमासमा फाइनान्सको नाफा १ करोड ७८ लाख रुपैयाँ छ ।
रक्सौल-काठमाडौं रेलमार्ग ५० प्रतिशत सुरुङमा, जनकपुरको रेल गुडाउन नेपाली टोली भारत जाँदै
काठमाडौं । रक्सौल–काठमाडौं रेलमार्गको ५० प्रतिशत खण्ड सुरुङ मार्गभित्र निर्माण हुने भएको छ । हाल भारत सरकारको प्राबिधिक टिमले रक्सौल–काठमाडौं रेलमार्गको विस्तृत अध्ययन गरिरहेको छ । भारतीय प्राबिधिकहरुले सो रेलमार्गलाई १४० किलोमिटर वा १९० किलोमिटर लम्बाईको दुई वटा विकल्प पेश गरेका छन् । दुबै विकल्पमा ५० प्रतिशत रेलवे सुरुङमा हुने रेल विभागका महानिर्देशक बलराम मिश्रले जानकारी दिए । भारत सरकारले सो रेलमार्ग अनुदानमा निर्माण गरिदिने अनौपचारिक आश्वासन दिएको छ । तर सो रेलमार्ग ब्रोडग्रेजमा निर्माण हुनेछ । उता, जनकपुर–जयनगर रेलमार्ग सञ्चालनको मोडालिटी तय गर्न नेपाली टोली भारत जाने भएको छ । भौतिक पूर्वाधार मन्त्रालयका सचिव मधुसुदन अधिकारीले डिसेम्बर महिनाभित्रै जनकपुर–जयनगर रेल सञ्चालनको तयारी भैरहेको बताए । ३५ किलोमिटर लामो सो रेलवेको निर्माण भारत सरकारले शतप्रतिशत अनुदानमा गरिदिएको हो । आगामी ६ महिनाभित्र थप १७ किलोमिटरको निर्माण सम्पन्न गरेर बर्दिबासम्म ल्याईसक्नेछ । भारत सरकारसँग वेट लिज सम्झौता गरेर जनकपुर जयनगर रेल सञ्चालन गर्ने सैद्धान्तिक सहमति भएको छ । सचिव अधिकारी नेतृत्वको नेपाली टोलीले भारत भ्रमणका क्रममा सोही सैद्धान्तिक सहमतिलाई मुर्त रुप दिनेछ । त्यस्तै, डिसेम्बरमा रेल सेवा उद्घाटनको मोडालिटी पनि तय गर्नेछ । यस अघि डिसेम्बर १० तारिखका दिन प्रधानमन्त्री केपी ओली र भारतीय प्रधानमन्त्री नरेन्द्र मोदीले रेलको संयुक्त रुपमा उद्घाटन गर्ने कार्यक्रम तय भएको थियो तर त्यो रोकिएको छ । रेल विभागले मेची महाकाली रेलमार्गको बर्दिबासदेखि लालबन्दिको ३५ किलोमिटरमा धमाधम काम गरिरहेको छ । त्यस्तै, लालबन्दिदेखि निजगढसम्मको थप ३५ किलोमिटरमा पुलहरुको ठेक्का आव्हान गरिएको छ भने मुआब्जा वितरणको काम अघि बढेको पनि महानिर्देशक मिश्रले जानकारी दिए । प्रधानमन्त्री केपी ओलीले बर्दिबासदेखि काकडभिट्टासम्मको खण्डमा बुट मोडलबारे विदेशीहरुसँग आफैं छलफल गरिरहेका छन् । २४० किलोमिटर लामो सो खण्डको डीपीआर निर्माण सम्पन्न भैसकेको छ ।
उपत्यकाको बस बिसाैनीहरूमा सार्वजनिक शौचालय बनाइने
काठमाडौं । राजधानीका बस विसाैनिहरूमा सार्वजनिक शाैचालय बन्न भएका छन् । काठमाडौँ महानगरपालिकाका प्रशासन प्रमुख ज्ञानेन्द्र कार्कीले सार्वजनिक शाैचालय बनाउन एक साताभित्र टेण्डर अाह्रवान गरिने भएकाे छ । कार्कीका अनुसार महानगरले सडक विभागसँग १४२ स्थानमा शौचालय निर्माणका लागि ठाउँ माग गरेकाे छ । “बयालीस बस बिसौनीमा शौचालय निर्माणका लागि ठाउँ उपलब्ध भएको छ,” उनले भने । उपलब्ध गराएका स्थानमा एक हप्ताभित्र बोलपत्र आह्वान गरी शौचालय निर्माण थाल्ने उनले बताए । हाल काठमाडौँ उपत्यकामा १३ स्थानमा मात्र सार्वजनिक शौचालय छ । नेपाल यातायात मजदुर सङ्घले काठमाडौँ उपत्यकाका बस बिसौनीमा शौचालय बनाउन माग गर्दा कार्कीले साे जानकारी दिएका हुन् । संघले कार्कीलाई भेटेर उपत्यकाका सबै बस बिसौनीमा सफा र व्यवस्थित शौचालयको माग गरेको हो । सङ्घका उपाध्यक्ष सुमन घलेको नेतृत्वमा गएको टोलीले शौचालय निर्माण, यातायात मजदुरलाई परिचयपत्रको आधारमा शौचालयमा शुल्क नलाग्ने व्यवस्था गर्नुपर्ने तथा महिला मजदुरका लागि छुट्टै शौचालयको व्यवस्था गर्नुपर्ने माग राखेको छ । सङ्घका महासचिव नुरनाथ पन्तले देशभर यातायात श्रमिकका लागि शौचालयको समस्या रहेको बताए ।
नाडेप लघुवित्तले तय गर्यो हकप्रद निष्कासनको मिति, कहिलेदेखि खुल्छ ?
काठमाडौं । केही समय अघिमात्र आईपीओ निष्कासन गरी बाँडफाँड गरेको नाडेप लघुवित्त वित्तीय संस्था लिमिटेडले हकप्रद शेयर निष्कासनको मिति तय गरेको छ । लघुवित्तले निष्कासन गर्न लागेको १ बराबर १ अनुपातको हकप्रद शेयर यही मसिर २३ गतेदेखि खुल्ने भएको हो । उक्त हकप्रद शेयर पुस २९ गते बन्द हुनेछ । धादिङको गजुरी मुख्य कार्यालय भएको उक्त लघुवित्त राष्ट्रिय स्तरको लघुवित्त कम्पनी हो । ४७ जिल्लामा आफ्नो कार्यक्षेत्र विस्तार गरेको गरेको लघुवित्तले कुल ८६ शाखामार्फत् आफ्नो सेवा उपलब्ध गराउँदै आएको छ । कुल ३२ करोड चुक्ता पुँजी रहेको कम्पनीले उक्त पुँजीलाई दोब्बर गर्न हकप्रद जारी गर्न लागेको हो । उक्त लघुवित्तले गत वर्ष ४ करोड ७० लाख खुद मुनाफा कमाएको थियो । लघुवित्तको हकप्रद नबिल इन्भेष्टमेन्टमार्फत जारी हुनेछ । उक्त हकप्रद आश्वा प्रणलीमार्फत् जुनसुकै बैंकबाट तथा मेरो शेयरका प्रयोगकार्ताले इन्टरनेटमार्फत् समेत आवेदन दिन सक्नेछन् ।
