मेसीको कप्तानीमा तिर्खाएको बार्सिलोनालाई एक्का ट्रायल पर्ला ?
काठमाडौं । बार्सिलोना च्याम्पियान्स् लिग जित्न आतुर रहेको छ । यसका लागि क्लब व्यवस्थापन र प्रशिक्षकले सम्पुर्ण शक्ति केन्द्रित गरिरहेका छन् । आफ्नो क्लब इतिहासमा ५ पटक मात्रै जितेको बार्सिलोनाले यसको संख्या बढाउन चाहिरहेको छ । गत साल रोमासँग ३-० को हार बेहोर्दै बाहिरिएको बार्सिलोना यो पट यस्तो गल्ती नगर्ने तयारी गरेको छ । मुख्य प्रशिक्षक इर्नेस्टो भाल्भारे खेलाडी थाक्नु नै खेल हारको मुख्य कारण भएको बताइरहेका छन् । यो सिजन प्रशिक्षकले कोपा ‘डेल रे’ लाई ध्यान दिइरहेका छैनन् । ३ वटै मुख्य ट्रफिमा ध्यान दिदाँ खेलाडी थाक्ने प्रशिक्षकको बुझाइरहेको छ । यसो त बार्सिलोना कोपा डेलरेको अन्तिम आठको खेलमा सेभिल्लासँग २-० ले पछि परिसकेको छ । बुधबार राती हुने खेलमा कमब्याक हुने धुनमा बार्सिलोना हुनेछ । यसका लागि पहिलो सेटमा सम्भवत मेसीलाई प्रशिक्षकले मैदान उतार्नेछन् । अघिल्लो चरणमा जानको लागि बार्सिलोनाका लागि ३-० को नतिजा निकाल्न आवश्यक छ । लालिगामा ५ अंकको स्पस्ट अग्रता लिएको बार्सिलोना धेरै गोल गर्नबाट भने चुकिरहेको छ । भरपर्दा डिफेन्डर स्यामुएल उमटीटीको अभाव अहिले बार्सिलोनामा देखिरहेको छ । यस्तै उच्च फर्ममा रहेका उसमाने डेम्बेले पनि घाइते हुनु बार्सिलोनाका लागि अर्को समस्या रहेको छ । सन् २०१५ मा लुइस इनरिकेले ३ वटा ट्रफि एकै सिजन जिताएका थिए । यो सिजन पनि बार्सिलोनाले ३ ट्रफी जित्ने आधार रहेको छ । हाल बार्सिलोनाका लागि रोटेसनमा खेल्ने खेलाडी उल्लेख्य रुपमा रहेको छ । तर यसमा प्रशिक्षक सफल हुन सकेका छैनन । कोपा डेलरेमा सेभिल्लासँगको खेलमा मेसी नहँदा हार बेहोर्नु नै यसको उदाहरण हो । निकै आस गरिएका खेलाडी फिलिपे कोटिन्हो फर्ममा नआउनु पनि अर्को समस्या हो । उनले गोल तथा असिस्टमा उल्लेख्य रुपमा प्रगति गर्न सकेका छैनन । कोटिन्होको प्रर्दशनबाट अहिलेनै आत्तिनु नहुने बार्सिलोना म्यानेजमेन्टको बुझाइ रहेको छ । उनलाई बेच्ने कुरा चलिरहँदा कोटिन्होले आफु चाडैनै बार्सिलोना छोड्न क्याम्प नोउ नआएको प्रतिक्रिया दिइसकेका छन् । उनलाई लय समात्नका लागि अझ धेरै समय मैदान खेलाउनु पर्ने देखिन्छ । सेभिल्लासँगको दोस्रो लिगमा बार्सिलोनाले कमब्याक गर्न सके यसले खेलाडीको आत्माबल बढ्नेछ । यसमा पुर्ण शक्ति लगाएर अन्य खेलमा मुख्य खेलाडीलाई आराम दिनुपर्ने भाल्भारे समक्ष चुनौती छ । भाल्भारेको माइनस रणनिती हुन सक्छ घातक बार्सिलोनाले ४३३ को सेटमा खेल खेलिरहेको छ । विगतलाई हेर्ने हो भने बलियो मिडफिल्डकै कारण बार्सिलोनाको टिकीटाका चलेको थियो । अहिले मिडफिल्ड निकै कमजोर अवस्थामा छ । बल लिएर अघि बढ्ने र असुरक्षित हुने बित्तिकै पछाडी बल दिने भाल्भारेको रणनिती च्याम्पियान्स लिगमा घातक हुन सक्छ । यदि यसरी खेल खेल्दा अगाडी गोल खाएको अवस्थामा कमब्याक गर्न कठिन हुनेछ । किानकी च्याम्पियान्स लिग खेल्ने टोली निकै प्रभावशाली नै हुन्छन् । बार्सिलोनाको हालको खेलमा स्पीड बढाउन पर्ने आवश्यक छ । डेम्बेलेको स्पीड अहिले निकै प्रभावशाली बन्दै गएको छ । त्यस्तै स्पीड बाया तर्फबाट पनि दिन सकियो भने बार्सिलोनाले गोल संख्या सजिलै बढाउन सक्छ ।
चक्रपथमा ४० सिटका आधुनिक विद्युतीय बस, मोबाइलबाटै भाडा तिर्न सकिने
काठमाडौं । चक्रपथमा ४० सिट क्षमताका आधुनिक विद्युतीय बस गुड्ने भएका छन् । बसमा थप ४० जनाका लागि उभिन पुग्ने ठाउँ रहनेछ । सुन्दर यातायात प्रालीले चक्रपथमा सुविधा सम्पन्न विद्युतिय बस गुडाउन लागेको हो । चीनको बिएके कम्पनीले निर्माण गरेको विद्युतिय बस एक पटक चार्ज गर्दा २६८ किलोमिटर गुड्ने सुन्दर यातायातका अध्यक्ष भेष थापाले जानकारी दिए । कम्पनीले ३ वटा बस नेपाल ल्याईसकेको छ भने चार्जिङ स्टेशन पनि झिकाईसकेको छ । एउटा बसको मूल्य १ करोड ८७ लाख पर्छ । यी बसहरुमा मोबाइलबाटै भाडा तिर्न सकिन्छ । त्यसका लागि कम्पनीले ‘सुन्दर यातायात भेइकल रिचार्ज’, नामको एप्स निर्माण गरिरहेको छ । ‘४० सिट क्षमताका आधुनिक विद्युतिय बस गुडाउने तयारी अन्तिम चरणमा पुगेको छ, बसमा एप्सबाटै भाडा तिर्न सकिन्छ’, सुन्दर यातायातका अध्यक्ष थापाले विकासन्युजसँग भने । ३ वटा बस ल्याईसकेको कम्पनीले थप १० वटा बस ल्याउने प्रक्रिया अघि बढाईसकेको छ । https://bikashnewscdn.prixacdn.net/uploads/2019/01/sundar_yatayat.mp4 १३ जना युवा उद्यमी मिलेर उनीहरुले काठमाडौं पछि पोखारा, बुटवल र चितवनको शहरी क्षेत्रमा विद्युतिय बस सञ्चालन गर्ने योजना बनाएका छन् । नेपालमै पहिलो पटक निजी क्षेत्रबाट विद्युतिय बस सञ्चालन गर्न लागिएको तर सरकारले अपेक्षाकृत सहयोग नगरेको गुनासो पनि थापाले पोखे । यस अघि साझा यातायातले विद्युतिय बस ल्याएको भए पनि गुणस्तरमा समस्या देखिएपछि फिर्ता पठाईएको छ । सरकारले विद्युतिय सवारी साधनमा भन्सार छुट दिएको छ तर चार्जिङ स्टेशनको भन्सारमा छुटमा भने आनाकानी भैरहेको थापाले जानकारी दिए । रघुविरको अर्घेल्याई विद्युतिय सवारी साधनको प्रवद्र्धनमा वर्तमान भौतिक पूर्वाधार तथा यातायात मन्त्री रघुविर महासेठ तगारो बनेको आरोप पनि उनीले लगाए । सरकारले आफ्नो नीति तथा कार्यक्रम, बजेत वत्तव्य र बामपन्थी घोषणा पत्रमै उल्लेख गरिएका व्यवस्थाहरुको कार्यान्वयनमा मन्त्रीले चासो नदेखाएको थापाले बताए । ‘सरकारको नीति तथा कार्यक्रममै ५ बर्षभित्र विद्युतिय सवारी साधनहरुको हिस्सा २० प्रतिशत पुर्याउने भनिएको छ, तर वर्तमान मन्त्रीले चासो देखएका छैनन्’, थापाले आरोप लगाए । उनका अनुसार विद्युतिय बसका लागि आवश्यक पर्ने चार्जिङ स्टेशनका उपकरण आयातमा मन्त्रालयले सहुलियत दिन आनाकानी गरिरहेको छ । त्यसमा मन्त्री महासेठले नै अनिच्छा देखाएका हुन् । ‘चार्जिङ स्टेशनका उपकरणमा भन्सार छुट दिन भन्सार विभाग तयार छ, यातायात व्यवस्था विभाग पनि पत्र लेख्न तयार छ तर मन्त्री आफैं सकारात्मक छैनन्, हामीले पटक पटक कुरा राख्यौं तर काम भएन’, थापाले आक्रोस पोखे ।
ज्योति विकास बैंकले एकै दिन खोल्यो ५ शाखा
काठमाडौँ । ज्योति विकास बैंक लि.ले सर्लाहीको हरिवन, सप्तरी जिल्लाको रुपनी, बाराको परवानीपुर र निजगढ तथा उदयपुरको गाईघाटमा माघ १६ गते एकैदिन नयाँ शाखा संचालनमा ल्याएको छ । हरिवन नगरपालिका वडा नं ११, हरिवनमा रहेको नयाँ शाखाको औपचारिक रुपमा प्रमुख अतिति हरिवन नगरपालिकाका मेयर गणेशप्रसाद प्रसाईं तथा बैंकका अध्यक्ष हरिचन्द्र खड्काद्धारा एक कार्यक्रमका बिच उद्घाटन भयो । त्यसैगरी, रुपनी गाउँपालिका वडा नं १, रुपनीबजारमा रहेको नयाँ शाखाको रुपनी गाँउपालिकाका मेयर हरेराम यादव तथा बैंकका संचालक छत्रमान श्रेष्ठज्यू र बारा जिल्लाको परवानीपुर गाउँपालिका वडा नं ३ मा रहेको नयाँ शाखाको औपचारिक रुपमा प्रमुख अतिथी नेपाल राष्ट्र बैक विरगंजका निर्देशक रविन्द्र महर्जनज्यू तथा बैंकका सञ्चालक ध्रुव कोइरालाले संयुक्त रुपमा उद्घाटन गरे । निजगढ नगरपालिका वडा नं ९, सहिदचोकमा रहेको नयाँ शाखा औपचारिक रुपमा प्रमुख अतिथि निजगढ नगरपालिकाका मेयर सुरेशकुमार खनाल तथा बैंकका संचालक नारायणप्रसाद पौड्यालबाट उद्घाटन भयो । त्रियुगा नगरपालिका ११, गाईघाट उदयपुर मा रहेको शाखाको पनि औपचारिक उद्घाटन त्रियुगा नगरपालिकाका मेयर बलदेव चौधरी तथा बैँकका संचालक जगदिश्वरप्रसाद अधिकारीले संयुक्त रुपमा गरेको सहायक महाप्रबन्धक रामहरि आचार्यले जनाएका छन् ।
नबिल र अजोडबीच बीमा सेवा सम्झौता
काठमाडौँ । नबिल बैंक लि. र अजोड इन्स्योरेन्स लि.बीच सहकार्य गर्दै बीमा सेवा प्रदान गर्ने सम्झौता भएको छ । सम्झौता पत्रमा नबिल बैंकका तर्फबाट रिटेल व्यावसाय प्रमुख निरज शर्मा र अजोड इन्स्योरेन्स लि का तर्फवाट सहायक महाप्रबन्धक श्री महेश राज खरेलले हस्ताक्षर गरेका छन् । सम्झौता बमोजिम बैंकका ग्राहकहरूले अजोड इन्स्योरेन्स लि.ले प्रदान गर्ने निर्जीवन बीमा सम्वन्धी सम्पूर्ण सेवा सुविधा बैंकका सबै शाखाबाट लिन सकिने जानकारी अजोड इन्स्योरेन्स लिमिटेडले जनाएको छ ।
ओम डेभलपमेन्ट बैँकको सहयोगमा दृष्टिबिहीनलाई कम्प्युटर शिक्षा
काठमाडौँ । ओम डेभलपमेन्ट बैंकको सहयोगमा दृष्टिबिहीनहरुका लागि पोखरामा कम्प्युटर शिक्षा तालिम सुरु भएको छ । बैंकको आर्थिक सहयोग र कम्प्युटर एसोसिएसन नेपाल (क्यान) महासंघ कास्की शाखाको आयोजनामा भएको तालिमको बैंकका प्रमुख कार्यकारी अधिकृत विश्वमोहन अधिकारीले उद्घाटन गरेका हुन् । फागुन १८ देखि २४ गतेसम्म पोखरामा आयोजना हुने ‘भायानेट क्यानइन्फोटेक–२०१९ इन एसोसिएसन विथ आइ.एम.ई पे’को पूर्व सन्ध्यामा तालिम आयोजना गरिएको हो । यसअघि बैंकले खैरेनी मा.बि. खैरेनीटार तनहुंको पुस्तकालयलाई पुस्तकहरु हस्तान्तरण गरेको थियो भने सिद्धेश्वर महादेव बृद्धाश्रम गैडाकोटलाई आर्थिक सहयोग, बाल मन्दिर मावि नदिपुर पोखरालाई भौतिक सामाग्री तथा हरिहर आश्रम देबघाटलाई कम्प्यूटर हस्तान्तरण गरेको बैंकका प्रमुख कार्यकारी अधिकृत बिश्वमोहन अधिकारीले बताए ।
सुबिसुको एलेक्जा सेट अफ बक्स, जे भन्यो तेहि मान्ने, मूल्य ५००० भन्दा कम
काठमाडौं । सुबिसुले म्याजिक सेटअप बक्स् ल्याएको छ । बोलेरै टीभी, किताब, गित सुन्न मिल्ने सेटअप बक्स् ल्याएको हो । सेटअप बक्स् जुनसुकै टेलिभिजन सेटमा फिट गर्न सकिने सुबिसुका प्रेसिडेन्ट सुधिर पराजुलीले बताए । उनका अनुसार सेटअप बक्स टीभीमा जडान गरेपछि जुनसुकै कुरा सोध्न, पढ्न र हेर्न सकिनेछ । सेटअप बक्सलाई एक मपिहनाभित्रै बजारमा ल्याउने तयारी गरेको छ । जसको मूल्य ५ हजार भन्दा बढी नपर्ने कम्पनीले जानकारी दिएको छ । मुल्याङकन र बजारको अध्ययन गरी छिट्टै बजारमा ल्याउने तयारी सुबिसुको रहेको छ । भारतमा निर्मित सेटअप बक्स सबैभन्दा पहिला नेपालमा उद्घाटन गरिएको हो । सर्वप्रथम एलेक्जा स्मार्ट सेटअप बक्स टीभीमा जडान गर्नुपर्नेछ टीभीमा जडान गर्नुपर्नेछ । यसको लागि इन्टरनेट पनि आवश्यक रहन्छ । जडान गरिसकेपछि सेटअपमा आउने सानो रिमोटमा बोल्नु पर्नेछ । यसरी बोल्दा अग्रेजी भाषामा बोल्नु पर्नेछ । एलेक्जाले बोलीको आधारमा गुगलबाट खोजेर विभिन्न सेवा दिनेछ । बोलीबाटै टीभी च्यानल, राष्ट्रिय तथा अन्तर्राष्ट्रिय संगित, समान्य ज्ञान, किताब पढ्न समेत मिल्नेछ । यो प्रविधि नेपालमै पहिलो पटक भित्रिएको कम्पनीको दाबी छ । एलेक्जा सेटअप बक्स सम्पुर्ण सुबिसु सेन्टरहरुमा उपलब्ध हुनेछन् ।
सिभिल मलमा जाडोका कपडामा ७० % छुट
काठमाडौँ । सुन्धारा स्थित सिभिल मलमा अधिकतम छुटमा जाडोका लुगा बिक्री शुरु भएको छ । ‘सिभिलमल विन्टर सेल – २०७५’ नाम दिईएको अफर अवधिभर ज्याकेट, स्वेटर, पाईन्ट, जुत्ता लगायतका विभिन्न सामग्रीहरू ७० प्रतिशतसम्म छुटमा एकै बिक्री भइरहेको छ । माघ ११ देखि शुरू भएको ‘सिभिलमल विन्टर सेल – २०७५’ फागुन ४ गतेसम्म चल्नेछ ।
सरकार गल्ती सच्याएर अघि बढोस्ः काङ्ग्रेस
काठमाडौँ । प्रमुख प्रतिपक्षी दल नेपाली काङ्ग्रेसले स्व गिरिजाप्रसाद कोइराला र सुशील कोइरालाका नाममा खुलेका अस्पताललाई केन्द्र सरकार मातहत राख्ने मन्त्रिपरिषद्को निर्णयबारे पार्टीलाई कुनै औपचारिक जानकारी नभएको जनाएको छ । काङ्ग्रेस केन्द्रीय कार्यालयमा आज आयोजित पत्रकार सम्मेलनमा प्रवक्ता विश्वप्रकाश शर्माले सरकारले गल्ती सच्याएको भन्ने विवरण सञ्चारमाध्यममा आएको उल्लेख गर्दै यसबारेमा पार्टीलाई औपचारिक जानकारी नआएको बताए । काङ्ग्रेसले नेताद्वय कोइरालाका नाममा खुलेका दुई अस्पताल सरकारले विघटनको प्रक्रियामा पु¥याएको भन्दै यसअघि सङ्घीय संसद् अवरुद्ध गर्दै आएको थियो । सरकार र सदनका केही कामकारवाहीको विरोधमा यही माघ २१ गते राष्ट्रव्यापी विरोध प्रदर्शनको कार्यक्रम रहेको जानकारी गराउँदै उनले भने, “राष्ट्रव्यापी विरोध प्रदर्शनको सम्बन्धमा सबै जिल्लामा आवश्यक तयारी प्रारम्भ भइसकेको छ ।” संसद्मा माघ ११ गते भएको घटना, डा गोविन्द केसीको अनशनप्रति सरकारको संवेदनहीन व्यवहार, कोइरालद्वयका नामका अस्पताललाई नामेट गर्न गरेको दुष्प्रयास, प्रमुख प्रतिपक्षी दलका नेता शेरबहादुर देउवाको उपस्थिति बिना संवैधानिक परिषद्को बैठक राख्नु र नियुक्तिका केही निर्णय गरेको घटनालाई विरोधका मुख्य मुद्दा बनाइने उनले जानकारी दिए । प्रवक्ता शर्माले भने, “देशव्यापीरूपमा बढेको हिंसा, हत्या र बलात्कारजस्ता जघन्य अपराध नियन्त्रण गर्न सम्बन्धित पक्ष असफल देखिएको, कञ्चनपुरकी बालिका निर्मला पन्तको बलात्कार पछि हत्या भएको छ महीना पुगी सक्दा पनि दोषी पत्ता लगाउन नसक्नु, महँगी, भ्रष्टाचार एवं जिल्लास्तरमा रहेका स्थानीय मुद्दामा प्रदर्शन केन्द्रित हुनेछ ।” वाइडबडी जहाज खरीदमा भएको घोटाला छानबिन होस् पार्टी केन्द्रीय कार्यसमितिको बैठकले विरोध प्रदर्शनको मुद्दामा ‘भ्रष्टाचार’ लाई विधिवत् ‘माइन्युट’ गरेर सार्वजनिकसमेत गरिसकेको जानकारी गराउँदै प्रवक्ता शर्माले वाइडबडी जहाज खरीदमा भएको अर्बौैंको घोटालाका बारे गम्भीर ढङ्गले छानबिन गर्न पार्टीले संसद्मा र सार्वजनिकरूपमा पनि आवाज उठाउँदै आएको स्पष्ट पारे । विरोध प्रदर्शनमार्फत यसका लागि थप दबाब सिर्जना गरिने उनको भनाइ थियो । त्यस्तै बूढी गण्डकी बहुउद्देश्यीय जलविद्युत् परियोजना बिना प्रतिष्पर्धा विदेशी कम्पनीलाई सुम्पिनुका पछाडि के रहस्य लुकेको छ भनी प्रश्न गर्दै उनले आवश्यकताभन्दा दोब्बर बढी रुख काट्ने प्रस्तावका कारण उत्पन्न विवाद अन्त्य गरी निजगढ विमानस्थल निर्माण गर्ने प्रक्रियामा ढिलासुस्तीको विषय विरोध प्रदर्शनमा उठाइने जानकारी दिए । प्रवक्ता शर्माले ३३ किलो सुन काण्डमा ‘ठूला माछा’ सरिक छन् भनेर गृहमन्त्री स्वयंबाट आएको अभिव्यक्तिअनुरूप ती ठूला माछा को हुन् र सरकार किन तिनलाई पक्राउ गरिरहेको छैन भनी प्रश्न गरे । उनले प्रदेश नं ५ मा प्रदेशसभा सचिवालयले ११ वटा गाडी खरीद गर्दा वास्तविक बजार मूल्यभन्दा बढी निकासा गरी गरिएको भ्रष्टाचारमा कारवाहीका लागि दबाब बढाउन आगामी प्रदर्शनमा सो विषय जोडिने जानकारी दिए । काङ्ग्रेसले लिबियामा १२ नेपाली युवालाई बन्धक बनाएको सार्वजनिक विवरणप्रति गम्भीर ध्यान आकृष्ट भएको जनाउँदै तिनलाई उद्धार गरी सकुशल स्वदेश फर्काउन तत्कालै पहल गर्न र त्यसमा संलग्न दोषीलाई कारवाही गर्न सरकारसँग आग्रह गरेको छ ।
