माछापुच्छ्रे बैंकको २२ करोड ऋण उठाउन, अनिल टेक्सटाइलको ४ बिगाहा जग्गा लिलामी हुँदै
काठमाडौं । माछापुच्छ्रे बैंकको २२ करोड रुपैंया ऋण असुलीका लागि ऋणीको धितो लिलामीको प्रक्रिया अघि बढ्ने भएको छ । ऋण असुली न्यायाधीकरणले न्यू अनिल टेक्सटाइल प्रा.लि.ले लिएको १० करोड ६६ लाख ६२ हजार ४ सय ३९ रुपैंया र त्यसको ब्याज र जरिवानासहितको २१ करोड ८२ लाख २२ हजार ९३७ रुपैंया रकम असुलीका लागि प्रा.लिको बारा र पर्सा जिल्लामा रहेका ४ बिगाहा भन्दा बढी जग्गाको लिलामी गर्ने प्रक्रिया अघि बढाएको हो । त्यसका लागि सम्बन्धित जिल्ला अदालतलाई पत्र काटिसकेको न्यायाधीकरणका श्रेस्तेदार भेषराज कोइरालाले जानकारी दिए । न्यु अनिल टेक्सटाइल प्रालिका सञ्चालकद्धय मधुसुधन अग्रवाल र विनोदकुमार अग्रवाल हुन् । उनीहरुले उक्त ऋण नतिरेपछि बैंकले न्यायाधीकरणमा प्रा.लिलाई प्रतिवादी बनाउँदै २०७३ बैशाखमा मुद्दा दायर गरेको थियो । न्यायाधीकरणले त्यसको ९ महिनापछि अर्थात् २०७४ माघमा बैंकको पक्षमा मुद्दाको फैसला गर्दै ऋण उठाउनको लागि धितोमा रहेको जग्गा लिलामीका लागि आदेश दिए पनि हालैमात्र सो प्रक्रिया अघि बढेको हो । ऋण असुलीमा बैंकले चासो देखाएपछि न्यायाधीकरणले २०७५ पुस १७ गते जिल्ला अदालत बारा र पर्सालाई चलानी नम्बर ४५९५ रहेकाे पत्र काटेको हो । न्यायाधीकरणले पठाएको पत्रको सम्बन्धित जिल्लाका जिल्ला अदालतले जवाफ पठाएपछि न्यायाधीकरणको टोली धितोको मूल्याङ्कनका लागि जाने सेस्त्रेदार कोइरालाले बताए । कसरी हुन्छ धिताे लिलामी ? कुनै पनि बैंक तथा वित्तीय सस्थाकाे ५ लाख रुपैंया वा साे भन्दा माथिकाे ऋण समयमा असुल हुन नसकेमा न्यायाधीकरणमा ऋण असुलीमा लागि मुद्दा दायर गर्नुपर्नेछ । न्यायाधीकरणले बैंककाे पक्षमा मुद्दाकाे फैसला गरेमा धिताे लीलामीकाे प्रक्रिया अघि बढ्ने प्रावधान छ । जग्गा तथा अन्य भौतिकको मूल्याङ्कनका लागि न्यायाधीकरणका २ जना, जिल्ला अलालतका प्रतिनिधि, जिल्ला मालपोत कार्यालयका प्रतिनिधि, जिल्ला प्रशासन कार्यालयका प्रतिनिधि तथा सम्बन्धित स्थानीय तहका प्रतिनिधिसहितको समितिले मूल्याङ्कन गरी धितोको न्यूनतम मूल्य निर्धारण गरिने व्यवस्था छ । मूल्याङ्कन गरिएको रकम नघट्ने गरी लिलाम बढावढ बिक्रीका लागि पहिलेपटक ३५ दिनको समय दिएर बोलपत्र खुल्ला गर्ने र सो अवधिमा विक्री नभए दोस्रोपटक १५ दिन समय दिएर र तेस्रोपटक ७ दिनको समय दिएर बोलपत्र खुला गर्ने प्रावधान छ । त्यति गर्दा पनि उक्त धितो नबिकेमा सम्बन्धित बैंक तथा वित्तीय संस्थाले नै उक्त मूल्याङ्कनका आधारमा सम्पत्ति सकार्नुपर्ने व्यवस्था छ । माछापुच्छ्रे बैंकको ऋण असुली प्रक्रिया पनि साेहीअनुसार अघि बढ्ने बताइएकाे छ । यसअघि पनि पक्राउ समेत परेका थिए संञ्चालकद्धय माछापुच्छ्रे बैंकको ऋण नतिर्ने न्यू अनिल टेक्सटाइल प्रा.लि.का सञ्चालकद्धय मधुसुधन अग्रवाल र विनोदकुमार अग्रवाल ऋण नतिरेकै अअभियाेगमा यसअघि पनि पक्राउ परेकाे खुलेकाे छ । उनीहरुले एनआईसी एसिया बैंकको ९ करोड रुपैयाँ कर्जा नतिरेपछि २०७४ चैत ७ गते ऋण असुली न्यायाधीकरणकै आदेशमा उनीहरु पक्राउ परी १ करोड रुपैंया तिरेर ४ महिनापछि रिहा भएका थिए । न्यायधिकरणले २०७३ माघ १० गते को एनआईसी एसियाको ९ करोड २१ लाख १० हजार रुपैयाँ भुक्तानी गर्न आदेश दिएको थियो । १५ महिनासम्म पनि कर्जा नतिरेपछि बैंकले अग्रवालद्धयको चलअचल सम्पत्ति नभेटिएको भन्दै न्यायधिकरणमा पक्राउ गर्न उजुरी गरेको थियो ।आरोपीमाथी ऋण असुली ऐन २०५८ को दफा २५ उपदफा २ ९ग० र नियम ३० ९क० बमोजिम थुनामा राखी रकम असुली प्रक्रिया अघि बढेको थियो ।
बुक क्लोज नजिकिँदै गर्दा नबिल बैंकको कारोबारमा वृद्धि, बजार ७ अंकले बढ्यो
काठमाडौं । नबिल बैंकको शेयरधनी किताब बन्द(बुक क्लोज) नजिकिँदै गर्दा कम्पनीको सेयर कारोबारमा वृद्धि भएको छ । बैंकको फागुन १४ गते(मंगलबार) बुक क्लोज हुने भएपछि सोमबार कम्पनीको सेयरमा लगानीकर्ताको आकर्षण बढेको हो । कम्पनीको एकैदिन कूल ३ करोड ९० लाख ८३ हजार ९१२ रुपैयाँ बराबरको सेयर कारोबार भएको छ । बैंकको २ करोड ५० लाख रुपैयाँ साधारण र एक करोड ४० लाख रुपैयाँ बराबरको संस्थापक (प्रमोटर) गरी सो मात्राको सेयर बिक्री भएको हो । बजारमा कम्पनीको सेयर मूल्यमा गिरावट देखिएको छ । बजारमा कम्पनीको सेयर सस्तिँदै गएपछि लगानीकर्ताहरु सस्तो मूल्यमा सेयर किन्न झुम्मिएका हुन् । साथै, बैंकले सेयरधनीलाई ३४ प्रतिशत लाभांश(१२ प्रतिशत बोनस र २२ प्रतिशत नगद लाभांश) वितरण गर्ने भएपछि लगानीकर्ताहरुको बैंकको सेयरमा आकर्षण बढेको हो । कम्पनी आगामी फागुन २५ गते वार्षिक साधारणसभामा जाँदै छ । उक्त सभाले सेयरधनीलाई ३४ प्रतिशत लाभांश वितरण गर्ने प्रस्तावलाई पारित गर्दै छ । सोमबार पनि बैंकको साधारण सेयरको मूल्य अघिल्लो दिनको तुलनामा एक रुपैयाँले घटेर प्रतिकित्ता ७९४ रुपैयाँमा किनबेच भएको छ । त्यस्तै, बैंकको संस्थापक सेयरको मूल्य १० रुपैयाँले बढेर प्रतिकित्ता ७५० रुपैयाँ पुगेको छ । सोमबारको बजार ७.४१ अंकले बढेर ११०९.७३ अंकमा पुगेको छ । सो दिन कुल १६६ कम्पनीको २० करोड ३८ लाख ३९ हजार रुपैयाँ बराबरको सेयर किनबेच भएको छ ।
कामना सेवा विकास बैंकको ६७औं शाखा सर्लाहीमा
काठमाडौं । कामना सेवा विकास बैंकले सर्लाही जिल्लाको हरिवनमा कार्यालय विस्तार गरेको छ । हरिवन नगरपालिका वडा नं ११, हरिवनमा ६७औं शाखा कार्यालय स्थापना गरि कारोबार शुरु गरिएको छ । बैंकका संचालक बलराम बराल तथा प्रमुख कार्यकारी अधिकृत प्रविण बस्नेतले संयुक्त रुपमा कारोबार शुभारम्भ गरेका थिए । उक्त कार्यक्रममा बैंकका प्रदेश नं २ का प्रमुख राकेश सिंह तथा बैंकका उच्चपदश्थ कर्मचारीहरुको पनि उपस्थिति रहेको थियो । उक्त कार्यक्रममा प्रमुख कार्यकारी अधिकृतले उक्त शाखा प्रदेश नं २ को लागि तेस्रो शाखा भएको र थप शाखाहरु पनि शीघ्र सञ्चालनमा ल्याउने गरि निर्माण तथा सजावटको काम भईरहेको बताएका छन् । देशभरि बैंकका ६६वटा शाखा तथा २० वटा मार्फत गा्रहकहरुलाई आफनो सेवाहरु प्रदान गर्दै आएको छ । साथै बैंकले एविविएस, इन्टरनेट व्याकिङ्ग, मोबाइल व्याकिङ्ग, सि एएस्विए लगायत माध्यमबाट बैंकिङ्ग सेवाहरु उपलब्ध गराउँदै आएको छ ।
कोटेश्वर-कलङ्की सडकको थप छ स्थानका आकाशे पुल असारसम्म सकिने
काठमाडौँ । चिनियाँ सरकारले निर्माण सम्पन्न गरेको कोटेश्वर-कलङ्की सडकमा थप छ स्थानमा आकाशे पुल निर्माण आगामी असारसम्ममा सम्पन्न गर्ने लक्ष्यका साथ काम भइरहेको छ । चिनियाँ निर्माण कम्पनीले तीन ठाउँमा पुल निर्माण सम्पन्न गरेकामा नेपाल सरकारले थप छ ठाउँमा आकाशेपुलको निर्माण गरिरहेको हो । चिनियाँ निर्माण कम्पनीले कोटेश्वर, बागडोल र ग्वार्को गरेर तीन स्थानमा पुल निर्माण सम्पन्न गरेको काठमाडौँ चक्रपथ सुधार योजनाले बताएको छ । सडक विभागले बालकुमारी, सातदोबाटो, एकान्तकुना, सानेपा, बल्खु र महालक्ष्मीस्थानमा ठेक्का सम्झौतामार्फत् आकाशे पुल निर्माण गर्न लागेको योजनाले बताएको छ । सरकारले आकाशे पुल निर्माण गर्न लागेको छ ठाउँमध्ये पाँच ठाउँमा ठेक्का सम्झौता भइसकेर काम भइरहेको इञ्जिनियर निरञ्जन शर्मा अर्यालले बताए । उनका अनुसार पाँच ठाउँमा काम भइरहेको छ भने महालक्ष्मीस्थानमा छिट्टै ठेक्का सम्झौता हुनेछ । उनले भने, “काम भइरहेका ठाउँमा कुनै पनि अवरोध नभएकाले समयमा नै सकिएला ।” दश किलोमिटर लम्बाइको यो सडकमा चिनियाँ सरकारले निर्माण गरेको तीन आकाशे पुल पर्याप्त नभएको भन्दै सरकारले छ ठाउँमा पुल निर्माण शुरु गरेको थियो । यी छ आकाशे पुल निर्माण सकिएपछि चक्रपथको यस खण्डमा मुख्यमुख्य सबै चोकमा आकाशेपुल हुने आयोजनाले बताएको छ । चार वर्ष पहिले निर्माण शुरु भएको यो सडक गत मङ्सिर २९ मा निर्माण सम्पन्न भएको थियो । काठमाडौँस्थित चिनियाँ दूतावासले गत माघमा सरकारलाई सडक हस्तान्तरण गरेको थियो । चक्रपथकै दोस्रो खण्ड कलङ्कीदेखि महाराजगञ्जसम्मको विस्तृत परियोजना प्रतिवेदन (डिपिआर) चिनियाँ पक्षले तयार गरिसकेको अर्यालले बताए । रासस
बेनेल्लि मोटरसाईकल ब्राण्डका तीन नयाँ मोडेल नेपाली बजारमा
काठमाडौं । के टि एम इन्टरनेशनल अन्तराष्ट्रिय मोटरसाईकल ब्राण्ड बेनेल्लिको तीन मोडेल नेपाली बजारमा सार्वजनिक भएको छ । यस कम्पनीका १३५ देखि ६०० सि सि सम्मका मोटरसाइकल उत्पादन हुँदै आएको छ । जुन नेपाली चालकका लागि फाईदाजनक र प्रतिस्पर्धी रहेको छ । बेनेल्लिका बिक्री कक्ष पुल्चोकका साथै सोरुमहरु उपत्यकामा नक्साल, कुपण्डोल र भक्तपुरमा अवस्थित रहेको छ । साथै यसका ११ वटा अधिकृत बिक्रेताहरु नेपाल भरी बुटवल, पोखरा, विर्तामोड, चितवन, ईटहरी, नेपालगञ्ज, भक्तपुर, सुर्खेत, दांग, हेटौडा, जनकपुर मा रहेका छन् , र नेपालभर व्यापक रुपमानयाँ डिलरहरुको विस्तार गर्ने योजना कम्पनीको रहेको छ । नयाँ माेडेलका यस्ता छन्र मूल्य सूची :
शेयर बजार गिरावटको प्रभाव म्युचुअल फण्डमा, कसले कति गुमाए एनएभी ?
काठमाडौं । माघ महिना म्युचुअल फण्डहरुको मूल्यमा गिरावट आएको छ । माघ महिनाको वित्तीय विवरण प्रकाशन गरेका ७ ओटा म्युचुअल फण्डको खुद मूल्यसँगै प्रतिइकाई मूल्यमा समेत गिरावट आएको हो । माघ महिनाकाे वित्तीय विवरणअनुसार म्युचुअल फण्डहरुले प्रतिइकाई ५ पैसादेखि १९ पैसासम्म खुद मूल्य गुमाएका छन् । सानिमा इक्विटीले १ करोड मूल्य गुमाउँदा सबैभन्दा कम र २ करोड मूल्य गुमाएको एनआईबीएल समृद्धि फण्डको प्रतिइकाई खुद मूल्य सबैभन्दा बढीले घटेको हो । सानिमाकाे माघ मसान्तकाे खुद मूल्य १३७ कराेड र एनआइबीएलकाे ९९ कराेड ६ लाख रुपैंया छ । त्यस्तै, ५२ करोड ४६ लाख खुद मूल्य भएको लक्ष्मी भ्यालु फण्डले १८ पैसा, १०६ करोडको लक्ष्मी इक्विटी फण्डले १७ पैसा, १५९ करोडको सिद्धार्थ इक्विटी फण्ड र ८६.५१ करोडकोे एनआईसी एशिया ग्रोथ फण्डले १३/१३ पैसा गुमाउँदा १०५ करोड खुद मूल्य भएको सिद्धार्थ इक्विटी ओरियन्ट स्कीमको प्रतिइकाई मूल्यमा १० पैसाको गिरावट आएको छ । गत पुस मसान्तमा ११७८.०३ विन्दुमा रहेको नेप्से परिसूचक माघ मसान्तमा ११२८.१९ विन्दुमा झरेको छ, यो ४.२३ प्रतिशतको गिरावट हो । नेप्से परिसूचक नै नकारात्मक भएपछि सूचिकृत कम्पनीहरुमा लगानी गर्ने म्युचुअल फण्डको मूल्यमा गिरावट आएको हो । हाल बजारमा १७ ओटा म्युचुअल फण्ड सञ्चालनमा छन् । वित्तीय विवरण प्रकाशन गरेका ७ ओटामध्ये सबै फण्डको मूल्य घटेसँगै अन्य फण्डहरुको पनि मूल्य घट्ने देखिएको छ । शेयर बजार हाल ३ बर्ष अघिदेखिकै न्यून विन्दुमा आइपुगेको छ । सरकारी प्रयासका बाबजुद बजारमा लगानीकर्ताको मनोबल उच्च नदेखिएपछि बजारले ओरालो बाटो लिन छाडेको छैन ।
पाँचथर पावरको आईपीओ आजदेखि खुल्यो, एक हजारमै भर्न पाइने
काठमाडौं । पाँचथर पावरको १७ लाख ५० हजार २५० कित्ता साधारण सेयर(आइपीओ) आजबाट बिक्री खुल्ला भएको छ । कम्पनीले फागुन १३ गतेदेखि फागुन १६ गतेसम्म कुल १७ करोड ५० लाख रुपैयाँ बराबरको आईपीओ निष्काशन गरेको हो । निष्काशित सेयरमध्ये ३५ हजार ५ कित्ता कर्मचारीलाई, ८७ लाख ५१२ कित्ता सामुहिक लगानी कोषलाई र बाँकी १६ लाख २७ हजार ७३३ कित्ता सर्वसाधारणका लागि छुट्याईएको छ । जसमा न्युनतम १० कित्ता अर्थात एक हजार रुपैयाँकै आवेदन दिन सकिनेछ भने अधिकतम १ हजार ६ सय २० कित्तासम्म आवेदन दिन सकिन्छ । उक्त आईपीओको बिक्री छिटोमा फागुन १६ गते र ढिलोमा चैत १२ गते निष्काशन बन्द हुनेछ । पावरको आईपीओ निष्कासनको काम सानिमा क्यापिटल लिमिटेडले गर्ने भएको छ । केयर रेटिङ्गस् नेपालले कम्पनीको आईपीओलाई ‘केयर एनपी आईपीओ ग्रेड ४’ प्रमाणपत्र प्रदान गरेको छ । जसले कम्पनीको वित्तीय विवरण औषतभन्दा कमजोर रहेको बताउँछ ।
शिवरात्री सोमबार भएकाले भक्तजन बढ्ने अनुमान, पशुपति दर्शनको यस्तो छ तयारी
काठमाडौँ । हिन्दु धर्मावलम्बीहरुले सोमबार भगवान शिवको पूजा आरधना गर्ने गर्छन् । यसपालीको महाशिवरात्री फागुन २० गते ठ्याक्कै सोमबार नै परेको छ । यसरी सोमबारकै दिन परेको महाशिवरात्री सभ्य र भव्य बनाउन पशुपति विकास कोष उत्साहपूर्वक लागि परेको छ । बार र तिथिको योग मिल्नु आफैँमा विशेष योग भएकाले कोष उत्साहित भएको हो । विषेश योगकै कारण तीर्थयात्रीहरुको संख्यामा उल्लेख्य वृद्धी हुने कोषको दाबी रहेको छ । संस्कृति महाशाखा प्रमुख तथा शिवरात्री प्रचार प्रसार उप समितिका सचिव प्रेमहरी ढुङ्गानाका भन्छन्–‘हिन्दु धर्म अनुसार भगवान शिवको जन्मोत्सवको रुपमा मनाउने यस पर्वमा तीर्थयात्रीहरुको उत्साहजनक सहभागिता रहने गर्छ, यसपालिको महाशिवरात्री सोमबारकै दिन परेकालेपनि दर्शनार्थीहरुको संख्या वृद्धी हुने कुरामा दुईमत छैन ।’ महाशिवरात्रीका दिन पशुपतिमा यस्तो छ व्यवस्थाः मन्दिर खुल्ने समयः महाशिवरात्रीको दिनमा बिहान ३ बजेदेखी नै मन्दिर खुल्ला रहने छ । सोही समयबाट नै भक्तजनहरुले लगाउने जुत्ता चप्पलको व्यवस्थापनदेखि सुरक्षाका विषयमा पशुपति विकास कोषले आफ्नो भूमिका निभाउने जनाएको छ । मन्दिर प्रवेश गर्न ३ लाईन: महाशिवरात्रीको दिन मन्दिर प्रवेशका लागि बाहिर ३ वटा लाईन रहने छन् । बाहिरबाट मन्दिर प्रवेश गर्दा भक्तजनहरुले मित्रपार्क, पिगंलास्थान र जयवागेश्वरीको रुट प्रयोग गर्न सक्नेछन् । भित्र गएपछि जुत्ता, चप्पल राखे पश्चात उक्त ३ वटा लाईन ६ वटामा विभाजित हुनेछन् । भक्तजनहरुलाई पासको व्यवस्था गरिएको छैन । स्वयम् सेवक तथा भोजनका लागि भने परिचय पत्रको व्यवस्था गरिने छ । सधैजसो लाईन लामो हुने भएकाले कतिपय दर्शनार्थी मन्दिर बाहिरबाटै फर्किन्छन् । सोही कुरालाई ध्यानमा राखेर झुलुक्क दर्शन गरेपछि दर्शनार्थीलाई तान्ने जनशक्तीको व्यवस्था कोषले नै गरेको छ । यसरी तान्नुको संकेत भनेको सक्दो छिटो दर्शन गरेर निस्किदा राम्रो हुन्छ भन्नेमा केन्द्रित रहेको छ । दर्शन छिट्टै गराउन कोषले पहल गर्नेः दर्शनार्थीहरुले भगवान शिवको दर्शन गर्ने सौभाग्यबाट वञ्चित हुन नपरोस् भन्नेमा कोषको विषेश पहल गरेको जनाएको छ । सधैजसो लाईन लामो हुने भएकाले कतिपय दर्शनार्थी मन्दिर बाहिरबाटै फर्किन्छन् । सोही कुरालाई ध्यानमा राखेर झुलुक्क दर्शन गरेपछि दर्शनार्थीलाई तान्ने जनशक्तीको व्यवस्था कोषले नै गरेको छ । यसरी तान्नुको संकेत भनेको सक्दो छिटो दर्शन गरेर निस्किदा राम्रो हुन्छ भन्नेमा केन्द्रित रहेको छ । स्वास्थ्य सम्बन्धी व्यवस्थाहरुः काठमाडौँ उपत्यकामा रहेका सरकारी र निजी दुवै अस्पतालहरुले महाशिवरात्रीको समयमा मन्दिर परिशर भित्र उपचार सेवा प्रदान गर्ने छन् । सेवाका लागि शैया सहितका एम्बुलेन्सहरु समेत उपलब्ध हुने छन् । प्राथमिक उपचारदेखी अस्पताल लग्नु पर्ने सम्मका दुर्घटनाका लागि स्वास्थ्य सेवाको व्यवस्था गरिएको छ । सुरक्षा व्यवस्थामा कडाईः ४ हजारभन्दा बढीको संख्यामा जनपद तथा ३ हजारको संख्यामा शसस्त्र प्रहरीको व्यवस्था गरिने भएको छ । साथै, बिना बर्दीका प्रहरीहरु समेत मन्दिर परिसरमा उपस्थित हुने छन् । नचाहिंदा क्रियाकलाप भएमा, त्यस्ता हर्कत गर्नेलाई प्रहरीले नियन्त्रणमा लिने छन् । यात्रुवाहक सार्वजनिक सवारी साधनलाई निषेध नगरिनेः तीर्थ यात्रीहरुको सहजताको लागि महाशिवरात्रीमा रिङ्ग रोडमा चल्ने यात्रुवाहक बसमा कुनै किसिमका रोक लगाईने छैन । गत वर्ष परीक्षण गरिएको भएपनि यसपालि सोही कुराको पूर्ण रुपमा कार्यान्वयन गरिने कोषले जनाएको छ । तर, गएको बर्षभन्दा अघिल्ला बर्षमा भने महाशिवरात्रीको समयमा पशुपति क्षेत्र हुँदै चल्ने यात्रुबाहक बसलाई प्रवेश निषेध गर्ने चलन रहँदै आएको पाईन्छ । त्यस्तै, तीर्थयात्रु बोक्ने गाडीलाई मन्दिर परिसरमा आउन छुट भएपनि पार्किङ् गरेर जाम भने गर्न पाईदैन । पशुपति परिसरमा नै आवास भवन निर्माण भई सकेकाले यसपाली विदेशी तीर्थयात्रीहरुले अटेसम्म त्रिपाल भित्र रात काट्नु नपर्ने कोषले जनाएको छ । लागू औषध सेवन नगर्न कोषको आग्रहः शिवरात्रीको अवसरमा लागू औषधजन्य वस्तुको सेवन गर्न तथा ओसार पसारमा रोक लगाईएको छ । भगवानलाई सम्झेर पूजा आरधना गर्नु राम्रो भएपनि गाजाजन्य वस्तु सेवन नगर्न कोषको आग्रह रहेको छ ।
