बिनाकारण डर लाग्छ ? के हो यो रोग ? उपचार कसरी गर्ने ?
काठमाडौं। एनजाईटी भनेको यस्तो डर हो जुन ठ्याक्कै के कारणले गर्दा भएको भन्ने पत्त्ता लगाउनु गार्हो हुन्छ। सामान्य रुपमा हरेक मानिसहरुलाई एनजाईटी हुन्छ तर अत्याधिक रुपमा बिनाकारण मनमा डर लाग्नु आत्तिनु एनजाईटी डिसअर्डर हो। हामीलाई कहिलेककाहीँ यो हुन लागेको भन्ने महसुस हुन्छ भने कहिलेकाही यो हामीलाई अचानक हुने गर्दछ। यो लाग्नै नपर्ने कुराको डर हो र यसले कति असर गर्छ भन्ने हामीलाई थाहा नै हुँदैन। यो समस्या कुनै पनि उमेर समुहमा देखिन सक्छ। एनजाईटी दुईवटा प्रकारका हुन्छन् : १। सामान्य एन्जाईटी : कहिलेकाही लाग्ने डर २। जेनेरलाईज्ड एन्जाईटी : बारम्बार लाग्ने डर लक्षण १। जति खेर पनि चिन्ता लिईराख्ने : बिहान उठेदेखी सुतेसम्म एउटा न एउटा कुराको चिन्ता लिईराख्ने पनि एन्जाईटीको लक्षण हो। कहिलेकाही केही कुराको चिन्ता लाग्नु सामान्य एनजाईटी हो भने सधैं चिन्ता लाग्नु जेनेरलाईज्ड एनजाईटी हो। उदाहरणको लागि : परिक्षाको समयमा सबैलाई डर लाग्ने गर्दछ। यो सामान्य हो तर कोही व्यक्ती यस्ता हुन्छन् जो परिक्षा भनेपछी डरले अत्तिएर परिक्षा नै दिन जान सक्दैनन वा कोही अघिल्लो रात देखी नै सुत्न सक्दैनन्, परिक्षा दिन गईहालेको अवस्थामा पनि परिक्षामा सबै आए पनि राम्रो गर्न सक्दैनन्। उसलाई उत्तर आए पनि हडबडाउँछ। परिक्षामा टेन्सन सबैलाई हुन्छ तर त्यसलाई डिसअर्डर भनेर तब भनिन्छ जब त्यो समस्याले तपाईंलाई झनै ठुलो समस्यामा पार्छ। अर्को उदाहरण : आफ्नो छोराछोरी बिरामी हुन्छन् कि भन्ने चिन्ता। यो धेरै आमाबुवामा देखिने साधरण एनजाईटी हो। तर आफ्नो स्वस्थ भईरहेको छोराछोरीलाई केही पो लाग्छ भन्ने कुराको बारम्बार चिन्ता लाग्ने र त्यही चिन्ताको कारण छोराछोरीलाई बाहिर निस्कन नदिने, खाने कुरामा चाहिने भन्दा बढी तनाव लिनु भनेको जेनेरलाईज्ड एन्जाईटी हो। २। ढुक्क सँग बस्न नसक्ने : एनजाईटी भएका मानिसहरु कहिले पनि ढुक्कसँग बस्न सक्दैनन्। एउटा शान्ता कोठामा सबैजना रमाईलो गरिरहेका छ न् तर एनजाईटी भएको मानिस सबै कुरा ठीक भएता पनि ढुक्कसँग आनन्दले बस्न सक्दैन। यस्ता व्यक्तीहरुले एक्लै टोलाएर बस्दा पनि राम्रो कुरा पनि सोच्न सक्दैन। उसको दिमाग हरपल दौडीरहेको हुन्छ। ३। अस्थाई शारिरिक लक्षण : एनजाईटीको कारण मानिसहरुलाई शारिरिक लक्षणहरु पनि देखिने गर्द्छ। जस्तै छिनछिनमा पिसाब आउने, मुटु पोल्ने, पेट पोल्ने, टाउको दुख्ने ४। चाडै थकित हुने यो जेनेरलाईज्ड एनजाईटी भएको मानिसहरुलाई हुने गर्दछ। उक्त एनजाईटी भएको मानिस जति खेर पनि थकित हुने गर्दछ। उसले केही नगरे पनि शरीर थाकेको महसुस हुन्छ। ५। दिमाग चाँडो दौडिने यस्तो एन्जाईटी भएको मानिसको दिमाग तेजसँग चलिरहेको हुन्छ। उसले एकै मिनेटमा हजारौ कुराहरु दिमागमा खेल्ने उसले आफुलाई कति पटक प्रयास गरे पनि यस्तो सोच्नबाट मुक्त गर्नसक्दैन। ६। ध्यान गर्न नसक्ने केही कुरामा पनि ध्यान दिन नसक्ने, ध्यानमा एक्रग्रता ल्याउन नसक्ने एनजाईटीको अर्को लक्षण हो। विद्यार्थीलाई यस्तो समस्या देखियो भने उसले आफ्नो पढेको कुराहरु पनि सम्झन सक्दैन जसको कारण उसको पढाईमा समस्या देखिन थाल्दछ। ८। दिक्क मान्नु एनजाईटी डिसर्डर भेएका मानिसहरु सानो सानो कुरामा झर्किने गर्दछन्। उसलाई सानो सानो आवाजले पनि एकदम समस्या हुनेगर्दछ। ९। भोलीवाद जे काम पनि भोली गर्छु भन्ने मानिसहरुमा हुने सामान्य बानी हो तर एनजाईटी डिसअर्डर भएका मानिसहरुले जे कुरा पनि भोलीलाई बाँकी राख्ने हुन्छ। उसलाई काम बिग्रन्छ कि, केही होला कि भन्ने डरकै कारण जतिसुकै महत्वोपूर्ण काम भएपनि भोली गरुला भन्ने भावना आउँछ। उपचार यि लक्षण मध्य कम्तिमा पनि ४ वटा जेनेरलाईज्ड एन्जाईटीका लक्षण तपाईंमा देखिन्छ भने तपाईले मनोचिकित्सकलाई भेट्न जरुरी छ। त्यसबाहेक तपाईंले एन्जाईटीबाट टाढा रहनु : – सकेसम्म केही कामहरुमा अल्झाई राख्नुहोस् – राम्रो राम्रो संगित सुन्ने गर्नुहोस् – स्वस्थ खानेकुरा खाने डा. कल्यान
ग्लोबल आइएमई बैंक र क्यान्सर काउन्सिलको सहकार्यमा क्यान्सर सम्बन्धी जनचेतना
काठमाडौं । ग्लोबल आइएमई बैंकले क्यान्सर काउन्सिल नेपालसँगको सहकार्यमा क्यान्सर सम्बन्धी जनचेतनामूलक कार्यक्रमको आयोजना गरेको छ । काठमाडौंको बसुन्धारास्थित हेराल्ड इन्टरनेशनल कलेजमा आयोजित उक्त जनचेतना मूलक कार्यक्रममा कलेजमा अध्ययनरत पाँच सय जना विद्मार्थी र शिक्षक उपस्थित रहेका थिए । उक्त जनचेतना मूलक कार्यक्रममा बरिष्ठ क्यान्सर रोग विशेषज्ञ प्रा.डा.विष्णुदत्त पौडेलले क्यान्सर रोगको कारण, लक्षण र रोकथामका उपायबारे स्पष्ट गरेको थिए । यसका साथै सोही कार्यक्रममा ग्लोबल आइएमई बैंक लिमिटेडसँग हातेमालो गरी नेपाल प्रहरीले साइबर क्राइमको बारेमा प्रस्तु्ती दिए । ग्लोबल आइएमई बैंकले स्थापनाकाल देखि नै आफ्नो सामाजिक उत्तरदायित्वलाई प्राथमिकतामा राखेर विभिन्न क्षेत्रमा सहयोग पुर्याउँदै आएको छ । बैंकले विभिन्न समयमा मुलुकमा आईपर्ने प्राकृतिक विपत्तिहरु; बाढी, पहिरो, भुकम्प लगायतका विपतको समयमा सहयोग गर्दै आएको छ ।
वीपी प्रतिष्ठानमा उपकुलपति फेर्ने स्वाथ्यमन्त्रीकाे तयारी, को को छन् दौडमा ?
काठमाण्डौ । स्वास्थ्यमन्त्री उपेन्द्र यादवले धरानस्थित वीपी कोइराला स्वास्थ्य विज्ञान प्रतिष्ठानमा आफू अनुकुलका उपकुलपति राख्ने तयारी थालेका छन् । हालका उपकुलपतिको कार्यकाल करिब साढे ३ वर्ष बाँकी छँदै उनले हटाउने र नयाँ उपकुलपति नियुक्त गर्न खोजिएको स्रोतले बतायो । प्रत्येक पटक भिसी नियुक्तिमा निकै ठूलो रकमको चलखेल हुने र आर्थिक लाभको उदेश्यले सरकारीले भीसी परिवर्तन गर्न लागेको आरोप सरकारमाथि लागेको छ । बी.पी. कोइराला स्वास्थ्य विज्ञान प्रतिष्ठानका कुलपति तथा प्रधानमन्त्री केपी शर्मा ओली र सञ्चालक समितिको निर्णय अनुरुप प्रधानमन्त्री तथा तत्कालीन मन्त्रिपरिषद् कार्यालयका सचिव केदारबहादुर अधिकारीको संयोजकत्वमा एक छानबिन समिति गठन गरिएको थियो । सचिव केदारबहादुर अधिकारीले दिएको प्रतिवेदन गोप्य राखिएको छ । त्यसपछि बी.पी. विज्ञान स्वास्थ्य प्रतिष्ठानमा भएको भ्रष्टाचार र अनियमितता माथि छानबिन गर्न भन्दै नयाँ कमिटि गठन भएको थियो । प्रचण्ड सरकारको पालामा २०७३ फागुन १७ गते प्रा.डा. राजकुमार रौनियार बीपी कोइराला स्वास्थ्य विज्ञान प्रतिष्ठानको उपकुलपति पदमा नियुक्त भएका हुन् । प्रतिष्ठानका पूर्व उपकूलपति प्रा.डा.बलभद्र दास र रजिष्टार तुलबहादुर श्रेष्ठले सञ्चालक परिषद्को बैठकबाट स्वीकृति नलिई लागत बढाई ४०० शैयाको मातृशिशु भवन निर्माणको ठेक्का र २०० शैयाको कार्डियोलोजी भवन तथा अंकोलोजी भवनहरुको निर्माण सम्बन्धी प्रक्रिया अगाडि बढाएपछि यस संस्थाको आर्थिक मामिलामा विवाद हुँदै आएको छ । संचालक परिषद्को ४१ औं सभाले निर्णय नं. ६९३० मा सभामा उपस्थित सभासद्हरुले प्रतिष्ठानमा दिनानुदिन बढ्दै गइरहेको बिरामीको चाप एवं विशेषज्ञ सेवा दिन आवश्यक रहेकोले आ.व.२०७२/०७३ देखि निर्माण शुरु भएको भवनलाई निरन्तरता दिनुपर्ने राय सुझाव दिएको थियो । संचालन परिषद्को ४० औं सभाबाट उक्त भवनहरुको बजेटको सुनिश्चितता सम्बन्धमा तत्कालीन स्वास्थ्य सचिवको संयोजकत्वमा गठित समितिबाट प्रतिवेदन पेश नभएको अवस्थामा आदिलाई मध्यनजर गरी एक छानबिन समिति गठन गर्ने र उक्त समितिको प्रतिवेदन प्राप्त भएपछि उक्त भवनहरुको निर्माणको विषयमा प्रक्रिया अगाडि बढाउने सम्बन्धमा सभाका अध्यक्ष एवं उपप्रधानमन्त्री एवं स्वास्थ्य तथा जनसंख्या मन्त्री उपेन्द्र यादवलाई अख्तियारी दिईएको थियो । बी.पी. प्रतिष्ठान पूर्व भीसी बलभद्र प्रसाद दास र रजिष्टार तुलबहादुर श्रेष्ठको मिलेमतोमा भएको भ्रष्टाचार ढाकछोप गर्न भीसी परिवर्तनको खेल भएको आरोप लागेको छ । २०७५ भदौ १७ गते प्रतिष्ठानको ऐन २०४९ को दफा ११ (घ) बमोजिम सहकुलपति तथा उपप्रधानमन्त्री एवं स्वास्थ्य मन्त्री उपेन्द्र यादवको संयोजकत्वमा डा. गुरुप्रसाद खनाल, सिनेटर, बी.पी. प्रतिष्ठानका रजिष्टार तुलबहादुर श्रेष्ठ रहेको छानबिन समिति गठन गरिएको थियो ।
नेपाल बङ्गलादेश बैंक र नेपाल क्यान्सर अस्पतालबीच सेवा सम्बन्धी सम्झौता
काठमाडौं । नेपाल बङ्गलादेश बैंक र नेपाल क्यान्सर अस्पताल,हरिसिद्धी ललितपुरबीच सेवा आदानप्रदान सम्बन्धी सम्झौता भएको हो । सम्झौतापत्रमा नेपाल बङ्गलादेश बैंकका नायव प्रमुख कार्यकारी अधिकृत सुरेन्द्र भुषण श्रेष्ठ र नेपाल क्यान्सर अस्पतालका कार्यकारी अध्यक्ष डा. सुदिप श्रेष्ठले हस्ताक्षर गरेका हुन् । सम्झौता अनुसार नेपाल क्यान्सर अस्पतालले नेपाल बङ्गलादेश बैंकद्वारा जारी भएका डेविट/क्रेडिट कार्ड प्रयोग गर्ने ग्राहकहरुलाई अस्पतालद्वारा प्रदान गरिने विभिन्न सेवामा ५ प्रतिशत देखि १० प्रतिशत सम्म छुट प्रदान गर्ने जानकारी दिएको छ । उक्त सम्झौंताले दुवै संस्थाका ग्राहकहरुलाई सुविधा पुग्ने बैंकले जनाएको छ ।
एकल ब्राण्डको वृहत प्रदर्शनी ‘महिन्द्रा उदय’ले भव्य, उपभोक्ताको आकर्षण मराजो र एक्स्यूभी–३०० मा
काठमाडौं । गत शुक्रबारबाट सुरु भएको महिन्द्राका भेहिकलहरुको एकल लाईफ स्टाईल अटो शो ‘महिन्द्रा उदय’ आज आइतबार बेलुका समापन भएको छ । अबलोकनकर्ताको निकै उत्साहजनक सहभागिता रहेको उक्त मेलामा कम्पनीले आफ्ना सबै ३० भन्दा बढी भेहिकल प्रदर्शनीमा राखेको थियो । उक्त मेलामा महिन्द्राका पछिल्लो उत्पादन कम्प्याक एसयूभी एक्सयूभी ३०० तथा एमपीभी मराजो सँगै अन्य ४ नयाँ मोडल सार्वजनिक गरेको थियो । ‘नेपालमै पहिलो पटक भएको बृहद एकल ब्राण्डको प्रदर्शनीमा जसरी अबलोकनकर्ता आउनु भयो, ब्रान्ड, गाडी, म्युजिक र खानाको स्वादसँग रमाउनु भयो यसले हाम्रो मेला निकै सफताका साथ पुरा भएको छ’ महिन्द्राको आधिकारीक वितरक अग्नी इन्कर्पोरेटका मार्केटिङ मेनेजर सिजन न्यौपानेले बताए । यो प्रदर्शनीमा बिक्री भन्दा पनि महिन्द्राको सबै रेन्ज तथा महिन्द्रा केहो भन्ने कुरामा फोकस गरिएको थियो । मेलामा एसयूभीहरु, इलेक्ट्रीक भेहिकलहरु, दुई पाङ्ग्रेमा मोटरसाईकल तथा स्कुटर, हेभी इक्युपमेन्टहरु, कृषिमा प्रयोग हुने ट्रायाक्टरहरु, जेनेरेटरका साथै हेवी तथा लाईट कमर्शियल भेहिकलहरुमा अबलोकनकर्ताले निकै चासो देखाएका थिए । मेला अवधिभर नयाँ दुई गाडी मराजो र एक्स्यूभी–३०० मा धेरैले चासो देखाएका थिए । महिन्द्राकालागि नेपालको आधिकारीक वितरक अग्नी इन्कर्पोरेट, एमभी दुगड, श्वराजपार्टनर र महिन्द्रा एन्ड महिन्द्रा लिमिटेडले संयूक्त रुपमा यो लाइफ स्टाइल एन्ड अटो शो को आयोजना गरेकोे हो ।
अदालतबाट मुद्दाको अन्तिम फैसला नहुँदै हुलाकी सडकमा कालोपत्रे शुरु
काठमाडौं । अदालतबाट मुद्दाको अन्तिम फैसला नहुँदै हुलाकी राजमार्गको कल्याणपुर–बरसाइन–स्वर्णपट्टी सडक खण्डमा कालोपत्र गर्न थालिएको छ । स्वर्णपट्टी स्थित देउरी ९ (ख) को क्षेत्रमा सर्भेक्षण नगरी नक्साङ्कन भएको क्षेत्रलाई छोडेर ९ (क) मा मात्र सडक निर्माण गर्न थालिएको भन्दै जग्गाधनी जिवछ भनिने धर्मेन्द्र साहले गत २०७४ माघमा जनकपुर उच्च अदालतको राजविराज इजलासमा दायर गर्नुभएको रिट निवेदनमा उक्त इजलासले सो ठाउँमा तत्कालका लागि कामकाज नगर्न आदेश जारी गरेको थियो । उक्त सडक निर्माणको ठेक्केदार कम्पनी विरुद्ध अदालतमा फरक /फरक व्यक्तिद्वारा तीन वटा मुद्दा दायर गरिएको थियो । दायर गरिएका तीनवटै मुद्दामा अदालतबाट अन्तिम फैसला नहुँदै ठेक्केदार कम्पनी दिवा निर्माण प्रालि काठमाडौँले सो सडकमा कालोपत्रेको काम शुरु गरेको हो । उक्त इजलासबाट अन्तिम फैसला नभएकाले विवादित संस्थानलाई छोडेर अन्य भागमा कालोपत्र शुरु गरिएको सडकका ‘कन्ट्र्याक्टर म्यानेजर’ विनोद गौतमले जानकारी दिए । भारतीय सिमासँग जोडिएको सप्तरीको बोदे बसाइन नगपालिकाको स्वर्णपट्टीदेखि खडक नगरपालिकास्थित बिसनपुर चौकसम्मको सो सडकमा कालोपत्रेको काम शुरु भएको बताए । करीब १७ दशमलव २८ किलोमिटरको सो सडकमा पर्ने बजार क्षेत्रमा ११ र बजार बाहिर सात मिटर चौडाइ कालोपत्रे गर्ने योजना बमोजिम स्वर्णपट्टि नजिकैबाट कालोपत्रेको काम शुरु गरिएको र चैतमहिनाभित्र काम सकेर हस्तान्तरण गरिने गरी काम भइरहेको म्यानेजर गौतमको भनाइ थियो । विसं २०७६ असार २० गतेसम्म सडक निर्माण कार्य सम्पन्न गर्ने सम्झौता भए पनि २०७५ चैतभित्रै काम सकिने गरी तीव्र रुपमा सडक निर्माणको काम भइरहेको छ । गत ०७४ साल मङ्सिरदेखि निर्माण शुरु भएको सो सडकमा कालोपत्रे बाहेकको काम सकिएको छ, म्यानेजर गौतमले भने, “सडकमा निर्माण गर्नुपर्ने ३३ वटै कल्र्भड निर्माण भइसक्यो । एक हजार ४०० मिटर दाँयाबाँया फुटपाटसँगै नाला निर्माणको समेत अन्तिम चरणमा पुगेको छ ।” ती काम सकेर माघ १५ गतेदेखि सडकको कालोपत्रेको काम शुरु गर्ने लक्ष्य रहेपनि अदालतमा परेको मुद्दाका कारण कालोपत्रे गर्ने कार्य केहीपछि धकेलिएको म्यानेजर गौतमको भने । उक्त सडक भ्याट बाहेक रु ५८ करोड तीन लाख ९७ हजारकोे लागतमा निर्माण गर्न लागिएको हो । रासस
१२२ अर्बको वैदेशिक लगानी स्वीकृत हुँदा ४६ अर्ब मात्रै आयो, ६२ प्रतिशत लगानी कागजमा मात्र
काठमाडौं । १० वर्षको अवधिमा १ खर्ब २२ अर्ब नेपाली रुपैंया बराबरको विदेशी लगानी स्वीकृत भएका छन् । नेपाल राष्ट्र बैंकको तथ्याङ्क अनुसार आर्थिक वर्ष २०६६/६७ देखि आर्थिक वर्ष २०७५/७६ को माघ मसान्तसम्म उक्त परिमाणमा लगानी गर्ने प्रस्ताव स्वीकृत गरिएको हो । स्वीकृत भएका लगानीमध्ये ४६ अर्ब रुपैंयाँ मात्र नेपाल भित्रिएको छ । बाँकी ७६ अर्ब रुपैंया भने आउन बाँकी रहेको नेपाल राष्ट्र बैंक विदेशी विनिमय विभागका कार्यकारी निर्देशक भिष्मराज ढुङ्गानाले जानकारी दिए । ६२ प्रतिशत लगानी कागजमा मात्र सीमित भएकाे छ । स्वीकृत भएको र भित्रिएको लगानी इक्विटी होल्डिङका लागि स्वीकृत भएका हुन् जसमा विदेशी लगानीकर्ताको शेयरमा लगानी हुन्छ । ती लगानीहरु खासगरी उत्पादनशील क्षेत्रकै लागि स्वीकृत भएको कार्यकारी निर्देशक ढुङ्गानाले बताए । ‘हामीले स्वीकृत गरेका लगानीलाई क्षेत्रगत रुपमा विभाजन गरेका त छैनौं तर धेरैजसो उत्पादनशील क्षेत्रकै लागि लगानी ल्याउन प्रस्ताव गरिएको छ ’ – उनले भने । उक्त अवधिमा स्वीकृत गरिएका १ खर्ब २२ अर्ब लगानीका लागि अवधिमा ७३३ ओटा कम्पनीले नेपाल राष्ट्र बैंकबाट स्वीकृति पाएका थिए । जसमा भित्रिएको ४६ अर्ब रुपैंयाका लागि २८५ ओटा कम्पनीले ल्याएको नेपाल राष्ट्र बैंकको तथ्याङ्कमा उल्लेख गरिएको छ । ऋण लगानीका लागि भने सोही अवधिमा ६४ करोड डलर (हालको विनिमय दरका आधारमा करिब ७२ अर्ब रुपैंया) स्वीकृत भएका छन् । जसमध्ये ३० करोड डलर (हालको विनिमय दरका आधारमा करिब ७२ अर्ब रुपैंया) मात्रै ऋणको रुपमा नेपाल भित्रिएको छ । नेपाल सरकारले भने गत फागुन १ गतेदेखि माघ २९ गतेसम्म मात्रै ४३१ परियोजनाको लागि ५९ अर्ब ५२ करोड लगानी प्रतिबद्धता आएको जानकारी दिएको छ । उद्योग विभागको तथ्याङ्क अनुसार यो प्रतिवद्धता रकम २०७३ फागुन १ देखि २०७४ माघ मसान्तसम्म २४ अर्ब ५९ करोड रुपैंया रहेको छ । सरकारी तथ्याङ्कमा उत्साहप्रद वैदेशिक लगानी भित्रिएको देखिए पनि वास्तविक रुपमा भने प्रतिवद्धताभन्दा कयाैं गुणा कममात्रै भित्रिने गरेको देखिएको हो । अघिल्लो लगानी सम्मेलनमा मात्रै विदेशी लगानीकर्ताले नेपपालमा १४ खर्ब रुपैंया विदेशी लगानीका गर्ने प्रतिवद्धता जनाएका थिए तर प्रतिवद्धताको रकमभन्दा वास्तविक रकम ज्यादै न्यून मात्र हुने गरेको देखिएको छ । सरकारले आगामी चैत १४ र १५ गते लगानी दोस्रोपटक लगानी सम्मेलन गर्दैछ । त्यसका लागि अर्थमन्त्री विश्व दौडाहामा छन् । तर, विदेशी लगानीका लागि दौडधुप गरिरहँदा प्रतिवद्धता भएका लगानी भित्र्याउने सवालमा भने सरकारी पक्षले सक्रियता नदेखाएको सरोकारवालाहरुले भनाइ छन् । धेरैजसो प्रतिवद्धताहरु लगानीको प्रक्रियामै नजाने र प्रक्रियामा गएकाहरु समेत देशमा आवश्यकता नै नभएको वा देशले लगानीका लागि स्वीकृति दिन नसक्ने क्षेत्रमा लगानी गर्न चाहने तथा अन्य प्राविधिक कठिनाइको कारणले वास्तविक वैदेशिक लगानीको आकार ज्यादै न्यून हुने गरेको अधिकारीहरू बताउँछन् ।
बाल्ट्राको स्मार्ट ४के युएचडी टेलिभिजन नेपाली बजारमा
काठमाडौं । ईलेक्ट्रोनिक उत्पादन बाल्ट्राले फरक रेञ्जका बाल्ट्रा स्मार्ट ४के युएचडी टेलिभिजन बजारमा लन्च गरेको छ । नेपाली बजारमा बाल्ट्राले ५५ र ५० इन्चका स्मार्ट ४के युएचडी टेलिभिजनका साथै ४० इन्चका विभिन्न एफएचडी स्मार्ट टेलिभिजन पनि बिक्रि–वितरण गर्दै आएको छ । नवीनतम प्रविधिहरुद्वारा उत्पादित बजेट सुहाउँदो बाल्ट्राका टेलिभिजनमा उत्कृष्ट क्वालिटीका साथै २ वर्षको पूर्ण वारेण्टी रहेको छ । ईलेक्ट्रोनिक तथा घरेलु सामानहरुमा विविध र नवीन उत्पादनहरु उत्पादन गर्दै आएको बाल्ट्रा होम एप्लाइन्सेस्ले विगत १० वर्षदेखि नेपाली उपभोक्ताहरुको मन जित्दै आएको छ । ५५ र ५० इन्चमा उपलब्ध टेलिभिजनमा ४के युएचडी सिनेमा डिस्प्ले, अल्ट्रा स्ल्मि बडी, वाईड स्क्रिन, हाई रिजोलुसन, हाई क्लारिटी, मिरा स्क्रिन, एचडीएमआई आदि विशेषताहरु रहेका छन् ।
