लक्ष्मी बैंकले शुरु गर्यो लक्ष्मी आरोग्य स्वास्थ्य कार्यक्रम, स्वास्थ्य सेवामा ३० % सम्म छुट
काठमाडौँ । लक्ष्मी बैंकले ग्राहकहरुलाई स्वस्थ जीवनशैलीतर्फ प्रोत्साहित गर्ने उद्देश्यले लक्ष्मी आरोग्य स्वास्थ सम्बन्धी कार्यक्रमको सुरुवात गरेको छ । लक्ष्मी बैंकमा खाता हुने सम्पूर्ण ग्राहकहरु समावेश हुन सक्ने यस योजना अन्तर्गत ग्राहकहरुले काठमाडौं उपत्यकाका विभिन्न ख्यातिप्राप्त अस्पताल तथा स्वास्थ्य संस्थाहरुको सेवामा विशेष छुट प्राप्त गर्न सक्नेछन् । विभिन्न अस्पताल तथा स्वास्थ्य संस्थाहरुसँग गरिएको सम्झौता अन्तर्गत बैंकका ग्राहकहरुले साझेदार अस्पतालहरुमा २०% सम्म तथा आरोग्य केन्द्रहरुमा ३०% छुट प्राप्त गर्न सक्नेछन् । लक्ष्मी बैंकको डेबिट तथा क्रेडिट कार्ड प्रयोग गरेर समेत यो सुविधा प्राप्त गर्न सकिनेछ । यसका अतिरिक्त लक्ष्मी बैंकका ग्राहक तथा तीनका परिवारलाई आफ्नो सेवामा प्राथमिकता प्रदान गर्न समेत सहभागी अस्पताल तथा स्वास्थ्य केन्द्रहरु सहमत भएका छन् ।
काठमाडौंका सडकमा ८ हजार सौर्य वत्ति, १५ करोडमा झिलिमिली महानगर
काठमाडौँ । रातिको समयमा हुने दुर्घटना र आपराधिक क्रियाकलाप न्यूनीकरण गर्ने उद्देश्यले काठमाडौंका प्रमुख सडकमा आठ हजारबत्ती जडान गर्ने भएको छ । आगामी वैशाख १ गतेबाट कलङ्की–एयरपोर्ट, त्रिपुरेश्वर–चक्रपथ र थापाथली–कमलपोखरी हुँदै पुतलीसडक खण्डमा सो बत्ती जडान गर्ने काठमाडौँ महानगरपालिकाले जनाएको छ । बत्ती जडान गर्नका लागि महानगरपालिकाले चालू आर्थिक वर्षमा रु पाँच करोड बजेट विनियोजन गरेको कामपाका प्रवक्ता ईश्वरमान डङ्गोलले जानकारी दिए । “सबै वडाबाट १६ हजार बत्ती जडान गर्नका लागि माग आएको छ”, उनले भने, “माग अनुसार बत्ती जडान गर्ने हो भने १० देखि १५ करोड खर्च हुने अनुमान छ ।” रातिको समयमा हुने सडक दुर्घटना, चोरी र यात्रुलाई आवतजावत गर्नका लागि सहज होस् भनेर बत्ती राख्न लागिएको प्रवक्ता डङ्गोलले जानकारी दिए । आगामी वैशाखदेखि शुरु गरी यसै आर्थिक वर्षभरीमा सक्ने लक्ष्यका साथ काम अघि बढाइने पनि कामपाले जनाएको छ । सिसीटिभी जडान महानगरीय प्रहरी परिसर काठमाडौँले महानगरपालिकाको सहयोगमा सिसी क्यामेरा जडान गर्ने तयारी गरेको छ । त्यसका लागि कामपाले परिसरलाई तीन करोड रकम उपलब्ध गराएको छ । महानगरपालिकाभित्र शान्तिसुरक्षा, अपराध नियन्त्रण, दुर्घटना न्यूनीकरण, फोहरमैला व्यवस्थापन, फुटपाथ नियन्त्रण र प्रदूषण न्यूनीकरणमा सहयोग पु¥याउनका लागि सो सहयोग गरेको हो ।
सानिमा लाईफ र सिन्धु विकास बैैंकबीच बैंकास्योरेन्स संझौता
काठमाडौँ । सानिमा लाईफ इन्स्योरेन्स लि. र सिन्धु वीकाश बैंक लि.बीच बैंकास्योरेन्स संझौता भएको छ । सानिमा लाइफका महाप्रबन्धक शिवराम तिमिल्सिना तथा बैंकका प्रमुख कार्यकारी अधिकृत रमेश जोशीले सो संझौतामा हस्ताक्षर गरेका छन् । कार्यक्रममा कम्पनीका तर्फबाट वरिष्ठ प्रबन्धक गुणराज श्रेष्ठ तथा बनेपा शाखाका प्रमुख कृष्ण ढोडारी समेतको उपस्थिति रहेको थियो । संझौता अनुसार ग्राहकहरुले सिन्धु विकास बैकका सम्पुर्ण शाखाहरुबाट सानिमा लाईफ इन्स्योरेन्सको उत्कृष्ट जीवन वीमा सेवा उपभोग गर्न सक्ने छ ।
बिगटेक अफिस सिस्टमले ल्यायो ‘बिग अफर’, विभिन्न स्किममा ४५ प्रतिशतसम्म छुट
काठमाडौं । आईसीटी सर्भिस प्रोभाइडर कम्पनी बिगटेक अफिस सिस्टमले होली र नयाँ बर्षलाई लक्षित गर्दै ‘बिग अफर’ सार्बजनिक गरेको छ । यस अफरभित्र तत्काल डिजिटल सेक्युरिटी अन्तर्गत ६ स्किमहरु लागू हुनेछन् । बिगटेकका कार्यकारी निर्देशक बद्रीप्रसाद रिमालका अनुसार प्रत्येक स्किममा २० प्रतिशतदेखि ४५ प्रतिशतसम्म छुट पाइने छ । त्यसैगरी, तोकिएकै मुल्यमा अफिस भिजिट गरेमा थप ५ प्रतिशत क्यास डिस्काउन्ट दिइने उनले बताए । स्किममा ब्लक ए सेक्सनमा एनालग एचडी सीसी टिभी टु मेगापिक्चलको ४ सेट , ६ सेट र ८ सेट गरि तीनवटा स्किमहरु लागू हुनेछन् । त्यसैगरी, ब्लक बी सेक्सन अन्तरगत आईपी क्यामेरा टु मेगापिक्चलको पनि ४ सेट , ६ सेट र ८ सेट गरि तीन स्किमहरु लागू हुने कम्पनीले बताएको छ । निर्देशक रिमालका अनुसार वर्ल्ड लिडर दहुवा टेक्नोलोजी कम्पनीका डिभाइसहरु युनिभर्सल छन् । जसको कारण घर अफिसमा पहिलै जोडिएको पुराना क्यामेराहरु पनि यी डिभाइसहरुमा अपग्रेड गर्न सकिन्छ । कम्पनीका अनुसार ब्लक ए र ब्लक बी का क्रमशः एक, दुई र तीन स्किममा पहिलोमा ८ जीबी पेनड्राइभ, दोस्रोमा १६ जीबी पेनड्राइभ र तेस्रोमा ३२ जीबी पेनड्राईभ भिडियो ब्याकअपको लागि फ्री उपलब्ध गराईने छ । त्यसैगरी, स्किम खरिद गरेको ५ दिन भित्र क्यामेरा स्टल फ्रीमा गरिनेछ वा क्यामेरा स्टलको कुनै थप शुल्क नलिइने पनि रिमालले बताए । सबै स्किमका डिभाइसहरुमा एक वर्षको सिस्टम ग्यारेन्टी र अतिरिक्त काम बाहेक एक वर्षसम्म फ्री टेक्निकल कन्सल्ट्यान्स र सर्भिस प्रदान गरिने कम्पनीले जनाएको छ । विभिन्न सर्तहरु लागू हुने यो योजना देशैभर लागू गरिएको कम्पनीले जानकारी दिएको छ ।
नेप्से र कारोबार रकम दुबैमा गिरावट, फाइनान्स र उत्पादनमूलक बाहेक सबै समूह राताम्मे
काठमाडौं । दुईदिन लगातार उकालो लागेको नेप्से परिसूचक सोमबार ७.४७ अंकले ओरालो लागेको छ । आइतबार बढेर ११६१ अंकमा पुगको परिसूचक सोमबार ०.६४ प्रतिशतले घटेर ११५३.९८ अंकमा झरेको छ । बजारमा परिसूचकसँगै सेयर कारोबार रकममा पनि गिरावट देखिएको छ । सोमबारको बजारमा कुल १६९ कम्पनीको ३६ करोड रुपैयाँ बराबरको सेयर कारोबार भएको छ । जुन आइतबारको तुलनामा करिब एक करोड रुपैयाँले कमी हो । आइतबारको बजारमा ३७ करोड रुपैयाँ बराबरको सेयर कारोबार भएको थियो । सो दिन सबैभन्दा बढी ग्लोबल आईएमई बैंकको प्रमोटर सेयर किनबेच भएको छ । बैंकको एकैदिन ६ करोड ३९ लाख रुपैयाँ बराबरको प्रमोटर सेयर कारोबार भएको छ । सो दिन बैंकको संस्थापक सेयरको मूल्य प्रतिकित्ता १७७ रुपैयाँ रहेको छ । बजारमा फाइनान्स र उत्पादनमूलक समूहबाहेक बाँकी समूह राताम्मे देखिएका छन् । सबैभन्दा बढी जीवन बीमा समूह ७६ अंकले घटेको छ । त्यस्तै, निर्जीवन बीमा ६०, हाइड्रोपावर १४ र माइक्रोफाइनान्स समूह १० अंकले ओरालो लागेका छन् । फाइनान्स र उत्पादनमूलक समूह क्रमशः ४ र ७ अंकले उकालो लागेका हुन् भने बाँकी समूह सामान्य अंकले घटेका छन् ।
पुँजीगत खर्चको अवरोधमा संघीयतालाई दोष, ‘रिसोर्स ग्याप’बारे सचिवहरुको चिन्ता
काठमाडौं । मन्त्रालयगत चालु तथा पुँजीगत खर्च कमी हुनुमा संघीय प्रणाली नै मुख्य कारक रहेको मन्त्रालयका सचिवहरुले बताएका छन् । अर्थ समितिको सोमबारको बैठकमा मन्त्रालयहरुले गर्ने पुँजीगत खर्चको प्रभावकारी कार्यान्वयनमा संघीय प्रणालीको अन्यौलता मुख्य कारम रहेको औल्याएका हुन् । संघीय तहबाट प्रदेश र स्थानीय तहमा हस्तान्तरण भएका अधिकारहरुको कार्यान्वयनका बारेमा नीतिगत अन्यौलता र कार्यान्वयनको समय र क्षमताबारे उनीहरुले अर्थ समितिलाई जानकारी गराएका थिए । खासगरी कृषि तथा पशुपन्छी विकास मन्त्रालय, संघीय मामिला तथा स्थानीय विकास मन्त्रालय र खानेपानी तथा सिँचाई मन्त्रालयमा स्थानीय तह र प्रदेशसँगको समन्वय र नीतिगत निर्णयको अभावले समस्या देखिएको हो । कृषि मन्त्रालयका सचिव युवकध्वज जीसीले संघीयताको कारण सबैभन्दा ठूलो पुनर्संरचना कृषि मन्त्रालयमै भएको भन्दै अन्तरप्रदेश परिषद्को निर्णयका कारण प्रदेश र स्थानीय तहले बिनियोजित बजेट खर्च गर्न नसक्ने अवस्थामा पुगेकोले पुँजीगत खर्च कम भएको बताए । ‘अन्तरप्रदेश परिषद्ले कानूनी जटिलता नफुकाउँदा प्रदेश र स्थानीय तहले पठाइएको बजेट केन्द्रमै फिर्ता गर्नुपर्ने अवस्था आयो फागुनको पहिलो सातादेखि मात्रै त्यो अवरोध हटेको छ । यति समयमा हाम्रो खर्च २० प्रतिशत भयो । बाँकी अवधिमा सबै बजेट खर्च गर्ने योजना छ ।’ सचिव जीसीले भने । उनले स्थानीय सरकारले संघीय सरकारलाई नटेर्ने गरेको बताउँदै कृषिसम्बन्धि सही तथ्याङ्क उपलब्ध गराउन समेत समस्या रहेको बताए । ‘धान फल्ने स्थानीय तहमै हो, तर ७६० ओटा सरकारलाई विवरण पठाउनुहोस् भनेर ७६० पटक नमस्कार गर्दा पनि टेर्दैनन् । संघीय मन्त्रालयहरु कति धान फल्यो भनेर हामीसँग माग्छन्, यस्तै हो भने अब विवरण दिन सकिन्न ।’ उनले भने । त्यस्तै संघीय मामिला तथा स्थानीय विकास मन्त्रालयका सचिवले दिनेश थपलियाले स्थानीय तहमा सिँचाई, विद्यालय अस्पताल र सडक पूर्वाधारका परियोजनाहरु हस्तान्तरण गरी बजेट समेत विनियोजन गरेको भए पनि तर त्यस्तो परियोजना निर्माणका लागि ती तहले क्षमता विकास गरेका छन् कि छैनन् भन्ने विषय ध्यान दिनुपर्ने बताए । यसको लागि केन्द्र, प्रदेश र स्थानीय तह समेत समावेश हुनेगरी परियोजनाहरु साझेदारीमा सञ्चालन गर्नुपर्ने र यसो गर्न नसकिए केही वर्षभित्रै देशमा ठूलो स्रोत अभावको सिर्जना हुनसक्ने धारणा उनले राखे ।
देवः विकाश बैंक र अजोड इन्स्योरेन्सबीच बीमा सेवा सम्झौता
काठमाडौँ । देवः विकास बैंक लि. र अजोड इन्स्योरेन्स लि.बीच सहकार्य गर्दै बीमा सेवा प्रदान गर्ने सम्झौता भएको छ । सम्झौता पत्रमा देवः विकाश बैंकका प्रमुख कार्यकारी अधिकृत बिजयबहादुर श्रेष्ठ र अजोड इन्स्योरेन्स लि. का प्रमुख कार्यकारी अधिकृत कुमार बहादुर खत्रीले हस्ताक्षर गरेका छन् । सम्झौता बमोजिम बैंकका ग्राहकहरूले अजोड इन्स्योरेन्स लि.ले प्रदान गर्ने निर्जीवन बीमा सम्वन्धी सम्पूर्ण सेवा सुविधा बैंकका सबै शाखाबाट लिन सकिनेअजोड इन्स्योरेन्स लिमिटेडले जानकारी गराएको छ ।
कुश्मा बजारमा अजोड इन्स्योरेन्सले गर्यो बाली तथा पशुपंक्षी बीमा सम्बन्धी तालिम
काठमाडौँ । अजोड इन्स्योरेन्स लिमिटेड कुश्मा शाखाको आयोजनामा चैत्र २ र ३ गते पर्वत कुश्मा बजारमा बाली तथा पशुपंक्षी सम्बन्धी बीमा अभिकर्ताको आधारभूत तालिम सम्पन्न भएको छ । तालिमको अवसरमा अजोड इन्स्योरेन्स लिमिटेडका सहायक महाप्रबन्धक अनिलकुमार अर्यालले बीमाको परिचय, बीमा व्यवसायको बर्तमान अवस्था र चुनौतिदेखि यस क्षेत्रको विकास र विस्तारमा बीमा अभिकर्ताले निर्वाह गर्नुपर्ने भुमिका लगायतका विषयमा आफ्नो धारणा राखेका थिए । त्यसैगरी, अजोड इन्स्योरेन्स लिमिटेडका प्रबन्धक दीपक पोखरेलले बाली तथा पशुपंक्षी बीमाको साथै अभिकर्ताको काम कर्तव्य र अधिकार तथा जिम्मेबारीको विषयमा प्रकाश पारेका थिए । तालिममा ५० जना अभिकर्ताहरुको सहभागिता रहेको थियो भने कार्यक्रमको सञ्चालन अजोड इन्स्योरेन्स कुश्मा शाखाका प्रमुख हरि सुवेदीले गरेका थिए ।
