बुद्ध लामाको चौथो गीत ‘सोल्टीनी सोल्टीनी’ भिडियो सहित सार्वजनिक
काठमाडौं । नेपाल आइडल पहिलो सिजनका विजेता बुद्ध लामाको नयाँ गीत ‘सोल्टीनी सोल्टीनी’ म्यूजिक भिडियोका साथ सार्वजनिक भएको छ । एपिवानद्धारा निर्मित दोस्रो गीतमा आशुसेन लामाको शब्द तथा संगित रहेको छ । चर्चित रियालिटी शो नेपाल आइडल पहिलो सिजनको विजेता बुद्ध लामा अर्काे म्युजिक भिडियो बजारमा आएको छ । अनिल के मनान्दरको निर्देशनमा रहेको म्युजिक भिडियोमा लामा र अलिसा राईको अभिनय रहेको छ । आइडलको यात्रा पछि लामाको ४ ओटा गीत बजारमा आइसकेका छन्, ती सबै गितहरु दर्शकले रुचाएका छन् । भिडियाे हेर्न तल क्लिक गर्नुहोस् ।
अष्ट्रेलिया जाँदा नलैजानुस् यी सामान, नत्र परिएला १० बर्ष जेल !
अष्ट्रेलिया । अष्ट्रेलियाले बाहिरबाट ल्याइने खानेकुरा ,खाद्यान्न र पशुजन्य उत्पादनमा कडाइ सुरु गरेको छ। देशबाहिरबाट आउने खानेकुराले अष्ट्रेलियामा रोग र माहमारी फैलाई देशलाई असुन्तलित बनाउने हुनाले यस्तो सुरु गरिएको अष्ट्रेलियन सरकारले जानकारी दिएको छ। अप्रिल १७,२०१९ बाट लागू गरिएको नयाँ नियम अनुसार यदी बाहिर देशबाट ल्याइएको सामानको गुणस्तर कम भएको अवस्थामा उक्त व्यक्तीलाई अष्ट्रेलिया प्रवेशमा रोक लगाइने बताईएको छ। त्यसैले यदी तपाई घरबाट अष्ट्रेलियामा बस्ने आफ्ना छोराछोरी,आफन्त, अष्ट्रेलिया सामान पठाउँदै हुनुहुन्छ भने सजक हुनुहोला। अष्ट्रेलियामा के लैजान पाइन्छ, के पाइदैन ? १। खाना तपाईले अष्ट्रेलियामा कफी,बिस्कुट ,ब्रेड ,केक,चक्लेट, मेपल सिरप, तेल आदि ल्याउन पाउनुहुन्छ । यदी तपाई अचार, चियापत्ती, मसला, दुधजन्य पदार्थ लैजाँदै हुनुहुन्छ भने उक्त सामनको बारेमा तपाईले स्पस्ट विवरण दिनु पर्नेछ। २। औषधी तपाईले व्यक्तिगत प्रयोजनका लागि औषधी लैजान पाउनुहुन्छ तर तपाईले उक्त औषधीको डाक्टरले अंग्रेजीमा लेखेको प्रेस्क्रिप्सन सँगै बोक्नुपर्ने हुन्छ। तपाईले यसरी आफुले खाँदै गरेको औषधी लैजान सक्नुहुन्छ। ३। बनस्पति ,फुल र बिरुवाहरु जरा सहितको बनस्पतिहरुलाई अष्ट्रेलियामा लैजान प्रतिबन्ध लगाइएको छ। यदी कसैले लैजान पर्ने अवस्था आउँछ भने उसले कृषि तथा जलश्रोत विभागबाट अनुमती लिनुपर्ने हुन्छ। ४। चाडबाडको सामाग्री अप्रावासी विद्यार्थीहरुले दसैं-तिहार, जनैपुर्णिमा जस्ता चाडपर्वमा ल्याउने सामनको जाँच गरि लैजान पाउने छन्। तर विद्यार्थीहरुले ताजा फलफूल, सुक्खा फलफुल तथा मिठाईका परीकार जस्तै लड्डु, बर्फी, रसमलाई, पेडा आदि ल्याउन पाउने छैनन्। तपाईले प्रतिबन्धित सामान ल्याउनु भयो भने के हुन्छ ? यदी तपाई अष्ट्रेलिया आउँदै हुनुहुन्छ भने तपाईलाई एउटा कार्ड पेपेर दिईनेछ जसमा तपाईले ल्याउनुभएको सामानको विवरण लेख्नुपर्ने हुन्छ। सेकुरेटी अफीसरले तपईको लगेज चेक गर्ने छन् र यदी तपाइले आफ्ना सामानको विवरण लेख्नुभएन वा गलत लेख्नुभएमा उनीहरुले तपाइको सामनको जाँच गरी विवरण झुटो ठहरिएको अवस्थामा तपाईलाई जेल लगी $४२०००० जरीवाना लगाइने वा १० बर्ष जेल समेत हुनेछ ।
धरानमा कामना सेवाकोे ८२औं शाखा बिस्तार
काठमाडौँ । कामना सेवाविकास बैंक लिमिटेडले आफ्नो सेवा विस्तारको क्रममा सुनसरी जिल्लाको धरानमा शाखा बिस्तार गरेको छ । धरान उपमहानगरपालिका वडा नं.६ स्थित छाताचोकमा मंगलबार ८२औं शाखा कार्यालय स्थापना गरी कारोबार शुभारम्भ गरेको हो । बैंकका संचालक देवकृष्ण काफ्ले तथा बैंकका प्रदेश नं. १ प्रमुख सुजन राईले नयाँवर्षको शुभकामना प्रदान गर्दै संयुक्त रुपमा कारोबार शुभारम्भ गरेका हुन् । सुनसरी उद्योग वाणिज्य संघका उपाध्यक्ष गिरिधरी सापकोटाको उपस्थिति रहेको उक्त कार्यक्रममा प्रदेश प्रमुख राईले बैंकको संक्षिप्त जानकारी गराउँदैप्रदेश नं १मा यो सँगै ६वटा शाखा पुगिसकेको र निकट भविष्यमा थप शाखाहरु पनि सञ्चालनमा आउने बताए ।
मुक्तिनाथ विकास बैंकद्धारा महानगरीय प्रहरी वृत्तलाई जनचेतनामूलक स्टीकर सहयोग
काठमाडौँ । मुक्तिनाथ विकास बैंक लि.ले काठमाडौं महानगरपालिका वडा नं १,महानगरीय प्रहरी वृत्त (सामुदायिक शाखा) कमलपोखरीलाई सामाजिक जनचेतनामुलक तथा सुरक्षा सम्बन्धी आकस्मिक सम्पर्क नम्बरहरु भएको स्टीकर सहयोग गरेको छ । उक्त स्टीकर महानगरीय प्रहरी वृत्त, कमलपोखरी अन्तर्गत रहेका करिब १०००० घर तथा कार्यालयमा टाँसिनेछ । उक्त स्टीकर मुक्तिनाथ विकास बैंक लि. मार्केटिङ्ग तथा कर्पोरेट मामिला विभागका प्रमुख बसन्त बक्सीले महानगरीय प्रहरी वृत्त, कमलपोखरीका प्रहरी नायव उपरीक्षक रविन्द्रनाथ पौडेललाई हस्तान्तरण गरे ।
केएल दुगड समूहको नयाँ उत्पादन चनाको सत्तू बजारमा
काठमाडौं । केएल दुगड समूहले गर्मीको समयलाई मध्यनजर गर्दै ज्ञान ब्राण्डको आफ्नो नयाँ उत्पादन चनाको सत्तू देशभर उपलब्ध गराएको छ । हाल यो ५०० ग्रामको प्याकमा उपलब्ध रहेको छ । ज्ञान चनाको सत्तू उत्कृष्ट गुणस्तरको चनाबाट अत्याधुनिक मेसिनद्वारा भुटि, पिसि मेटालिक प्याकेटमा प्याक गरिएको हुन्छ । ज्ञान सत्तूलाई पानीमा घोलेर स्वादअनुसार विरेनून वा साधानून, कागतीको रस, भुटेको जिरा राखी एक प्रकारको इनर्जि ड्रिङ्कको रुपमा सेवन गर्न सकिन्छ वा पानीरदुध सँग घोलेर बाक्लो हलुवाको रुपमा पनि खान सकिन्छ । यसबाट विभिन्न स्वादिष्ट मिठाई तयार गर्न सकिन्छ । यो पेट र पाचनको लागी राम्रो आहार हो । गर्मीको मौसममा यसको सेवनले शितलता प्रदान गर्नुका साथै शरीरमा स्फूर्ती प्रदान गर्ने कम्पनीले जनाएको छ । ज्ञान सत्तू एक स्वच्छ, स्वादिष्ट तथा पौष्टिक आहार हो, जसमा प्रोटिन प्रचूर मात्रामा पाईन्छ–कम्पनीले जनाएको छ ।
मंगलबार अधिकांश वाणिज्य बैंकको बढी कारोबार, १५२ कम्पनीको सेयर मूल्य वृद्धि
मंगलबार कारोबार बढी भएका १० कम्पनीहरु काठमाडौं । मंगलबारको बजारमा अधिकांश वाणिज्य बैंकहरुको बढी सेयर कारोबार भएको छ । सो दिन उल्लेख्य कारोबार गर्ने १० कम्पनीहरु मध्ये ८ वटा वाणिज्य बैंक देखिएका छन् । सो दिन एनएमबि, एनआईसी एशिया, प्रभु, सिभिल, नेपाल, कुमारी, नेपाल क्रेडिट एण्ड कमर्श(एनसीसी) र प्राइम कमर्सियल बैंकको बढी कारोबार भएको छ । जसमध्ये सबैभन्दा बढी एनएमबि बैंकको ६ करोड ७० लाख रुपैयाँ बराबरको सेयर कारोबार भएको छ । मंगलबार बैंकको सेयर मूल्य प्रतिकित्ता ३७५ रुपैयाँ रहेको छ । एनआईसी एशियाको ४ करोड ९८ लाख, प्रभुको ४ करोड ५८ लाख, सिभिलको ३ करोड ३२ लाख र नेपाल बैंकको ३ करोड २४ लाख रुपैयाँ बराबरको सेयर किनबेच भएको छ । जसको सेयर मूल्य क्रमशः ४९५, २६३, १६८ र २९९ रुपैयाँ रहेको छ । त्यस्तै, कुमारी बैंकको २ करोड ७५ लाख, एनसीसीको २ करोड ३० लाख र प्राइम कमर्सियल बैंकको एक करोड ४६ लाख रुपैयाँ बराबरको सेयर कारोबार भएको छ । सोमबार कुमारी बैंकको प्रतिकित्ता २६०, एनसीसीको २२९ र प्राइमको प्रतिकित्ता ३३९ रुपैयाँ रहेको छ । बजारमा तरलताको समस्या कम हुँदै गएको र बैंकको ब्याजदर घटिरहेकोले सेयर वाणिज्य बैंकको बढी कारोबार भएको हो । त्यस्तै, पछिल्लो समय बैंक तथा वित्तीय संस्थाको रिपोर्ट अनुसार कम्पनीहरुको प्रतिसेयर आम्दानी पनि बढ्दै गएकाले त्यसको असर सेयर बजारमा देखिएको हो । सो दिन बजारमा कुल १७० कम्पनीको सेयर कारोबार भएको छ । सो मध्ये १५२ कम्पनीको सेयर मूल्य बढेको छ भने बाँकी १८ कम्पनीको मूल्यमा गिरावट देखिएको छ । सबैभन्दा बढी श्री इन्भेष्टमेन्ट फाइनान्स कम्पनीको सेयर मूल्य प्रतिकित्ता ६.६७ प्रतिशतले बढेको छ । यूनिभर्सल पावर कम्पनीको सेयर मूल्य प्रतिकित्ता ३.२२ प्रतिशतले घटेको छ । जसको सेयर मूल्य अंकित मूल्य भन्दा तल घटेको छ । मंगलबार यस कम्पनीको सेयर मूल्य प्रतिकित्ता ९० रुपैयाँ रहेको छ ।
युनाइटेड सिमेन्ट्सले पायो अन्तर्राष्ट्रिय स्तरको सिमेन्ट उत्पादन गरेको प्रमाणपत्र
काठमाडौं । केएल दुगड ग्रुप अन्तर्गतको संस्था यूनाइटेड सिमेन्ट्स प्रा.लि. इन्टरनेशनल सर्टिफिकेशन सर्भिस प्रालि(आइसीएस)बाट आइएसओ 9001:2015 तथा 14001:2015 को प्रमाणपत्र प्राप्त गरेको छ । अन्तराष्ट्रिय मापदण्ड अनुसार गुणस्तरीय क्लिङ्कर तथा सिमेन्ट उत्पादन गर्ने प्रक्रिया पूर्ण रुपले उत्कृष्ट भएको र सो उत्पादन प्रक्रिया वातावरण मैत्री भएको र वातावरणको व्यवस्थापन प्रक्रिया उत्तम रहेकोमा सो प्रमाणपत्रहरु उद्योगलाई प्रदान गरिएको छ । गुणस्तरको क्लिङ्कर तथा सिमेन्ट उत्पादन गर्दै आइरहेको यूनाइटेड सिमेन्ट्सको आफ्नै चुनढुङ्गा खानी ललितपुरको लेलेमा अवस्थित छ भने फ्याक्ट्री नौबिसेमा रहेको छ । यूनाइटेड सिमेन्ट्सले विश्वस्तरीय प्रविधि र प्रक्रिया अपनाई सिमेन्ट तथा क्लिङ्कर उत्पादन गर्दै आएकोमा विश्वस्तरीय मापदण्ड पनि पूरा गरी गुणस्तरीय प्रक्रियामा उत्तम तालमेल रहेको उद्योगले जनाएको छ ।
अब नेपालमा पनि टिभी रियालिटी शो ‘बिग बोस’
काठमाडौँ । नेदरल्याण्डको इन्डिमोल साइनद्वारा संचालित बिग ब्रदरको फ्रेन्चाइज बिग बोस नेपालमा पनि प्रशारण हुने भएको छ । आइम्याक्स प्रोडक्सन बिग बोस नेपालमा ल्याएको हो । आइमेक्स प्रोडक्सन तथा इन्डिमोलसाइनको संयुक्त सहकार्यमा टेलिभिजनको सबैभन्दा ठूलो रियालिटी शो बिग बोस नेपाल नेपालमा ऐतिहासिक रुपमा आउन लागेको जनाइएको छ । आइम्याक्स प्रोडक्सनले कानुनी रुपमा बिग ब्रदर नेदरल्याण्डद्वारा फ्रेन्चाइजी अफिसियली रुपमा ल्याएको हो । २०७५ वैशाख २ गते होटल सोल्टीमा औपचारिक उत्सवको आयोजना गरी नेपालमा बिग बस औपचारिक रुपमा सुरु भएको जानकारी गराइएको छ । नेपाल भित्रिएको यो रियालिटि सो नेपालकै एक नेपाली टेलिभिजन च्यानलबाट चाँड नै शुरु हुनेछ । नेदरल्याण्डको इन्डिमोल साइनद्वारा ५४ देशमा सफलता पूर्वक संचालित बिग ब्रदर टिमको पूर्ण सहयोगले ५५ देश नेपालमा बिग बोससफल बनाउने प्रतिबद्धता गरेको जानकारी गराइएको छ । देश अनुसार फरक फरक भाषामा सञ्चालित भएको यो कार्यक्रम नेपालमा नेपाली भाषामै प्रशारण हुनेछ । यसरी सञ्चालन हुने कार्यक्रम विग ब्रदरकै संरचना अनुसार हुनेछ । यो कार्यक्रमको सञ्चालन नेपालको एक उत्कृष्ट कलाकारद्वारा हुनेछ । बिग बस भित्र रहने सहभागीहरु १०० दिन सम्म सञ्चार सम्पर्क विहिन रही सहभागिता जनाई बिग बसको ट्रफी जित्नेछन् ।
