अब जग्गाधनी पूर्जा पनि राष्ट्रिय परिचयपत्रमा नै हुने, सरकारलाई झुक्याउन नसकिने
पाँचथर । अब जग्गाधनी पूर्जा पनि राष्ट्रिय परिचयपत्रमा नै हुने भएकाे छ । यस्ताे व्यवस्थासँगै धेरै जिल्लामा जग्गा हुने र सरकारलाई झुक्याएर वा जानकारी नलिइ जग्गाकाे काराेबार गर्ने दिनकाे अन्त्य हुने भएकाेछ । मालपोत कार्यालयले जग्गा किनबेच गर्न आउने सेवाग्राहीसँग राष्ट्रिय परिचयपत्र माग्न थालेकाे छ । राष्ट्रिय परिचयपत्रमा जग्गा धनीपुर्जाको विवरणसमेत राख्न सकिने भएकाले सो परिचयपत्र माग्न थालिएको मालपाेत कार्यालय पाँचधरकाका प्रमुख बाबुराम पोखरेले बताए । राष्ट्रिय परिचयपत्र पाँचथरबाटै वितरण शुरु गरिएको हुँदा उक्त कार्यालयले जग्गाको सम्पूर्ण कामकाज अनलाइन प्रणालीबाट गरिरहेकाले पनि परिचयपत्रमा जग्गाधनी पुर्जाकाे विवरणा राख्न थालिएको उनको भनाइ थियो । अनलाइन प्रणालीबाट नै काम भइरहेकाले परिचयपत्रको लिङ्क मालपोतको सर्भरमा राख्न थालिएको जानकारी दिँदै कार्यालय प्रमुख पोखरेलले भने, “अहिले नागरिकताको विवरण मात्र राष्ट्रिय परिचयपत्रमा समावेश भएकामा जग्गा धनीपुर्जाको विवरणसमेत उक्त परिचयपत्रमा राख्ने व्यवस्था मिलाइएको छ ।” सोही अनुरुप धनीपुर्जाको विवरण त्यहाँ समावेश गर्न परिचयपत्र माग्न थालिएको हो । उनले भने, “परिचयपत्र अनिवार्य गरेका त हैनाैं। उक्त पत्रमा बिस्तारै सम्पूर्ण विवरण राख्न राखिने भएकाले हामीले अहिले नै शुरु गरेका हौँ ।” जग्गाको कारोवार नागरिकताबाटै भइरहे पनि राष्ट्रिय परिचयपत्र बनाएका सेवाग्राहीलाई कार्यालय आउँदा अनिवार्य उक्त परिचयपत्र लिएर आउन सो कार्यालयले स्थानीय पत्रपत्रिका र रेडियोमार्फत जानकारी गराउँदै आएको छ ।
सम्पादक शाहमाथिको आक्रमण र लुटपाटप्रति मिडिया साेसाइटीद्वारा खेद व्यक्त
काठमाडौँ । कर्पोरेट मासिकका सम्पादक उज्वलजंग शाहमाथि काठमाडौं मलमा केही व्यक्तिहरुबाट नियोजितरुपमा भएको साङघातिक आक्रमण र लुटपाटप्रति इकोनोमिक मिडिया सोसाइटी नेपाल(इम्शन)ले गम्भीर ध्यानाकर्षण भएको जनाएको छ । सोसाइटीका महासचिव सिताराम विलासीले शुक्रबार विज्ञप्ति प्रकाशित गरी काठमाडौं मलमा व्यापार गर्दै आएकाहरुको पक्षमा कलम चलाउँदै आएका शाहमाथि उनीहरुकै विषयलाई लिएर निम्ता दिन जाने क्रममा आक्रमण हुनु र सुनको सिक्रीसमेत लुटिनु निन्दनीय र आपत्तिजनक भएको उल्लेख गरेका छन् । घटनाको सत्यतथ्य छानविन गरी आक्रमण र लुटपाटमा संलग्नलाई कारवाही गर्न पनि सोसाइटीले माग गरेको छ । साथै, पत्रकारहरुले स्वतन्त्ररुपमा काम गर्ने बाताबरण बनाउन पनि सरकारसँग यस सोसाइटीको जोडदार माग छ–विज्ञप्तिमा उल्लेख छ ।
रसुवागढी हाइड्रोपावरको आईपीओमा पहिलो दिन कति पर्यो आवेदन ?
काठमाडौं । रसुवागढी हाइड्रोपावर कम्पनीले निष्काशन गरेको आईपीओमा पहिलो दिन १७ करोड रुपैयाँको हाराहारीमा आवेदन परेको छ । बिक्री प्रबन्धक सिद्धार्थ क्यापिटलले दिएको जानकारी अनुसार शुक्रबार साँढे २ बजेसम्म २६ हजार आवेदकबाट १७ लाख कित्ता आवेदन परेको हो । रसुवागढीले वैशाख ६ देखि ९३ लाख ३९ हजार ४६७ कित्ता सेयरको बिक्री खुला गरेको छ । यो आईपीओ छिटोमा आगामी मंगलबार अर्थात वैशाख १० गते बैंकिङ समय पश्चात बन्द हुनेछ । रसुवागढीले १११ मेगावाट क्षमताको रसुवागढी क्षमताको जलविद्युत् आयोजना निर्माण गरिरहेको छ । जनताको जलविद्युत् कार्यक्रमअन्तर्गत समावेश भएको यो आयोजनामा न्युनतम १० देखि ५००० कित्तासम्म आवेदन दिन सकिने व्यवस्था रहेको छ । रसुवागढीले कुल १ करोड २ लाख ६३ हजार १५० कित्ता सेयर निष्कासन गरेको हो । त्यसमध्ये ९३ लाख ३९ हजार ४६७ कित्ता सेयर सर्वसाधारणलाई बिक्री खुला गरिरहेको छ भने बाँकी ४ लाख १० हजार ५२६ कित्ता कम्पनीका कर्मचारी र ५ लाख १३ हजार १५७ कित्ता म्युचुअल फण्डलाई छुट्याइएको छ ।
प्रमुख निर्वाचन आयुक्तमा थपलिया नियुक्त र सर्वोच्चको पाँच न्यायाधीशमा को-को ?
काठमाडौँ । राष्ट्रपति विद्यादेवी भण्डारीले संवैधानिक परिषद्को सिफारिशमा दिनेशकुमार थपलियालाई प्रमुख निर्वाचन आयुक्तमा नियुक्त गरेकी छन् । नेपालको संविधानको धारा २४५ को उपधारा (२) बमोजिम प्रमुख निर्वाचन आयुक्तमा नियुक्त गरेको राष्ट्रपतिको कार्यालयले जनाएको छ । यसैगरी, राष्ट्रपतिले सोही संविधानको धारा २५८ को उपधारा (२) अनुसार संवैधानिक परिषद्को सिफारिशमा विष्णुमाया ओझालाई राष्ट्रिय समावेशी आयोगको सदस्यमा नियुक्त गरेकी छन् । शुक्रबार नै सोही संविधानको धारा १२९ को उपधारा (२) बमोजिम न्याय परिषद्को सिफारिशमा सर्वोच्च अदालतको न्यायाधीशमा उनले पाँच जनालाई नियुक्त गरिन् । राष्ट्रपतिले धनुषाका प्रकाशकुमार ढुङ्गाना, काठमाडौँका सुष्मलता माथेमा, झापाका कुमार रेग्मी, मोरङका हरिप्रसाद फुयाँल र काठमाडौँका मनोजकुमार शर्मालाई सर्वोच्च अदालतको न्यायाधीशमा नियुक्त गरेकी हुन् । रासस
नेपालको पानी विदेश निर्यात गर्ने तयारीमा जुट्यो खानेपानी मन्त्रालय
काठमाडौं । हिमाल र पहाडबाट बगिरहेको पानी अन्तर्राष्ट्रिय बजारमा निर्यात गरी बिक्री गर्ने योजना बनाउँदै खानेपानी मन्त्रालयले शुक्रबार बृहत अन्तक्र्रिया गरेको छ । नेपालको अन्य देशहरुसँग बढिरहेको व्यापार घाटा कम गर्ने र नेपालको पहिचान विश्व बजारमा फैलाउने उद्देश्यले मन्त्रालयले हिमालबाट बगेर आएको ग्लेशियर र स्प्रिङ वाटर निर्यात गर्ने विषयमा बृहत छलफल गरेको हो । कार्यक्रममा खानेपानी मन्त्री बिना मगरले सन् २०३० सम्ममा सबै नेपालीलाई शत प्रतिशत प्रशोधन सहितको खानेपानीको पहुँच पु¥याउने र खेर गैरहेको पानीलाई प्रशोधन गरी विदेश निर्यात गर्ने योजना बनिरहेको बताउनुभयो । मन्त्री मगरले विश्व बजारमा नेपालको ग्लेशियर र स्प्रिङ वाटरलाई निर्यात गर्ने सम्भावनाको खोजी भईरहेको स्पष्ट पारिन् । कार्यक्रमलाई सम्बोधन गर्दै उनले भनिन्, ‘हाम्रो पहिलो प्राथमिकता सबै नेपाली जनतालाई आधारभूत खानेपानीको पहुँच पु¥याउने हो र सँगसँगै हिमालबाट बगेर खेर गैरहेको पानीलाई समेत प्रशोधन गरी विदेश निर्यात गर्ने हो । हामी सबै किसिमका सम्भावनाहरुको खोजी गरिरहेका छौं । हाम्रो देशको पानी विश्व बजारमा अरु देशको भन्दा राम्रो र स्वच्छ छ । हामी विश्व बजारमा पुरै प्रतिस्पर्धा गर्न सक्छौं ।’ नेपालको पानी विदेश निर्यात गर्ने विषयमा मापदण्ड बनाएर अघि बढ्ने तयारीमा लागेको मन्त्री मगरको भनाई छ । गुणस्तरमा कुनै सम्झौता नगरी अन्तर्राष्ट्रिय बजारमा पानी बिक्री गर्ने विषयमा सम्भाव्यता अध्ययन भईरहेको उहाँले जानकारी दिइन् । मन्त्रालयका सचिव दीपेन्द्रनाथ शर्माले समृद्ध नेपाल सुखी नेपालीको अभियान सफल बनाउन नेपालले पानी निर्यात गरी सम्पन्न बन्न सक्ने धारणा राखे । सचिव शर्माले पानी निर्यात गरी नेपाल धनी हुन सक्ने कुरामा कुनै सन्देह नरहेको बताए । ‘पानी निर्यातका लागि अन्तर्राष्ट्रिय बजार कहाँ कहाँ हुन सक्छ, हामी खोजी गर्छौं । हामीले उत्पादन गर्ने पानीको गुणस्तर पुरै सुधार्ने छौं ।’ सचिव शर्माले भने । मन्त्रालयका सहसचिव तेजराज भट्टले नेपालको ग्लेशियर र स्प्रिङ वाटर निर्यात गर्ने विषयमा प्रस्तुति दिनुभएको थियो । भट्टले नेपालको पानी खाडी देशहरुमा बढी माग भएको बताउँदै व्यापार घाटा कम गर्न पानी निर्यात उपयुक्त हुने दृष्टिकोण राखे । खानेपानी तथा ढल व्यवस्थापन विभागका महानिर्देशक सुनिलकुमार दासले विदेश निर्यात गरिने पानीको स्रोतको सम्भावनाको खोजी भईरहेको जानकारी दिए । अबको दुई हप्ताभित्र सम्भाव्यता अध्ययनका लागि सूचना जारी गर्न लागिएको महानिर्देशक दासको भनाई छ । पूर्व सचिव सुमनप्रसाद शर्माले पानी निर्यात गर्ने अवधारणा राम्रो रहेको बताउँदै यसका लागि संयन्त्र र विधि पहिले नै तयार गर्नुपर्ने सुझाव दिए । उद्योग मन्त्रालयका सहसचिव शोभाकान्त पौडेलले नेपालको पानीमा लगानी गर्न विदेशी कम्पनीहरुलाई आव्हान गर्नुपूर्व सरकारले मुहान र जग्गा जमिन उपलब्ध गराउनुपर्ने धारणा राखे । व्यापार तथा निकासी प्रबद्र्धन केन्द्रका कार्यकारी निर्देशक शरदविक्रम राणाले ग्लेशियर र स्प्रिङ वाटरको प्रचुर सम्भावना रहेको बताउँदै नेपालले पानी निर्यात गरी फाइदा लिन सक्नुपर्ने बताए । अर्का वक्ता विष्णु दाहालले पानी बिक्री गरेर मात्रै नेपालको समृद्धि हासिल हुने ठोकुवा गरे । उनले हामीसँग भएको स्रोतको उचित प्रयोग गरी पानी निर्यात गर्न ढिलाई गर्न नहुने बताए ।
मेसी तीन वटै उपाधीको नजिक, लिभरपुल विरुद्ध उच्च सर्तकता
काठमाडौं । लोकप्रिय फुटबल क्लब बार्सिलोना तिन वटै उपाधीको नजिक पुगेको छ । लालिगा, कोपा डेलरेख र च्याम्पियान्स् लिग जित्न सक्षम साबित हुदैं गएको छ । यसअघि नै स्पेनीस कोपा डेलरेको फाइनलमा स्थान बनाइसकेको बार्सिलोनाले लालिगामा स्पष्ट ९ अंकको अग्रता कायम राखेको छ । च्याम्पियन्स लिगको सेमिफाइनलमा पुगेको बार्सिलोनाले लिभरपुलसँग भेट पक्का समेत गरिसकेको छ । लालिगाको ३ खेलपछि वा मे ५ मा बार्सिलोनाले लिभरपुलको सामना गर्नेछ । लिभरपुल अहिले खेलाडी भन्दा प्रशिक्षक खतरनाक बन्दै आइरहेका छन् । जर्मन क्लब बोरुसिया डर्टमन्डबाट लिभरपुल आएका जोर्गन क्लप क्लबलाई शसक्त बनाउँदै लगेका छन् । उनको खेलाउने शैलिले नै लिभरपुललाई गत वर्ष च्याम्पियान्स लिगको फाइनल र अहिले प्रिमियर लिगको शिर्षस्थानमा रहन सफल भएको छ । लिगको शिर्ष स्थानमा रहेको लिभरपुल अहिले उसले लिगको २ खेलपछि बार्सिलोनाको सामना गर्नेछ । लिभरपुल पछिल्लो समय आक्रामक फुटबल खेल्दै आइरहेको छ । गत वर्ष पनि च्याम्पियमन्स लिगको फाइनलमा पुगेको लिभरपुल आफुलाई अनुभवी बनाउँदै लगेको छ । बार्सिलोना दास्रो खेल लिभरपुलको मैदानमा खेल्नु पर्नेछ । यो बार्सिलोनाको लागि असहज बन्न सक्छ । मुख्य प्रशिक्षक इर्नेष्टो भाल्भारेको नेतृत्वमा गत सिजन रोमासँग ४ १ अग्रता समेत जोगाउन सकेन । यस अर्थमा बार्सिलोना निकै सजग हुनुपर्ने देखिन्छ । उसको लागि लालिगामा ३ खेल हार्ने सुविधा रहेको छ वा ३ खेल जिते लालिगा जित्नेछ । भाल्भारे सामु मुख्य खेलाडीहरु, मेसी, राकेटिक, अल्बा, पिके लगायतलाई आराम दिनुपर्ने चुनौति छ । उता लिभरपुल प्रिमियर लिगको उपाधी होडमै छ । उ म्यान्चेष्टर सिटी भन्दा २ अंकले मात्र अघि रहेको छ । यो अवस्थामा क्लप सामू लिगमा बाँकी खेलहरु जित्नै पर्ने दबाब छ । यसको केहि फाइदा बार्सिलोनाले लिन सक्छ । क्याम्प नोउमा हुने खेलमा बार्सिलोनाले १ गोल खानु पनि निकै असहज हुनेछ किनकी अवे गोलकै कारण म्यान्चेष्टर सिटी च्याम्पियान्स लिगबाट बाहिरिनु पर्यो । घरेलु मैदानमा बार्सिलोना यति आक्रामक हुनु पर्नेछ कि नतिजा ४ ०ले आफ्नो पक्षमा पार्नु पर्नेछ तर यो बार्सिलोनाको लागि सहज छैन किनभने लिभरपुल निकै लयमा रहेको छ । लिभरपुलका खेलाडी भन्दा प्रशिक्षक क्लप प्रभावशाली बन्दै गैरहेका छन् । किनभने उनले माने, सलाह, फर्मिन्हो, भान डिजक जस्ता खेलाडी लिएर उत्कृष्ट प्रदर्शन गरिरहेका छन् । सम्भवत उनले क्याम्प नोउमा बराबरी नतिजाको लागि प्रयास गर्नेछन् । बाँकी नतिजा एनफिल्डमा निकाल्ने तयारीमा हुनेछन् । म्यान्चेस्टर युनाइटेडका प्रशिक्षक सोल्कजारले बार्सिलोनाको बल नियन्त्रण गर्ने शैलीलाई भत्काउने प्रयास गरेका थिए । तर यसमा उनी सफल हुन सकेन । यस्तै क्लप पनि बार्सिलोनाको टिकीटाकालाई बिगार्दै काउन्टरमा अट्याकमा ध्यान दिनेछन् । बार्सिलोना लिभरपुलको काउन्टर विरुद्ध निकै सजग हुनु पर्नेछ । भाल्भारे लालिगामा राम्रो नतिजा दिन सफल भैरहेका छन् । तर उनी नक आउट चरणको खेलमा अभ्यस्त हुन सकेका छैनन । उनीसँग जति पनि विकलपका खेलाडी छन् यस्तो सुविधा अन्य क्लबमा छैन । डेम्बेले, रोर्बेटो भिडाल, कौटिन्हो, आर्थुर म्कलम, सिमेडो जस्ता भरपर्दा खेलाडी छन् । उनीहरुको उचित प्रयोगले जस्तो सुकै क्लबलाई पनि हराउन सक्ने क्षमता राख्छ । अझै उच्च फर्मममा रहेको गोलपिर टेर स्टेगन रहेका छन् । यदि लिभरपुललाई हराउन सके बार्सिलोनाले सन् २०१५ को सफलता फेरी दोहोर्याउन सक्छ ।
वैदेशिक रोजगारको लागि स्वास्थ्य परिक्षण गर्ने १२६ अस्पतालमा अनुगमन हुँदै
काठमाडौं। वैदेशिक रोजगारकोमा जाने कामदारको स्वास्थ्य परिक्षणको लागि निवेदन पेश गरेका अस्पतालको अनुगमन हुने भएको छ। स्वास्थ्य परिक्षणको लागि सुचिक्रित हुन निवेदन पेश गरेका १२६ वटा अस्पतालमा बैशाख ८ गते आईतबारबाट अनुगमन हुन लागेको हो। स्वास्थ्य परिक्षणको लागि अस्पतालको मापदण्ड पुरा भएको छ वा छैन भनेर श्रम, रोजगार तथा सामाजिक सुरक्षा मन्त्रालयले अनुगमन गर्न लागेको हो। मन्त्रालयले अनुगमनको लागि देशैभर ४ वटा टोली खटिउने जसमध्ये उपत्यका बाहिरको लागि ३ वटा टोली जसको १० दिन भित्र सुचना संकलन गरिसक्नुपर्ने र त्यस्तै उपत्यकामा १ टोली खटाईनेछ जसले १५ दिन भित्रमा सबै सुचना संकलन गरी सक्नुपर्नेछ। हरेक टोलीमा स्वास्थ्य मन्त्रालयबाट ३ जना विशेषज्ञ चिकित्सक र श्रम मन्त्रालयबाट एक अधिकृत गरि ४ जना रहनेछन। अनुगमनमा आउने प्राविधिक समितिका टोलीलाई अस्पतालले आवश्यक विवरन सबै बुझाई सहयोग गर्न मन्त्रालयले आग्रह गरेको छ।
सेञ्चुरी क्यापिटल उद्घाटन, ‘चाँडै उत्कृष्ट मर्चेन्ट बैंकर हुने’
काठमाडौँ । सेञ्चुरी क्यापिटल मार्केट्सको आज एक समारोहका बीच उद्घाटन भएको छ । नेपाल धितोपत्र बोर्डका अध्यक्ष डा.रेवतबहादुर कार्कीले काठमाडौँ प्लाजा, कमलादीमा ताम्रपत्र अनावरण गरेर सञ्चुरी क्यापिटलको उद्घाटन गरेका हुन् । उद्घाटन कार्यक्रममा डा. कार्कीले अहिले ३१ औं मर्चेन्ट बैंकरको रुपमा सेञ्चुरी क्यापिटल आएकोले थुप्रै प्रतिस्पर्धा, चुनौतीहरु रहेको बताए । तालिम प्राप्त योग्य कर्मचारी, पर्याप्त अनुसन्धान सहित धितोपत्र बोर्डले ल्याएका नयाँ क्षेत्रका कामहरुलाई अवसरको रुपमा लिई अघि वढ्न समेत उनले सुझाव दिएका थिए । समारोहमा सेञ्चुरी कमर्सियल बैंक लि.का प्रमुख कार्यकारी अधिकृत तुलसीराम गौतम र मर्चेन्ट बैंक एशोसिएशनका अध्यक्ष धु्रव तिमिल्सिनाले सबै अवसरहरुलाई सकारात्मक रुपमा लिएर चाँडै उत्कृष्ट मर्चेन्ट बैंकरको रुपमा स्थापित हुन सफल होस् भन्ने शुभकामना व्यक्त गरे । यसैबीच, शुक्रबार नै सेञ्चुरी क्यापिटल मार्केट्स लि.ले दोश्रो बार्षिक साधारण सभा समेत सम्पन्न गरेको छ । सभाले संस्थागत परामर्श सेवा तथा विशिष्टिकृत लगानी व्यवस्थापक समेतको काम गर्ने गरी प्रबन्धपत्रमा उद्देश्य थप गर्ने निर्णय गरेको जनाएको छ । संस्थाका प्रमुख कार्यकारी अधिकृत झविन्द्र खत्रीले स्वागत मन्तव्य गरेको कार्यक्रम कानूनी सल्लाहकार पुरुषोत्तमप्रसाद घिमिरेले सञ्चालन गरेका थिए । संस्थाका अध्यक्ष रणबहादुर श्रेष्ठको सभापतित्वमा सम्पन्न कार्यक्रम समापन गर्ने क्रममा चाँडै नै वहुआयामिक ढंगले संस्थाले आप्mनो कारोबार सञ्चालन गर्ने र चाँडै उत्कृष्ट मर्चेन्ट बैंकर हुने कुरा राख्दै उद्घाटन समारोह तथा दोश्रो बार्षिक साधारण सभामा उपस्थित सबैलाई धन्यवाद ज्ञापन गरेका थिए । कम्पनी रजिष्ट्रारको कार्यालयमा २०७३ साल साउन २६ गते दर्ता भई नेपाल धितोपत्र बोर्डबाट २०७५ साल फागुन २ गते मर्चेन्ट बैंकिंग कारोवार गर्ने ईजाजत पाएको कम्पनीको अधिकृत पूँजी ३० करोड, जारी पूँजी २५ करोड र हालको चुक्ता पूँजी २० करोड रहेको छ । चुक्ता पूँजी मध्ये संस्थागत लगानीकर्ता सेञ्चुरी कमर्सियल बैंक लि.को ८५.७५ प्रतिशत तथा व्यक्तिगत लगानीकर्ताको १४.२५ प्रतिशत संस्थापक शेयर रहेको कम्पनीले जनाएको छ ।
