सोमस्र्वीको एम्बेष्डरमा गायक सुशान्त केसी नियुक्त
काठमाडौँ । सोमस्र्वी एप्पल साइडरले युवा माझ लोकप्रिय तथा चर्चित गायक सुशान्त केसीलाई यही साउन १६ बाट लागु हुने गरी एक वर्षको लागि ब्रान्ड एम्बेष्डर नियुक्त गरेको छ । नेपाली युवाहरुमाझ प्रचलित स्फुर्तिदायी पेय ‘सोमस्र्वी एप्पल साइडर’ र युवावर्ग माझ सांगीतिक क्षेत्रका प्रिय र प्रख्यात गायक सुशान्त केसीेले फ्रेन्डसीप महिनालाई अझै सुरीलो र यादगार बनाउन सहकार्य गरेका छन् । गोर्खा ब्रुअरी प्रालिका मार्केटिङ्ग डाइरेक्टर बैभव शर्माले भने–“हामीे यो सहकार्यबाट दूबैबीच परिपुरक हुनेमा विश्वस्त गर्छौ । यो फ्रेन्डसीप महिनामा हाम्रा युवा उपभोक्ताहरुले उहाँको सांगीतिक धुनसँग रम्दै र मस्त रहँदै चिसो सोमस्र्वीको साथमा अझै नयाँ सम्झनाहरु यादगार बनाउने छन्उ-नले भने । सुशान्त प्रशन्न हुँदै भने-‘म यो सहकार्यबाट एकदमै आशावादी छु र सोमस्र्वीसँगको यो यात्रा अविस्मरणीय रहनेमा विश्वास गर्छु ।’
सिजी ब्राण्डका नयाँ फ्रिजहरु बजारमा
काठमाडौँ । सिजीले हालै विभिन्न किसिमका आकर्षक एवम् नयाँनयाँ मोडलका फ्रिजहरु बजारमा ल्याएको छ । जस अन्र्तगत सिङगल डोरमा २५ वटा भन्दा बढी मोडलहरुमा उपलब्ध छन् । यी फ्रिजहरु हेर्दा निकै नै अकर्षक देखिन्छन् । विभिन्न किसिमका फुलबुट्टा र रंगहरुमा उपलब्ध यी फ्रिजहरुमा ५ वर्ष सम्मको वारेण्टी रहेको छ । यी फ्रिजहरुमा पावरफुल कम्प्रेसर, सुपर कुइकआइस, ग्रिप ह्न्डल आदि जस्ता अरुपनि थुप्रै विशेषता रहेका छन् । त्यस्तै हालै सिजीले वाटर डिस्पेन्सर सहित नयाँ फ्रिज बजारमा ल्याएको छ । यसमा फ्रिजभित्रको चिसो पानी फ्रिजको ढोका नखोलिकनै पनि लिन सकिने छ । त्यसैगरी अर्को नयाँ साईड बाई साईड र मल्टिडोरयुक्त फ्रिजहरु पनिल्याएको छ । जसमा १० वर्ष सम्मको वारेण्टी पनि रहेको छ ।
साउन २४ गतेसम्म हिमाल दोलखाको आईपीओ भर्न सकिने, आगामी वर्षबाटै लाभांश दिने
काठमाडौँ । हिमाल दोलखा हाईड्रोपावर कम्पनी लिमिटेडले गत असारमा निष्काशन साधारण सेयर(आइपीओ) साउन २४ गते सम्ममा मात्र खुल्ला गरिने जनाएको छ । शुक्रबार काठमाडौंमा पत्रकार सम्मेलन गर्दै कम्पनीले खुल्ला गरेको ७४ लाख ९३ हजार ७ सय ६६ कित्ता सेयरका लागि साउन २४ सम्ममा मात्र आवेदन दिन सकिने जनाएको हो । आगामी आवदेखि कम्पनी नाफामा गई सेयरधनीहरुलाई लाभांश दिन सक्ने भएकाले सर्वसाधारण लगानीकर्ताहरुको लागि लगानीको राम्रो अवसर रहेको कम्पनीले जनाएको छ । प्रति सेयर एक सयका दरले न्युनतम १० कित्तादेखि अधिकतम १ लाख कित्ता सम्म आवेदनदिन सकिने छ । कम्पनीका बित्तीय म्यानेजर अनन्त कार्कीले कम्पनीले एभरेष्ट बैंकसँग ३३ करोड कर्जा लिएको बताउँदै उक्त आईपीओ निष्कासनबाट प्राप्त हुने सम्पूर्ण आम्दानी रकम बैंकको कर्जा तिर्न उपयोग गरिने बताए । हिमाल दोलखा हाईड्रोपावर कम्पनी लिमिटेड इलाम जिल्लाको इलाम नगरपालिका वडा नं. ९, १० र माईनगरपालिका वडा नं. ९ मा रहेको छ । कम्पनीसँग माई खोला साना जलविद्युत आयोजना(४.५ मेगावाट) र माई खोला साना क्यासकेड जलविद्युत आयोजना(८ मेगावाट) दुवै आयोजनाहरुबाट २०६७ फागुन १ र २०७५ चैत २६ गतेदेखि ब्यापारिक उत्पादन शुरु भैसकेको छ । यस कम्पनीले केबीएनआर इशुवापावर लिमिटेड(९७.२ मेगावाट) मा १९५ शेयर लगानी गरेको छ । उक्त आयोजनामा प्रति मेगावाट लागत १० करोड रहेको र सोबाट प्रति मेगावाट ४.३५ करोड आम्दानी हुने जनाएको छ । हिमाल दोलखाकोे आइपीओ आजदेखि, १ लाख कित्तासम्म भर्न पाइने
प्रभु इन्स्योरेन्सको २३ औँ साधारण सभा सम्पन्न, आव २०७४/०७५ को वार्षिक प्रतिवेदन पारित
काठमाडौँ । प्रभु इन्स्योरेन्सले शुक्रबार २३ औं वार्षिक साधारण सभा सम्पन्न गरेको छ । आव २०७४/०७५ को वार्षिक प्रतिवेदन पारित गर्दै साधारण सभा सम्पन्न भएको हो । एनएफआरएस मोडेलमा वित्तीय विवरण तयार गर्नु परेकाले यसपटक साधारण सभा गर्न केही ढिलो भएको बताउँदै आगामी वर्ष सेयरधनीहरुलाई खुशी बनाउने प्रमुख कार्यकारी अधिकृत सञ्चित बज्राचार्यले बताए । गत वर्ष कम्पनीले १९ दशमलव २० प्रतिशत बोनस र ४६ प्रतिशत हकप्रद वितरण गरेको थियो । हाल कम्पनीको चुक्ता पुँजी रु. १ अर्ब ५० लाख ७६ हजार रहेको छ ।
उपराष्ट्रपतिसँग मोरक्कोका राजदूतको शिष्टाचार भेट
काठमाडौं । उपराष्ट्रपति नन्दबहादुर पुनसँग नेपालका लागि मोरक्को अधिराज्यका राजदूत मोहम्मद मल्लिकीले आज शिष्टाचार भेट गरेका छन् । उपराष्ट्रपति भवनमा भएको भेटमा दुई देशबीचको सम्बन्ध र सहकार्यका विविध पक्षमा कुराकानी भएको थियो । उपराष्ट्रपति पुनले नेपाल र मोरक्कोबीचको सम्बन्धलाई जनस्तरसम्म फैलाएर आपसी सहयोग र सहकार्यलाई फराकिलो बनाउनुपर्ने बताएको उपराष्ट्रपतिका प्रेस संयोजक मनोज घर्ती मगरले जानकारी दिएका छन् । नेपालले राजनीतिक स्थायित्व हासिल गरेर ‘समृद्ध नेपाल, सुखी नेपाली’को नाराका साथ विकास र समृद्धिको मार्गमा अगाडि बढेको बताउँदै उपराष्ट्रपति पुनले मोरक्कोलाई लगानीका लागि आग्रह गरेका थिए । नेपाल र मोरक्कोको औपचारिक सम्बन्ध स्थापना भएको ४४ वर्ष पुगेको छ । भेटमा राजदूत मल्लिकीले नेपाल मोरक्कोको असल मित्रराष्ट्र भएको बताउँदै कृषिलगायत विविध क्षेत्रमा सहकार्य गर्न तयार रहेको बताए । उनले नेपालको कृषि क्षेत्र मोरक्कोको प्राथमिकतामा रहेको जानकारी दिएका छन् । रासस
‘रसुवा पानी’ काठमाडाैंमा सार्वजनिक, एशिया र मध्यपूर्वका देशमा निर्यात गरिने
काठमाडौं। रुद्रगंगा नेचुरल वाटर प्रालिले रसुवा पानी बजारमा ल्याएको हो । रसुवा जिल्लाको गोसाईँकुण्ड–६ धुन्चेमा उत्पादन भएकाे याे पानी शुक्रबार राजधानी काठमाडौँमा आयोजित विशेष समारोहमा खानेपानी तथा सरसफाई मन्त्री बिना मगरले रसुवा पानीको सार्वजनिक गरेकी हुन् । हिमाली पानी विश्वका मानिसलाई खुवाउने र देशलाई चिनाउने उद्देश्यसहित ‘रसुवा’ नामकाे पानी उत्पादन थालिएकाे कम्पनीका अध्यक्ष गणेशबहादुर भण्डारीले बताए । यस उद्योगबाट उत्पादित पानी राष्ट्रिय बजारमा मात्र नभइ अन्तर्राष्ट्रिय बजारमा समेत बिक्री गर्ने याेजना रहेकाे उनले बताए । पानीकाे बजारीकरण गर्नकाे लागि कम्पनीले कलाकारद्वय मदनकृष्ण श्रेष्ठ र हरिवंश आचार्यलार्इ ब्राण्ड एम्बास्डर बनाएकाे छ । अन्तर्राष्ट्रिय बजारमा लैजाने भएकाेले पानीकाे बाेटलकाे डिजाइन, लेबलिङ उच्चस्तरकाे बनाएकाे कम्पनीले जनाएकाे छ । कम्पनीले लाेपउन्मुख जनावर रेडपाण्डा संरक्षणमा सहयाेग गर्ने भन्दै पानीकाे बाेटलमा रेडपाण्डा तस्विर राखेकाे छ । सफा बाेटलकाे भित्र गाेसाइँकुण्डकाे ताल र पृष्ठभूमिका हिमाल देखाएकाे छ । हाल कम्पनीले ३३० मिलिलिटर, ५०० मिलिलिटर, १ लिटर र १८ लिटरका बाेटलमा पानी बजारमा ल्याएकाे छ । कम्पनीले पानीकाे मूल्य भने सार्वजनिक गरेकाे छैन । साउनकाे अन्तिम सातादेखि पानी बजारमा लैजाने तयारी भएकाे र मूल्य निर्धारणकाे लागि काम पनि भइरहेकाे भण्डारीले बताए । २ वर्ष अघिदेखि निर्माण शुरु भएको रसुवा पानी उद्योग २०७६ बैशाखमा निर्माण सम्पन्न भएको हो । उद्याेग स्थापना गर्ने क्रममा १० कराेड रूपैयाँ लगानी भएकाे र बजारीकरणकाे क्रममा थप ५ कराेड रूपैयाँ लगानी गर्न लागिएकाे उनले बताए । काठमाडौँबाट १७० किलो मिटर दूरीमा रहेको पानी उद्योगले दैनिक ५० हजार लिटर पानी प्रशोधन गरी प्याकिङ गर्ने गर्नेछ । उद्योगमा प्रत्यक्ष/अप्रत्यक्ष रुपमा करिब ७० जनाले रोजगार पाएका छन् । रसुवा पानी तत्कालै देशभरका बजारमा पुग्ने र जापान, हङकङ र चाइना पठाइने छ । आगामी दिनमा युरोप, अमेरिका, अष्ट्रेलिया लगायत विश्वभर नै बजार बिस्तार गर्ने लक्ष्य रहेको रुद्रगंगा नेचुरल वाटर प्रालिका अध्यक्ष भण्डारीले बताए । उद्घाटन कार्यक्रमलाई सम्बाेधन गर्दै खानेपानी मन्त्री विना मगरले नेपालकाे पानी निर्यात गर्न सरकारले सक्दाे सहयाेग गर्ने प्रतिवद्धता व्यक्त गरिन् । नेपाल उद्याेग वाणिज्य महासंघका वरिष्ठ उपाध्यक्ष शेखर गाेल्छाले भने नेपाली उत्पादन निर्यात गर्ने काम निकै कठिन भएकाे बताए । छिमेकी देशहरूमा भन्दा नेपालमा कुनै पनि बस्तु उत्पादन लागत कम्तिमा ३० प्रतिशत बढी रहेकाे, श्रमिककाे उत्पादकत्व ज्यादै कम भएकाे र पूर्वाधारकाे अवस्था नाजुक नै रहेकाे बताए । ‘फ्रान्सकाे पानी विश्वभर बिक्री हुन्छ । नेपालकाे पानी पनि विश्वभर बेच्न सकिन्छ । नेपालीहरूले जुन देशमा गए पनि नेपाली पानी किनेर पिउन पाउने अवसर मिलाेस्’ उनले शुभकामना सन्देशमा भने । नेपाल चेम्बर अफ कमर्शका वरिष्ठ उपाध्यक्ष राजेन्द्र मल्लले नेपालकाे बैदेशिक व्यापार घाटा सबैभन्दा ठूलाे समस्याकाे रूपमा देखिएकाे जनाउँदै रसुवा पानी जस्ता उत्पादन निर्यात गर्न चेम्बर अफ कमर्श सक्दाे सहयाेग गर्ने जनाउँदै नेपाल सरकारले पनि यस्ता उत्पादन निर्यातमा सहयाेग गर्नुपर्ने बताए । कलाकारद्वय मदनकृष्ण श्रेष्ठ र हरिवंश आचार्यले पहिला सामाजिक कार्यकाे मात्र प्रचार प्रसारमा सहयाेग गर्दै आएकाेमा अब नेपालकाे आर्थिक विकास र उत्पादन वृद्धिमा सहयाेग पुर्याउने उदेश्यले राम्रा उत्पादनकाे ब्राण्ड एम्बेस्डर बन्न लागेकाे बताए । रसुवा पानी उत्पादनकाे उदेश्य राम्राे लागेकाे र गुणस्तरीय पनि भएकाेले आफूहरूले लिनु पर्ने फि पनि नलिइ ब्राण्ड एम्बेस्डर बनेकाे आचार्यले बताए ।
बिषादी जाँच नगर भने पनि गर्छौ, जनताको स्वास्थ्यमा खेलवाड गर्दैनाैं : कृषिमन्त्री खनाल
काठमाडाैं। कृषि तथा पशुपन्छी विकास मन्त्री चक्रपाणी खनालले बिषादी चेकजाँच सरकारले झन कडाई गर्ने बताए । भारत भन्दा अघि बढेर ७ स्थानमा विषादी जाँच त गरेकै हो त उनले अगाडी भने तर हरेक नाकामा अनिवार्य चेक गर्नु भनेकाे विषयमा मात्र बहस भएको स्पष्ट पारे । चितवनको भरतपुरमा भएको नेपाल भेटेरिनरी एशोसियसनको वार्षिक साधारण सभाको उद्घाटन गर्दै कृषि मन्त्री । खनालले जनताको स्वास्थयमा कृषि मन्त्रालयसगैँ सरकार समेत चिन्तित बनेको स्पष्ट समेत पारेका छन् । जनताको स्वास्थ्यमा खेलवाड गर्दैनाैं, त्यसलाई निरन्तरता दिएर आगामी दिनमा चेकजाच न गर भने पनि गर्ने कृषिमन्त्री खनालले जानकारी दिए । यस्तै मन्त्री खनालले कृषि क्षेत्रको समग्र विकासका लागि सरकारले कृषि युवा भन्ने नयाँ कार्यक्रम अगाडी बढाएको जानकारी गराउदै यो सफल भयो भो निरन्तर ५ बर्ष लैजाने गरि सोच्नुपर्ने बताए । तराईमा एक सय विघा जमिन र पहाडमा १ सय रोपनी जमिन केन्द्रित गरेर कुनै एउटा वाली वा कृषि वाली लगाउछु भनेर युवा आउछ भने सरकारले मल विऊ, सिचाई र अरु के चाहिन्छ सबै अनुदान दिनेको स्पष्ट पारेका छन् । पिछडिएको र हेपिएको क्षेत्र भए पनि कृषिमा निराशा मात्र होइन आशा गर्ने ठाउँ पनि छन, तर भने जस्तो उत्पादन हुन सकेको छैन, उनले भने ‘यो पटकदेखि कृषिमा अनुदानलाई व्यवस्थित र प्रधानमन्त्री कृषि आधुनिकीकरण परियोजना लाई परिमार्जन गर्नेमा बढी ध्यान दिएको छु ।’ राज्यले कानून बनाएर मात्र हुन्न कार्यान्वयन महत्त्वपूर्ण विषय हो मन्त्री खनालले अगाडी भने सबै कानुन पूर्ण रुपमा कार्यान्वयन गर्ने हो भने केही समस्या हुन्न पछिसम्म विकासले गति लिने र अहिलेसम्म कृषि र पशुपन्छी क्षेत्रको पहिचान भएको छ अब त्यसलाई द्रुत गतिमा अगाडि लैजाने जानकारी दिए ।
बनेपाको शिर मेमोरियल अस्पतालका कर्मचारी आन्दोलित
काभ्रेपलाञ्चोक । सेवा–सुविधाबाट वञ्चित गराई श्रमशोषण गरेको जनाउँदै बनेपा नगरपालिका–५ स्थित शिर मेमोरियल अस्पतालका कर्मचारी आन्दोलित भएका छन् । आफ्ना मागहित अस्पताल प्रशासन अगाडि बिहीबारदेखि धर्नामा बसेका कर्मचारीले प्रशासन कार्यालयभित्र कसैलाई पनि आवतजावत गर्न दिएका छैनन् । आफ्ना मागबारे पटकपटक अस्पताल प्रशासनसँग पहल गर्दा कुनै चासो नदेखाएपछि आन्दोलनमा उत्रिएको नेपाल स्वास्थ्यकर्मी तथा अस्पताल कर्मचारी युनियनका अध्यक्ष राजकुमार श्रेष्ठले जानकारी दिएका छन् । अस्पतालको आयव्यय सार्वजनिक गर्नुपर्ने, कर्मचारीलाई उचित पारिश्रमिक निर्धारण गर्नुपर्ने, प्रशासनिक एकाइमा कर्मचारी युनियनको सहभागिता गराउनुर्नेलगायत माग राख्दै पहिलो चरणमा हातमा कालोपट्टी बाँधेर आन्दोलनमा उत्रिएको अध्यक्ष श्रेष्ठले बताए । “माग सम्बोधन नभएसम्म आन्दोलन गर्नेछौँ”, उनले भने । उनले श्रम अदालतबाट अनुमोदित कर्मचारी युनियनलाई अस्पताल प्रशासनले अवमूल्यन गरेको आरोप लगाए । अस्पतालका कर्मचारीमध्ये आलोपालो गरी करिब ६० प्रतिशत आन्दोलनमा सहभागी हुँदै आएका छन् । “अस्पतालका ९८ प्रतिशत कर्मचारी युनियनको मागप्रति समर्थनमा छन्”, अध्यक्ष श्रेष्ठले दाबी गरे । अस्पतालस्थित युनियनमा दुई सय कर्मचारी आबद्ध छन् । अस्पताल प्रशासनले बिहीबार हाताभित्र सूचना टाँस गर्दै यूनियनले लगाएको आरोप झुठा भएकाले त्यसका पछि नलाग्न अन्य कर्मचारीसँग आग्रह गरेको छ । “अस्पतालको सामान्य परिस्थितिलाई असामान्य बनाई अस्पतालभित्र कुनै हानिनोक्सानी भएमा त्यसको पूर्ण जिम्मेवारी आन्दोलनतरत पक्षले लिनुपर्ने”, सूचनामा उल्लेख गरिएको छ । अस्पतालका निमित्त प्रमुख कार्यकारी अधिकृत सूर्यप्रभा शाक्यले दुई दिनदेखि अस्पताल प्रशासन कक्षमा कसैलाई जान नदिएकाले आन्दोलनरत पक्षसँग छलफलमा जाने वातावरण तयार गर्न पहल भइरहेको बताएका छन् । उनले भने, “हामी युनियनको मागबारे छलफल गर्न पहल गर्दैछौँ, एक दुईदिन लाग्नसक्छ ।” गत वर्ष असोजमा पनि यस्तै माग राखेर अस्पतालका कर्मचारी आन्दोलनमा उत्रिएका थिए । त्यतिबेला अस्पताल प्रशासनबाट युनियनको माग सम्बोधन गर्दै जाने आश्वासनसहितको सहमतिपछि आन्दोलन स्थगित गरिएको अध्यक्ष श्रेष्ठले बताएका हुन् । बनेपास्थित घोकेचौरमा २०१८ सालदेखि सञ्चालनमा आएको उक्त अस्पताल ‘सेभेन्थे–डे एडभेन्टिष्ट अस्पताल’को नामले समेत चिनिने गरिन्छ । रासस
