गाँजाको खेतीलाई बैधानिकता दिँदा नेपालको जीडीपी ५ गुणाले बढ्छः उपाध्याय
काठमाडौं । पूर्वसचिव भीम उपाध्यायले गाँजाको खेतीलाई बैधानिकता दिएर खेती गरे नेपाली अर्थतन्त्रको कायापलट हुने बताएका छन् । गाँजाको माग र उपयोगिता व्यापक भएकोले अन्तराष्ट्रिय बजारमा धेरै माग भएकोले यसको विक्री गरेर नेपालले धेरै फाइदा लिन सक्ने उनको भनाइ छ । गाँजाको नसालु उपयोगिताको मात्रै चर्चा गरेर प्रतिबन्ध लगाइएको भन्दै उनले यसको नियन्त्रित खेती खुल्ला गर्नुको विकल्प नभएको बताए । यसको प्रयोग व्यापक भएको तथा नेपालमा सहजै उत्पादन गर्न सकिने गाँजामाथि प्रतिबन्ध अनावश्यक रहेको उपाध्यायले बताए । ‘गाँजाको उपयोगिता असाध्यै धेरै छ, नेपालमा अमेरिका, क्यानडा जस्ता देशबाट गाँजा प्रयोग भएका बस्तुहरु आयात भइरहेका छन्, नेपालमा भने गाँजा प्रतिबन्ध गरेर बसेका छौं, नेपालीले नेपाली अर्थतन्त्रको विशेषता नै बुझेनन्,’ इन्जिनियर समेत रहेका पूर्व सचिव उपाध्यायले भने । उनले गाँजा नसालु पदार्थभन्दा पनि नसा उतार्ने बस्तु भएको पनि दाबी गरे । सबै मानिसमा गाँजा तत्व हुने भन्दै उनले उसको थोरै सेवनले पनि धेरै प्रकारको रोग निको हुने पनि उनको दाबी छ । उपाध्यायसँगको विस्तृत अन्तर्वार्ताको लागि यहाँ क्लिक गर्नुहोला । गाँजाको डाँठबाट बनेको काठ स्टीलभन्दा १० गुणा हलुंगो र १० गुणा बलियो हुने प्रमाणित भएकोले त्यसमा पनि गाँजा प्रयोग हुने गरेको उपाध्यायले बताए । गाँजाको खेती खुल्ला गरेर सुरु गर्ने हो भने नेपालको अर्थतन्त्रको आकार ५ वर्षमा दोब्बर र १० वर्षमा ५ गुणाले बढ्ने उनको भनाइ छ । सम्बन्धित सामग्री एक रोपनी जग्गा हुनेले वर्षमै करोड कमाउँछ: गाँजा खेतीबारे तामाङ र स्थापितको अन्तर्वार्ता
स्पर्स लघुवित्तले ३५ जना किसानलाई दियो कृषि तथा पशुपालन सम्बन्धी तालिम
काठमाडौं । स्पर्स लघुवित्त वित्तीय संस्थाको शाखा कार्यालय भुताहा नवलपरासीले ग्राहक सदस्यहरुका लागी कृषि तथा पशुपालन सम्बन्धी तालिम दिएको छ । संस्थाले फागुन २८ गते नवलपरासीको भुताहामा उक्त तालिम दिएको हो । तालिमको उद्घाटन प्रमुख अथिति केन्द्रीय कार्यालय अनुगमन विभागका अनुगमन अधिकृत अरबिन्द मल्लले गरेका हुन् । व्यावसायीक रुपमा कृषि तथा पशुपालन गरीरहेका किसान र कृषि तथा पशुपालन गरी व्यावसाय विस्तार गर्न उत्सुक ३५ जना किसान महिला सदस्यहरुका लागी तालिम दिइएको थियो । तालिमको स्रोत व्यक्ति पशुविज्ञ हेमन्त कुमार चौधरीले पशुपालन सम्बन्धी र कृषिविज्ञ सुरेन्द्र कुमार सिंहले कृषि सम्बन्धी तालिम दिएका थिए । स्रोत व्यक्तिहरुले कृषि तथा पशुपालन गर्दा ध्यान दिनुपर्ने कुराहरु समस्या आएमा त्यसलाई समाधान कसरी गर्ने उपायहरुको बारेमा जानकारी गराइएको थियो । माया कुमारी चौधरीले व्यावसायीक तरकारी खेती गरी सफलता तथा आत्मनिभर भएको जानकारी गराएकी छन् । कार्यक्रममा प्रमुख अथिती मल्लले संस्थाले ग्राहक सदस्यलाई यस्ता किसिमको तालीम नियमित रुपमा दिँदै गएको र भविष्यमा पनि यस्ता सीपमूलक तालिमहरु नियमित रुपमा दिँदै जाने बताए । साथै, तालिममा सहभागीहरुलाई प्रमाणप्रत्र पनि वितरण गरिएको थियो ।
सिद्धार्थ बैंकको नयाँ शाखा गोरुसिङेमा
काठमाडौं । सिद्धार्थ बैंकले बुधबार कपिलवस्तुको गोरुसिङेमा नयाँ शाखा सञ्चालनमा ल्याएको छ । बैंकले सर्वसाधारण तथा उद्यमीमाझ सबै प्रकारका निक्षेप तथा कर्जा कारोबार सुविधा, रकम भुक्तानी लगायत सम्पूर्ण बैंकिङ्ग सेवा पुर्याउने उद्देश्यले उक्त शाखा सञ्चालनमा ल्याएको हो । उक्त शाखा विस्तार पश्चात् सिद्धार्थ बैंकको कुल शाखा सञ्जाल संख्या १८३ (३ एक्स्टेन्सन् काउन्टर सहित) पुगेको छ । बैंकले १०१ शाखारहित बैंकिङ्ग सेवा, २०५ एटीएम र १६ सयभन्दा बढी पीओएस मेसिनका साथै बैंकले निक्षेप तथा कर्जा सुविधा, घरमै बसेर बैंक खाता खोल्न सकिने अनलाइन सुविधा, रेमिटेन्स सेवा, भिजा एटिएम कार्ड सेवाका मार्फत् उच्चस्तरिय बैंकिङ्ग सेवा प्रदान गर्दै आएको छ ।
सेञ्चुरी बैंकले गर्यो निःशुल्क स्वास्थ्य शिविर तथा रक्तदान कार्यक्रम
काठमाडौं । सेञ्चुरी कमर्सियल बैंकले पुतलीसडकमा निःशुल्क स्वास्थ्य शिविर, रक्तदान तथा सहयोग कार्यक्रम सञ्चालन गरेको छ । बैंकले आफ्नो नवौं वार्षिक उत्सवको उपलक्ष्यमा आफ्नो प्रधान कार्यालय पुतलीसडकमा उक्त कार्यक्रमहरु सञ्चालन गरी सम्पन्न गरेको हो । उक्त कार्यक्रम चावहिलस्थित ओम हस्पिटल तथा ताहाचलस्थित नेपाल रेडक्रस सोसाईटी, केन्द्रिय रक्तसञ्चार सेवाको सहयोगमा सम्पन्न भएको हो । बैंकको संस्थागत सामाजिक उत्तरदायित्व अन्तर्गत सञ्चालित शिविरमा सामान्य स्वास्थ्य परीक्षण गरिएको थियो । बालबालिकाहरु देखि लिएर वृद्धवृद्धाहरुसमेतको सहभागी उक्त शिविरमा धेरै जनाको निःशुल्क स्वास्थ्यपरीक्षण गरिएको थियो । रक्तदान कार्यक्रममा पनि ३५ जनाभन्दा बढीको सहभागी थियो । बैंकका संचालक समितीका अध्यक्ष राजेशकुमार श्रेष्ठको प्रमुख आतिथ्यतामा गरिएको वार्षिक कार्यक्रममा बैंकले महेन्द्र माध्यामिक विद्यालय हेलम्बु-६, सिन्धुपाल्चोकलाई २ थान ल्यापटप र १ थान प्रोजेक्टर प्रदान गरेको छ । त्यसैगरी बैंकले ‘आवर चाइल्ड केयर’ अनाथाश्रमलाई खाद्य सामाग्री पनि प्रदान गरेको छ ।
रेमिट्यान्समा अग्रसर हुँदै सनराइज बैंक, गर्याे जीएमई रेमिट्यान्ससँग सम्झौता
काठमाडौं । सनराइज बैंक रेमिट्यान्स सेवामा अग्रसर हुँदै गएको छ । उक्त सेवाको लागि बैंकले जीएमई रेमिट्यान्ससँग सम्झौता गरेको छ । सम्झौतापत्रमा सनराइज बैंकका प्रमुख कार्यकारी अधिकृत जनक शर्मा पौड्याल र जीएमई रेमिट्यान्सका प्रबन्ध निर्देशक दिवाकर पौड्यालले संयुक्त रुपमा हस्ताक्षर गरेका हुन् । उक्त सम्झौता अनुसार सनराइन बैंकका स्वदेश तथा विदेशमा रहेका सम्पुर्ण ग्राहकहरुले सनराइज रेमिट मार्फत पठाएको रकम जीएमई रेमिट्यान्सका नेपाल अधिराज्य भर रहेका ८ हजारभन्दा बढि एजेन्टबाट छिटो, छरितो तरिकाले पाउने भएका छन् । साथै, सम्पुर्ण ग्राहकले सनराइज रेमिट मार्फत सुरक्षित तरिकाले आफ्नो खातामा रकम पनि पठाउन सक्नेछन् । बैंकले हाल १३० वटा शाखा, ४८ वटा शाखारहित बैंकिङ्ग सेवा, ९ वटा एक्सटेन्सन काउण्टर र १५४ वटा एटीएम मार्फत आफ्ना करिब ६ लाख ग्राहकहरुलाई सेवा प्रदान गर्दै आइरहेको छ ।
कम्पनी रजिष्ट्रार कार्यालयः वर्षमा ६ काण्ड, बिदाका दिन पनि छोड्दैनन् घुस लिन
काठमाडौं । ‘सरकारी कार्यालयमा कुनै काम गराउन जानु पर्यो भने घुस बिना कामै हुँदैन’– सर्वसाधारण सेवाग्राहीबाट यस्तो गुनासो पटक–पटक आउने गरेको छ । सरकारी कुन कार्यालयमा बढी घुस लेनदेन हुन्छ भन्ने सम्झ्यो भने सबैभन्दा बढी भन्सार र मालपोत जस्ता कार्यालय पहिलो नम्बरमा आउँछन् । यी कार्यालयहरु घुस अड्डाका रुपमा परिचित हुँदै आएका छन् । यस्तै, घुस लेनदेन हुने कार्यालयका रुपमा कम्पनी रजिष्ट्रार कार्यालय प्रष्ट देखिन थालेको छ । पछिल्लो समय भ्रष्टाचारको आरोपमा सो कार्यालयका कर्मचारीहरु महिनैपिच्छे पक्राउ परेका सूचना तथा समाचारहरु पनि आइरहका छन् । बुधवार छुट्टी लिएर बसेका कम्पनी रजिष्ट्रार कार्यालयका सुब्बा डोरप्रसाद पन्थीलाई अख्तियार दुरुपयोग अनुसन्धान आयोगले ५ हजार घुस लिँदालिदै पक्राउ गर्यो । पन्थीले बुधबार छुट्टी लिएका थिए । बिदा लिएको दिन पनि कम्पनी रजिष्ट्रार कार्यालयको गेटबाट पैसा लिँदै गर्दा अख्तियारको टोलिले मुचुल्का उठाएर उनलाई नियन्त्रणमा लिए । अहिले उनी माथि आयोगले अनुसन्धान सुरु गरेको छ । आजै अख्तियारले उनी माथि अनुसन्धान सुरु गरेको पत्र कम्पनी रजिष्ट्रार कार्यालाई दिएको छ । कम्पनी रजिष्ट्रार कार्यालयका सूचना अधिकारी सन्तोष दाहालले अख्तियारले नियन्त्रणमा लिइ अनुसन्धान सुरु गरेको विकासन्यूजलाई जानकारी दिए । पछिल्लो समय कार्यालयमा मौलाएको घुस प्रकरणले कम्पनी रजिष्ट्रार कार्यालय बदनामी हुनु परेको अवस्था छ । उक्त कार्यालयमा काम गर्छु भन्न पनि लाज लाग्ने अवस्था आएको सोही कार्यालयमा कार्यरत एक कर्मचारीले बताए । कम्पनीको यस्तो हालत देखेर आफै लाज लागेर आउँछ, कसैले सोध्यो भने म उद्योग मन्त्रालयमा काम गर्छु भन्छु,’ ती कर्मचारीले भने । कम्पनी रजिष्ट्रारको कार्यालयमा घुस काण्डको श्रृंखला यस्तो गत कार्तिकमा मात्रै अख्तियार दुरुपयोग अनुसन्धान आयोगले उक्त कार्यालयका दुई जना सहायक रजिष्ट्रारलाई छलफलका लागि बोलायो र अनुसन्धानका लागि हिरासतमा राखेको थियो । अख्तियारले उनीहरु माथि अनुसन्धान थालिएको पत्र कम्पनी रजिष्ट्रार कार्यालाई पठाएको थियो । अनुसन्धानका लागि अख्तियारले कम्पनी रजिष्ट्रार कार्यालयमै कार्यरत सहायक रजिष्ट्रार सीताराम खड्का र हाल उद्योग मन्त्रालयमा कार्यरत अर्का सहायक रजिष्ट्रार टंक भट्टराईलाई बोलाएको कार्यालयमा बोलाएको थियो । सहायक रजिष्ट्रार खड्काले आर्थिक चलखेल गर्दै १ महिनामा नै करिब १ हजार फाइलको काम गरेको स्रोतले बतायो । गत माघ १ गते रजिष्ट्रारको कार्यालयकी सहायक रजिष्ट्रार गीताकुमारी पन्थी घुससहित पक्राउ परेकी थिइन् । उनले दर्ता रहेको स्कुलको कर तिर्न जाने सेवाग्राहीसँग राजस्व रकम कम गरिदिने भन्दै एक लाख रुपैयाँ घुस लिएकी थिइन् । यसअघि गत २८ मंसिरमा सोही कार्यालयमा करार सेवामा कार्यरत कम्प्युटर अपरेटर पूर्णचन्द्र आत्रेयलाई अख्तियारले पक्राउ गरेको थियो । उनले सेयर लगत अभिलेख तथा कम्पनी अद्यावधिक गर्ने प्रयोजनको लागि विभिन्न बहाना बनाई सेवाग्राहीसँग घुस लिएका थिए । यसैगरी, गत ११ असोजमा अख्तियारले कार्यालयकै उप रजिष्ट्रारद्वय धर्मराज रोकाय र गंगाधर पौडेललाई अनियमितता गरेको आरोपमा नियन्त्रणमा लिएको थियो । शंकर इलेक्ट्रिकल इन्डष्ट्रिज प्रालिका सञ्चालक निरञ्जन जटियालाई कार्यालयमा उपस्थित नगराई स्वामित्व हस्तान्तरण गरेको आरोपमा उनीहरूलाई अख्तियारले पक्राउ गरेको थियो ।
एनआईसी एशिया र अष्ट्रेलियाको लिगल रेमिटबीच रेमिट्यान्स सम्झौता
काठमाडौं । नेपालकाे एनआईसी एशिया रेमिट र अष्ट्रेलियाको लिगल रेमिटबीच रेमिट्यान्स सम्झौता भएकाे छ । उक्त सम्झौता पश्चात अष्ट्रेलियाका नेपालीहरूले लिगल रेमिटबाट रकम पठाएर एनआईसी एशिया बैंकको एनआईसी एशिया रेमिट मार्फत तुरुन्त रकम भुक्तानी लिन सक्नेछन् । साथै, विप्रेषण रकम नेपालका जुनसुकै बैंकको खातामा समेत पठाउन सकिनेछ । लिगल रेमिट मार्फत अष्ट्रेलियामा रहेका नेपालीहरूले पठाएको विप्रेषण रकम नेपालमा रहेका उनीहरुका आफन्तहरू वा अन्य व्यक्तिहरूले सजिलै भुक्तानी गर्न सक्नेछन् । उनीहरुले यस बैंकको मुलुकभर छरिएर रहेका ३१९ वटा शाखा, १०७ वटा एक्स्टेन्सन काउण्टर, ५८ वटा शाखारहित बैंकिङ्ग इकाइहरू तथा ९ हजारभन्दा बढी सहायक प्रतिनिधिहरू मार्फत सरल र सुलभ रुपमा भुक्तानी पाउन सक्नेछन् । एनआईसी एशिया बैंक र लुम्बिनी ग्रुप प्राइभेटबीच रेमिट्यान्स सेवाका लागि सम्झौता भई विप्रेषण कारोबार समेत सुरु भएको छ ।
टाटा मोटर्सले फागुन ३० गतेदेखि स्प्रिङ्ग बोनान्जा गर्दै
काठमाडौं । नेपालका लागी टाटा मोटर्सको एकमात्र अधिकारिक वितरक सिप्रदी ट्रेडीङ्ग प्रा. लि. ले स्प्रिङ्ग बोनान्जा कार्यक्रमकोे आयोजना गर्न लागेको छ । उक्त कार्यक्रम यहि फागुन ३० देखि चैत २ गते (१३ मार्चदेखि १५ मार्च, २०२०) सम्म थापाथली स्थित टाटा मोटर्सको सोरुममा आयोजना गर्न लागेको हो । ग्राहकले टाटा मोटर्सको सोरुममा गएर यस कार्यक्रममा सहभागी भई नयाँ तथा अत्याधुनिक डिजाइनका उत्पादनहरु एच फाईभ, नेक्सन, टियागो, टिगोर र एनआरजी लगायतका गाडीहरु अवलोकन तथा टेष्ट ड्राइभ गर्न सक्नेछन् । साथै उक्त कार्यक्रममा टाटाको जुनसुकै गाडीको खरिदमा आकर्षक नगद छुट, जेन्युइन एसोसेरीज, एक वर्षको सवारी कर, गाडिको डेलिभरीमा मोवाईल फोन, प्रत्येक गाडीको मुल्याङ्कनमा कार परफ्युम, डोर प्राईज र प्रत्येक टेस्ट ड्राईभमा एक जोडीलाई मुभि टिकेट तथा विभिन्न किसिमका मनोरञ्जनात्मक कार्यक्रम लगायतका विशेष आर्कषणहरु रहेका छन् ।