विकासन्युज

एनसेलकाे अफरः दुई मिनेट वा सो भन्दा बढि कुरा गर्दा प्रत्येक मिनेटको बोनस पाइने

काठमाडौं । एनसेल प्राईभेट लिमिटेडले आफ्नो कस्टमर लोयल्टी कार्यक्रम अन्तर्गत ‘कल आयो पैसा पायो’ अफर यो वर्ष पनि ल्याएको छ । यस योजना अन्तर्गत ग्राहकले अब विश्वका जुनसुकै देशबाट आएको अन्तर्राष्ट्रिय आगमन कलमा दुई मिनेट वा सो भन्दा बढि कुरा गर्दा प्रत्येक मिनेटको २ रूपैयाँ बोनस स्वरुप प्राप्त गर्दछन् । यो अफर बुधबार (फागुन २८) बाट लागु भएको छ र ३ महिनासम्म जारी रहनेछ । एनसेलका ग्राहकले विदेशबाट आफ्ना आफन्त, साथीभाई र परिवारजनले गरेको कलमा कुरा गर्दा पहिलो दुई मिनेटपछि हरेक मिनेट ११ मिनेटसम्म रु २ को दरले बोनस पाउँछन् । यसको अर्थ अन्तर्राष्ट्रिय आगमन कलमा कुरा गर्दा ग्राहकले रु २० सम्म बोनस प्राप्त गर्नेछन् । यसरी प्राप्त बोनस ३ दिनको लागि मान्य हुनेछ । ग्राहकले उक्त बोनस एनसेलको नेटवर्क भित्र कुरा गर्न, एसएमएस पठाउन र इन्टरनेट चलाउन समेत प्रयोग गर्न सक्छन् । एनसेलका सबै प्रिपेड तथा पोष्टपेड ग्राहकले १७१२६ मा डायल गरि यो योजना निःशुल्क सुचारु गरी लाभ लिन सक्छन् । त्यसैगरी, ग्राहकले अंगे्रजीमा ‘ए’ टाइप गरी १७१२६ मा एसएमएस पठाएर पनि यो बोनस योजनामा सामेल हुन सक्छन् । बोनसका साथै, अन्तर्राष्ट्रिय आगमन कलमा कुरा गरी यस योजनाको मापदण्ड पुरा गरेका ग्राहकले प्रत्येक हप्ता सामसुङ्ग ग्यालेक्सी एट्वान्टी स्मार्टफोन पनि जित्न सक्नेछन् । यो योजना अवधिभर प्रत्येक हप्ता १० जना ग्राहकले १/१ थान स्मार्टफोन पाउनेछन् । एक हप्ताको समयावधिमा ग्राहकले पाएको बोनस, कुल अन्तर्राष्ट्रिय आगमन कल र औसत कलको समय अनुसार विजेताको छनोट गरिनेछ । आफ्ना परिवारका सदस्य, आफन्त वा साथीभाई विदेशमा रहेका र उनीहरुसँग सम्पर्कमा रहिरहनु पर्ने ग्राहकका लागि थप लाभ सुनिश्चित गर्दै यो आकर्षक योजना ल्याउन पाएकोमा कम्पनी हर्षित रहेको एनसेलले जनाएको छ । यो योजना अन्तर्गत प्राप्त हुने बोनसले ग्राहकलाई विदेशमा रहेका साथीभाई तथा परिवारका सदस्यसँग सम्पर्कमा रहँदै, एनसेलको नेटवर्कमा रहेका अन्य आफन्तजन तथा साथीभाईसँग थप सम्पर्कमा रहन मद्दत गर्ने विश्वास एनसेलले लिएको छ ।

के हो क्वारेन्टाईन ? विकसित देशले सबै नागरिकलाई सरकारी क्वारेन्टाईनमा राख्छन् ?

काठमाडौं । स्वास्थ्य मन्त्री भानुभक्त ढकालले बिहीबार अब कुनै पनि नागरिकलाई कोरोनाको संक्रमणको आशंकामा सरकारले क्वारेन्टाईनमा नराख्ने भनेपछि उनको आलोचना भएको छ । अब नागरिकहरु आफै घरमै सेल्फ क्वारेन्टाईनमा बस्नुपर्ने भनेपछि स्वास्थ्यमन्त्री ढकाल र सरकारको आलोचन बढेको हो । सामाजिक संजालमा मन्त्री ढकालको यो अभिव्यक्तिको सबैभन्दा धेरै आलोचना भएको छ । संसदमा पनि यो विषयमा प्रश्न उठेको छ । तर, सेल्फ क्वारेन्टाईनमा आशंका लागेका मानिसहरु बस्नुपर्ने विश्व स्वास्थ्य संगठनको नीतिमै उल्लेख गरिएको स्वास्थ्य तथा जनसंख्या मन्त्रालयले जनाएको छ । त्यसैले आफ्ना नागरिकलाई कोरोना लागेको आशंकामा सेल्फ क्वारेण्टाईनमा बस्नु भनेर आग्रह गर्ने नेपाल मात्र पहिलो देश होइन । नेपालबाहेक अमेरिका, बेलायत, ईटाली, ईरानजस्ता धेरै राष्ट्रले आफ्ना नागरिकलाई सेल्फ क्वारेन्टाईनमा बस्न आग्रह गरेका छन् । क्वारेन्टाईन भनेको के हो ? यदि कसैलाई पनि क्वारेन्टाईनमा राखिन्छ भने यसको मतलब उ कोरोना भाईरसबाट संक्रमित भएको भन्ने होइन । क्वारेन्टाईन भनेको यस्तो ठाउँ वा अवस्था हो, जहाँ कुनै पनि रोग भएको आशंका अर्थात पुष्टि नभएको अवस्थामा मानिस वा जनावरलाई राखिन्छ । क्वारेन्टाईनमा रोग पुष्टि नभएको तर संक्रमण रोगको आशंकमा भएका मानिसहरुको हिँडडुल प्रतिबन्ध गर्नको लागि राखिन्छ । फ्लु जस्तो लक्षण देखाएकाहरुलाई सामान्यत १४ दिनसम्म क्वारेन्टाईनमा बस्न भनिन्छ । कोरोना संक्रमण भइसकेपछि लक्षण देखिन १४ दिनसम्म लाग्ने विशेषज्ञहरु बताउँछन् । सरकारले चीनबाट उद्धार गरेका विद्यार्थीलाई १४ दिन क्वारेन्टाईनमा राख्यो । उनीहरु कसैमा पनि कोरोन भएको पुष्टि नभएको र चीनबाट आएका कारण शंकाको आधारमा क्वारेन्टाईनमा राखिएको हो । तर, जनमानसमा कोरोनाको शंका लागेकालाई सरकारले नै उद्धार गरी सुरक्षा दिनुपर्छ भन्ने एक प्रकारको भ्रम परेको छ । क्वारेन्टाईनमा बस्नु भन्नाले तपाई आफ्नो परिवारको सदस्य र भाँडामा सँगै बसेका साथीसँग नबस्नु भन्ने पनि होइन । एउटै घरमा बेग्लै कोठामा बेग्लै सामान प्रयोग गरेर पनि कोरोना शंका लागेका व्यक्ति बस्न सकिन्छ । क्वारेन्टाईनमा बस्नु भनेको सकेसम्म अत्यावश्यक व्यक्तिहरुसँग मात्र भेट्ने, मास्क प्रयोग गर्ने, आफ्नो सामानहरुको प्रयोग आफै मात्र गर्ने, घरमा प्रत्यक्ष सम्पर्कमा आउने सामाग्रीहरुलाई सफा राख्ने भन्ने हो । क्वारेन्टाईनले जिवनशैलीमा ल्याउने सबैभन्दा ठुलो परिवर्तन भनेको यसले हिँडडुललाई बन्द गर्दछ । क्वारेन्टाईन र आईसोलेसनबीचको फरक आईसोलेसन भन्नाले कुनै पनि कोरोना संक्रमित व्यक्तिलाई राखेर उपचार गरिने स्थान हो । उक्त व्यक्तिले अन्य कुनै पनि व्यक्तिलाई भाईरस नसारी निको हुनको लागि आईसोलेसनमा राखिन्छ ।

अब शंकरदेवको फी ग्लोबल आइएमईको मोबाइल बैंकिङबाटै तिर्न सकिने

काठमाडौं । अब शंकरदेव क्याम्पसका विद्यार्थीहरुले ग्लोबल आइएमई बैंकबाटै शुल्क भुक्तानी गर्न सक्ने भएका छन् । क्याम्पसका विद्यार्थीहरुले ईन्टरनेटको प्रयोग गरि विभिन्न माध्यमबाट शुल्क भुक्तानी गर्न सकिने सम्बन्धी दुई संस्थाबीच सम्झौतापत्रमा हस्ताक्षर भएको छ । सम्झौतापत्रमा ग्लोबल आइएमई बैंकका प्रमुख कार्यकारी अधिकृत पर्शुराम कुँवर क्षेत्री र शंकरदेव क्याम्पसका प्रमुख कृष्ण प्रसाद आर्चायले हस्ताक्षर गरेका हुन् । उक्त सम्झौता पश्चात, शंकरदेव क्याम्पसमा अध्यनरत सम्पूर्ण विद्र्यार्थीहरुले कलेजलाई भुक्तानी गर्नुपर्ने शुल्क अब बैंकको मोबाईल बैंकिङ्ग तथा इन्टरनेट बैंकिङ्ग मार्फत सजिलै भुक्तानी गर्न सक्नेछन् । समयसापेक्ष डिजिटल बैंकिङ्ग सेवालाई प्रर्वदन गर्ने उद्देश्य अनुसार ग्लोबल आइएमई बैंकले विभिन्न संघ संस्थाहरुलाई आफ्नो भुक्तानी संकलन गर्नका लागि प्रविधिमैत्री सुविधा उपलब्ध गराउँदै आईरहेको छ । शंकरदेवसंगको यस सहकार्य मार्फत सो क्याम्पसमा अध्यनरत विद्यार्थीहरुलाई शुल्क भुक्तानी गर्नकै लागि बैंक जानुपर्ने बाध्यता हट्ने छ भने विद्यार्थीहरुको समय पनि वचत हुने अपेक्षा राखिएको छ । ग्लोबल आइएमई बैंकले सबै क्षेत्र र वर्गसम्म बैंकिङ्ग सेवाको पहुँच पु¥याउने उद्देश्यले विभिन्न स्थानमा शाखा, एक्सटेन्सन काउण्टर तथा शाखारहित बैंकिङ्ग सेवा मार्फत आफ्ना ग्राहकहरुलाई सेवा प्रदान गर्दै आएको छ । बैंकले देशैभर रेहेका शाखा सञ्जाल लगायत ३८ वटा एक्सटेन्सन तथा राजश्व संकलन काउण्टर, २५६ एटिएम, २४९ शाखारहित बैंकिङ्ग सेवा र नेपाल बाहिर ३ प्रतिनिधि/सम्पर्क कार्यालय (अष्ट्रेलिया, बेलायत र भारत) मार्फत आफ्ना १९ लाखभन्दा बढि ग्राहकहरुलाई सेवा प्रदान गर्दै आइरहेको छ ।

श्रम आप्रवासन प्रतिवेदन २०२० सार्वजनिक, नयाँ गन्तव्यको खोजीमा सरकार

काठमाडौं । श्रम, रोजगार तथा सामाजिक सुरक्षा मन्त्रालयले नेपाल श्रम आप्रवासन प्रतिवेदन २०२० सार्वजनिक गरेको छ । बिहीबार श्रममन्त्री रामेश्वर राय यादवको प्रमुख आगमनमा नेपालमा वैदेशिक रोजगारीको अवस्था, सुशासन, क्षेत्रगत मुद्दा र सुधारका विषयलाई लक्षित गर्दै मन्त्रालयले चौथो प्रतिवेदन सार्वजनिक गरेको हो । श्रममन्त्री, मन्त्रालयका सचिव विनोद केसी र राष्ट्रिय योजना आयोगका सदस्य रामकुमार फुयालले एकै साथ ‘श्रम आप्रवासन प्रतिवेदन २०२०’ सार्वजनिक गरेका हुन् । श्रममन्त्री यादवले उक्त प्रतिवेदन सार्वजनिक गर्दै सरकार नयाँ गन्तव्यको खोजीमा रहेको बताए । ‘श्रम गन्तव्य मुलुकमा कोरोनाको संक्रमण बढेसँगै थप चुनौति थपिएको छ, आगामी दिनमा उक्त समस्या र चुनौतिको सामना गर्दै रेमिट्यान्सले देश भित्र नै उत्पादन बढाउन लाग्नु पर्नेछ,’ मन्त्री यादवले भने । वैदेशिक रोजगारी जाने नेपालीको ज्यान जोखिममा मोलेर सुरक्षित एवंम उच्च पारिश्रमिक पाइने देशको खोजी गर्नुका साथै सरकारले वैदेशिक रोजगारमा जाँदै गर्दा भैपरि आउने समस्यालाई न्युनिकरण गर्नतर्फ सोच्नु पर्ने अवस्था रहेको मन्त्री यादवकाे भनाइ छ । श्रम मन्त्रालयका सचिव विनोद केसीले अन्य प्रतिवेदनको तुलनामा फरक, स्वतन्त्र एवंम निष्पक्षरुपमा प्रकाशन गरिएको बताए । सरकारले गर्नुपर्ने सुधारका कुरादेखि श्रमसँग आवद्ध भएका सरकारी तथा निजी संस्थाका कमी कमजोरी र सुधारका विषयमा काम गर्ने बताए । त्यस्तै राष्ट्रिय योजना आयोगका सदस्य रामकुमार फुयालले आगामी दिनमा राष्ट्रले उत्पादशिल क्षेत्रलाई बलियो बनाउने तथा वैदेशिक रोजगारमा कस्तो खालको श्रमिकको माग छ भन्ने विषयमा केन्द्रित हुनपर्ने जानकारी दिए । ‘कोरोना भाइरसले बैदेशिक रोजगारको क्षेत्रमा असर पुराइरहेको यस अवस्थामा सरकारले आफ्नै दक्ष जनशक्तिलाई स्वदेशमा नै प्रयोग गर्न लाग्नु पर्नेछ,’ उनले भने । त्यस्तै प्रतिवेदनको सांराश प्रस्तुत गर्दै श्रममन्त्रालयका सह सचिव उमेश ढुंगानाले निति परिमार्जन गर्नु पर्ने देखिएको जानकारी दिए । संघीयताको सन्दर्भमा संविधानको मर्मअनुसार नीति नियमको पालना गर्नु पर्ने कुरा उक्त प्रतिवेदनमा समावेस गरिएको छ । उन्नतस्तरको श्रम गन्तव्यको खोजी देश लागेको र बढ्दो अदक्ष तथा अर्धदक्ष कामदारको बढ्दो वैदेशिक रोजगार जाँदै गर्दा दक्ष जनशक्ति उत्पादन गर्न सरकारले ध्यान दिनु पर्ने देखिएको छ । विश्वको पाँचौ रेमिट्यान्स भित्रने मुलुकमा नेपाल पर्दछ । गत वर्षमा ८ खर्ब ७९ अर्ब रेमिट्यान्स भित्रिएको थियो भने चालु आर्थिक वर्षमा ०.९ प्रतिशतले वढेको छ ।

बिओकेले ल्यायो सफलता मुद्दती खाता, ११ लाखसम्मको बीमा सुबिधा पाइने

काठमाडौं । बैंक अफ काठमाण्डू (बिओके) ले ‘बिओके सफलता मद्दती खाता’ सार्वजनिक गरेको छ । बैंकले ग्राहकहरुको उच्चतम् लाभ तथा सुरक्षालाई मध्यनजर गर्दै ‘सफलता मद्दती खाताबाटै पूर्ण सुरक्षा’ भन्ने मुल नाराका साथ उक्त योजना सार्वजनिक गरेको हो । उक्त खातामा ग्राहकले ११ लाख रुपैयाँसम्मको बीमा सुबिधा सहित वार्षिक ९.७५ प्रतिशत ब्याजदरको सुबिधा पाउन सक्नेछन् । उक्त मुद्दती खाता २५ हजार रुपैयाँदेखी नै खोल्न सकिने र ग्राहकहरुले उक्त खाता खोली बीमा लगायत थुप्रै सुबिधाहरुको उच्चतम लाभ लिन सक्नेछन् । साथै, बीमा सुबिधा अन्तर्गत दुर्घटनाबाट मृत्यु वा पूर्ण अशक्तताका भए ५ लाख रुपैयाँ, १८ घातक रोगहरु लागेको खण्डमा ५ लाख रुपैयाँ तथा औषधी उपचारको लागि १ लाख रुपैयाँको बीमा सुबिधा अन्तर्गत बहिरंग (ओपीडी) को लागि २० हजार रुपैयाँ तथा अस्पताल भर्ना भई उपचार गर्दा ८० हजार रुपैयाँसम्मको बीमा सुबिधा पाइने बैंकले जनाएको छ । बैंकले सिद्धार्थ इन्स्योरेन्सको सहकार्यमा बीमा सुबिधा उपलब्ध गराएको छ । जस अन्र्तगत बीमा शुल्क बैंकले सिद्धार्थ इन्स्योरेन्सलाई भुक्तानी गर्नेछ । हालसम्म बैंकले ८७ शाखा कार्यालयहरु, ७८ एटीएम र १० एक्स्टेन्सन काउन्टरबाट आफ्ना ग्राहक महानुभावहरुलाई उत्कृष्ट बैंकिङ्ग सुविधा प्रदान गर्दै आईरहेको छ ।

सिद्धार्थ बैंकको नयाँ शाखा ललितपुरको सुनधारामा

काठमाडौं । सिद्धार्थ बैंकले ललितपुरको सुनधारामा नयाँ शाखा सञ्चालनमा ल्याएको छ । बैंकले फागुन २९ गते बिहीबार एक कार्यक्रम आयोजना गरी उक्त शाखाको उद्घाटन गरी सञ्चालनमा ल्याएको हो । बैंकले सर्वसाधारण तथा उद्यमीमाझ सबै प्रकारका निक्षेप तथा कर्जा कारोबार सुविधा, रकम भुक्तानी लगायत सम्पूर्ण बैंकिङ्ग सेवा पुर्याउने उद्देश्यले उक्त शाखा सञ्चालनमा ल्याएको हो । उक्त शाखा विस्तार पश्चात् सिद्घार्थ बैंकको कुल शाखा सञ्जाल संख्या १८४ (३ एक्स्टेन्सन् काउन्टर सहित) पुगेको छ । बैंकले १०१ शाखारहित बैंकिङ्ग सेवा, २०५ एटीएम र १,६०० भन्दा बढी पीओएस मेसिनका साथै बैंकले निक्षेप तथा कर्जा सुविधा, घरमै बसेर बैंक खाता खोल्न सकिने अनलाइन सुविधा, रेमिटेन्स सेवा, भिजा एटिएम कार्ड सेवाका मार्फत् उच्चस्तरिय बंैैकिङ्ग सेवा प्रदान गर्दै आएको छ ।

सांग्रिलाको मुद्दती योजनाः ३६ महिनाको बचतमा ४२ महिना बराबरको भुक्तानी पाइने

काठमाडौं । सांग्रिला डेभलपमेन्ट बैंकले सांग्रिला क्रमिक मुद्दती योजना सार्वजनिक गरेको छ । बैंकले आफ्ना ग्राहकलाई लक्षित गरी ‘थोरै थोरै बचतको निरन्तरता, छाउनेछ जीवनमा सम्पन्नता’ भन्ने उद्देश्यका साथ उक्त योजना सार्वजनिक गरेको हो । यो योजना न्यूनतम मौज्दात ५०० रुपैयाँबाट शुरु गर्न सकिनेछ । यस मुद्दती योजना अन्तर्गत ग्राहकले केवल ३६ महिनाको क्रमिक मासिक बचतमा ४२ महिना बराबरको भुक्तानी प्राप्त गर्न सक्नेछन् । साथै, यस योजना अन्तर्गत ३ वर्षसम्म ब्याजदरमा कुनै परिर्वतन नहुने व्यहोरा जानकारी गराउँदछौ । यस योजना बाट ग्राहकहरुले अधिकतम लाभ लिन सक्ने बैंककाे विश्वास छ । हाल बैंकले ९१ शाखा कार्यालयहरु, २६ एटीएम तथा अन्य विभिन्न बैंकिङ प्रणाली मार्फत सेवा सुविधा दिँदै आएको छ ।

काेरोनाको आशंकामा रोनाल्डो सेल्फ क्वारेन्टाईनमा

काठमाडौं । कोरोना लागेको आशंकामा चर्चित फुटबल खेलाडी क्रिस्टियानो रोनाल्डो सेल्फ क्वारेन्टाईनमा बसेका छन् । जुभेन्टसका कल्बका सहकर्मी खेलाडी डानिली रुगानीलाई कोरोना पोजेटिभ देखिएपछि रोनाल्डो सेल्फ क्वारेन्टाईनमा बसेका हुन् । उनीहरुले आईताबार एक गेमपछि ड्रेसिङ रुम सेयर गरेका थिए ।