विकासन्युज

ग्राहकलाई प्रोत्साहन गर्न एनसेलले नेटवर्कको नाम स्टेहोम राख्दै

काठमाडौं । एनसेलले सामाजिक दुरी कायम राख्नका लागि नेटवर्कको नाम स्टेहोम राख्दै छ । कोरोना भाइरसको संक्रमण फैलिएसँगै एनसेलले आफ्नो नेटवर्कको नामको सट्टामा स्टेहोम अर्थात घरमै बस भन्ने सन्देश राखेको हो । उक्त सिग्नल स्मार्टफोनमा नेटवर्क सिग्नल देखिने ठाउँसँगै देखिन्छ । अहिले विश्वभर कोभिड १९को महामारी फैलिएसँगै यो संकटको अवस्थामा स्मार्टफोन प्रयोगकर्तालाई घरमै बस्न प्रोत्साहित गर्न कम्पनीले यस्तो सन्देश राख्ने निर्णय गरेको हो । स्मार्टफोन निमार्ताका आ–आफ्नै विषेशता हुने र सेटिङ्गसँग सम्बन्धित कारणले गर्दा सबै प्रकारका स्मार्टफोनमा यो सन्देश नदेखिन एनसिलले जानकारी दिएको छ ।

उद्योग परिसंघले गर्याे स्वास्थ्य मन्त्रीलाई पिपिइ हस्तारन्तरण

काठमाडौं । नेपाल उद्योग परिसंघले नोवल कोरोना भाइरस संक्रमण प्रकोप नियन्त्रण गर्ने स्वास्थ्य मन्त्रीलाई उपचारको क्रममा प्रयोग हुने सामान हस्तान्तरण गरेको छ । परिसंघ अध्यक्ष सतिशकुमार मोरले स्वास्थ्य मन्त्री भानुभक्त ढकाललाई नोवल कोरोना भाइरस संक्रमणको उपचारको क्रममा स्वास्थ्यकर्मीले प्रयोग गर्ने निजी सुरक्षा उपकरण (पिपिइ) सय थान तथा ७५ हजार थान मास्कहरु हस्तान्तरण गरेको हो । हाल विदेशबाट आयात गरिएका तथा नेपालमै निर्मित सामानहरु उपलब्ध गराईएको र निकट भविष्यमै विदेशबाट सामान आयात गरि थप आवश्यक सामग्रीहरु समेत उपलब्ध गराउने अध्यक्ष मोरले जानकारी गराए । उनले भने ‘ स्वास्थ्य संकटको यो घडीमा संक्रमणको रोकथाममा पहिलो पंतिमा रहने स्वास्थ्यकर्मीको सुरक्षा र हौसला बढाउन पहिलो प्रथामिकता हो ।’ उक्त पिपिइ हस्तान्तरणका अवसरमा परिसंघका वरिष्ठ उपाध्यक्ष विष्णुकुमार अग्रवाल, उपाध्यक्षहरु राजेश अग्रवाल, सुलभ अग्रवाल समेत सहभागिता रहेको थियो । स्वास्थ्यकर्मीले प्रयोग गर्ने निजी सुरक्षा उपकरणहरु मित्र राष्ट्रहरुमा संकलन गरि आयातको व्यवस्था मिलाई रहेको तथा मास्क नेपालमै उत्पादन भई रहेको परिसंघले जनाएको छ । त्यस्तै संकटको यस घडीमा सवैलाई संयमित हुन र सरकारले जारी गरेका सवै निर्देशनको पालना गर्न अनुरोध गरेकाे छ।

मेडिको नेपालले अब दिनेछ कोभिड १९ स्वास्थ्य सम्बन्धि सिधा हटलाइन

काठमाडौं । मेडिको नेपाल जसले जनताको स्वस्थ्य सम्वन्धी चासो जिज्ञासा लाई बुझि स्वास्थ्य सहजकता प्रस्तुत गरी जनतालाई सेवा प्रदान गर्दै आएको छ । अहिले चीनको हुवान शहरबाट डिसेम्बर २०१९ मा सुरु भई कोभिड १९ अहिले विश्वभरमा माहामारीको रुपमा फैलिरहेको छ । कोभिड १९ को माहामारीलाई मध्यनजर गरी मेडिको नेपालले नेपाली जनताहरुलाई वेवसाइट र एप्लिकेसनको माध्यमबाट सेवा प्रदान गर्न लागेको हो । मेडिको नेपाले आफ्नो वेवसाइट (www.mediconepal.com)र मोबाइल एप्लिकेसनमा जनताहरुको कोरोना भाइरससँग सम्बन्धी जिज्ञासा र त्यसको स्वास्थ्यकर्मीद्घारा सुझाव, मेडिको नेपालको वेवसाइट र एप्लिकेसनमा राखिएको हटलाइन नम्बरहरुबाट प्राप्त गर्न सकिने छ । आपतकालिन अवस्थामा घरमा बसिबसि स्वास्थ्यकर्मीहरुसँग सल्लाहा सुझाव लिन सकिने व्यवस्था मिलाइएको छ । मोबाइल एप्स डाउनलोड गर्न https://bit.ly/2OdL1CG गर्नु पर्नेछ । वेवसाइट र एप्लिकेसनमा कोरोना भाइरस सम्बन्धी जानकारी जस्तै लक्षण, गर्न हुने नहुने कामहरु, रोकथाम गर्ने तरिका, रोग फैलिन नदिने उपाय, खान हुने नहुने खानेकुराहरु जस्ता अन्य सूचनाहरु राखिएको छ । उक्त संक्रमण हुने, मृत्यु हुने संसारभरको अपडेट राखिएको तथा स्वास्थ्य परिक्षण, स्थिति मुल्याङ्कन आफै गर्न सकिनेछ । साथै कुन ठाउँमा अस्पतालको क्षमता कति छ भनेर पनि जानकारी प्राप्त गर्न सकिनेछ ।

एनआईसी एशिया बैंकका ग्राहकले मेरो किरानाबाट सामान खरिद गर्दा छुट

काठमाडौं । मेरो किराना अनलाईनले सामान खरिद गर्दा एनआईसी एशिया बैंकका ग्राहकलाई १० प्रतिशतसम्म छुट दिने भएकाे छ। सो छुट रकम फिर्ता हुने गरी बैंक र मेरो किरानाबीच साझेदारी भएको छ । राष्ट्रिय तथा अन्तर्राष्ट्रिय ब्राण्डका खाद्य सामग्री पाइने यस ई कमर्स साइटमा साझेदारी बमोजिम बैंकको डेबिट/क्रेडिट कार्ड तथा मोबाइल बैंकिङ्ग प्रयोगकर्ताहरुले उक्त सुविधा पाइनेछ । मेरो किरानाबाट अनलाईन सामान खरिद गरी रकम भुक्तानी गर्दा १० प्रतिशत वा प्रति कारोबार ५ सय रुपैयाँसम्म र बढीमा १ हजार रुपैयाँसम्म रकम फिर्ता पाउने व्यवस्था छ । यो योजना चैत मसान्तसम्म लागु हुने बैंकले जानकारी दिएको छ । विश्वव्यापी रुपमा फैलिएको कोरोना भाइरसको जोखिमबाट जोगिन सरकारले भिडभाड कम गर्न आह्वान गरिरहेको अवस्थामा डिजिटल बैंकिङ्ग प्रयोग गरी घरबाटै सामान खरिद गर्ने प्रोत्साहन गर्न यस्तो सुविधा ल्याइएको हो । बैंकको मुलुकभर ३ सय १९ शाखा कार्यालय, ४ सय ६१ एटिएम, १ सय ८ वटा एक्स्टेन्सन काउण्टर एवं ६१ वटा शाखारहित बैंकिङ्गमार्फत् बैंकिङ्ग सेवा प्रदान गर्दै आएको छ । हाल बैंकका २१ लाखभन्दा बढी ग्राहक तथा प्रमुख वित्तीय परिसूचकहरु अत्यन्त उत्साहप्रद रहेका छ । गत आर्थिक वर्षमा करिब ३ अर्ब १५ करोड रुपैयाँ भन्दा बढी राजश्व नेपाल सरकारलाई भुक्तानी गरिसकेको छ भने वित्तीय समावेशिकरणका लागि मुगु, कालिकोट, बझाङ, रुकुम, जुम्ला, सल्यान जस्ता ३४ भन्दा बढी स्थानीय निकायहरूमा शाखा विस्तार गरी सञ्चालन गर्दै आइरहेको छ ।

मनकारी मेयर, खाद्यान्न बोकेर मजदुरको घर पुगे

काठमाडौं । विश्वभर फैलिएको कोरोकोना भाइरसको कारणले देशभर लकडाउनको गरिएको छ । नेपालभरनै लकडाउनको कारणले घर भित्रै बसेकाहरुलाई मजदुर लगायतकाहरुलाई खाद्यान्न समस्य परिरहेको छ । मजदुरलाइ खाद्यान्न समस्य भए पछि हेटौंडा उपमहानगरपालिका मेयर हरिबहादुर महत शनिबार खाद्यान्न बोकेर मजदुरको घरमा पुगेका छन । मेयरले उपमहानगरपालिका भित्र रहेका दैनिक ज्यालादारी गर्ने मजदुरलाई लकडाउनका कारण खाद्यान्न समस्य परेको थाहा पाएपछि आज खाद्यान्न बोकेर मजदुरको घरमा पुगेका हुन । हेटौंडा उपमहानगरपालिकाले कोरोना भाइरसको त्रासका कारण सरकारले लकडाउन गरेपछी निर्माण क्षेत्रमा काम गर्नका लागि समस्या भोग्दै आएका मजदुरका लागि खाद्यान्न वितरण गर्न सुरु गरेको हो । ‘लकडाउनका कारण दैनिक ज्यालादारी र निर्माण क्षेत्रमा काम गर्नका लागि समस्या भोग्दै आएका मजदुरका लागि आजबाट चामल, दाल र नुन वितरण गर्न सुरु गरिएको छ,’ महतले भने । महतले भने जसको घर र जमिन छैन, कोठा भाडामा परिवार सहित बस्नुपर्ने बाध्यता भोग्दै आएका छन् र खाद्यान्नका सामान सकिसकेका परिवारलाई वितरण गरेका हो । नगर भित्रका ज्यालादारी गर्ने मजदुरको एकिन तथ्याङक पनि हेटौंडाका १९ वटै वडाका वडा अध्यक्ष र वडा सदस्यहरु मार्फत संकलन गर्ने र बास्तविक मजदुर परिवार जसलाई खानको समस्या परिसकेको छ उनीहरुका लागि मात्र वितरण सुरु गरिएको हो ।

सनराइज बैंकले सातै प्रदेशमा पिपिइ वितरण गर्दै

काठमाडौं । सनराइज बैंकले वीर अस्पताल र शुक्रराज ट्रपिकल तथा सरुवा रोग अस्पतालका डाक्टर तथा नर्सका लागि आवश्यक व्यक्तिगत सुरक्षात्मक उपकरण (पिपिइ) २५–२५ थान दिएको छ । कोरोना भाइरसको उपचारमा खटिने चिकित्सक र नर्सका लागि पिपिइ दिएको हो । शनिबार बैंकका प्रमुख कार्यकारी अधिकृत जनक शर्मा पौड्यालले वीर अस्पतालका निर्देशक डा. केदार शेन्चुरीलाई २५ थान पिपिइसाथै शुक्रराज ट्रपिकल तथा सरुवा रोग अस्पतालमा डा. सुशिल शर्मालाई २५ थान पिपिइ हस्तान्तरण गरेका हुन् । कार्यक्रममा प्रमुख कार्यकारी अधिकृत पौड्यालले मुलुकमा आइपरेको कठिन परिस्थितीमा समेत चिकित्सक र नर्सले निभाएको भूमिका सराहनीय रहेको बताउँदै प्रहरी तथा अस्पतालमा खटिने स्वास्थ्यकर्मीका लागि सहयोग गरेको जानकारी दिएका छन् । कार्यक्रमा बैंकले दिएको सहयोगले अस्पतालका स्वास्थ्यकर्मीलाई सुरक्षामा सहयोग पुग्ने बताए । सो अवसरमा बैंकका प्रमुख कार्यकारी अधिकृत जनक शर्मा पौड्यालले यस्तो अवस्थामा सनराइज बैंकले सम्पुर्ण देश बासीलाई थोरै थोरै भए पनि मलम लगाउने उदेश्यले सातैं वटा प्रदेशमा व्यक्तिगत सुरक्षात्मक उपकरण (पिपिइ) उपकरण वितरण गर्ने जानकारी दिए ।

काे हुन् बाग्लुङमा भेटिएकी कोरोना संक्रमित ?

काठमाडौं । दैनिक नेपालमा पनि कोरोना भाइरस (कोभिड १९) संक्रमितको संख्या बढ्न थालेसँगै आम नागरिकहरुमा पनि त्रास बढ्दै गइरहेको छ । आज बाग्लुङमा पनि थप एक जनामा कोरोना पोजेटिभ देखिएसँगै अहिले बाग्लुङका नागरिक झन त्रसित बनेका हुन् । उनी १९ वर्षकी नेपाली युवती हुन् । उनी बेल्जियमबाट कतारहुँदै नेपाल आएकी स्वास्थ्य मन्त्रालयका प्रवक्ता डा. विकास देवकोटाले जानकारी दिए । उनी चैत ४ गते नै कतार एयरवेजको ‘क्यूआर ६५२’ विमानबाट नेपाल आएकी थिइन् । सोही विमानमा आएकी १९ वर्षीया युवतीमा कोरोना भाइरसको संक्रमण भएको १० चैतमा पुष्टि भएको थियो । नेपालमा कोरोना भाइरस संक्रमण भएको दोस्रो र पाँचौ व्यक्ति एकै विमानमा आएको पाइएको छ । उनीहरु दुबै जना चैत ४ गते फ्रान्सबाट कतार हुँदै नेपाल आएको कतार एयरवेजको विमान चढेर आएका हुन् । यससँगै नेपालमा कारोनाको संक्रमित संख्या ५ पुगेको छ । जसमध्ये एक जनालाई निको भइसकेको छ ।

नेपालमा पाँचाै कोरोना संक्रमित फेला

काठमाडौं। नेपालमा पाँचौ कोरोना (कोभिड-१९) संक्रमित फेला परेकी छन् । बाग्लुङकी १९ वर्षकी युवतीमा पाँचौ संक्रमण भेटिएको हो। बेल्जियमहुँदै  कतारबाट आएकी उनलाई संक्रमण देखिएको स्वास्थ्य मन्त्रालयका प्रवक्ता डा. विकाश देवकोटाले जानकारी दिए । उनी चैत ४ गते नै कतार एयरवेजको ‘क्यूआर ६५२’ विमानबाट नेपाल आएकी थिइन् । सोही विमानमा आएकी १९ वर्षीया युवतीमा कोरोना भाइरसको संक्रमण भएको १० चैतमा पुष्टि भएको थियो । नेपालमा हालसम्म कोरोना भाइरसको आशंकामा ८ सय ७५ जनाको नमूना परीक्षण भएको छ।