लघु बीमकको रिपोर्ट : नाफामा ट्रष्ट अगाडि, लगानीमा क्रेष्ट आक्रामक
काठमाडौं ।गत आर्थिक वर्ष २०८०/०८१ लघु बीमा कम्पनीहरूले ३ कराेड बढी खुद नाफा आर्जन गरेका छन् । हाल नेपालमा सञ्चालनमा रहेका ७ लघु बीमा कम्पनीहरुले गत आवमा ३ करोड १० लाख रुपैयाँ खुद नाफा आर्जन गरेका हुन् । जसमध्ये सबैभन्दा धेरै ट्रष्ट माइक्रो इन्स्योरेन्सले खुद नाफा आर्जन गरेको छ । ट्रष्टले १ करोड ९ लाख ५१ हजार रुपैयाँ खुद नाफा आर्जन गर्दा लिबर्टी माइक्रो लाइफले ७६ लाख रुपैयाँ खुद नाफा आर्जन गरेको छ । क्रेष्ट माइक्रो लाइफले ४० लाख र नेपाल माइक्रोले २९ लाख ५८ हजार रुपैयाँ खुद नाफा आर्जन गरेका छन् । यो अवधिमा लघु बीमा कम्पनीहरुको बीमा कोषमा २० करोड ७६ लाख ५८ हजार रुपैयाँ रहेको छ । बीमा कोषमा सबैभन्दा धेरै नेपाल माइक्रोको रहेको छ । नेपाल माइक्रोको बीमा कोषमा ५ करोड ८५ लाख रुपैयाँ छ भने क्रेष्ट माइक्रो लाइफको ४ करोड ७१ लाख रुपैयाँ जीवन बीमा कोषमा रहेको तथ्यांकले देखाउँछ । यस्तै, प्रोटेक्टिभ माइक्रोको ३ करोड १६ लाख र ट्रष्ट माइक्रोको २ करोड ४४ लाख रुपैयाँ बीमा कोषमा रहेको छ । बीमाशुल्क संकलनमा भने सबैभन्दा अगाडि नेपाल माइक्रो इन्स्योरेन्स रहेको छ । नेपाल माइक्रोले १० करोड ३१ लाख रुपैयाँ कुल बीमाशुल्क संकलन गर्दा क्रेष्ट माइक्रो लाइफले ९ करोड ७६ लाख रुपैयाँ बीमाशुल्क संकलन गरेको छ । प्रोटेक्टिभ माइक्रोले ९ करोड ४२ हजार र स्टार माइक्रोले ६ करोड ८७ लाख रुपैयाँ बीमाशुल्क संकलन गरेकाे छ । कम्पनीहरुले गर्ने लगानीमा भने क्रेष्ट माइक्रो अगाडि रहेको छ । लगानीमा आक्रामक बनेको क्रेष्टले ५४ करोड ३० लाख रुपैयाँ विभिन्न क्षेत्रमा लगानी गरेको छ । यस्तै, स्टार माइक्रोले ५३ करोड ५५ लाख, गार्डियन माइक्रोले ५२ करोड ७ लाख र लिबर्टीले ५१ करोड ७२ लाख रुपैयाँ विभिन्न क्षेत्रमा लगानी गरेका छन् । कम्पनीहरुले अघिकांश लगानी भने बैंक तथा वित्तीय संस्थाको मुद्दती निक्षेपमा गरेका छन् ।
नेशनल लाईफले गर्यो भवनको वास्तु पूजा
काठमाडौं । नेशनल लाईफ इन्स्योरेन्स कम्पनीले नेपालगंज सुर्खेत रोडमा निर्माण सम्पन्न गरेको व्यापारिक भवनको कम्पनीका अध्यक्ष प्रेमा राज्य लक्ष्मी सिंहबाट वास्तु पुजा सम्पन्न भएको छ । वास्तु पुजामा कम्पनीका संचालक समितिका सदस्य, प्रमुख कार्यकारी अधिकृत लगायत उच्च पदस्थ कर्मचारीहरु सहित वरिष्ठ अभिकर्ताहरुको सहभागिता रहेको थियो । सो समारोहमा अध्यक्षले कम्पनीको यो भवन लुम्विनी प्रदेशकै व्यापारिक हव बन्न सहयोग पुग्ने प्रक्षेपण गरिएको र यस भवनमा कम्पनीको कार्यालयको अतिरिक्त अन्य व्यापारिक कार्यालयहरु समेत सञ्चालन गरिने योजना रहेको बताए । पुजामा सहभागि वरिष्ठ अभिकर्ताहरुले आफ्नो क्षेत्रमा कम्पनीको अत्याधुनिक भवन निर्माण सम्पन्न भएकोमा खुशी व्यक्त गर्दै भवन निर्माणबाट यस क्षेत्रको बीमा व्यवसाय प्रवद्र्धन हुनेमा आफुहरु विश्वस्त रहेको बताएका थिए । ७२ अर्ब भन्दा बढि जीवन बीमाकोष रहेको देशकै ठूलो बीमा कम्पनी मध्येको एक नेशनल लाईफ इन्स्योरेन्सले नियामक निकाय नेपाल बीमा प्राधिकरणको स्वीकृतीमा भवन निर्माण गरेको हो ।
ब्याज घट्दा लघुवित्तहरूको नाफामा अस्वाभाविक वृद्धि, अझै ३ लघुवित्त नोक्सानी बेहोर्दै
काठमाडौं । गत आर्थिक वर्ष २०८०/८१ मा लघुवित्त वित्तीय संस्थाहरूले साढे ७ अर्ब रुपैयाँ मात्रै नाफा गरेका छन् । सार्वजनिक तथ्यांक अनुसार गत असारसम्म ५१ वटा लघुवित्त संस्थाहरूले ७ अर्ब ५९ करोड ७२ लाख रुपैयाँ खुद नाफा आर्जन गरेका हुन् । अघिल्लो वर्षको तुलनामा गत वर्ष ८४.१८ प्रतिशत अर्थात् ३ अर्ब ४७ करोड २४ लाख रुपैयाँ बढी नाफा गरेका हुन् । अघिल्लो वर्षको सोही अवधिमा लघुवित्त संस्थाहरूले ४ अर्ब १२ करोड ४७ लाख रुपैयाँ खुद नाफा गरेका थिए । गत वर्ष सबैभन्दा धेरै नाफा छिमेक लघुवित्तले गरेको छ । यस लघुवित्तको नाफा अघिल्लो वर्षको तुलनामा घटेको भएपनि गत वर्ष १ अर्ब ९ लाख रुपैयाँ आर्जन गरेको हाे । अघिल्लो वर्ष यस लघुवित्तले १ अर्ब ६ करोड १९ लाख रुपैयाँ नाफा गरेको थियो । गत वर्ष केही लघुवित्तको नाफा अस्वभाविक वृद्धि भएको देखिन्छ । गत वर्ष आशा लघुवित्तको नाफा ४० हजार ५ सय प्रतिशत वृद्धि भएर ६ करोड ८९ हजार रुपैयाँ आर्जन गरेको छ । जबकी अघिल्लो वर्ष यस लघुवित्तले १ लाख ४८ हजार रुपैयाँ मात्रै नाफा गरेको तथ्यांक छ । लघुवित्त संस्थाको मौज्दात, आम्दानी र तरलतामा परिवर्तनहरू भएको आशा लघुवित्तको व्यवस्थापकीय विश्लेषणमा उल्लेख छ । समिक्षा अवधिमा बाह्य क्षेत्रबाट लघुवित्त संस्थाप्रतिको विरोध जस्ता कारणले असुली प्रक्रियामा समस्या उत्पन्न भई कर्जा नोक्सानी व्यवस्थामा वृद्धि भएको जनाएको छ । अन्य बैंक वित्तीय संस्थाबाट लिइने बाह्य कर्जाको ब्याजदर घट्ने क्रम जारी भएकोले खर्च कटौती, तरलतामा टेवा पुगेको लघुवित्तको भनाइ छ । गुराँस लघुवित्तको १ हजार ७५५.७२ प्रतिशत बढेर २ करोड ५९ लाख रुपैयाँ, सम्पदा लघुवित्तको १ हजार ४४९.११ प्रतिशत बढेर ८ करोड ६० लाख रुपैयाँ, नेरुडे मिर्मिरे लघुवित्तको ६७२ प्रतिशत बढेर ४४ करोड ७० लाख रुपैयाँ, इन्फिनीटी लघुवित्तको ६०१.९३ प्रतिशत बढेर ६ करोड ५२ लाख रुपैयाँ, मातृभूमि लघुवित्तको ५८७.६२ प्रतिशत बढेर ७ करोड ९८ लाख रुपैयाँ खुद नाफा आर्जन गरेका छन् । महिला लघुवित्तको ५३१ प्रतिशत बढेर ९ करोड ४ लाख रुपैयाँ, मेरो माइक्रोफाइनान्स लघुवित्तको ३६२.५९ प्रतिशत बढेर २१ करोड ९५ लाख रुपैयाँ, डिप्रोक्स लघुवित्तको ३३१.९० प्रतिशत बढेर ५८ करोड १६ लाख रुपैयाँ, फरवार्ड लघुवित्तको ३०८.७२ प्रतिशत बढेर ३२ करोड १३ लाख रुपैयाँ, निर्धन उत्थान लघुवित्तको १९७.९९ प्रतिशत ५० करोड ६४ लाख रुपैयाँ, सूर्योदय वोमी लघुवित्तको १७०.६६ प्रतिशत बढेर ९ करोड ८६ लाख रुपैयाँ नाफा गरेका हुन् । स्वाभिमान लघुवित्तको १४८.४१ प्रतिशत घटेर २ करोड २७ लाख रुपैयाँ, कालिका लघुवित्तको १३४ प्रतिशत बढेर ६ करोड ३१ लाख रुपैयाँ, स्वाबलम्बन लघुवित्तको १ सय प्रतिशत बढेर ५३ करोड ८२ लाख रुपैयाँ, सपोर्ट लघुवित्तको ७५ प्रतिशत बढेर २ करोड ३८ लाख रुपैयाँ, स्वरोजगार लघुवित्तको ७३.७४ प्रतिशत बढेर १३ करोड २५ लाख रुपैयाँ, मिथिला लघुवित्तको ६०.८४ प्रतिशत बढेर ४ करोड ७५ लाख रुपैयाँ नाफा गरेका हुन् । नेशनल माइकोफाइनान्स लघुवित्तको ५७.८८ प्रतिशत बढेर ३४ करोड ९ लाख रुपैयाँ, महुली लघुवित्तको ५६.४६ प्रतिशत बढेर ६ करोड ९१ लाख रुपैयाँ, स्वस्तिक लघुवित्तको ४७ प्रतिशत बढेर ५१ लाख ४० हजार रुपैयाँ, ग्लोबल आइएमई लघुवित्तको ४६.७९ प्रतिशत बढेर १४ करोड १६ लाख रुपैयाँ, जीवन विकास लघुवित्तको ४३.६६ प्रतिशत बढेर ५८ करोड २२ लाख रुपैयाँ, आरएसडीसी लघुवित्तको ३६.४६ प्रतिशत बढेर १४ करोड ६६ लाख रुपैयाँ, युनिक नेपाल लघुवित्तको २२.८८ प्रतिशत बढेर ४ करोड ७९ लाख रुपैयाँ र साना किसान लघुवित्तको २२.७८ प्रतिशत बढेर ९४ करोड ९६ लाख रुपैयाँ खुद नाफा आर्जन गरेका हुन् । सामुदायिक लघुवित्त, एनएमबि लघुवित्त र धौलागिरी लघुवित्त नोक्सानीमा छन् । सामुदायिक लघुवित्तको २ करोड ६८ लाख रुपैयाँ, एनएमबि लघुवित्तको ५ करोड ३३ लाख रुपैयाँ र धौलागिरी लघुवित्तको २ करोड ८४ लाख रुपैयाँ नोक्सानी बेहोरेका छन् । यी लघुवित्त अघिल्लो वर्ष पनि नोक्सानीमा थिए । गत वर्ष खराब कर्जा असुलि नहुँदा आम्दानीमा प्रभाव पारेकाले नाफा ऋणातमक हुन पुगेको लघुवित्तकर्मीहरू बताउँछन् । अघिल्लो वर्ष नोक्सानी बेहोरेका विभिन्न १० वटा लघुवित्तको नाफा धनात्मक भएको छ । जसमध्ये मानुषी लघुवित्तको १ करोड ९१ लाख रुपैयाँ, नाडेप लघुवित्तको १३ करोड १ लाख रुपैयाँ, ग्रामीण विकास लघुवित्तको १४ करोड ७३ लाख रुपैयाँ, गणपति लघुवित्तको २ करोड ९९ लाख रुपैयाँ, उन्नति सहकार्य लघुवित्तको १ करोड ४५ लाख रुपैयाँ, आरम्भ चौतारी लघुवित्तको ४ करोड ३५ लाख रुपैयाँ खुद नाफा धनात्मक छ । यस्तै श्रृजनशील लघुवित्तले ३ करोड ४९ लाख रुपैयाँ, लक्ष्मी लघुवित्तले ५ करोड ३४ लाख रुपैयाँ, विन नेपाल लघुवित्तले १ करोड १३ लाख रुपैयाँ र जनउत्थान सामुदायिक लघुवित्तले १ करोड २१ लाख रुपैयाँ नाफा धनात्मक छ ।
साफ यू-२० च्याम्पियनसिप फुटबलको प्रत्यक्ष प्रसारण एक्सन स्पोर्टस् एचडीमा हुने
काठमाडौं । भदौ २ गते देखि सुरु हुने साफ यू–२० च्याम्पियनसिप फुटबल प्रतियोगिताको प्रत्यक्ष प्रसारण डिश मिडिया नेटवर्कको एक्सन स्पोर्टस् एचडीले गर्ने भएको छ । हालै एएफसी च्यालेन्ज लिग छनोटको चर्च ब्वाइज युनाइटेड र पारो एफसीबीच खेलको प्रत्यक्ष प्रसारण गरेको एक्सन स्पोर्टस् एचडी च्यानलले साफ यू–२० च्याम्पियनसिपका खेलहरु पनि प्रत्यक्ष प्रसारण गर्ने भएको हो । आइतबारदेखि घरेलु मैदानमा हुने दक्षिण एसियाली क्षेत्रका २० वर्षमुनिका युवाहरुको फुटबल प्रतियोगिता (साफ यू–२० च्याम्पियनसिप) मा नेपाली टोलीको चाहना उपाधि जित्ने हुनेछ । उमेर समूहको प्रतिस्पर्धा भए पनि नेपाली टोलीमा राष्ट्रिय टिमबाट र घरेलु लिगहरुमा खेलेको अनुभवी खेलाडी रहनु बलियो पक्ष रहेको मुख्य प्रशिक्षक उर्जन श्रेष्ठ बताउँछन् । कप्तान कुशल देउवासँगै गोलकिपर जियारथ शेख, डिफेण्डर सिमान्त थापा, अश्विन घोरासैनी, विक्रम तामाङ, आयुष तिम्सिना, मिडफिल्डर निनसाङ लिम्बु, अविनाश स्याङ्तान, लक्षु थापा, फरवार्ड हरिशराज भट्ट, अनिल बम्जन, समिर तामाङ र निराजन धामीले गत वर्ष साफ यु–१९ च्यामपियन समेत खेलेका थिए । कुशल, निराजन, अश्विन, हरिशले गत वर्ष नेपाल सुपर लिग पनि खेलेका थिए । फरवार्ड समिर तामाङले गत चैतमा विश्वकप छनोट अन्तर्गत बहराइनविरुद्धको खेलमा नेपालको सिनियर टोलीबाट डेब्यु गरेका थिए । समिरको सिनियर टिमको अनुभव काम लाग्ने कुशलले बताए । ‘त्यो हाम्रो लागि एडभान्टेज हुन्छ । एक्सपोजर पाएका खेलाडीहरु छन् र टिम कम्पोज्ड बनेको छ’, कुशलले भने । दक्षिण एसियाका पाकिस्तानबाहेक ६ टोलीले च्याम्पियनसिपमा प्रतिस्पर्धा गर्नेछन् । नेपाल, श्रीलंका र बंगलादेश समूह ए मा छन् भने साविक विजेता भारत, भुटान र माल्दिभ्स समूह बी मा छन् । नेपालले १८ अगष्टमा श्रीलंकासँग खेल्दै प्रतियोगिताको सुरुवात गर्नेछ । नेपालले समूहको दोस्रो खेल २२ अगष्टमा बंगलादेशसँग खेल्नेछ । प्रतियोगिताका खेलहरु संयुक्त रुपमा दशरथ रंगशाला र सातदोबाटोको एन्फा टेक्निकल सेन्टर मैदानमा हुने कम्पनीले बताएको छ । । नेपाली टोली जियारथ शेख, कृशल मोक्तान, विशाल केसी, सिमान्त थापा, अश्विन घोरासैनी, बिक्रम तामाङ, आयुष तिम्सिना, मदन पौडेल, राम थापा, समिन घिमिरे, सरोज दर्लामी, निनसाङ लिम्बु, कुशल देउवा, अविनाश स्याङ्तान, जन प्रकाश बम, लक्षु थापा, निरज कार्की, हरिश राज भट्ट, धर्मेन्द्र कुँवर, अनिल बम्जन, समिर तामाङ, निराजन धामी, रोहन खड्गी ।
सामाजिक सञ्जालबाट सेयर किनबेच गर्न उत्साहित गराउनेलाई धितोपत्र बोर्डले कारबाही गर्ने
काठमाडौं । सामाजिक सञ्जालमार्फत नेप्से परिसूचक तथा सूचीकृत संगठित संस्थाको सेयरको मूल्य बढ्ने वा घट्ने भन्दै निश्चित सेयरहरू खरिद वा बिक्री गर्न तथा खरिद वा बिक्री नगर्न उत्साहित गराउनेलाई कारबाही गर्ने नेपाल धितोपत्र बोर्डले जनाएको छ । बोर्डले एक सूचना प्रकाशित गर्दै यस्तो बताएको हो । सञ्चारमाध्यम, फेसबुक, युट्युब, क्लबहाउसजस्ता सञ्जालमार्फत अनाधिकृत तवरले अन्तर्वार्ता तथा अभिव्यक्ति दिई बजारलाई प्रभावित पार्न खोजिएको सम्बन्धमा उजुरीहरू प्राप्त भएको बोर्डले जनाएको छ । सूचनामा भनिएको छ, ‘धितोपत्रसम्बन्धी ऐन, २०६३ ले कसैलाई धितोपत्र कारोबारमा प्रत्यक्ष वा अप्रत्यक्ष प्रभाव पार्न आफैले वा अरुसँग मिली धितोपत्र किन्न वा बेच्न उत्साहित गराउन बर्जित गरेको छ, सो गरेमा धितोपत्र कारोबार सम्बन्धी कसुर गरेको मानिने व्यहोरा जानकारी गराउँछौं ।’ निश्चित सेयर खरिद तथा बिक्री गर्न वा नगर्न अभिप्रेरित गर्ने वा बजारको स्वतन्त्र रुपमा सञ्चालन हुने व्यवस्थालाई प्रभाव पार्ने उद्देश्यले त्यस्तो कार्य नगर्न, नगराउन र त्यस्ता कार्य रोक्न बोर्डले जनाएको छ । यस्ता किसिमका काम कारबाहीका सम्बन्धमा बोर्डले सुक्ष्म निगरानी गरिरहेको समेत जनाएको छ । साथै कसैको उक्साहटमा नलागी सुझबुझपूर्ण तवरमा लगानी गर्न बोर्डले अनुरोध गरेको छ ।
निओ मनि ट्रान्सफर र बेलायतको मनिटुबीच रेमिट्यान्स भुक्तानी सम्झौता
काठमाडौं । निओ मनि ट्रान्सफर र बेलायतको मनिटु लिमिटेडबीच रेमिट्यान्स् भुक्तानीका लागि सहकार्य भएको छ । सहकार्यसँगै अबदेखि बेलायतमा बसिरहनुभएका नेपालीहरुले सुरक्षित र सहज रुपमा पैसा पठाउन सक्ने कम्पनीले जनाएको छ । निओ मनि ट्रान्सफर पछिल्लो समय नेपालमा स्थापित एउटा छिटो, भरपर्दो र सुरक्षित मनि ट्रान्सफर कम्पनी हो ।वैदेशिक रोजगारी साथसाथै उच्च शिक्षाको खोजीमा रहेका नेपालीहरुको रोजाइको गन्तव्यमा अहिले बेलायत निकै आकर्षक गन्तव्य हो । हाल बेलायतमा १,५०,००० भन्दा बढी नेपालीहरु आफ्ना परिवारका लागि काम गर्न साथ साथै उच्च शिक्षा हासिल गर्ने क्रममा बसोबास गरिरहेका छन् । बेलायतमा रहेका नेपालीहरुले अब मनिटुको वेबसाइट पोर्टल र मोबाइल एप्लिकेसनबाट छिटो र प्रभावकारी रुपमा नेपालमा पैसा पठाउन सक्नेछन् । बैंक तथा वालेट भुक्तानी कारोवारहरु निओ मनि ट्रान्सफरको आधुनिक प्रविधिबाट तुरुन्तै सेवाग्राहिहरुको खातामा भुक्तानी हुनेछ । साथै नगदमा पठाइएको कारोवार पनि निओ मनि ट्रान्सफरका नेपालभर रहेका १५,००० भन्दा धेरै शाखाहरुबाट सजिलै प्राप्त गर्न सकिनेछ । नयाँ सहकार्यबारे निओ मनि ट्रान्सफरका प्रमुख कार्यकारी अधिकृतसागर खनालले भने ‘हामी अब मनिटुसँग नयाँ साझेदारीको घोषणा गर्न पाउँदा निकै उत्साहित छौँ, मलाई आशा छ सबैभन्दा कम शुल्क र प्रतिस्पर्धी दरहरूमा कष्ट अफ मुभिङ्ग फण्ड घटाउने हाम्रो दृष्टिकोणलाई यस सहकार्यले समर्थन गर्दै आफ्ना प्रियजनहरूलाई सहयोग गर्न विदेशिएका नेपाली प्रवासीहरुको भावनालाई कदर गर्न महत्वपूर्ण भूमिका निर्वाह गर्दछ ।’
एकै पटक ५९ जना सह सचिवको सरुवा, को कहाँ पुगे ?
काठमाडौं । बिहीबार बसेको मन्त्रिपरिषद बैठकले एकै पटक ५९ जना सहसचिवलाई सरुवा गरेको छ । जसमध्ये राष्ट्रिय योजना आयोगका सहसचिव यमलाल भुसाल प्रधानमन्त्री कार्यालयमा सरुवा भएका छन् भने उद्योग, वाणिज्य तथा आपूर्ति मन्त्रालयका सहसचिव चण्डीप्रसाद घिमिरे प्रधानमन्त्री तथा मन्त्रिपरिषद्को कार्यालयमा सरुवा भएका छन् । स्वास्थ्य तथा जनसङ्खंख्या मन्त्रालयका सहसचिव विनोदबहादुर कुँवरलाई प्रधानमन्त्री कार्यालयमा सरुवा गरिएको छ । संघीय मामिला तथा सामान्य प्रशासन मन्त्रालयकी सहसचिव कृष्णकुमारी श्रेष्ठ र संघीय मामिला तथा सामान्य प्रशासन मन्त्रालयका सहसचिव सुमन दाहाल प्रधानमन्त्री कार्यालयमा सरुवा हुँदा बाग्मतीको संस्कृति, पर्यटन तथा सहकारी मन्त्रालयका हरिशरण पुडासैनी अर्थ मन्त्रालयमा आएका छन् । संघीय मामिला तथा सामान्य प्रशासन मन्त्रालयको अतिरिक्तमा रहेका दीपक लामिछाने र राष्ट्रिय योजना आयोगका महेश भट्टराईलाई पनि अर्थमा पठाइएको छ । मुख्यमन्त्री तथा मन्त्रिपरिषद्को कार्यालय गण्डकीबाट यमुना प्रधान, कोशीको आर्थिक मामिला तथा योजना मन्त्रालयबाट श्यामप्रसाद भण्डारी र लोकसेवा आयोगबाट गोपीकृष्ण कोइराला अर्थ मन्त्रालयमै सरुवा भएको छ । श्रम, रोजगार तथा सामाजिक सुरक्षा मन्त्रालयबाट मदन दाहाल र संघीय मामिला तथा सामान्य प्रशासन मन्त्रालयको अतिरिक्त समूहकी कविता रेग्मी पनि अर्थ मन्त्रालयमा पुगेकी छिन् । महावाणिज्य दूत बनाउने तयारीसहित ४ सहसचिव परराष्ट्र मन्त्रालयमा पुगेका छन् । उद्योग, वाणिज्य तथा आपूर्ति मन्त्रालयका सहसचिव लक्ष्मीप्रसाद निरौला, गृह मन्त्रालयका सहसचिवद्वय झक्कप्रसाद आचार्य र भरत खनाल परराष्ट्रमा पुगेका छन् । संघीय मामिला तथा सामान्य प्रशासन मन्त्रालयको अतिरिक्तमा रहेका विन्देश्वरप्रसाद लेखक पनि परराष्ट्रमा सरुवा भएका छन् । सरकारले आन्तरिक राजस्व विभागका महानिर्देशक शिवलाल तिवारीलाई कर्णालीको प्रदेश प्रमुखको कार्यालयमा पठाएको छ। भन्सार विभागका महानिर्देशक ढुण्डीप्रसाद निरौला स्वास्थ्य तथा जनसंख्या मन्त्रालयमा पुगेका छन् । अर्थ मन्त्रालयका बजेट तथा कार्यक्रम महाशाखा प्रमुख नरेन्द्रकुमार रानालाई लोकसेवा आयोगमा सरुवा गरिएको छ । भन्सार विभागका उपमहानिर्देशक रहेका रामकुमार महतो पनि लोक सेवा आयोगमा पुगेका छन् । सहसचिव नारायणप्रसाद सापकोटालाई महालेखा नियन्त्रकको कार्यालयबाट निर्वाचन आयोगमा पठाइएको छ । टोकराज पाण्डेलाई अर्थ मन्त्रालयबाट गृह मन्त्रालयमा सरुवा गरिएको छ । भ्रष्टाचार मुद्दामा मुछिएका अर्थ मन्त्रालयका रितेशकुमार शाक्यलाई सामान्य प्रशासन मनत्रालयको अतिरिक्त समूहमा राखिएको छ । अर्थकै सहसचिव टंकप्रसाद पाण्डे संघीय मामिला मन्त्रालयको अतिरिक्त समूहमा थन्क्याएका छन् । सहसचिव शिवराम पोखरेल सुदूरपश्चिमको मुख्यमन्त्री तथा मन्त्रिपरिषद्को कार्यालयबाट उद्योग, वाणिज्य तथा आपूर्ति मन्त्रालयमा आएका छन् । रघुराम विष्ट निर्वाचन आयोगबाट गण्डकीको मुख्यमन्त्री तथा मन्त्रिपरिषद्को कार्यालयमा पुगेका छन्। ज्ञानहरि घिमिरे हुलाक सेवा विभागका महानिर्देकबाट बालबालिका तथा ज्येष्ठ नागरिक मन्त्रालयमा पुगेका छन् । भौतिक पूर्वाधार तथा यातायात मन्त्रालयका बाबुराम गौतम गण्डकीको मुख्यमन्त्री तथा मन्त्रिपरिषद्को कार्यालयमा पुगेका छन् । सहसचिव कृष्णप्रसाद लम्साल राष्ट्रपति कार्यालयबाट गृह मन्त्रालयमा सरुवा भएका छन् । लामो समदेखि प्रधानमन्त्री तथा मन्त्रिपरिषद्को कार्यालय बसेका खोमराज कोइरालालाई राष्ट्रिय योजना आयोगमा पठाइएको छ । बाग्मतीको मुख्यमन्त्री तथा मन्त्रिपरिषद्को कार्यालयकी हुमकला पाण्डे उद्योग, वाणिज्य तथा आपूर्ति मन्त्रालयमा सरुवा भएर आएकी छिन् । कोशीको सामाजिक विकास मन्त्रालयका लक्ष्मीप्रसाद भट्टराईलाई शिक्षा, विज्ञान तथा प्रविधि मन्त्रालय र अन्तरगतमा ल्याइएको छ । बाग्मतीको प्रदेश लोक सेवा आयोगकी नीता पोखरेल अर्याल निर्वाचन आयोगमा आएकी छिन् । सहसचिव डा।नारायणप्रसाद रेग्मी संघीय मामिला तथा सामान्य प्रशासन मन्त्रालबाट संस्कृति, पर्यटन तथा नागरिक उड्डयन मन्त्रालमा सरुवा भएका छन् । सहसचिव रामकृष्ण लामिछाने ताहाचलस्थित वैदेशिक रोजगार कार्यालयबाट संस्कृति, पर्यटन तथा नागरिक उड्डयन मन्त्रालयमा पुगेका छन् । सहसचिव हेमराज तामाङ संस्कृति पर्यटन तथा नागरिक उड्डयन मन्त्रालयबाट सरुवा भएर कोशीको मुख्यमन्त्री तथा मन्त्रिपरिषद्को कार्यालयमा पुगेका छन् । रुद्रप्रसाद पण्डित पर्यटन विभागका महानिर्देशकबाट राष्ट्रिय योजना आयोगमा सरुवा भएका छन् । सहसचिव चक्रबहादुर बुढा राजस्व अनुसन्धान विभागका महानिर्देशकबाट संघीय मामिला मन्त्रालयको अतिरिक्तमा ल्याएर थन्क्याइएका छन् । यसअघिका प्रधानमन्त्री पुष्पकमल दाहाल प्रचण्डको निजी सचिव रहेका प्रधानमन्त्री तथा मन्त्रिपरिषद्को कार्यालयका सहसचिव अर्जुन भण्डारीलाई राष्ट्रय योजना आयोगमा पठाइएको छ । पुष्पराज शाही प्रधानमन्त्री तथा मन्त्रिपरिषद्को कार्यालयबाट कर्णालीको मुख्यमन्त्री तथा मन्त्रिपरिषद्को कार्यालयमा सरुवा भएका छन् । महावाणिज्यदूत बनाउने तयारीसहित परराष्ट्रमा पुगेका नवराज ढुंगानालाई सुदूरपश्चिमको प्रदेश प्रमुखको कार्यालयमा पठाइएको छ । उनीसँगै परराष्ट्र गएका नारायणप्रसाद भट्ट राष्ट्रिय सतर्कता केन्द्रमा सरुवा भएका छन् । सहसचिव लीलाप्रसाद शर्मा रक्षा मन्त्रालयबाट गृह मन्त्रालयमा पुगेका छन् । सहसचिव पुष्कर न्यौपानेले महिला, बालबालिका तथा ज्येष्ठ नागरिक मन्त्रालयबाट कोशीको प्रदेश प्रमुखको कार्यालयमा जिम्मेवारी पाएका छन् । सहसचिव शंकर नेपाल संघीय मामिला तथा सामान्य प्रशासन मन्त्रालयको अतिरिक्त समूहबाट कोशीको मुख्यमन्त्री तथा मन्त्रिपरिषद्को कार्यालयमा पुगेका छन् । सामान्य प्रशासन मन्त्रालयको अतिरिक्त समूहमा रहेका राजेश्वर ज्ञवाली राष्ट्रिय योजना आयोगमा सरुवा भएका छन् । गण्डकीको प्रदेश लोकसेवा आयोगबाट ऋषिराम तिवारीलाई गृह मन्त्रायमा ल्याइएको छ । सहसचिव रमेश ढकाल निर्वाचन आयोगबाट गृह मन्त्रालयमा सरुवा भएका छन् । भूपेन्द्र थापालाई गृह मन्त्रालयबाट लुम्बिनीको मुख्यमन्त्री तथा मन्त्रिपरिषद्को कार्यालयमा पठाइएको छ । सहसचिव कमलप्रसाद भट्टराई सम्पत्ति शुद्धीकरण अनुसन्धान विभागका महानिर्देशकबाट राष्ट्रिय सूचना आयोगमा सरुवा भएका छन् । सहसचिव सूर्यबहादुर खत्री गृह मन्त्रालयबाट श्रम, रोजगार तथा सामाजिक सुरक्षा मन्त्रालयमा आएका छन् । राष्ट्रिय सुरक्षा परिषद्को सचिवालयमा काजमा कार्यरत प्रदीपकुमार कोइराला श्रम, रोजगार तथा सामाजिक सुरक्षा मन्त्रालयमा आएका छन् । कोलकातामा महावाणिज्यदूतका रुपमा कार्यकाल पूरा गरेर फर्किएका परराष्ट्र मन्त्रालयका ईश्वरराज पौडेल लुम्बिनीको मुख्यमन्त्री तथा मन्त्रिपरिषद्को कार्यालयमा पुगेका छन् । लुम्बिनीको मुख्यमन्त्री तथा मन्त्रिपरिषद्को कार्यालयका निराजन घिमिरेले राष्ट्रपति कार्यालयमा जिम्मेवारी पाएका छन् । चन्द्रकला पौडेल महिला, बालबालिका तथा ज्येष्ठ नागरिक मन्त्रालयबाट भौतिक पूर्वाधार तथा यातायात व्यवस्था मन्त्रालयमा सरुवा भएकी छिन् । दीपकराज नेपाललाई श्रम, रोजगार तथा सामाजिक सुरक्षा मन्त्रालयबाट महिला, बालबालिका तथा ज्येष्ठ नागरिक मन्त्रालयमा पठाइएको छ । प्रकाश दाहाल संघीय मामिला तथा सामान्य प्रशासन मन्त्रालयको अतिरिक्त समूहबाट संघीय मामिला मन्त्रालयमा जिम्मेवारी पाएका छन् । ज्ञानप्रसाद ढकाल रक्षा मन्त्रालयमा सरुवा भएका छन् ।
यी हुन् मन्त्रीपरिषद्का दर्जन बढी निर्णय
काठमाडौं । बिहिबार बसेको मन्त्रीपरिषदले एक दर्जन बढी निर्णय गरेको छ । उज्वेकिस्तानमा हुन गइरहेको एसियाली पूर्वधार लगानी बैंकको बोर्ड अफ गभर्नर्सको नवौँ वार्षिक वैठकमा उपप्रधान तथा अर्थमन्त्री विष्णु पौडेल सहभागी हुन् मन्त्रीपरिषदले स्वीकृत दिएको छ । उक्त निर्णयसँगै मन्त्रीपरिषद्ले १४ वटा निर्णय गरेको छ । [pdf id=504129]
