चीनले बनायो समुद्रमुनी विश्वकै सबैभन्दा लामो ग्यास पाइपलाइन
काठमाडौं । चीनले समुन्द्रमुनी १९५ किलोमिटर लामो प्राकृतिक ग्यास पाइपलाइन बिछ्याएको छ । यो समुन्द्रमुनिको भएको हालसम्म विश्वकै सबै भन्दा लामो ग्यास पाइपलाइन हो । प्राकृतिक ग्यास बग्ने पाइपको चौडाई ८० सेन्टिमिटर रहेको छ । पाइपलाइन समुद्र सतहदेखि १ सय मिटर तल रहेको छ । द साउथ चाइना सी नाम दिइएको यस ग्यास पाइपलाइनले चीनको पश्चिमी भागमा रहेका १० लाख जनतालाई ग्यास आपूर्ति गर्ने छ । चीनमा प्राकृतिक ग्यासको हिस्सा अहिले ८ प्रतिशत रहेको छ । कोइलाको ४.७ र बाँकी जलविद्युत, आणविकलगायत ऊर्जाबाट आपूर्ति गरिरहेको छ । चीनले पाइपलाइन निर्माण ५ महिनामा सम्पन्न गरेको हो।
उद्योग वाणिज्य महासंघको रिक्त उपाध्यक्ष पदको निर्वाचन फागुन २५ मा
काठमाडौं । नेपाल उद्योग वाणिज्य महासंघको रित्त एक उपाध्यक्ष पदको निर्वाचन फागुन २५ गते शुक्रबार हुने भएको छ । महासंघले जिल्ला नगर उद्योग वाणिज्य संघको उपाध्यक्ष पदका लागि निर्वाचन गर्न लागेको हो । गत चैतमा सम्पन्न महासंघको कार्यकारणी समितिको निर्वाचनमा उपाध्यक्षमा निर्वाचित प्रमोद श्रेष्ठ वेनी नगरपालिकाको प्रमुखमा उम्मेदवारी दिएपछि उनको महासंघको उपाध्यक्ष पद स्वतः खारेज भएको थियो । महासंघले गत भदौमा उनको पद खारेज गरी निर्वाचनको प्रक्रिया अघि बढाएपछि श्रेष्ठले यसका विरुद्धमा सर्वोच्च अदालत रिट दायर गरेका थिए । सर्बोच्चलदे बाटो खुला गरेपछि निर्वाचन हुन लागेको हो ।
युवराज खतिवडालाई अर्थमन्त्री बन्ने बाटो खुल्यो, राष्ट्रिय सभामा सिफारिस
काठमाडौं । सरकारले राष्ट्रिय सभा सदस्यमा सिफारिस गरेसँगै पूर्व गभर्नर डा. युवराज खतिवडालाई अर्थमन्त्री बन्ने बाटो खुलेको छ । झापाकै खतिवडालाई ओलीले अर्थमन्त्री बनाउने योजनासहित राष्ट्रिय सभा सदस्यमा सिफारिस गरेको एमाले श्रोतले भन्यो । ‘पाँच बर्षसम्म अर्थतन्त्र सञ्चालन गर्नुपर्ने र घोषणा पत्रमा उल्लेख गरिएका महत्वकांक्षी योजना कार्यान्वयन गर्नुु पर्ने भएकाले खतिवडालाई अर्थमन्त्री बनाउने योजनासहित राष्ट्रिय सभामा पठाइएको हो’, एमाले श्रोतले भन्यो । यस अघि एमाले महासचिव ईश्वर पोखरेल र सचिव प्रदिप ज्ञवालीलाई अर्थमन्त्री बनाउने चर्चा थियो । तर अर्थतन्त्र नबुझेका व्यक्तिलाई अर्थमन्त्री बनाउँदा खराब सन्देश जाने र दातृ निकायहरुसँगको सम्बन्ध पनि बजबुत बनाउन नसकिने निकर्षसहित एमालेले खतिवडालाई अघि सारेको हो । नेपाल राष्ट्र बैंकका पुर्व गभर्नर डा. खतिवडाले राष्ट्रिय योजना आयोगमा उपाध्यक्षको जिम्मेवारी पनि सम्हालिसकेका छन् । खतिवडालाई दक्षिण एसियामै मौद्रिक नीतिका ज्ञाता मानिन्छ । खतिवडा बामपन्थी घोषणा पत्रका मस्यौदाकार समेत हुन् । खतिवडासँगै रामनारायण विडारी र बिमला पौडेललाई पनि राष्ट्रिय सभा सदस्यमा सिफारिस गरेको छ ।
एमाले-माओवादी मिलेपछि पुष्पलालका छोराले भने-‘म हर्षित छु’
काठमाडौं । ‘मेरा स्व. बुवा पुष्पलालले २००६ सालमा स्थापना गर्नु भएको नेपाल कम्युनिष्ट पार्टी फेरी त्यहि स्वरुपमा आउँदा हर्षित छु’-यो भनाई हो कम्युनिष्ट पार्टीका संस्थापक महासचिव पुष्पलालका छोरा उमेशलाल श्रेष्ठको । पुष्पलाल र सहाना प्रधानका छोरा उमेशलालले आफ्नो फेसबुक मार्फत नेकपाको पुनस्थापनामा हर्ष व्यक्त गरेका हुन् । २००६ साल बैशाख १० गते स्थापना भएको नेपाल कम्युनिष्ट पार्टी ५५ बर्षपछि पुनः एकताको चरणमा प्रवेश गरेको हो । २०१७ साल पुस १ गते राजा महेन्द्रले आरम्भ गरेको पञ्चायती शासनलाई हेर्ने दृष्टिकोणमा मतभेद उत्पन्न भएपछि २०१९ साल बैशाखमा कम्युनिष्ट पार्टी विभाजन भएको थियो । कम्युनिष्ट पार्टीका संस्थापकहरु सदस्यहरु पुष्पलाल, निरञ्जन गोविन्द वैद्य, मोतिदेवी, नर बहादुर कर्माचार्य र नारायण विलास जोशी थिए । २०१९ सालमा फुटको श्रृंखला आरम्भ भएको कम्युनिष्ट पार्टीमा त्यसपछि सैयौं फुट र जुटका श्रृंखलाहरु जारी रहे र सोमबारको एमाले र माओवादीबीचको एकता सबै भन्दा ठुलो घट्ना बन्न पुगेको छ । अब पुनः नेपालमा नेकपा पुनस्थापित भएको छ र उनीहरुले समाजवाद निर्माणको बाटोमा अघि बढ्ने उद्घोष गरेका छन् । पार्टी एकता सम्बन्धी दस्तावेजमा एमाले अध्यक्ष केपी ओली र माओवादी अध्यक्ष प्रचण्डका साथमा झलखनाथ खनाल, माधव नेपाल, बामदेव गौतम र इश्वर पोखरेलले हस्ताक्षर गरेका छन् । त्यस्तै, माओवादी केन्द्रका तर्फबाट नारायणकाजी श्रेष्ठ र राम बहादुर थापाले हस्ताक्षर गरेका छन् । अब पाँच बर्षका लागि स्थिर सरकार सञ्चालन हुने बाटो खुलेको छ । संयुक्त घोषणा पत्र मार्फत स्थिर सरकार, विकास र समृद्धिको नारा बाढेर निर्वाचन जितेका एमाले–माओवादीले नेकपाका रुपमा नागरिकका सपना पुरा गर्नुपर्नेछ ।
तारागाउँ रिजेन्सी होटलको नाफा २३ प्रतिशत बढ्यो, ६ महिनामा १५ करोड ५३ लाख
काठमाडौं । चालु आर्थिक वर्षको ६ महिनामा तारागाउँ रिजेन्सी होटल्स लिमिटेडले नाफा २३ प्रतिशत बढेको छ । चालु आवको पुससम्म होटल्सले १५ करोड ५३ लाख रुपैयाँ नाफा गरेको छ । यो नाफा बोनस र कर बाहेकको हो । गत आवको सोही अवधिमा होटलले १२ करोड ६० लाख रुपैयाँ नाफा गरेको थियो । समीक्षा अवधिम तारागाउँको वस्तु तथा सेवा बिक्री ५.५ प्रतिशत बढेर ६३ करोड ७३ लाख रुपैयाँ पुगेको छ । गत आवको सोही अवधिमा ६० करोड ३१ लाख रुपैयाँ थियो । होटलको संचित कोषमा २९ करोड ५८ लाख रुपैयाँ छ । सेयर पुँजी १ अर्ब ८८ करोड ६६ लाख रुपैयाँ छ ।
कालिका पावरको आईपीओ आजदेखि बन्द हुदै
काठमाडौं । कालिका पावर कम्पनी लिमिटेडको साधारण सेयर (आईपीओ) निष्कासन आज (मंगलबार) देखि बन्द हुने भएको छ । माघ २१ देखि आईपीओ निष्कासन भएकोमा माग भन्दा बढी आवेदन परेपछि बन्द हुन लागेको निष्कासन तथा बिक्री प्रवन्धक काठमाडौं क्यापिटल मार्केट्स लिमिटेडले जनाएको छ । कम्पनीले आयोजना प्रभावित स्थानियबासिन्दालाई छुट्टाएको १० प्रतिशत अर्थात ६ करोड रुपैयाँ बराबरको ६ लाख कित्ता आईपीओ निष्कासन गरेको हो । सेयर निष्कासन बन्द ढिलोमा फागुन २१ गतेसम्मलाई तोकिएको थियो । आईपीओ खरिदका लागि न्युनतम १० र अधिकतम ३ हजार कित्तासम्मका लागि दरखास्त दिन पाइने व्यवस्था गरिएको छ । आयोजना प्रभावित गोरखाको अजिरकोट, भीमसेन, सुलिकोट, सिरानचोक गाउँपालिका र गोरखा नगरपालिकाका स्थानियबासिन्दाले सेयर खरिदका लागि दरखास्त दिन पाउने व्यवस्था गरिएको थियो । कम्पनीले ६ मेगावाट क्षमताको दरौदी ए जलविद्युत आयोजना निर्माण गरी हाल सञ्चालनमा ल्याएको छ । बाँडफाँड भएको मितिले ३ वर्षसम्म सेयर बिक्री गर्न बन्देज लगाइएको छ । कम्पनीमा संस्थाकको ४२ करोड, ६ करोड आयोजना प्रभावित र १२ करोड रुपैयाँ सर्वसाधारणका लागि हुने गरी लगानी संरचना तयार पारिएको छ । जसअनुसार सर्वसाधारणको १८ करोड स्वामित्व हुने छ । कम्पनी कालिक ग्रुप अन्र्तगतको हो ।
आरम्भ माइक्रोफाइनान्सको आईपीओ फागुन १५ देखि आउदै
काठमाडौं । आरम्भ माइक्रोफाइनान्स वित्तीय संस्था लिमिटेडको साधारण सेयर (आईपीओ) फागुन १५ गतेदेखि निष्कासन हुने भएको । संस्थाको प्रतिकित्ता १ सय रुपैयाँ अंकित मूल्यका २ करोड ९४ लाख रुपैयाँ बराबरको २ लाख ९४ हजार कित्ता आईपीओ निष्कासन हुन लागेको हो ।आईपीओ निष्कासन बन्द छिटोमा फागुन २१ र ढिलोमा २९ गते हुने धितोपत्र निष्कासन तथा बिक्री प्रवन्धक एनआईसी एसिया क्यापिटल लिमिटेडले जनाएको छ । न्युनतम ५० देखि बढीमा १ हजार कित्ता आईपीको लागि दरखास्त दिन पाइने छ । कुल निष्कासनको ३ प्रतिशत अर्थात ८ लाख ८ हजार २० रुपैयाँ बराबरको ८ हजार ८२० कित्ता कर्मचारी र सामूहिक लगानी कोषका लागि कुल निष्कासनको ५ प्रतिशत अर्थात १४ लाख ७० हजार रुपैयाँ बराबरको १४ हजार ७ सय कित्ता छुट्टाइएको छ । आईपीओ निष्कासपछि संस्थाको चुक्तापुँजी ६ करोड रुपैयाँ हुने छ । संस्थाको केन्द्रीय कार्यालय काभ्रेको बनेपामा रहेको छ । संस्थाको आईपीओ अनलाईन वा बैंक तथा वित्तीय संस्था दुबैमा गएर भर्न सकिने छ । धितोपत्र बोर्डले पुस २० गते आईपीओ निष्कासन गर्न आरम्भलाई अनुमति दिएको थियो ।
एसिया प्रशान्त क्षेत्रीय सञ्चालन प्रविधि सम्मेलन शुरू, विश्वभरका नौ सयभन्दा बढीको सहभागिता
काठमाडौं । राजधानीमा फागुन ७ देखि १५ गतेसम्म एसियया प्रशान्त क्षेत्रीय सञ्चालन प्रविधि सम्मेलन (एप्रिकोट) सुरु भएको छ । एसिया प्रशान्त इन्टरनेट संघ (एपिआइए) र एसिया प्रशान्तर नेटवर्क सूचना केन्द्र (एपिनिक) ले स्थानीय सहयोगी इन्टरनेट एक्सचेन्ज नेपाल (एनपिआइएक्स) सँगको सहकार्यमा उक्त सम्मेलन आयोजना गरेको हो । सम्मेलनमा विश्वभरबाट करिब नौ सयभन्दा बढीको सहभागिता रहने आयोजकको भनाइ छ । एसिया प्रशान्त नेटवर्क सञ्चालकहरुको मञ्च, एपिनिकको सदस्याहरुबीचको छलफल तथा साधारण साधारण सभा, दक्षिण एसियाली नेटवर्क सञ्चालक समूह(सानोग) का साथै नेटवर्क सुरक्षाका समर्पित फस्ट, एपसर्ट तथा अन्य एसिया प्रशान्त क्षेत्रका इन्टरनेट संगठनहरुको संगमस्थलको रुपमा सम्मेलनलाई लिइएको बताइएको छ । उक्त कार्यक्रमलाई नेपाल दुरसञ्चार प्राधिकरण, स्थानीय सूचना प्रविधि संगठन लागयतले सहयोग रहेको छ । सम्मेलनमा विपटेला कम्पनीका सहसंस्थापक अमिर खानले आफ्नो अनुभवहरु सुनाउने बताइएको छ । साथै उनले पछिल्लो दुई दशकको अनुभव एवम् आगामी दशकको मार्गचित्र समेत प्रस्तु गर्ने छन् । त्यस्तै स्थानिय वक्ताको रुपमा उक्त सम्मेलनमा नेपाली इन्टरनेट एवम् ताररहित प्रविधिका अभियन्ता डा. महाविर पुन रहेका छन् । उनले आफ्नो अनुवम एवम् स्मार्टसिटीको बारेमा आफ्नो धारण राख्ने छन् । पूर्वको कार्यशालाबाट सुरु भएको सम्मेलनमा ताररहित सेन्टर, सुरक्षा, राउटिङ नेटवर्क व्यवस्थापन लगायतको विषयमा छलफल हुने आयोजकको भनाइ छ । आयोजकका अनुसार विभिन्न प्रविधिक विषयमा छलफल, अन्तर देशिय सहकार्य, सरकारी एवम् इन्टरनेट समुदायसँगको सहकार्य लगायत विषयमा समेत सम्मेलनमा छलफल गरिने बताइएको छ ।
