लिखु खोला हाइड्रोपावरको प्रत्याभूतिकर्तामा नागरिक लगानी कोष
काठमाडौं । लिखु खोला हाइड्रोपावर कम्पनीको प्रत्याभूतिकर्तामा नागरिक लगानी कोष नियुक्त भएको छ । कम्पनीले आफ्नो सेयर प्रत्याभुति व्यवस्थापनको कार्य गर्न कोषलाई प्रत्याभूतिकर्ताको रुपमा नियुक्त गरेको हो । कम्पनीले जारी पुँजी तीन अर्ब १२ करोड ५० लाख रुपैयाँ पुँजीमध्ये २० प्रतिशतले हुन आउने सर्वसाधारण नागरिक, आयोजना प्रभावित क्षेत्रका बासिन्दाहरु, सामुहिक लगानी कोष र कम्पनीका कर्मचारीलाई छुट्टाएको जम्मा ६२ लाख ५० हजार कित्ता सेयर प्रति कित्ता एक सय अंकित दरले सेयरको मूल्य ६२ करोड ५० लाख रुपैयाँको सेयर प्रत्याभुति ब्यवस्थापनको कार्य गर्न नागरिक लगानी कोषलाई प्रत्याभूतिकर्ताको रुपमा नियुक्त गरेको हो । सेयर प्रत्याभुती कार्य गर्ने सम्बन्धमा कोषका तर्फबाट कार्यकारी निर्देशक रमण नेपाल र ग्रिन भेन्र्चको तर्फबाट अनिल अग्रवालले मंसिर ३० गते सम्झौता-पत्रमा हस्ताक्षर गरेका हुन् । रामेछाप र ओखलढुङ्गा जिल्लाको सिमानाको रुपमा रहेको लिखु खोलाबाट ५२.४ मेगावाट बिद्युत उत्पादन गर्ने उक्त आयोजनाको निर्माण कार्य ८५ प्रतिशत समाप्त भैसकेको कम्पनीले जानकारुी गराएको छ ।
एनआईबिएल एस क्यापिटलबाट निःशुल्क डिम्याट खाता खोल्न र मेरो शेयर दर्ता गर्न सकिने
काठमाडौं । नेपाल ईन्भेष्टमेण्ट बैंक लिमिटेडको स्वामित्वमा रहेको एनआईबिएल एस क्यापिटल लिमिटेडमा निःशुल्क डिम्याट खाता खोल्न र मेरो शेयर दर्ता गर्न सकिने भएको छ । क्यापिटलले पुस १ गतेदेखि लागू हुने गरी निःशुल्क डिम्याट खाता तथा निःशुल्क मेरो शेयर दर्ता सुरु गरेको हो । यो योजना सीमित अवधिको लागि मात्र भएकोले आजकै मितिबाट एनआईबिएल एस क्यापिटल लिमिटेड लाजिम्पाट तथा यसका अन्य शाखा कार्यालयहरू तथा नेपाल ईन्भेष्टमेण्ट बैंकको देशभर रहेका कुनै पनि शाखा कार्यालयमा गई निःशुल्क डिम्याट खाता खोली मेरो शेयर पनि दर्ता गर्न सकिने छ । यसका अतिरिक्त एनआईबिएल एस क्यापिटल लिमिटेडले एकै दिनमा डिम्याट खाता तथा मेरो शेयर दर्ता प्रदान गर्ने प्रतिवद्धता समेत जनाएको छ ।
कारोबार शुरु भएको केहि मिनेटमै माउन्टेन इनर्जीको मूल्यमा सर्किट, प्रतिकित्ता कति पुग्यो ?
काठमाडौं । दोश्रो बजारमा कारोबार शुरु भएको केहि बेरमै माउन्टेन इनर्जीको सेयर सर्किट लेभलमा कारोबार भएको छ । नियमित बजार खुलेको केही मिनेटमै कम्पनीको सेयर मूल्य ९.८८ प्रतिशतले बढेको हो । बुधबार कम्पनीको पहिलो कारोबार प्रतिकित्ता ३४४ रुपैयाँमा शुरु भएको थियो । जुन नेप्सेले तोकेको अधिकतम मूल्य थियो । दोश्रो बजारमा पहिलो कारोबारको लागि नेप्सेले प्रतिकित्ता न्युनतम ११४.८१ रुपैयाँदेखि अधिकतम ३४४.४३ रुपैयाँ तोकेको थियाे । प्रतिकित्ता ३४४ रुपैयाँदेखि कारोबार शुरु भएको कम्पनीको सेयर मूल्य ३४ रुपैयाँले बढेर प्रतिकित्ता ३७८ रुपैयाँ पुगेको छ । ‘एमईएन’ सिम्बोलबाट काराेबार भइरहेकाे कम्पनीकाे सेयर किन्ने लगानीकर्ताको चाप देखिएको छ भने बिक्रीकाे लागि अडर दिने कोहि पनि देखिएका छैनन् । मार्केट डेप्थ अनुसार हालसम्म कम्पनीको एक लाख १९ हजार ८ सय ८३ कित्ता सेयर खरिदकाे लागि अडर परिसकेकाे छ । माउन्टेन इनर्जीको पहिलो कारोबार कतिमा भयो ?
