निर्धन उत्थान लघुवित्तले लाभांश नदिने, सेयरधनीको हात खाली
काठमाडौं । निर्धन उत्थान लघुवित्त वित्तीय संस्थाले पनि लाभांश नदिने भएको छ । संस्थाले आर्थिक वर्ष २०८०/८१ को नाफाबाट लाभांश वितरण गर्ने प्रस्ताव गरेसँगै सेयरधनीका हात खाली हुने भएको हो । मंसिर १४ गते बसेको संस्थाको सञ्चालक समितिको बैठकले लाभांश नदिने निर्णय गरेको हो । त्यस्तै, संस्थाले कम्पनीको नाफा/नोक्सान, हिसाब र सोही अवधिको नगद प्रवाह विवरण स्वीकृत गर्ने लगायतका वित्तीय विवरणहरू अनुमोदनको लागि नेपाल राष्ट्र बैंकमा पेश गर्ने छ । उक्त विवरणहरू स्वीकृत भएपछि संस्थाको साधारण सभाले पारित गर्ने छ ।
सिटी होटलले ऋण तिर्न हकप्रद सेयर निष्कासन गर्ने
काठमाडौं । सिटी होटलले हकप्रद सेयर निष्कासन गर्ने भएको छ । मंसिर १४ गते बसेको कम्पनी सञ्चालक समितिको बैठकले ऋण चुक्ता गर्नका लागि हालको चुक्ता पुँजीको १ः०.८ को अनुपातमा हकप्रद सेयर निष्कासन गर्ने निर्णय गरेको छ । हकप्रदसम्बन्धी प्रस्ताव आगामी वार्षिक साधारणसभामा पेस गरिने होटलले जनाएको छ ।
युनिक नेपाल लघुवित्तले लाभांश नदिने
काठमाडौं । युनिक नेपाल लघुवित्त वित्तीय संस्थाले गत आर्थिक वर्षको नाफाबाट लाभांश नदिने भएको छ । मंसिर १५ गते बसेको संस्थाको सञ्चालक समितिको बैठकले आर्थिक वर्ष २०८०/८१ को नाफाबाट बोनस तथा लाभांश वितरण नगर्ने निर्णय गरेको हो । त्यस्तै, संस्थाले कम्पनीको नाफा नोक्सान, हिसाव र सोही अवधिको नगद प्रवाह विवरण स्वीकृत गर्ने लगायतका वित्तीय विवरणहरु अनुमोदनको लागि नेपाल राष्ट्र बैंकमा पेस गर्ने छ । उक्त विवरणहरु स्वीकृत भएपछि संस्थाको साधारण सभाले पारित गर्ने छ ।
