मीनबहादुरले सुरेशको परिवारलाई ५ लाख र सविनको परिवारलाई ३ लाख दिने
काठमाडौं । भाटभटेनीका सञ्चालक मीनबहादुर गुरुङले चैत १५ गतेको घटनामा मृत्यु भएका दुई जनाको परिवारलाई आर्थिक सहयोग गर्ने घोषणा गरेका छन् । मंगलबार कोटेश्वरस्थित भाटभटेनीमा आयोजित कार्यक्रममा गुरुङले पत्रकार सुरेश रजक र सविन महर्जनको परिवारलाई आर्थिक सहयोग गर्ने घोषणा गरे । उनले पत्रकार सुरेशको परिवारलाई ५ लाख र सविनको परिवारलाई ३ लाख रुपैयाँ दिने निर्णय गरेका छन् । यसैगरी, राजा वादी आन्दोलनका क्रममा भाटभटेनीमा लुटपाट रोक्न बहादुरी देखाउने सुरक्षागार्ड दुलप्रसाद पराजुली लगायत ५ जनालाई नगद सम्मान प्रदान गरिएको थियो । यो सहयोग र सम्मानले समाजमा सकारात्मक सन्देश दिने विश्वास गरिएको छ।
भाटभटेनीको सम्पत्ति लुट्नेले भोलि अन्य व्यवसायीको सम्पत्ति लुट्न सक्छ : मीन गुरुङ
काठमाडौं । भाटभटेनी सुपरमार्केटका सञ्चालक मीनबहादुर गुरुङले गत चैत्र १५ गते राजावादी आन्दोलनकारीले भाटभटेनी सुपरमार्केटसहित विभिन्न व्यवसायमा पुर्याएकाे क्षतिबारे खेद प्रकट गरेका छन् । बुधबार एक कार्यक्रमममा उनले उक्त घटनाप्रति खेद प्रकट गरेका हुन् । आन्दोलनकारीले अरूको व्यक्तिगत घर, सम्पत्ति र व्यवसायमाथि तोडफोड आगजनी गर्ने घटना गुरुङले जीवनमा पहिलोपटक भोगेको बताउँदै उक्त घटना साह्रै दुःखदायी भएको बताए । ‘विभिन्न कालखण्डमा विभिन्न घटना देखेको र भोगेको छु । तर कसैको व्यवसाय र सम्पत्तिमाथि तोडफोड गर्ने, व्यक्तिगत घरमा तोडफोड आगजानी गर्ने अनि त्यति मात्रै नभई फोटोपत्रकारलाई समेत जलाएर मार्नु आन्दोलन कहिल्यै देखिनँ,’ उनले भने । आज भटभटेनीमाथि आक्रमण गर्नेहरूले भोलि अन्य व्यवसायमाथि आक्रमण गर्न सक्ने अभिव्यक्ति दिँदै गुरुङले भने, ‘आज व्यक्तिगत घरमाथि आगलागी भयो, भोलि अन्य प्रतिष्ठानमा आगलागी हुन सक्छ । आज भाटभटेनीको सम्पत्ति लुटे, भोलि सबै व्यवसायीको सम्पत्ति लुट्न सक्छ । यस्तो लुटेराहरूले लिएको परिवर्तन हामीलाई चाहिएको हो ?’ देशलाई समृद्ध बनाउने सबै नेपालीको चाहना भएपनि सत्ताको प्राप्तिको लागि जुन घटना भयो त्यो निकै दुःखदायी भएको उनले बताए । आफ्नो व्यवसायमाथि तोडफोड हुँदा त्यसको जिम्मेवारी सरकाकारले लिनुपर्नेमा त्यस्तो नभएकोमा गुरुङले दुःख व्यक्त गरे । ‘हामीले आर्जन गरेको सम्पतिबाट सरकारलाई कर तिर्छौं । त्यो कर राज्यको विभिन्न अंगमा पुग्छ । तर खै हामीलाई सुरक्षा खै ? जनता, व्यवसाय र सम्पतिको सुरक्षाको जिम्मा सरकारको हो । व्यवसायीलाई भगाएर देश सम्पन्न बनाउन सम्भव छ ?’
वित्तीय स्थायीत्वतर्फ धेरै काम भएका छन्-महाप्रसाद अधिकारी
वित्तीय स्थायीत्वतर्फ धेरै काम भएका छन्-गभर्नर महाप्रसाद अधिकारी
जलविद्युत्, नेतृत्व र परिवारबारे गणेश कार्कीसँग विशेष कुराकानी
जलविद्युत्, नेतृत्व र परिवारबारे गणेश कार्कीसँग विशेष कुराकानी
जलविद्युत्, नेतृत्व र परिवारबारे गणेश कार्कीसँग विशेष कुराकानी
जलविद्युत्, नेतृत्व र परिवारबारे गणेश कार्कीसँग विशेष कुराकानी
जलविद्युत्, नेतृत्व र परिवारबारे गणेश कार्कीसँग विशेष कुराकानी
जलविद्युत्, नेतृत्व र परिवारबारे गणेश कार्कीसँग विशेष कुराकानी
नेपालमा डिजिटल वित्तीय सेवाको प्रभावसम्बन्धी प्रतिवेदन सार्वजनिक
काठमाडौं । डिजिटल वित्तीय सेवाहरूले नेपालको वित्तीय क्षेत्रमा परिवर्तन ल्याउँदै वित्तीय समावेशीकरण र आर्थिक वृद्धिलाई अगाडि बढाइरहेको अन्तर्राष्ट्रिय वित्त निगम (आइएफसी) र नेपाल राष्ट्र बैंकद्वारा जारी गरिएको प्रतिवेदनले उल्लेख गरेको छ । प्रतिवेदनले दुई प्रमुख परियोजनाहरू, जापान र संयुक्त अधिराज्यका सरकारहरुको सहयोगमा सञ्चालित वित्तीय सेवाहरूमा पहुँच, र कोरियाली सरकारको सहयोगमा सञ्चालित नेपालमा डिजिटल वित्तीय सेवाहरूमार्फत नेपालको डिजिटल वित्तीय सेवाहरूको विस्तारमा भएको उल्लेखनीय प्रगतिमाथि प्रकाश पारेको छ । प्रतिवेदनले राष्ट्रिय भुक्तानी प्रणाली विकास रणनीति (एनपीएसडीएस), खुद्रा भुक्तानी रणनीतिको कार्यान्वयन र प्रभावकारी विद्युतीय भुक्तानी कारोबारलाई, विशेषगरी सेवाबाट बञ्चित समुदायहरूका लागि सहज बनाएको डिजिटल भुक्तानी प्लेटफर्महरूको वृद्धि लगायतका प्रमुख कोसेढुङ्गाहरूमाथि प्रकाश पार्दछ । 'डिजिटल वित्त एउटा गतिशील र द्रुत गतिमा विकसित हुँदै गइरहेको क्षेत्र हो । यस प्रतिवेदनले वित्तीय संस्था र नियामकहरूलाई डिजिटल वित्त विकासको सिंहावलोकन प्रदान गर्दछ, साथै नेपालको वित्तीय सेवा उद्योगका लागि स्वस्थ र दिगो डिजिटलाइजेसन यात्रालाई प्रवद्र्धन गर्न मद्दत गर्ने अन्तर्दृष्टिहरू प्रदान गर्दछ,' दक्षिण एसियाका लागि आइएफसीका प्रबन्धक ग्रेगरी स्मिथले भने, 'राष्ट्र बैंकसँगको साझेदारीमा हाम्रो लक्ष्य डिजिटल वित्तीय प्रणालीलाई सुदृढ पार्नु, वित्तमा पहुँच बढाउनु र सबैका लागि आर्थिक वृद्धिलाई अगाडि बढाउनु हो ।' विगतको एक दशकमा द्रुत इन्टरनेट विस्तार, प्राविधिक नवप्रवर्तन र विद्युतीय भुक्तानीको बढ्दो प्रयोगका कारण नेपालको वित्तीय प्रविधिमा प्रगति देखिएको छ । यी विकासक्रमहरूले वित्तीय परिदृश्यलाई नयाँ आकार दिने काम गरेका छन्, जसले गर्दा व्यवसाय र व्यक्ति दुवैका लागि नयाँ अवसरहरू सिर्जना भइररहेका छन् । उदाहरणका लागि, आर्थिक वर्ष २०१९/२० र आर्थिक वर्ष २०२१/२२ को अन्तिम महिनाका तथ्याङ्कहरूलाई तुलना गरेर हेर्दा डिजिटल भुक्तानी १२५ प्रतिशतले बढेको देखिन्छ, जुन रु २८० खर्ब (२१ बिलियन अमेरिकी डलर) बाट बढेर रु ६२० खर्ब (४७ बिलियन अमेरिकी डलर) पुगेको थियो ।‘डिजिटल वित्तीय सेवाहरूले वित्तीय समावेशीकरण सम्भव बनाउन, लागत घटाउन र दक्षतामा सुधार ल्याउन ठूलो सम्भावना प्रदान गर्दछन् । आइएफसीसँगको हाम्रो लामो समयदेखिको साझेदारीले यी अत्यावश्यक सेवाहरूलाई प्रत्यक्ष रूपमा र प्रशासन तथा निजी क्षेत्रसँगको साझेदारी मार्फत सबै नेपालीहरूका लागि थप समतामूलक वित्तीय भविष्य सिर्जना गर्न धेरै व्यक्तिहरुसम्म पुर्याउन मद्दत गर्नेछ’, नेपाल राष्ट्र बैंकका गभर्नर महाप्रसाद अधिकारीले भने । प्रतिवेदनले डिजिटल वित्तीय सेवाहरूमा भएको उल्लेखनीय प्रगतिमाथि प्रकाश पार्दै डिजिटल पूर्वाधार, वित्तीय साक्षरता र साइबर सुरक्षामा बढ्दो लगानी सहित विकासका अवसरहरू पहिचान गरेको छ । यो प्रगतिले प्रत्येक नागरिक डिजिटल वित्तीय सेवाहरूको प्रयोगमा आत्मविश्वासका साथ संलग्न भई त्यसबाट लाभ उठाउन सक्ने कुरा सुनिश्चित गर्नेछ ।
लगातार उकालो लागेको सुनको मूल्य बुधबार घट्यो
काठमाडौं । नेपाली बजारमा लगातार नयाँ रेकर्ड बनाउँदै बढिरहेको सुनको मूल्य बुधबार घटेको छ । नेपाल सुनचाँदी व्यवसायी संघका अनुसार बुधबार सुन प्रतितोला ६०० रुपैयाँले घटेर छापावाल सुन प्रतितोला १ लाख ७९ हजार १०० रुपैयाँ मा कारोबार भइरहेको छ । मंगलबार छापावाल सुनको मूल्य प्रतितोला १ लाख ७९ हजार ७०० रुपैयाँमा कारोबार भएको थियो । यसैगरी, चाँदीको मूल्य पनि १५ रुपैयाँले घटेर प्रतितोला २ हजार २० रुपैयाँमा कारोबार भइरहेको छ । मंगलबार चाँदीको मूल्य २ हजार ३५ रुपैयाँ थियो ।
