कोलकात्ता बन्दरगाहबाट ढुवानीमा इसीटीएस प्रणाली लागू, नेपालीलाई के हुन्छ फाइदा ?
पर्सा । भारतको कोलकाता समुद्री बन्दरगाहबाट नेपालका लागि रेलबाट हुने ढुवानीमा इलेक्ट्रोनिक कार्गो ट्र्याकिङ प्रणाली (इसीटीएस) आजदेखि लागू भएको छ । वीरगञ्ज उद्योग वाणिज्य सङ्घले वीरगञ्जमा आयोजना गरेको कार्यक्रममा कोलकाता पोर्ट ट्रस्टका डेपुटी चियरमेन बालजी अरुण कुमारले कोलकाताबाट नेपालका लागि कन्टेनरमार्फत हुने ढुवानीमा इसीटीएस प्रणाली लागू गरिएको जानकारी दिए । उनले इसीटीएस लागू भएपछि नेपाली आयातकर्ताको समय र खर्च दुवै जोगिने दावी गरे । इसीटीएस प्रणालीले कागजी प्रक्रियालाई न्यून गर्नुका साथै बन्दरगाहमा लाग्ने एजेन्ट खर्चलाई समेत समाप्त गर्ने अरुणकुमारको भनाइ छ । उनले इसीटीएस लागू भएपछि बन्दरगाहको झन्झटिलो भन्सार प्रक्रियाका कारण तिर्दै आएको विलम्ब शुल्कबाट नेपाली आयातकर्ताले राहत पाउने जानकारी दिए । उनले पहिले कोलकाता बन्दरगाहमा एजेन्ट राखी सबै कागजी प्रक्रिया पूरा गर्नुपर्ने अवस्था रहेकोमा इसीटीएस प्रणली लागू भएपछि बन्दगाहको कागजी भन्सार प्रक्रिया समाप्त भई वीरगञ्ज सुख्खा बन्दरगाहसम्म मालवस्तु पु¥याउने सबै दायित्व सिपिङ कम्पनीकै हुने बताए । वीरगञ्ज उद्योग वाणिज्य सङ्घका अध्यक्ष गोपाल केडियाको अध्यक्षतामा सम्पन्न भएको कार्यक्रममा नेपाल उद्योग वाणिज्य महासङ्घका स्थल यातायात तथा पारवहन समितिका सभापति अशोककुमार टेमानीले इसीटीएस प्रणली लागू भएपछि तेस्रो मुलुकबाट मालवस्तु आयात गर्दा सिपिङ कम्पनीलाई एक पटक सबै कागजात बुझाएपछि पुग्ने र नेपालसम्म सुरक्षित पुर्याउने दायित्वसमेत सिपिङ कम्पनीकै हुने बताए । कोलकाता बन्दरगाहबाट वर्षेनी एक लाख कन्टेनर नेपाल भित्रिने गरेको र सोमध्ये ४० प्रतिशत कन्टेनर रेलबाट आउने गरेको छ । यो प्रविधिबाट बन्दरगाह व्यवस्थापन, भन्सार, वाणिज्य विभाग, कोलकाता महावाणिज्य दूतावास र आयातकर्ताले अनलाइनबाटै कन्टेनरको अवस्थितिबारे बुझ्न सक्ने बताइएको छ । विशाखापट्टनम बन्दरगााहबाट नेपालका लागि रेलबाट हुने कन्टेनर ढुवानीमा इसीटीएस प्रणली पहिलेदेखि लागू गरिएको छ । रासस
अब सिभिल बैंकमा पाइन्छ सानिमा लाइफ इन्स्योरेन्सको सेवा
काठमाडौँ । सानिमा लाइफ इन्स्योरेन्स र सिभिल बैंकबीच बैंकास्योरेन्स संझौता भएको छ । फागुन १ गते एक समारोहका बीच यो संझौता भएको हो । कम्पनीका महाप्रवन्धक शिवराम तिमल्सिना र बैंकका तर्फबाट प्रमुख व्यवसाय अधिकृत सुजित शाक्यले हस्ताक्षर गरेका छन् । कार्यक्रममा कम्पनीका नायब महाप्रबन्धक केशवराज केसी र बैंकका वरिष्ठ प्रबन्धक गुणराज श्रेष्ठको उपस्थिति रहेको थियो । संझौता अनुसार सिभिल बैंकका सम्पूर्ण शाखाबाट सानिमा लाइफको जीवन बीमा सेवा प्राप्त गर्न सकिने छ ।
‘डिशहोम उज्वल भविष्य’ योजना सार्वजनिक, दुई विद्यालयमा शैक्षिक सामाग्री वितरण
काठमाडौँ । डिश मिडिया नेटवर्क लिमिटडले विद्यार्थीहरूको गुणस्तरीय शिक्षाका लागि सहयोग पुर्याउने उद्देश्यले “डिशहोम उज्वल भविष्य” कार्यक्रम ल्याएको छ । मुलुकका विपन्न परिवारका तथा जेहेन्दार विद्यार्थी उचित प्रोत्साहन र शैक्षिक सामाग्रीको अभावमा शिक्षाबाट वञ्चित हुन नपरोस् भन्दै डिशहोमले आफ्नो सामाजिक उत्तरदायित्वको कार्यक्रम अन्तरगत “डिशहोम उज्वल भविष्य” कार्यक्रम ल्याएको हो । डिशहोमले यस योजना अन्तरगत बर्दिया जिल्लाको गुलरिया स्थित, त्रिशक्ति आधारभूत विद्यालयका विपन्न परिवारका तथा जेहेन्दार विद्यार्थीहरुलाई शैक्षिक सामाग्री सहितको झोला वितरण गरेको छ । कार्यक्रममा गुलरिया नगरपालिका वडा नं. १ का वडा अध्यक्ष र सम्पुर्ण सदस्यहरुको सहभागितामा कक्षा १ देखि ५ सम्मका विपन्न परिवार तथा जेहेन्दार विद्यार्थीहरु लाई शैक्षिक सामाग्री सहितको झोला वितरण गरिएको हो । यस्तै बर्दिया जिल्लाकै राजापुर नगरपालिका वडा नं. ४ मा रहेको अमर सहिद दशरथ चन्द उच्च माध्यामिक विद्यालय मा पनि शैक्षिक सामाग्री सहितको झोला वितरण गरिएको छ । राजापुर नगरपालिका का उपप्रमुख मनकला थारु, ४ नं. वडा अध्यक्ष, प्रशासनिक निकाएका प्रमुखहरु तथा विभिन्न संचार संस्थामा कार्यरत संचारकर्मीहरुको उपस्थितिमा शैक्षिक सामाग्री सहितको झोला वितरण गरिएको छ । डिसहोमले यसअघि पनि स्वास्थ्य र शिक्षाका क्षेत्रमा विभिन्न किसिमका सामाजिक कार्य गर्दै आइरहहेको छ । डिशहोमले एसईई परिक्षा दिने विद्यार्थीहरुका लागि घरमै वसेर अंग्रेजी, विज्ञान तथा गणित विषयका टेलिभिजन कक्षाहरु संचालन गर्दै आइरहेको छ । यसका अलावा शिक्षामा सवैको समान पहुँच पुगोस भन्ने उद्देश्यले विभिन्न विद्यालयहरुसंगको सहकार्यमा विभिन्न योजनाहरु संचालन गर्ने गरेको कम्पनीले जनाएको छ । “डिशहोम उज्वल भविष्य” कार्यक्रमले गरिब तथा जेहन्दार विद्यार्थीलाई पढाइमा प्रोत्साहन पुग्नुका साथै मुलुकभर गुणस्तरीय शिक्षा पुर्याउन निरन्तर लागि परेको सरकारलाई पनि टेवा पुग्ने डिशहोम मिडिया नेटवर्कका महाप्रवन्धक कल्याण अधिकारीले बताए ।
त्रिकोणले गलेश्वर आश्रमलाई दियो थेरापी मेसिन
काठमाडौं । त्रिकोण एडभरटाइजिङ सर्भिसले तनहुँको देवघाटस्थित गलेश्वर आश्रमलाई थेरापी मेसिन सहयोग स्वरुप उपलब्ध गराएको छ । कम्पनीका प्रबन्ध निर्देशक राजेन्द्र अर्यालले आश्रमका प्रमुख महामण्डलेश्वर स्वामी आत्मानन्द गिरी लाई मंगलबार कम्पनीकै कार्यालयमा आयोजित एक कार्यक्रममा उक्त उपकरण हस्तान्तरण गरेका हुन् । कम्पनीले संस्थागत सामाजिक उत्तरदायित्व अन्तर्गत आश्रमलाई थेरापी मेसिन उपलब्ध गराएको उनले बताए । ‘यसबाट आश्रमलाई औषधोपचारका क्रममा आवश्यक पर्ने थेरापीगर्न मद्दत मिल्छ,’प्रबन्ध निर्देशक अर्यालले भने, ‘हामीले लामो समयदेखि नै निरन्तरतादिइरहेको संस्थागत सामाजिक उत्तरदायित्व अन्तर्गत यो सहयोग गरेका हौं । भविष्यमा पनि यस्ता कल्याणकारी कार्य जारी राख्छौं । उक्त आश्रममा ३०० भन्दा बढी विद्यार्थी अध्ययनरत छन् । आश्रम प्रमुख स्वामी आत्मानन्द गिरीले उक्त सहयोगका लागि कम्पनीलाई धन्यवाद ज्ञापन गर्दै उक्त उपकरणले थेरापी आवश्यक पर्ने बिरामीलाई सहयोग पुग्ने बताए ।
हुण्डाईको नयाँ स्यान्ट्रो नेपाली बजारमा, यस्ता छन् विशेषता
काठमाडौँ । नेपालको लागि हुण्डाई मोटरको एक मात्र आधिकारिक विक्रेता लक्ष्मी इन्टरकन्टिनेन्टल प्रालिले नेपालको उत्कृष्ट फेमिली ह्याचब्याक गाडी दि अल न्यू स्यान्ट्रो हुण्डाइ पुनः नेपाली बजारमा भित्र्याएको छ । हुण्डाइ मोटर्स र लक्ष्मी इन्टरकन्टिनेन्टल प्रालिको १० वर्षको साझेदारीको उपलक्ष्यमा बिहीबार आयोजना गरिएको उक्त कार्यक्रम सोल्टी क्राउन प्लाजा होटलमा नयाँ स्यान्ट्रो सार्वजनिक गरिएको हो । बजारको बदलिदो मागलाई ध्यानमा राखी मोर्डन र स्टाइलिस् डिजाईन, आरामदायी र प्रिमियम क्यावेन, नयाँ युगको टेक्नोलोजि, ग्राहक केन्द्रित सुरक्षा र उत्कृष्ट परफोममेन्सका साथ नयाँ स्यान्ट्रो गाडी पुनः नेपाली बजारमा भित्रिएको छ । नयाँ स्यान्ट्रो गाडीको अनावरण कार्यक्रममा लक्ष्मी इन्टर कन्टिनेन्टल प्रालिका महाप्रबन्धक रुपेश शर्मा भट्टले नेपाली परिवारले सबैभन्दा बढी रुचाएको ह्याचब्याक गाडी, स्यान्ट्रोलाई पुनःनयाँ र परिमार्जित संस्करणका साथ नेपाली बजारमा भित्र्याउन सफल भएकोमा खुशी व्यक्ति गरे । यस्ता छन् विशेषताः नयाँ स्यान्ट्रोले पुरानो स्यान्ट्रोले भन्दा बढी क्याविन स्पेस प्रदान गर्नुका साथै अन्य धेरै प्रिमियम विशेषताहरु ल्याएको छ । जस अन्तर्गत १७.६४ से.मी. स्मार्ट फोन कनेक्टिभिटी तथा भ्वाइस रिक्गनिसन जडित अडियो भिडियो प्रणालीे, रियर पार्किङ्ग क्यामरा, स्टेरिङ्ग माउण्टेड कन्ट्रोल अडियो तथा ब्लूटुथ कन्ट्रोल र रियर ए.सी. भ्यान्स रहेको छ । नयाँ स्यान्ट्रोले नयाँ १.१ लिटर, ४– सिलेण्डर पेट्रोल इन्जिन, जसले ६९ पि.एस पावर र १०.१ के.जि.एम.को टर्क प्रदान गर्नेछ । गाडीका विभिन्न विशेषताहरु जस्तै एन्टी लकदेखि प्रणालीका साथै इलेक्ट्रोनिक ब्रेक फोर्स वितरण र दोहोरो फ्रण्ट एयर ब्याग रहेको छ ।
उद्यमशिलता विकास र लगानी संरक्षणमा म सक्रिय छु: पुष्पकमल दाहाल
काठमाडौं । नेकपाका अध्यक्ष पुष्पकमल दाहालले आफु उद्यमशिलता विकासमा निरन्तर लागि परेका बताएका छन् । राजधानीमा आयोजित उद्यमशिलता सम्मेलनको समापन समारोहमा बोल्दै दाहालले लगानीको संरक्षण गर्न आफु तयार रहेको बताएका हुन् । यस्तो छ उद्यमशिलता विकासमा दाहालको विचार ‘हाम्रो अघि रहेको सम्भावनालाई उजागर गरी समस्या र चुनौतिको उपाय निकाले यो कार्यक्रम निकै महत्वपुर्ण छ । उद्योग विकासको लागि नेपाल उद्योग परिसंघ सीएनआइको गतिविधी निकै लोकप्रिय बन्दै आइरको छ । यसले राष्ट्रिय तथा अन्तर्राष्ट्रिय क्षेत्रमा सकारात्मक सन्देश दिइरहको छ । सरकारले उद्यमीलाई पुर्ण रुपमा सहयोग गर्नुपर्छ । हाम्रो सोचमा दोधार हुनु हुदैन हामीले लामो संघर्षपछि यो वातावरण बनाएका छौं । यो २००७ र २०४६ को जस्तो परिवर्तन होइन । यो पुर्ण परिवतन हो, पहिलोपटक जनतालाई सार्वभौम अधिकार दिएका छौं । देशको तिब्र आर्थिक विकास गर्नका लागि अब यसको प्रयोग गर्नुपर्छ । हामीले समृद्धिको बाटो खोलीसकेका छौं । अधिकारलाई ग्राउण्ड लेवलसम्म नपुर्याइ सफल हुन सक्दैनौं । हामीसँग बलियो सरकार रहेको छ । सरकारको कार्यक्रम धेरै महत्वकाँक्षी लक्ष्य रहेको छ । यो एक ऐतिहासिक सफलता हो । यसलाई सबै राजनितिक परिवर्तनको रुपमा लिन पर्दछ । विकासमा अवरोध पर्ने सानो ऐन परिवर्तन गर्न किन दातबाट पसिना आउँछ । म प्रधानमन्त्री बनेको बेला सातै प्रदेशमा औद्योगिक क्षेत्र बनाउने योजना अघि सारेको थिएँ कहाँ रोकियो ? म र ओली जी मिलेर समृद्धिको यात्रालाई गति दिनको लागि लागि परेका छौं । तर कहाँ गाठो पर्यो हामी हेर्दैछौं । हामी निजी क्षेत्रलाई धेरै सहयोग पुग्नेगरी काम गरिरहेका छौं यसको लागि हरबखत प्रयासरत छौं । अहिले निजी क्षेत्रलाई हेर्ने दृष्टिकोण फरक छ । हामीले हाम्रो उद्योगलाई अन्तर्राष्ट्रिय क्षेत्रमा प्रतिस्पर्धी बनाउन लागि परेका छौं । हामीले पहिले पहिले हाम्रो देशको लगानीलाई परिचालन गरी विदेशी लगानीलाई विस्वास दिलाउन सकिन्छ । युवाहरुलाई उद्यममा गतिशिल बनाउनु पर्छ । हामीले छिटो गतिमा प्रगति गरेका देशहरु पनि देखेका छौं । भेनेजुयला विषयमा बोलेकाे विषयले केहि फरक पार्दैन । तपाइहरुको लगानीलाई पुर्ण रुपमा संरक्षण गर्छौ । यसमा ढुक्क हुनुस् ।’
किङ्स लाउन्जको पहिलो शाखा पोखरामा, बैशाख १ बाट संचालनमा आउँदै
काठमाडौ। किङ्स लाउन्जले पोखरामा पनि आफ्नो सेवा विस्तार गर्ने भएको छ । स्थापनाको पहिलो वर्ष पुरा गरेको उपलक्ष्यमा आगामी बैशाख १ गतेदेखि पोखराको लेकसाईडमा पारिवारिक वाताबरणमा आधुनिक लाउञ्ज सञ्चालनमा ल्याउन लागिएको हो । पहिलो वर्षको समाप्तिसँगै पहिलो शाखाका रुपमा पोखराबाट सेवा सुरु गर्न लागिएको भन्दै किङ्स लाउञ्ज व्यवस्थापनले आगामी दिनमा अझै प्रभावकारी सेवा दिने प्रतिबद्धता जनाएको छ । काठमाण्डौंको दरबारमार्गबाट उपलब्ध गराउँदै आएका सेवालाई अझै परिष्कृत रुपमा पोखराका सेवाग्राहीलाई सेवा दिने लाउञ्जका अध्यक्ष रामचन्द्र श्रेष्ठले बताए । काठमाण्डौंको दरबारमार्गमा अवस्थित किङ्स लाउन्जले ग्राहकहरुको चाहनालाई मध्यनजर गर्दै सेवा विस्तारलाई तिब्र पारेको श्रेष्ठको भनाई छ । यसै गरी प्रेम दिवसको दिन मंगोलियन हर्टले दरबारमार्गस्थित किङ्स लाउन्जमा प्रस्तुती दिने भएको छ । मंगोलियन हर्टका राजु लामाले व्याण्डको सिरिज कन्सर्ट अन्तरगत किङ्स लाउन्ज दरबार मार्गमा सांगितिक प्रस्तुती दिन लागेका हुन् । प्रेम दिवशका दिन साँझ ६ बजेदेखि लामाले आफ्नो व्याण्डको साथमा सांगितिक प्रस्तुती दिने छन् । छोटो समयमा आफुलाई देशकै नमूना रेष्टुरेण्ट बनाउन सफल भएको दाबी लाउञ्ज व्यवस्थापनको छ । नयाँ तथा पुराना संगीतहरुले भरपुर मनोरन्जन दिनुका साथै आफु स्वयमले पनि गाउन सक्ने, शान्त पारिवारिक वातावरण भएको, परिवारका सम्पुर्ण सदस्यले एकैसाथ मनोरन्जन लिन सक्ने, ग्राहकहरुलाई लाउन्जको सवारी साधनबाट घरसम्म निःशुल्क पुर्याई दिने ब्यवस्था लाउञ्जले गरेको छ । लाउञ्जले दिउसोको समयमा आउने ग्राहकहरुलाई २५ प्रतिशत छुट दिने व्यवस्था मिलाएको छ । लाउञ्जले बिहान ११ बजेदेखि राती साढे १२ बजेसम्म सेवा दिँदै आएको छ ।
नेपाल उड प्रदर्शनी आजदेखि, विदेशी आयात प्रतिस्थापन गर्ने लक्ष्य
काठमाडौं । काष्ठकलासँग सम्बन्धित व्यवसायको संरक्षण र प्रवद्र्धन गर्ने उद्देश्यले पाचौं अन्तर्राष्ट्रिय प्रदर्शनी शुक्रबारदेखि सुरु हुने भएको छ । मिडिया स्पेस सोलुसन प्रा.लि. र फर्निचर ट्रेड एण्ड इभेन्टको संयुक्त आयोजना गर्न लागेको उक्त प्रदर्शनी फागुन ३, ४ र ५ गते काठमाडौंको भृकुटीमण्डपमा चल्ने आयोजकले जनाएको छ । प्रदर्शनीमा २०० भन्दा बढी ब्राण्डका १२० स्टल रहने आयोजकले जनाएको छ । उक्त स्टलहरुमा फर्निचर, प्लाइउड तथा काठ व्यवसायसँग सम्बन्धित उत्पादनहरुसँग सम्बन्धित सामाग्री रहनेछन् । प्रदर्शनी फर्निचर प्रयोगकर्ता, इन्जिनियर, आर्किटेक्टर र इन्टेरियर डिजाइनरहरुका लागि उपयुक्त हुनसक्ने विश्वास आयोजकले लिएको छ । नेपालमा वनजन्य स्रोतहरु प्रशस्त भएपनि नेपालले बार्षिक करोडौं मूल्य बराबरको काठजन्य सामग्री आयात गर्नुपरेको विद्यमान अवस्थामा प्रदर्शनीले अन्तराष्ट्रिय बजारमा उत्पादन भएका फर्निचरजन्य सामग्रीहरुको प्रदर्शनीले नेपालकै काठबाट फर्निचर उत्पादन गरी निर्यात गर्ने बाटो खोल्ने विश्वास लिइएको छ । आज ११ बजे वन तथा वातावरणमन्त्री शक्तिबहादुर बस्नेतले प्रदर्शनीको उद्घाटन गर्ने कार्यक्रम रहेको आयोजक मिडिया स्पेस सोलुसनका प्रबन्ध निर्देशक सिर्जल भट्टराईले जानकारी दिए ।
