बैंकहरुले लक्ष्य निर्धारण गरेरै सस्तो ब्याजदरमा ऋण दिनुपर्ने, बिनाधिताे ऋण सहज हाेला ?
काठमाडौं । बैंक तथा वित्तीय संस्थाहरुले आफुले दिनसक्ने सहुलियत पूर्ण कर्जाको लक्ष्य निर्धारण गरेरै वितरण गर्नुपर्ने भएको छ । नेपाल राष्ट्र बैंकले बैंक तथा वित्तीय संस्थाहरुलाई दिएको निर्देशन अनुसार बैंकहरुले आफ्नो शाखा तथा सम्बन्धित कार्यालयहरुलाई सहुलियतपूर्ण कर्जा वितरणका सम्बन्धमा लक्ष्य निर्धारण गरेर पठाउनुपर्ने भएको हो । आर्थिक वर्ष २०७५/७६ को बजेटमा उल्लेख गरिएको योजना बमोजिम नेपाल राष्ट्र बैंकले गत कात्तिक २० गते ल्याएको सहुलियतपूर्ण कर्जाका लागि ब्याज अनुदान कार्यविधि २०७५ बमोजिम विभिन्न किसिमका कर्जाहरुमा ५ प्रतिशतदेखि ६ प्रतिशतसम्म ब्याज अनुदान दिने गरी वितरण हुने ऋणमा बैंकहरु उदासिन देखिएपछि राष्ट्र बैंकले पछिल्लो निर्देशन दिएको हो । यद्यपि राष्ट्र बैंकले हालसम्म कर्जाको लक्ष्य निर्धारण गर्न भन्दै निर्देशनलाई नैतिक दवाव मै सीमित राखेको छ । तर, विपन्न वर्ग कर्जा, कृषि कर्जा जस्ता कर्जाहरुजस्तै निर्देशित कर्जाको सूचिमा समावेश भने गरेको छैन, त्यसैले पछिल्लाे निर्देशनकाे प्रभाव पर्नेमा आशावादी बन्न सक्ने सम्भावना भने देखिँदैन । यसरी दिइने कर्जा सीसीडी अनुपात गणनामा समावेश नहुने सुविधा भने राष्ट्र बैंकले बैंकहरुलाई दिएको छ । कार्यविधिअनुसार निजी आवास निर्माण कर्जाका लागि ३ लाख, उच्च र प्राविधिक तथा व्यवसायिक शिक्षा कर्जाका लागि ५ लाख, शिक्षित युवा स्वरोजगार कर्जाका लागि ७ लाख, विदेशबाट फर्केका युवा परिचालनका कर्जाका लागि १० लाख, दलित समुदाय विकास कर्जाका लागि १० लाख, महिला उद्यमशील कर्जाका लागि १५ लाख र व्यवसायिक कृषि तथा पशुपन्छी कर्जाका लागि ५ करोड रुपैंयासम्मको कर्जा दिने व्यवस्था गरिसकेको छ । उक्त प्रकृतिको कर्जामा कर्जाको प्रकृतिअनुसार उद्यमीले सञ्चालन गरेको परियोजना वा शैक्षिक प्रमाणपत्र धितो रहनेछ भने ब्याज २ प्रतिशतभन्दा बढी हुनेछैन भने सेवाशुल्क लगायत अन्य कुनै पनि शुल्कहरु समेत लिन पाइने छैन । तर, बैंकहरुले भने बिनाधितो ब्याजदर सहुलियतमा वितरण हुने बढी जोखिमपूर्ण हुने भन्दै त्यस्तो कर्जा वितरणमा हिच्किचाइरहेका छन् । केही बैंकहरुले त्यस्तो कर्जा दिने भन्दै योजना सार्वजनिक गरे पनि व्यवहारमा भने नगन्य व्यक्तिले मात्र त्यस्तो कर्जा लिएको राष्ट्र बैंकले जनाएको छ । नेपाल राष्ट्र बैंकका डेपुटी गभर्नर शिवराज श्रेष्ठले गत चैत १७ गतेसम्म जम्मा ८ जनाले मात्र त्यस्तो कर्जा पाएको बताउँदै जम्मा ४८ लाख रुपैंया मात्र त्यस्तो कर्जा बापत बैंकहरुबाट ऋण दिइएको बताएका थिए ।
काठमाडौँमा असिना पानी, देशभर कै मौसम बदली
काठमाडौँ । काठमाडौँमा अहिले असिना पानी परिरहेको छ । केही दिन देखि मौसम सफा रहेपनि आज पुनः वर्षा सहित पानी परेको हो । अहिले देशका अधिकांश स्थानमा मेघगर्जनसहित असिना पानी परेको जल तथा मौसम पूर्वानूमान महाशाखाले जनाएको छ । खराब मौसम धेरै दिन नरहने पनि विभागले जनाएको छ ।
पाँच लाख बढीको कारोबारमा प्यान अनिवार्य, ‘शेयर बजारलाई थप व्यवस्थित बनाइने’
काठमाडौँ । पाँच लाख रुपैयाँ भन्दा माथिको शेयर कारोवारमा आजदेखि स्थायी लेखा नम्बर (प्यान) लागू भएको छ । नेपाल धितोपत्र बोर्डको आग्रहमा नेपाल स्टक एक्सचेञ्जले आजदेखि धितोपत्रको कारोवारमा प्यान लागू गरेको हो । रु पाँच लाखभन्दा कम कारोवार गर्नेलाई भने प्यान लागू हुने छैन । धितोपत्रको दोस्रो बजारमार्फत कारोवार गर्नका लागि बोर्डले गत कात्तिक १२ गते आवश्यक निर्णय गरी कार्यान्वयनका लागि स्टकलाई निर्देशन दिएको थियो । सोही आधारमा लगानीकर्ताको सहजीकरणका लागि स्टकले स्थायी लेखा नम्बर दर्ता सहजीकरण डेस्कसमेत खडा गरेको थियो । पछिल्लो पटक चैत १२ गते लगानीकर्ताको माग र सरोकार भएका निकायको ध्यानाकर्षणपछि रु पाँच लाखभन्दा कम कारोवार गर्नेलाई भने ऐच्छिक रुपमा मात्रै प्यान लागू हुने व्यवस्था गरिएको छ । शेयर बजारलाई थप व्यवस्थित बनाउने लक्ष्यका साथ प्यान लागू गरिएको स्टकले जनाएको छ ।
धादिङकोे गल्छीमा ग्लोबल आइएमई बैंकको एक्सटेन्सन काउण्टर
काठमाडौँ । ग्लोबल आइएमई बैंक लि.ले मिति सोमबारदेखि धादिङ जिल्लाको गल्छी गाँउपालिका वडा नं ६, गल्छी स्थित करदाता सेवा कार्यालको भवनमामा एक्सटेन्सन काउण्टर शुरु गरेको छ । धादिङ्गको गल्छी गाँउपालिकामा सेवाग्राहीको बढ्दो चाप र स्थानीयबासीको बिस्तारित बैंकिङ्ग सेवाको चाहानालाई मध्यनजर गर्दै बैंकले खोलेको उक्त एक्सटेन्सन शुरु गरेको जनाएको छ । काउण्टरकोे उद्घाटन अर्थमन्त्री डा. युवराज खतिवडाले गरेका हुन् । उक्त एक्सटेन्सन काउण्टरले राजश्व संकलनका साथै अन्य बैंकिङ्ग सेवा समेत प्रदान गर्ने बैंकले जनाएको छ ।
एनआईबिएल एस क्यापिटलमा डिम्याट खाता निःशुल्क
काठमाडौँ । एनआईबिएल एस क्यापिटल लिमिटेडले नेपाल सरकारको ‘एक नेपाली, एक डिम्याट खाता’ अभियानलाई सार्थक बनाउन नयाँबर्ष २०७६ बैशाख १ गतेदेखि सीमित अवधिका लागि निःशुल्क डिम्याट खाता खोल्ने सुविधा प्रदान गर्ने भएको छ । एनआईबिएल एस क्यापिटल नेपाल इन्भेष्टमेन्ट बैंक लि. को पूर्ण स्वामितवमा रहेको नेपाल धितोपत्र बोर्डबाट इजाजत पत्र प्राप्त सहायक कम्पनी हो । यस अभियानबाट बिशेषतः पूँजीबजार भन्दाबाहिर रहेका गृहणी महिला, विद्यार्थी तथा नयाँ लगानीकर्ताहरुलाई फाईदा पुग्ने र सर्वसाधारणहरुमा डिम्याट खाताको पहुँच बुद्धि हुने विश्वास समेत कम्पनीको रहेको छ । यो सुबिधा एनआईविएल एस क्यापिटल लिमिटेडको मुख्य कार्यालय लाजिम्पाट लगायत कम्पनीको लालदरवार, ललितपुर, पोखरा, वीरगञ्ज, विराटनगर र वुटवल स्थित शाखा कार्यालयहरु तथा नेपाल इन्भेष्टमेण्ट बैंक लिमिटेडका सम्पूर्ण शाखा कार्यालयहरुबाट पनि प्राप्त गर्न सकिने जनाइएको छ ।
नेपाल बङ्गलादेश बैंकको रजत बचत खाता सञ्चालनमा, २५ रुपैयाँमै खोल्न सकिने
काठमाडौं । नेपाल बङ्गलादेश बैंकले समृद्धिसँग जोडौ नाता, सबै नेपालीको बैंक खाताको नारा सहित रजत बचत खाता सञ्चालनमा ल्याएको छ । उक्त खाता मात्र २५ रुपैयाँमा खाता खोल्न सकिने छ । साथै, बैंकद्वारा १०० रुपैयाँ थप प्रदान गरिने, बचतकर्ता र इच्छाएको व्यक्तिलाई १ लाख रुपैयाँसम्मको स्वास्थ्य बीमा सुबिधा र नेपाल भरिका अस्पतालहरुमा उपचार सेवा जस्ता आकर्षक सुविधाहरु रहेका छन् । यस सुविधा अन्तर्गत बचतकर्ता र निजको इच्छाएको व्यक्तिले नेपाल भरीका अस्पतालहरुमा स्वास्थ्य उपचार गराउँदा लाग्ने खर्चमा १ लाख रुपैयाँमा नबढ्ने गरि वार्षिक औषत निक्षेप रकमको २५ प्रतिशत वा अस्पतालको बिल रकम मध्ये जुन न्यूनतम हुन्छ सो रकम बराबर दावी प्राप्त गर्न सक्नेछन् । संयुक्त बचतकर्ताको हकमा दुबै बचतकर्तालाई यो सुविधा प्राप्त हुनेछ । यस प्रकारको सुविधा वर्षमा २ पटक प्राप्त गर्न सकिनेछ । विभिन्न १५० थरिका रोगको उपचार तथा सल्यक्रियाका निम्ति पनि यो सुविधा प्राप्त हुनेछ । उक्त बचत खाता सुरुवात समारोहमा बैंकका प्रमुख कार्यकारी अधिकृत ज्ञानेन्द्रप्रसाद ढुंगानाले नेपाल सरकार र नेपाल राष्ट्र बैंकको सकारात्मक प्रयासलाई बैंकको तर्फबाट पूर्ण साथ र सहयोग हुने प्रतिबद्धता गरेका छन् ।
अब टिभिएसका बाईक र स्कुटर दराजमा पनि पाईने, १० हजार छुट
काठमाण्डौं । नयाँ बर्षमा टिभिएस किन्न ईच्छुक ग्राहकहरुलाई खुशीको खबर छ । १० अप्रिलमा जगदम्बा मोटर्स प्रालिका भाईस प्रेसिडेन्ट दीपक अग्रवाल र दराज अनलाईनका व्यवस्थापकीय निर्देशक लिनो एलेरिङ् बीच भएको एउटा सम्झैता अनुसार अब दराज अनलाईनबाट टिभिएसका मोटरसाईकल र स्कुटरहरु खरिद गर्न सकिने छ । नयाँ बर्षको सुरुवातमा ल्याईएको यस अफरमा काठमाडौँ ग्राहकहरुले दराजबाट कुनै पनि टिभिएसका बाईक वा स्कुटर किन्दा रु १० हजारको छुट पाउने छन । समित अबधिको लागि दिईएको छुट पहिलो १०० जना ग्राहकहरुका लागि मात्र लागू हुनेछ । अनलाईन ब्यापारको माहोल राम्रो बन्दै गएको नेपालमा बाईकहरु पनि अनलाईनबाट किन्न पाउनु नौलो प्रयोग हुनेछ। यसको व्यापकता आउनेदिनहरुले देखाउने नै छन । जगदम्बा मोटर्स, दुइ तथा तिन पाङ्ग्रे सवारीको उत्पादक टिभिएस मोटर कम्पनिको नेपालभरिकै एकमात्र अधिकृत विक्रेताहो । नेपालमा वस्तु तथा सेवाको विद्युतीय कारोबार प्रणालीको विकासमा नेतृत्वदायी भूमिकामा रहेको दराज ग्रुप, दक्षिण एसियाका देशहरुपाकिस्तान, बंगलादेश, नेपाल, श्रीलंका र म्यानमारमा सेवा दिँदै आएको छ ।
ओपोको नयाँ एफ११ प्रोमा राईजिङ क्यामेरा, सेल्फी फङ्सनलाई नयाँ उचाई दिने लक्ष्य
काठमाडौँ । ओपोको लोकप्रिय एफ सिरिज अन्तर्गत सार्वजनिक हुने तयारीमा रहेको नयाँ स्मार्टफोन एफ११ प्रोमा कम्पनीले नयाँ क्यामेरा प्रणालीको प्रयोग गरेको छ । नयाँ क्यामेरा प्रणाली अन्तर्गत फोनको अघिल्तिर राइजिङ क्यामेरा र रियर क्यामेराको रुपमा ४८एमपी क्षमताको क्यामेरा उपलब्ध गरिएका छन् । एफ सिरिज अन्तर्गतका उत्कृष्ट सेल्फी फङ्सनका साथै नयाँफोनमा उपभोक्तालाई थप आरामदायी र उत्कृष्ट प्रयोग अनुभव दिने सोचका साथ यसमा एफ नाइनको स्लिक ग्राडियण्ट डिजाइन र पानारोमिक स्क्रिनपनि उपलब्ध गरिएका छन् । स्मार्टफोनको डिजाइन अनुकुलन गरी फोनको माथिल्लो मध्यभागमा १६एमपी फ्रण्ट क्यामेरा जडान गरिएको छ । आवश्यकता अनुसार राइज हुने(निस्कने) र प्राकृतिक देखिने सेल्फी लिन सघाउने यो राईजिङ क्यामेराले फोनको बेजल घटाउन सघाएको छ । १६एमपी फ्रण्ट कयामेरा लुकाउन सघाउने, स्लाइडिङ प्रणाली अवलम्बनगरिएको यो प्रविधिले नोचलाई विस्थापनगर्न सघाएको छ साथै यसको पारदर्शी डिजाइनले सटिक टचप्रदान गर्छ । फोनको शानदारपानारोमिक स्क्रिन डिजाइनले फ्रण्ट क्यामेरा लुकाएर फोनलाई नोच लेस बनाउनुका साथै फुल स्क्रिन अनुभवपनिप्रदान गर्छ । परम्परागतमोबाइलसंग तुलनात्मकरुपमा यस फोनमा रहेको ६.५३ ईञ्च डिस्प्ले स्क्रिन र ९०.९ प्रतिशतको स्क्रिन टू बडी रेसियोले ठूलो आकारमातस्विर र दृष्यपस्किने छ । यसले मोबाइल गेमर्स तथामूभी लभर्सलाई अदृतिय दृष्यानुभव र उत्कृष्ट गेमिङ अनुभव प्रदान गर्ने निश्चित रहेको कम्पनीले जनाएको छ ।
