नेपालमा पाँच महिनामै ७०० युनिट बिक्री भयो हुण्डाइको ‘भेन्यु’ एसयूभी, सुरुवाती मूल्य ३४ लाख ९६ हजार
काठमाडाैं । हुण्डाईको ‘भेन्यु’ नेपाली अटोमोवाइल बजारमा प्रशिद्ध नाम हो । हुण्डाइको नेपालका लागि आधिकारीक बिक्रेता लक्ष्मी इन्टरकन्टिनेन्टल प्रा.लि.ले नेपाली बजारमा भेन्युको इ, एस, एसएक्स र एसएक्स डिसिटि गरी ४ अलग भेरियन्टहरु बिक्री वितरण गर्दै आइरहेको छ । कम्पनीले भेन्युको सुरुवाती मूल्य भने ३४ लाख ९६ हजार रुपैयाँ तोकेको छ । हुण्डाईको एसयूभी चढ्ने चाहना त हुने तर क्रेटा अलि महँगो लाग्नेहरुका लागि भेन्यु एउटा राम्रो विकल्प बनेको छ । नेपाली बजारमा क्रेटाको मूल्य ४७ लाख रुपैयाँ बाट शुरु छ । कम्पनीका अनुसार नेपाली बजारमा भेन्यु भित्र्याएको अहिले ५ महिना पूरा भयो भने हालसम्म ७०० युनिट जति बिक्री पनि भइसकेको छ । भेन्यु एउटा ५–डोर सबकम्प्याक्ट एसयूभी हो । यस कारमा प्रोजेक्टर फग ल्याम्प, इलेक्ट्रिकली अपरेट गर्न मिल्ने आउटसाइड रियर भ्यू मिरर, स्मार्ट इलेक्ट्रिक सनरुफ, एयर प्युरिफायर, वायरलेस फोन चार्जर, रियर एसी भेन्ट्स, ग्लोभबक्स कुलिङ्ग, आर्मरेस्ट, मल्टिफङ्कसन स्टेयरिङ्ग लगायतका फिचरहरु समावेश गरिएको छ । त्यसैगरी सेफ्टी फिचर्सका रुपमा चाहिँ ड्राइवर र पेसेन्जर एयरब्याग्स, एबीएस, इलेक्ट्रोनिक ब्रेकफोर्स डिष्ट्रिब्युसन, इञ्जिन इमोविलाइजर, सेन्ट्रल लकिङ्ग, चाइल्ड सेफ्टी लक, पावर डोर लक, अटो क्र्यास नोटिफिकेशन, हाइ स्पिड अलर्ट, आइडल अलर्ट, इम्प्याक्ट सेन्सिङ्ग अटो डोर अनलक, सिटबेल्ट रिमाइन्डर, स्पिड सेन्सिङ्ग अटो डोर, हिल एसिस्ट लगायतका विशेषता रहेका छन् । भेन्यूमा प्रयोग गरिएको ११९७ सीसी पेट्रोल इञ्जिनले ८२ बीएचपीको पावर र ११५ एनएमको टर्क उत्पादन गर्दछ । त्यसैगरी यस कारमा ५ गियरहरु रहेका छन् भने कारले १७.५० केएमपीएलको माइलेज दिन्छ । ५ सिटर यस कारको ग्राउण्ड क्लियरेन्स १९५ मिलिमिटर, बुट स्पेश २९५ लिटर र फ्युल ट्याङ्क क्यापासिटी चाहिँ ४५ लिटरको रहेको छ । त्यसैगरी यस कारका आगाडिका चक्काहरुमा डिस्क ब्रेक र पछाडिका चक्काहरुमा चाहिँ ड्रम ब्रेक दिइएका छन् । कम्पनीका अनुसार अहिलेको विशेष अफर अन्तर्गत यस कारको खरिदमा १ लाख ५० हजार रुपैयाँ नगद छुट प्राप्त गर्न सकिनेछ । नेपाली बजारमा उपलब्ध भेन्युका भेरियन्टहरुको मूल्य भने यस प्रकार रहेको छः
सिभिल बैंकको थप नयाँ शाखा गोरखाको धार्चेमा
काठमाडौं । सिभिल बैंकले शाखा विस्तार गर्ने क्रममा गोरखाको धार्चेमा नयाँ शाखा स्थापना गरेको छ । उक्त धार्चे शाखाको उद्घाटन नेपाल राष्ट्र बैंकका गभर्नर डा. चिरञ्जिवी नेपालले गरेका हुन् । उद्घाटनमामा गभर्नर डा. नेपालले मुलुकका सबै ठाउँमा बैंकको उपस्थिति विना संघीय नेपालको समृद्धि हुन नसक्ने उल्लेख गर्दै मुलुकका दुर्गम स्थानसम्म वित्तीय पहुँच पुर्याउने लक्ष्यलाई सहयोग पुग्ने गरी राष्ट्र बैंकले नीतिगत व्यवस्था गरेको जानकारी दिए । मुलुकका ७५३ वटै स्थानीय तहमा वित्तीय पहुँच पुर्याउने राष्ट्र बैंकको नीतिगत अभियानमा सिभिल बैंकको धार्चे शाखाले अर्को ईंटा थपेको बताए । समारोहमा धार्चे गाउँपालिकाका अध्यक्ष सन्तबहादुर गुरुङले धार्चे जस्तो दुर्गम ठाउँमा सिभिल बैंकले शाखा स्थापना गरेकोमा खुशी व्यक्त गर्दै उक्त शाखाले धार्चे गाउँपालिकाका जनताको घरदैलोसम्म वित्तीय सेवा उपलब्ध गराइ स्थानीय जनतामा उद्यमशीलताको विकास र जीवनस्तर उकास्नमा महत्वपूर्ण योगदान गर्ने विश्वास व्यक्त गरे । यसैगरी, सिभिल बैंकका प्रमुख कार्यकारी अधिकृत गोविन्द गुरुङले धार्चे शाखाले यस क्षेत्रमा प्रभावकारी र गुणस्तरीय बैंकिङ सेवा उपलब्ध गराई उद्यम, व्यवसायको विकासमा सहयोग गर्ने प्रतिबद्धता व्यक्त गरेका छन् । साथै, उनले ग्रामीण अर्थतन्त्र उकास्नका निम्ति कृषि, पशुपालन, पर्यटन लगायतका क्षेत्रमा लगानी बढाउँदै ‘समृद्घ धार्चे’ को सपना साकार बनाउने लक्ष्यका साथ सहकार्य गरेर अघि बढ्ने भाव व्यक्त गरे । सिभिल बैंकमा हालसम्म ४ लाख १५ हजारभन्दा बढी ग्राहकहरु आबद्ध छन् । यस बैंकले रु.५२ अर्बभन्दा बढी निक्षेप परिचालन गरी रु.५० अर्ब भन्दा बढी कर्जा लगानी गरेको छ । धार्चे शाखाको स्थापना सँगै सिभिल बैंकको गण्डकी प्रदेशमा १२ सहित नेपाल भर कुल शाखा संख्या १०३ पुगेकोे छ ।
एनबी बैंकको नाफा ८० करोड, निक्षेप करिब ५ अर्बले बढ्यो
काठमाडौं । चालु आर्थिक वर्षको ६ महिनामा नेपाल बंगलादेश (एनबी) बैंकले ८० करोड ७७ लाख रुपैयाँ नाफा गरेको छ । गत वर्षको सोही अवधिमा ७९ करोड ३३ लाख रुपैयाँ नाफा गरेको थियो । बैंकले प्रकाशित गरेको चालु आर्थिक वर्षको दोस्रो त्रैमासको अपरिष्कृत वित्तीय विवरणका अनुसार बैंकको नाफा गत वर्षको तुलनामा १ करोड ४४ लाख रुपैयाँ नाफा बढेको छ । एनबी बैंकले सर्वसाधारणलाई ५७ अर्ब ९३ करोड ४६ लाख रुपैयाँ कर्जा तथा लगानी गरेको छ । गत वर्षको पुस मसान्तसम्ममा बैंकले ५२ अर्ब ५१ करोड ९१ लाख रुपैयाँ कर्जा तथा लगानी गरेको थियो । गत पुस मसान्तसम्ममा बैंकमा सर्वसाधारणको ६३ अर्ब १२ करोड ४३ लाख रुपैयाँ निक्षेप छ । गत वर्षको सोही अवधिमा बैंकसँग सर्वसाधारणको ५९ अर्ब ७६ करोड ४७ लाख रुपैयाँ निक्षेप थियो । गत पुस मसान्तसम्मा एनबी बैंकले ३ अर्ब ६५ करोड ९५ लाख रुपैयाँ व्याज आम्दानी गरेको छ । गत वर्षको सोही अवधिमा बैंकले ३ अर्ब २४ करोड १४ लाख रुपैयाँ व्याज आम्दानी गरेको थियो । चालु आर्थिक वर्षको पुस मसान्तसम्मा बैंकले २ अर्ब ३० करोड ४३ लाख रुपैयाँ व्याज खर्च गरेको छ । गत वर्षको सोही अवधिमा यस्तो खर्च १ अर्ब ८४ करोड ४८ लाख रुपैयाँ थियो । गत वर्षको पुस मसान्तसम्ममा १ अर्ब ३९ करोड ६५ लाख रुपैयाँ खुद व्याज आम्दानी गरेको एनबी बैंकले चालु आर्थिक वर्षको सोही अवधिमा १ अर्ब ३५ करोड ५२ लाख रुपैयाँ खुद व्याज आम्दानी गरेको छ । बैंकको खराब कर्जा अनुपात १.९२ प्रतिशत छ । गत वर्षको पुस मसान्तसम्ममा खराब कर्जा अनुपात १.७८ प्रतिशत थियो । कष्ट अफ फण्ड ७.३६ प्रतिशत छ । गत वर्षको पुस मसान्तमा कष्ट अफ फण्ड ७.५८ प्रतिशत थियो । एनबीको कर्जा निक्षेप अनुपात ७२.९५ प्रतिशत छ । गत वर्षको पुस मसान्तसम्ममा ७७.२९ प्रतिशत थियो । कर्जा निक्षेप अनुपात ८० प्रतिशतसम्म पुर्याउन पाइन्छ । बैंकको आधार दर ९.९२ प्रतिशत छ । गत वर्षको पुस मसान्तमा यस्तो अनुपात १०.८२ प्रतिशत थियो । यस्तै, व्याज अन्तर (स्प्रेड) दर ४.८ प्रतिशत छ । गत वर्षको पुस मसान्तमा व्याज अन्तर दर ५.१ प्रतिशत थियो । व्याज अन्तर कम भएको कारण बैंकको खुद व्याज आम्दानी घटेको छ भने नाफा पनि १ करोड ४४ लाख रुपैयाँ मात्रै बढेको छ ।
परिसंघका पदाधिकारी र स्वीजरल्याण्डका राजदूतबीच भेटवार्ता
काठमाडौं । नेपालका लागि स्वीजरल्याण्डका राजदूत महामहिम एलिजाबेथ भोन क्यापेलर ओस्वाल्ड र नेपाल उद्योग परिसंघका पदाधिकारीहरु बीच मंगलबार भेटवार्ता भएको छ । परिसंघको सचिवालयमा भएको भेतवार्तामा परिसंघका अध्यक्ष सतिश कुमार मोरले नेपाल स्वीजरल्याण्ड बीचको द्विपक्षीय सम्बन्धलाई थप प्रगाढ बनाउदै आर्थिक तथा व्यापारिक र लगानी विस्तारमा केन्द्रित गर्नु पर्ने समय आएको बताए । स्वीजरल्याण्डले नेपालको आर्थिक तथा निजी क्षेत्रको विकासका साथै विशेषतः नेपालको गलैँचाको उत्पादन र विकासका साथै प्राविधिक शिक्षामा गरिरहेको योगदानको चर्चा गर्दै अध्यक्ष मोरले यसलाई थप विस्तार गर्न सहजकर्ताको भूमिका निर्वाह गर्न परिसंघ तयार रहेको उल्लेख गरे । उत्पादनमुलक क्षेत्र, पूर्वाधार तथा पर्यटनका क्षेत्रमा लगानीका सम्भावनाहरु रहेको तर्फ अध्यक्षले राजदूतको ध्यानाकर्षण गराएका थिए । सो अवसरमा परिसंघका अध्यक्ष एमिरेट्स माननीय विनोद चौधरीले उद्योग र ऐतिहासिक औद्योगिक प्रतिष्ठानहरुको संरक्षण गर्न परिसंघले स्वीस दूतावाससँग सहकार्य गर्न सक्ने सम्भावना रहेको उल्लेख गरेका छन् । कार्यक्रममा राजदूत एलिजाबेथ भोन क्यापेलर ओस्वाल्डले स्वीजरल्याण्ड र नेपालको महत्वपूर्ण सम्बन्धलाई आर्थिक अवसरमा बदल्न सबै खाले लगानीका लागि उचित वातावरण तयार गर्नु आफ्नो प्राथमिकतामा रहको बताए । लगानी वातावरणमा देखिएका समस्या सुधारमा सहकार्य अघि बढाउने प्रतिवद्धता पनि राजदूत ओस्वाल्डले उल्लेख गरे । भेटवार्तामा परिसंघका प्रवुद्ध परिषद (थिंक ट्याङ्क) का संयोजक डा. शम्भुराम सिंखडालेले नेपालको राजनीतिक अवस्थामा आएको सुधारले लगानीको वातावरण बन्दै गएकाले यसको उपयोग गर्न स्वीस लगानीकर्ताहरुलाई प्रेरित गर्न पनि राजदूत समक्ष आग्रह गरेका थिए । ऊर्जा र अन्य पूर्वाधार परियोजना तथा नयाँ स्टार्टअप व्यापारमा समेत स्वीस लगानीकर्ताका लागि उपयुक्त समय आएको उनले उल्लेख गरिन् ।
हिमालयन बैंकको नाफा १ अर्ब ७४ करोड
काठमाडौं । चालु आर्थिक वर्षको ६ महिनामा हिमालयन बैंकले १ अर्ब ७४ करोड २४ लाख रुपैयाँ नाफा गरेको छ । गत वर्षको ६ महिनामा हिमालयन बैंकले १ अर्ब ३६ करोड ७० लाख रुपैयाँ नाफा गरेको थियो । बैंकले प्रकाशित गरेको चालु आर्थिक वर्षको ६ महिनाको अपरिष्कृत वित्तीय विवरणका अनुसार हिमालयनको नाफा गत वर्षको ६ महिनाको तुलना यो वर्ष ३७ करोड ५४ लाख रुपैयाँ बढाएको छ । बैंकले सर्वसाधारण्मा ९७ अर्ब ७२ करोड ४ लाख रुपैयाँ कर्जा तथा लगानी गरेको छ । गत वर्षको सोही अवधिमा कर्जा तथा लगानी ९२ अर्ब ६९ करोड ७३ लाख रुपैयाँ थियो । गत वर्षको तुलनामा यो वर्ष बैंकको कर्जा तथा लगानी करिब ५ अर्ब रुपैयाँ बढेको देखिन्छ । हिमालयनमा सर्वसाधारणको १ खर्ब १२ अर्ब ७२ करोड ९१ लाख रुपैयाँ निक्षेप छ । गत वर्षको पुस मसान्तसम्ममा सो बैंकमा सर्वसाधारणको १ खर्ब ९ अर्ब ३८ करोड ७० लाख रुपैयाँ निक्षेप थियो । गत पुस मसान्तसम्ममा हिमालयन बैंकले ६ अर्ब १७ करोड ७१ लाख रुपैयाँ व्याज आम्दानी गरेको छ । गत वर्षको सोही अवधिमा बैंकले ५ अर्ब ५७ करोड २१ लाख रुपैयाँ व्याज आम्दानी गरेको थियो । हिमालयन बैंकले गत पुस मसान्तसम्ममा ३ अर्ब ५९ करोड ९० लाख रुपैयाँ व्याज खर्च गरेको छ । गत वर्षको सोही अवधिमा बैंकले ३ अर्ब ७ करोड ८७ लाख रुपैयाँ व्याज खर्च गरेको छ । गत वर्षको पुस मसान्तसम्ममा २ अर्ब ४९ करोड ३४ लाख रुपैयाँ खुद व्याज आम्दानी गरेको हिमालयन बैंकले चालु आर्थिक वर्षको सोही अवधिमा २ अर्ब ५७ करोड ८० लाख रुपैयाँ खुद व्याज आम्दानी गरेको छ । बैंकको खराब कर्जा अनुपात १.२८ प्रतिशत छ । गत वर्षको पुस मसान्तमा खराब कर्जा अनुपात १.२५ प्रतिशत थियो । बैंकको कष्ट अफ फण्ड ६.३४ प्रतिशत छ । गत वर्षको पुस मसान्तमा कष्ट अफ फण्ड ६.७३ प्रतिशत थियो । यस्तै, बैंकके आधार दर ८.९२ प्रतिशत छ । गत वर्षको पुस मसान्तमा ९.११ प्रतिशत थियो । बैंकको कर्जा निक्षेप अनुपात ७३.९४ प्रतिशत छ । गत वर्षको पुस मसान्तमा ७८.४५ प्रतिशत थियो । यस्तो अनुपात ८० प्रतिशतसम्म पुर्याउन पाइन्छ । हिमालयन बैंकको व्याज अन्तर (स्प्रेड) दर ५.३२ प्रतिशत छ । गत वर्षको पुस मसान्तमा व्याज अन्तर ३.९४ प्रतिशत थियो । आगामी असार मसान्तसम्ममा व्याज अन्तर ४.४ प्रतिशतमा ल्याइसक्न राष्ट्र बैंकले निर्देशन दिएको छ ।
कामना सेवा विकास बैंकको नयाँ शाखा रुपन्देहीको होराइजनमा
काठमाडौं । कामना सेवा विकास बैंकले रुपन्देहीको होराइजनचोकमा मंगलबार ११८औ शाखा सञ्चालनमा ल्याएको छ । उक्त होराइजन शाखाको उद्घाटन प्रदेश नं ५ का उद्योग, पर्यटन, वन तथा वातावरण मन्त्री लिला गिरी र बैंकका सञ्चालक भिम प्रसाद तुलाचनले संयुक्त रmपमा गरेका हुन् । यस बैंकको नयाँ शाखा सहित ११८ वटा शाखा कार्यालयहरु तथा ६२ वटा एटिएममार्फत ग्राहकलाई सेवा प्रदान गरेको छ । साथ,ै बैंकले एबिबएस, इन्टरनेट बैंकिङ, मोबाइल बैंकिङ, भिफाइभ लगायतका माध्यमबाट समेत सम्पूर्ण बैंकिङ्ग सेवाहरु उपलब्ध गराउँदै आएको तथा समय सापेक्ष आफ्ना सेवाहरु थप गर्दै जाने बैंकको योजना रहेको छ ।
सुरुङमार्गः देखायो विकासको आश, बनायो स्थानीयको बिल्लीबाठ
काठमाडौं । काठमाडौं– हेटौंडा सुरुङमार्ग बन्ने खबर सुनेपछि अधिकांश नेपाली खुसी भए । आफ्नो गाउँठाउँमै नेपालकै पहिलो सुरुङमार्ग बन्ने भएपछि मकवानपुरवासी खुसी नहुने कुरै भएन । काठमाडौं–हेटौंडा सुरुङमार्गमा सर्वसाधारणको पनि सहभागित हुने भनियो । सडक निर्माण हुने मकवानपुरका स्थानीयले पनि बाट बनाउने कम्पनीमा लगानी गरेर सहभागी हुन पाउने गरी कम्पनी खडा गरिएपछि सर्वसाधारणको आशा अझै बढ्यो । सर्वसाधारण खुसी भए । यसरी खुसी हुनेमध्येका एक थिए– मकवानपुरको फाखेलका धिरज लामाले । उनी लामो समय जापान बसेर फर्केका थिए । जापानका चिल्ला सडक, रहरलाग्दो विकास र सहज जीवनशैलीले धिरज पनि प्रभावित थिए । नेपालमा पनि सुरुङमार्ग बन्दैछ भन्ने सुने । उनका लागि थप खुसीको कुरा के थियो भने उनी आफै सेयर लगानी गर्न पनि पाउँथे र त्यो लगानीले बन्ने सुरुङमार्ग पनि आफ्नै गाउँठाउँमै थियो । आफ्नै जिल्लामा सुरुङगमार्ग बन्ने भएपछि लामा धेरै खुसी थिए । नेपाल पुर्वाधार विकास कम्पनीले पनि फाखेलको पैसा उठाउने जिम्मा धिरजलाई नै दियो । धिरजले गाउँभरीका मान्छेलाई लगानी गर्दा केके फाइदा हुन्छ भनेर बुझाए । फाखेल कुलेखानीका गरी करिब १ सय १ जनाले लामाको कुरा पत्याए । अनि १५ लाख ९० हजार रुपैयाँको सेयर किने । ‘विदेशमा ४/५ तल्लाको सुुरुङमार्ग बनेको देखिन्छ, नेपालमा पनि सुरुङमार्ग बन्ने सुनेपछि धेरै खुसी भएको थिएँ, गाउलेलाई पनि लगानी गर्नुपर्छ भनेर कन्भिन्स गरेँ, तर ९ वर्ष भयो केही काम भएको छैन, हाम्रो पैसा के भयो भनेर गाउँलेले सोधिरहेका छन्,’ धिरजले भने । धिरले पनि लगानी गरेका थिए । उनी आफैले १० हजार रुपैयाँको सेयर किनिसकेका थिए । फाखेलमा संयोजक समेत रहेका धिरजको घर फाखेल बजारमा नै छ । सेयर किन्ने मान्छेहरु उनको घर भएको बाटो नै भएर हिड्ने गरेका छन् । बोटो हिड्दा समेत उनलाई हाम्रो पैंसा के हुदै छ भनेर प्रश्न गर्ने गरेका उनले सुनाए । देश विकास हुन्छ भन्ने भएपछि हामीले पनि केही सहयोग गर्नुपर्छ भनेर सहयोग गरिएको उनको भनाइ छ । तर, नेपाल कम्पनीले न काम गर्यो, न आफूहरुको पैसा नै बाँकी रह्यो भन्ने गुनासो उनको छ । भीमफेदीका बद्री थापाले मकवानपुर जिल्लाको नै मुहार फेरिने सपना देखे । उनलाई लाग्यो, सुरुङमार्ग बनेपछि दुई–चार हजार रुपैयाँ कमाउन गाउँ छाडेर हिंड्नु पर्ने छैन । सुरुङमार्गको दक्षिणतर्फको प्रवेशद्वार भीमफेदीमै पर्नेवाला थियो । सुरुङमार्ग निर्माता कम्पनीले गरेको सर्वपक्षीय भेलामा सहभागी भएपछि उनको आशा विश्वासमा बदलिएको थियो । भेलामा सुरुङ र बाहिरको फराकिलो सडक कम्प्युटरमा देखेपछि बद्रीले विश्वास गरेका थिए । भेलामा लगानी जुटाउने तरिका र नाफा–नोक्सानको हिसाब समेत देखाइयो । भेलामा मजाले बुझेपछि थापाले पनि आफूले सकेजति लगानी निर्णय गरे । उनले ५० हजारको सेयर किने । ‘ठूलो आश लागेको थियो, के के न होला भन्ने भएको थियो, पैसा लगानी गरियो, काम केही भएको छैन, आजकल त सुरुङको कुरा गर्दा पनि रिस उठ्ने गरेको छ,’ बद्रीले भने । हेटौंडाका अनिल अग्रवालले पनि सुरुङ बन्ने सुनेपछि लगानी गर्ने निर्णय गरे । उनी त्यो बेला हेटौंडा उद्योग बाणिज्य सघंका सदस्य पनि थिए । उनले सुरुङगमार्ग निमार्णका लागि १ लाखको सेयर खरिद गरे । सेयर किन्दा उनलाई देश विकास हुने परियोजनामा लगानी गर्न पाउदा खुसी लागेको थियो । तर विस्तारै सुरुङ मार्गको काम नहुने हो कि भनेर उनलाई शंका लागेको थियो । उनले साथीभाइहरुसगँ कुरा गर्दा कतै लगानी बलुवामा पानी त हुने हैन भनेर सोध्ने गरेका थिए । तर उनलाई साथीभाइहरुले गाली गर्ने गरेका थिए । अग्रवाललाई अब आफ्नो १ लाख रुपौंया खेर नै गएको भान भैइरहेको छ । ‘अब न काम भयो, न कम्पनीसगँ पैंसा छ । हाम्रो लगानी खेर गयो,’ अग्रवालले भने । स्थापनाकालदेखि नै कम्पनीमा काम गर्दै आएका शिव पौडेलले गाउँका ६० जनालाई सेयर किन्न लगाए । आफूले पनि किने । सुरुदेखि नै सोही कम्पनीमा काम गरेकोले उनको आश अझै मरेको छैन । ‘म गाउँ जादा गाउँका साथीहरुले ख्याउख्याउ गरेर हैरान पार्ने गरेका छन्,’ शिवले भने । सम्बन्धित सामग्री निजी क्षेत्रमाथि नै प्रश्न गरिरहेको काठमाडौं–हेटौडा सुरुङमार्ग ९ वर्षदेखि अलपत्र
सन्दीप लामिछानेलाई एक लाख नगदसहित युथ आइकन सम्मान दिइने
काठमाडौं । क्रिकेटर सन्दीप लामिछाने एक लाख रुपैयाँ पुरस्कारसहित युथ आइकन २०२० बाट सम्मानित हुने भएका छन् । काठमाडौं युथ कन्क्लेभले माघ २४ गते आयोजना गर्ने कार्यक्रममा उनीसहित राष्ट्रिय तेक्वान्डो खेलाडी आयशा शाक्य पनिसम्मानित हुँदैछन् । युवा तथा खेलकुद मन्त्री जगतबहादुर सुनुवार प्रमुख अतिथि र संस्कृति, पर्यटन तथा नागरिक उड्डयन मन्त्री योगेश भट्टराई विशेष अतिथिकाे रुपमा रहने जनाइएकाे छ । विभिन्न शैक्षिक पृष्ठभूमि, समुदाय र क्षेत्रका करिब ३ हजार युवाहरूलाई एउटै सम्मेलनमा आह्वान गर्दै शुक्रबार काठमाडौँ युथ कन्क्लेभ २०२०को आयोजना गरिने जनाइएकाे छ । कार्यक्रम युनिभर्सल कलेज, काठमाडौँ मोडल कलेज, एपोलो इन्टरनेसनल कलेज, न्यु समिट कलेज र हिमालय कलेज अफ इन्जिनियरिङले संयुक्त रूपमा आयोजना गर्दै छ। यसले युवाहरूलाई नेतृत्व, व्यवस्थापन र औद्योगिक सीपहरूमा मद्दत गर्ने आयोजककाे विश्वास छ ।