सिद्धार्थ बैंकले सार्वजनिक गर्याे नयाँ ब्याजदर, कुन खातामा कति ?
काठमाडौं । सिद्धार्थ बैंकले नयाँ ब्याजदर सार्वजनिक गरेको छ । बैंकले भदौ १ गतेदेखि लागू हुने गरी ब्याजदर सार्वजनिक गरेको हो । बैंकले भदौमा मुद्दति निक्षेपमा संस्थागततर्फ ५.५० प्रतिशत र व्यक्तिगततर्फ ६.५० प्रतिशत ब्याज प्रदान गर्नेछ । बैंकले रेमिट्यान्स खातामा भने ७.५० प्रतिशत ब्याजदर तोकेको छ । यसअघि साउनमा बैंकले संस्थागततर्फ ५.५० प्रतिशत, व्यक्तिगततर्फ ६.७५ प्रतिशत र रेमिट्यान्समा ७.७५ प्रतिशत ब्याज तोकेको थियो । बैंकले भदौमा साधारण बचत खातामा न्यूनतम ३ प्रतिशतदेखि ४.५० प्रतिशत ब्याजदर तोकेको छ भने रेमिट्यान्स बचतमा ५.५० प्रतिशत तोकेको छ । यसअघि बैंकले साउनमा साधारण बचतमा ३ प्रतिशतदेखि ५ प्रतिशत र रेमिट्यान्समा ६ प्रतिशत ब्याजदर तोकेको थियो । बैंकको आधारदर ८.२० प्रतिशत रहेको छ । सो आधार दर बैंकले ३.५० प्रतिशतसम्म प्रिमियम दर तोक्नेछ ।
माछापुच्छ्रे बैंकले साउनकै ब्याजदर भदौमा तोक्यो
काठमाडौं । माछापुच्छ्रे बैंकले ब्याजदर स्थिर राखेको बैंकले साउन महिनाकै ब्याजदर भदौमा कायम राखेको हो । बैंकले भदौ १ गतेदेखि लागू हुने गरी साउनकै ब्याजदर सार्वजनिक गरेको हो । बैंकले भदौमा मुद्दति निक्षेपमा संस्थागततर्फ ५.२५ प्रतिशत र व्यक्तिगततर्फ ७ प्रतिशत ब्याज प्रदान गर्नेछ । यसअघि साउनमा पनि बैंकले सोही ब्याजदर निक्षेपकर्तालाई प्रदान गरेको थियो । बैंकले भदौमा साधारण बचत खातामा न्यूनतम ३ प्रतिशतदेखि ५ प्रतिशत ब्याजदर तोकेको छ भने रेमिट्यान्स बचतमा ६ प्रतिशत तोकेको छ । यसअघि बैंकले साउनमा साधारण बचतमा पनि सोही ब्याजदर कायम थियो ।
लक्ष्मी सनराइज बैंकको ब्याजदर तीन महिनादेखि स्थिर, कर्जाको ब्याज घटायो
काठमाडौं । लक्ष्मी सनराइज बैंकले मुद्दति निक्षेपमा तीन महिनादेखि ब्याजदर स्थिर राखेको छ । बैंकले विभिन्न खातामा भदौ १ गतेदेखि लागू हुने गरी ब्याजदर सार्वजनिक गरेको छ । जसमा मुद्दति निक्षेपको ब्याजदर अघिल्लो महिनाको नै कायम राखिएको छ । बैंकले भदौमा मुद्दति निक्षेपमा संस्थागततर्फ ५.५० प्रतिशत र व्यक्तिगततर्फ ६.५० प्रतिशत ब्याजदर तोकेको छ । बैंकले रेमिट्यान्स खातामा भने ७.५० प्रतिशत बढी ब्याज दिनेछ । यसअघि असार र साउनमा पनि सोही ब्याजदर तोकिएको थियो । जेठमा भने बैंकले संस्थागततर्फ ६ प्रतिशत र व्यक्तिगततर्फ ७ प्रतिशत ब्याज दिएको थियो । बैंकले भदौमा साधारण बचत खातामा न्यूनतम ३ प्रतिशतदेखि ५ प्रतिशत ब्याजदर तोकेको छ भने रेमिट्यान्स बचतमा ६ प्रतिशत तोकेको छ । यसअघि बैंकले साउनमा साधारण बचतमा ३.०५ प्रतिशतदेखि ५.०५ प्रतिशत र रेमिट्यान्स खातामा ६.०५ प्रतिशत ब्याजदर तोकेको थियो । बैंकको आधार ८.७० प्रतिशत छ भने स्प्रेडदर ४ प्रतिशत छ । यसअघि साउनमा ८.९० प्रतिशत आधारदर थियो । बैंकको आधारदर घटेसँगै कर्जाको ब्याजदर पनि स्वतः घट्नेछ ।
हिमालयन बैंकले ०.५० प्रतिशत घटायो ब्याजदर
काठमाडौं । हिमालयन बैंकले नयाँ ब्याजदर घटाएर सार्वजनिक गरेको छ । बैंकले विभिन्न खातामा भदौ १ गतेदेखि लागू हुने गरी ब्याजदर घटाएर सार्वजनिक गरेको हो । बैंकले भदौमा मुद्दति निक्षेपमा संस्थागततर्फ ६ प्रतिशत र व्यक्तिगततर्फ ७ प्रतिशत ब्याज प्रदान गर्नेछ । बैंकले रेमिट्यान्स खातामा भने १ प्रतिशत बढी ब्याज दिनेछ । यसअघि साउनमा बैंकले संस्थागततर्फ ६.५० प्रतिशत र व्यक्तिगततर्फ ७.५० प्रतिशत ब्याजदर तोकेको थियो । बैंकले भदौमा साधारण बचत खातामा न्यूनतम ३.२५० प्रतिशतदेखि ५.२५० प्रतिशत ब्याजदर तोकेको छ । यसअघि बैंकले साउनमा साधारण बचतमा सोही ब्याजदर तोकेको थियो ।
मुद्दतिमा स्थिर राखेको ग्लोबल आइएमई बैंकले बचत खाताको ब्याजदर घटायो
काठमाडौं । ग्लोबल आइएमई बैंकले ब्याजदर स्थिर राखेको छ । बैंकले भदौ १ गतेदेखि लागू हुने गरी विभिन्न खातामा ब्याजदर स्थिर राखेको हो । बैंकले भदौमा मुद्दति निक्षेपमा संस्थागततर्फ ५.२५ प्रतिशत र व्यक्तिगततर्फ ६.२५ प्रतिशतसम्म ब्याज प्रदान गर्नेछ । बैंकले रेमिट्यान्स खातामा भने १ प्रतिशत बढी ब्याज दिनेछ । यसअघि साउनमा पनि बैंकले सोही ब्याजदर प्रदान गरेको थियो । साथै बैंकले साधारण बचततर्फ भने ब्याजदर सामान्य घटाएको छ । बैंकले भदौमा साधारण बचत खातामा न्यूनतम ३ प्रतिशतदेखि ३.५० प्रतिशत ब्याजदर तोकेको छ । ग्लोबल रेमिट बचत खातामा भने ४.५ प्रतिशत ब्याज प्रदान गर्नेछ । यसअघि बैंकले साउनमा साधारण बचतका सबै खातामा ३.०५ प्रतिशत ब्याजदर तोकेको थियो ।
तीन महिनादेखि स्थिर राख्यो नबिल बैंकले ब्याजदर
काठमाडौं । नबिल बैंकले तीन महिनादेखि ब्याजदर स्थिर राखेको छ । बैंकले असारदेखि हालसम्म ब्याजदर स्थिर राखेको हो । बैंकले भदौ १ गतेदेखि लागू हुने गरी सार्वजनिक गरेको नयाँ ब्याजदर पनि स्थिर राखेको हो । बैंकले भदौमा मुद्दति निक्षेपकर्तालाई व्यक्तिगततर्फ ७ प्रतिशत र संस्थागततर्फ ६ प्रतिशत ब्याजदर तोकेको छ । बैंकले रेमिट्यान्स खातामा ८ प्रतिशत ब्याजदर तोकेको छ । यसअघि जेठमा बैंकले व्यक्तिगततर्फ ६.७५ प्रतिशत, संस्थागततर्फ ५.७५ प्रतिशत र रेमिट्यान्सतर्फ ७.७५ प्रतिशत ब्याज तोकेको थियो । जेठयता बैंकले मुद्दति निक्षेपमा ब्याजदर परिमार्जन गरेको छैन । साथै बैंकले भदौमा साधारण बचततर्फ सबै खातामा ३ प्रतिशत ब्याजदर तोकेको छ । बैंकले साउनमा पनि सोही ब्याजदर तोकेको थियो । बैंकको आधारदर ७.६३ प्रतिशत छ भने प्रेडदर भने ३.९९ प्रतिशत रहेको छ । पछिल्लो तीन महिनको औसत आधार दरमा परिवर्तनको आधारमा प्रत्येक महिनाको पहिलो दिनदेखि लागू हुने कर्जाको ब्याजदर स्वतः परिमार्जन हुने बैंकको भनाइ छ । साथै कन्सोर्टियम ऋणको ब्याज दरहरू कन्सोर्टियम बैठकहरूले निर्णय गरेबमोजिम हुनेछ । बैंकले पेनाल ब्याज २ प्रतिशत तोकेको छ ।
घटाएर सार्वजनिक गर्याे नेपाल बैंकले ब्याजदर
काठमाडौं । सरकारी स्वामित्वको नेपाल बैंकले भदौमा ब्याजदर घटाएको छ । बैंकले विभिन्न खातामा भदौ १ गतेदेखि लागू हुने गरी नयाँ ब्याजदर घटाएर सार्वजनिक गरेको हो । बैंकले भदौमा मुद्दति निक्षेपकर्तालाई संस्थागततर्फ ४ प्रतिशत र व्यक्तिगततर्फ ५.२५ प्रतिशत ब्याज प्रदान गर्नेछ । बैंकले रेमिट्यान्स खातामा ६.२५ प्रतिशत ब्याजदर तोकेको छ । यसअघि साउनमा बैंकले संस्थागततर्फ ४.२५ प्रतिशत, व्यक्तिगततर्फ ६.२५ प्रतिशत र रेमिट्यान्सतर्फ ७.७५ प्रतिशत ब्याज तोकेको थियो । साथै बैंकले साधारण बचततर्फ पनि ब्याजदर सामान्य घटाएको छ । बैंकले भदौमा साधारण बचत खातामा न्यूनतम ३.०१ प्रतिशतदेखि अधिकतम ५.०१ प्रतिशत ब्याजदर तोकेको छ । यसअघि साउनमा साधारण बचत खातामा न्यूनतम ३.२० प्रतिशतदेखि अधिकतम ५.२० प्रतिशत ब्याजदर तोकेको थियो । बैंकले आधारदर घटेसँगै कर्जातर्फको ब्याजदर पनि घटेको छ । यसअघि बैंकको आधारदर ७.८८ प्रतिशत रहेकोमा घटेर ७.८७ प्रतिशतमा झरेको छ । बैंकले आधारदरमा ५ प्रतिशतसम्म प्रिमियम तोक्न सक्नेछ । बैंकको स्प्रेडदर भने ३.९५ प्रतिशत रहेको छ ।
सानिमा बैंकको निक्षेप र कर्जाको ब्याजदर घट्यो
काठमाडौं । सानिमा बैंकले भदौ महिनामा ब्याजदर घटाएको छ । बैंकले मुद्दती निक्षेपतर्फ साउनमा ब्याजदर घटाएको हो । बैंकले विभिन्न खातामा भदौ १ गतेदेखि लागू हुने गरी नयाँ ब्याजदर घटाएर सार्वजनिक गरेको हो । बैंकले मुद्दति निक्षेपमा संस्थागततर्फ ४.९० प्रतिशत र व्यक्तिगततर्फ ६.२० प्रतिशत ब्याज प्रदान गर्नेछ । बैंकले रेमिट्यान्स खातामा ७.२० प्रतिशत ब्याजदर तोकेको छ । यसअघि साउनमा बैंकले संस्थागततर्फ ५.१० प्रतिशत र व्यक्तिगततर्फ ६.४० प्रतिशत ब्याजदर तोकेको थियो भने रेमिट्यान्स खातामा ७.४० प्रतिशत ब्याजदर तोकेको थियो । साथै बैंकले साधारण बचततर्फ पनि ब्याजदर घटाएको छ । बैंकले साउनमा साधारण बचत खातामा न्यूनतम ३.०५ प्रतिशतदेखि अधिकतम ५.०५ प्रतिशत ब्याजदर तोकेको छ । यसअघि साउनमा न्यूनतम ३.०५ प्रतिशतदेखि अधिकतम ६.०५ प्रतिशत ब्याजदर तोकेको थियो । बैंकले आधारदर घटेसँगै कर्जातर्फको ब्याजदर पनि घटेको छ । यसअघि बैंकको आधारदर ८.०६ प्रतिशत रहेकोमा घटेर ८.०३ प्रतिशतमा झरेको छ ।
