बीमा प्राधिकरणको कार्यकारी निर्देशक बने सुवेदी, प्राप्त गरे ७७.१९४ अंक
काठमाडौं । नेपाल बीमा प्राधिकरणको कार्यकारी निर्देशकमा सुशीलदेव सुवेदी सिफारिस भएका छन् । बुधबार बसेको पदपुर्ति समितिको बैठकले उनलाई कार्यकारी निर्देशकका लागि सिफारिस गरेको हो । उनलाई कार्यसम्पादन मूल्यांकनको आधारमा कार्यकारी निर्देशकमा नियुक्त गरेको प्राधिकरणले जानकारी दिएको छ । उनले आन्तरिक कार्यसम्पादन मूल्यांकन, जेष्ठता, शैक्षिक योग्यता र तालिमबापत् उच्च अंक पाउँदै सिफारिस भएका हुन् । समितिले सिफारिस गरेसँगै अब प्राधिकरणले उनलाई कार्यकारी निर्देशकमा नियुक्त गर्नेछ । उनले कुल ७७. १९४ अंक प्राप्त गरेका छन् । कार्यकारी निर्देशकका लागि सुवेदीसँगै कमलराज रेग्मी र पुजन ढुङ्गेल प्रतिस्पर्धामा थिए । भदौमा बीमा प्राधिकरणले कार्यकारी निर्देशक पाउने, यी हुन् निर्देशक बन्ने मुख्य दाबेदार
धितोपत्र बोर्डमा सहायक प्रवक्ताको जिम्मेवारी न्यौपानेलाई
काठमाडौं । नेपाल धितोपत्र बोर्डमा सहायक प्रवक्ताको जिम्मेवारी तोलाकान्त न्यौपानेलाई दिइएको छ । बोर्डले एक सूचना जारी गर्दै सूचना प्रविधि शाखाका निर्देशक न्यौपानेलाई सहायक प्रवक्ता तोकिएको जानकारी दिएको हो । हाल बोर्ड प्रवक्ताको जिम्मेवारीमा बोर्डका उपकार्यकारी निर्देशक निरञ्जय घिमिरे छन् ।
मुस्ताङ हेलिकप्टरलले माग्यो २ जना पाइलट
काठमाडौं । मुस्ताङ हेलिकप्टरलले २ जना पाइलट मागेको छ । मुस्ताङले एएस३५० सिरिजको हेलिकप्टर उडानका लागि पाइलट मागेको हो । इन्स्ट्रक्टर पाइलट र १ हजार २ सय घन्टाभन्दा बढी समयको उडान अनुभव चाहिने कम्पनीले जनाएको छ । मुस्ताङले दुई दशकभन्दा बढी समयदेखि सार्वजनिक र निजी क्षेत्रलाइ हेलिकप्टर सेवाहरू प्रदान गर्दै आएको छ । फ्लीटमा मध्यवर्ती, मध्यम, भारी लिफ्टिङ र जुम्ल्याहा इन्जिनहरू क्याट ए र क्लास १ प्रदर्शन समावेश छन् । मुस्ताङ क्यानडाको अग्रणी हेलिकप्टर सेवा प्रदायकहरू मध्ये एक हो ।
