डोल्पाबाट पहिलो मेयरमा एमालेका शाही निर्वाचित
काठमाडौं । डोल्पाको ठुलीभेरी नगरपालिकाबाट एमालेले मेयरमा खाता खोलेको छ । ठुलीभेरीमा एमाले उम्मेदवार गणेशबहादुर शाही पहिलो मेयर निर्वाचित भएका हुन् । उनले १४७३ मत ल्याएर चुनाव जितेका हुन् । उपमेयरमा भने राप्रपाका योगेन्द्र बहादुर शाही विजयी भएका छन । उनले १३२४ मत पाएका थिए ।
डोल्पाको काइके गाउँपालिकाको अध्यक्षमा एमालेको जित
काठमाडौं । डोल्पाको काइके गाउँपालिकाको अध्यक्षमा एमाले उम्मेदवार विजयी भएका छन् । काइकेमा एमालेका अंगत रानाले ९२० मत ल्याएर अध्यक्ष निर्वाचित भएका हुन् । निकटतम प्रतिद्धन्द्धी नेपाली कांग्रेसका हुरा बुढाले जम्मा ८० मत मात्र प्राप्त गरेका छन् । उपाध्यक्षमा भने राप्रपाका कुञ्जन बुढा बिजयी भएका छन् । डोल्पाको से फोक्सुण्डो गाउँपालिकामा एमालेका टसी तुण्डुप गुरुङ यस अघि नै निर्विरोध निर्वाचित भइसकेका थिए ।
काठमाडौं महानगरमा काँग्रेस/एमाले टक्कर, पछिपछि रञ्जु दर्शना
काठमाडौं । काठमाडौं महानगरपालिकामा काँग्रेस र एमालेबीच कडा प्रतिष्पर्धा हुने देखिएको छ । परिणाम अनुसार मेयरमा काँग्रेस राजुराज जाेशीले २३ मत पाएका छन् । एमालेका उम्मेदवार बिद्यासुन्दर शाक्यले ३५ मत पाएका छन् । काँग्रेस र एमालेलाई पच्छाउदै साझा पाटीको उम्मेदवार किशोर थापाले २६ मत पाएका छन् भने विवेकशिलकी रञ्जु दर्शनाले २५ मत ल्याएकी छिन् ।
