राष्ट्रिय दादुरा-रुबेला अभियानका लागि एनसेल, स्वास्थ्य मन्त्रालय र युनिसेफको सहकार्य
काठमाडौं । एनसेल प्राइभेट लिमिटेडले स्वास्थ्य तथा जनसंख्या मन्त्रालय र युनिसेफसँग सहकार्य गर्दै सरकारको राष्ट्रिय दादुरा-रुबेला अभियान २०७६/७७ मा सघाउने भएकोछ । यस बहुप्रतिक्षित खोप अभियान अन्तर्गत सरकारले ९ महिनादेखि ५ वर्ष सम्मका करिब ३० लाख बालबालिकालाई दादुरा रुबेला खोप लगाउने लक्ष्य राखेको छ । स्वास्थ्य तथा जनसंख्या मन्त्रालय, स्वास्थ्य सेवा विभाग अन्तर्गतको परिवार कल्याण महाशाखाले यो अभियान दुई चरणमा लागु गर्नेछ । फागुन १ (बिहीबार) गते शुरु भई फागुन ३० सम्म संचालनमा रहने पहिलो चरण अन्तर्गत प्रदेश नं. १,२ र ५ का बालबालिकालाई दादुरा र रुबेलाखोप लगाईनेछ । त्यसैगरी दोस्रो चरण चैत्र १ गते देखि चैत्र ३० गते सम्म संचालन हुनेछ र यो चरणमा बाँकीप्र देशहरु बागमती, गण्डकी, कर्णाली र सुदूरपश्चिमका बालबालिकालाई यी खोपहरु लगाईनेछ । “दादुरा रुबेला विरुद्धको खोप शतप्रतिशत बालबालिकालाई लगाउनका लागि जनचेतना अभिवृद्धि गर्न एनसेलबाट हामीलाई धेरै सहयोग प्राप्त भएको छ । त्यो सहयोगको लागि एनसेललाई धेरै धन्यवाद दिन चाहन्छाैं । भविश्यमा पनि हाम्रो खोप कार्यक्रमलाई सहयोग निरन्तर रहनेछ भन्ने आशा राख्दछौं, ” परिवार कल्याण महाशाखा अन्तर्गत बाल स्वास्थ्य तथा खोप शाखाका प्रमुख डा. झलक शर्मा गौतमले भने । “राष्ट्रिय प्राथमिकतामा रहेको दादुरा रुबेलाखोप अभियान अन्तर्गत खोपको महत्वका बारेमा जनचेतना अभिवृद्धिको लागि स्वास्थ्यतथा जनसंख्या मन्त्रालयसँ सहकार्य गर्न पाएकोमा हामी निकै हर्षित छौं । हाम्रो सामाजिक जिम्मेवारी कार्यक्रमअन्तर्गत स्वास्थ्य क्षेत्रहाम्रो प्रमुख प्राथमिकतामा रहेको छ र एक अग्रणी जिम्मेवार कर्पोरेट नागरिकको रुपमा हामीलाई यस किसिमको राष्ट्रिय अभियानमा सहकार्य गर्नेअवसर दिइएकोमा निकैनै गौरवान्वित छौं,” एनसेलका प्रमुख कार्यकारी अधिकृत एण्डी चोङ्गले भने । सरकारी तथ्याङ्कले सन् २०१५ पश्चात् दादुरा रुबेला रोगकाघटनाहरु निकैनै बढ्दो क्रममा रहेको देखाउँछ । नेपालजनसांख्यिकतथा स्वास्थ्य सर्वेक्षणको तथ्याङ्क अनुसार १२ देखि २३ महिनाकाबालबालिकामा सबै खोपको मात्रा पुरा गर्ने बालबालिकको संख्या २०११ मा ८७प्रतिशत (२०११) रहेकोमा सन् २०१६ सम्ममा७८ माप्रतिशतमा घटेको छ । सरकारसँग एनसेलको यस सहकार्यले बालबालिकाको जीवन रक्षासँगै सन् २०२३ सम्ममा दादुरा-रुबेला निवारण गर्ने नेपाल सरकार र विश्व स्वास्थ्य संगठनको लक्ष्यमा योगदान पुर्याउने छ । बालबालिकामा दादुराको संक्रमण भएमा गम्भिर प्रकारका जटिलताहरू जस्तै अन्धोपना, इन्सेफ्लाईटिस्, पखाला र न्युमोनिया हुनका साथै मृत्यु समेत हुन सक्छ । रुबेलाले हाडजोर्नीहरु सुन्निने वादुख्ने, मस्तिष्कमा कडा खालको संक्रमण, गर्भपतन वा मृत शिशु जन्मने र जन्मदै हुने विकलाङ्ग जस्ता जटिलताहरु देखिनुका साथै मृत्यु समेत हुनसक्छ । एनसेलले आफ्नो व्यवसायीक सामाजिक जिम्मेवारी अन्तर्गत देशभर स्वास्थ्यसँग सम्बन्धि जनसचेतना अभिवृद्धि कार्यमा सहयोग गर्न नेपाल सरकार स्वास्थ्य तथा जनसंख्या मन्त्रालय र राष्ट्रिय स्वास्थ्य शिक्षा तथा सञ्चार केन्द्रसँग २०७६ साल असोज १३ मा एक समझदारी पत्रमा हस्ताक्षर गरेको थियो । स्वास्थ्य तथा जनसंख्या मन्त्रालयसँगको यहि समझदारी अन्तर्गत एनसेलले युनिसेफ तथा साझेदारहरुको प्राविधिक सहयोगमा राष्ट्रिय दादुरा रुबेलाखोप अभियानको लागि सञ्चार तथा जनसचेतना अभिवृद्घिकालागि सरकारलाई सहयोग गरेको हो । यस अघि एनसेलले स्वास्थ्य सम्बन्धि जनसचेतना अभिवृद्धिको सहकार्य अन्तर्गत डेङ्गीको बारेमा जनसचेतना अभिवृद्धिको लागि सहयोग गरेको थियो ।
सिद्धार्थ बैंककाे शुपरच्युनीटी योजनाः दराजमा सामान किन्दा १५% छुटका साथै क्यास ब्याक पनि
काठमाडौं । सिद्धार्थ बैंकले ‘सिद्धार्थ शुपरच्युनीटी’ नामक विशेष छुट योजना ल्याएको छ । बैंकले आफ्ना ग्राहकहरूको सुविधाका लागि डिजिटल भुक्तानीलाई प्रोत्साहित गर्दै उक्त योजना ल्याएको हो । यस अन्तर्गत दराजमा कार्डमार्फत् सामान खरिद गर्दा हरेक आइतबार १५ प्रतिशतसम्म वा अधिकतम ५ सय रुपैयाँ छुट पाइने छ । त्यस्तै, पहिलो दुई पटक एक हजार वा सो भन्दा बढि रकमको अनलाइन कारोबार गर्दा ५ सय रुपैयाँ क्यास ब्याक पाइने छ । त्यसैगरी, पहिलो दुई पटक एक हजार रुपैयाँ सो भन्दा बढि रकमको पीओइस मेसिनमार्फत् कारोबार गर्दा ३ सय ८२ रुपैयाँ क्यास ब्याक पाइने कम्पनीले जानकारी गराएको छ । फागुन १ गतेदेखि लागू हुने यस योजना सीमित अवधिका लागि मात्र ल्याइएको बैंकले जनाएको छ । यस्ता छुट र क्यास ब्याक अफर योजनाले नगद भुक्तानीबाट डिजिटल भुक्तानीमा जान आकर्षित गर्ने र अनलाइन कारोकारलाई अझै प्रेरित गर्नेे बैंकको विश्वास छ । हाल बैंकले देशभर १८० वटा शाखा (३ एक्स्टेन्सन् काउन्टर सहित), १०१ शाखारहित बैंकिङ्ग सेवा, २०३ एटीएम र १,६०० भन्दा बढी पीओएस मेसिनमार्फत् उच्चस्तरिय र सहज बैंकिङ्ग सेवा प्रदान गर्दै आइरहेको छ ।
सिभिल बैंकको १०८ औं शाखा बाराकाे कलैयामा
काठमाडौं । सिभिल बैंकले आफ्नो १०८औं शाखा बाराको कलैयामा संचालनमा ल्याएको छ । उक्त शाखाको उद्घाटन बैंकका संचालक समितिका सदस्य युगेश बहादुर मल्ल तथा कलैया उप-महानगरपालिकाका मेयर राजेश राय यादवले बिहीबार एक कार्यक्रमका बीच संयुक्त रुपमा गरेका हुन् । सोही अवसरमा बैंकको संस्थागत सामाजिक उत्तरदायित्व कार्यक्रमअन्तर्गत श्री सिद्धेश्वर संस्कृत माध्यामिक विद्यालयलाई सीसी टिभी क्यामेरा प्रदान गरेको कम्पनीले जानकारी गराएको छ । कार्यक्रममा बैंकका प्रमुख कार्यकारी अधिकृत गोविन्द गुरुङले कलैयामा प्रशस्त अवसरहरु आफूले देखेको र आफुले बैंकको तर्फबाट यस क्षेत्रको अर्थतन्त्र उकास्नका लागि सम्पूर्ण बैंकिंग सेवा तथा सुविधाहरु प्रदान गर्ने बताएका छन् । बैंकको प्रदेश नं २ मा यस शाखा समेत गरी १४ शाखा तथा नेपालभर कुल शाखा संख्या १०८ पुगेको छ ।
एभरेष्ट बैंकले हस्तान्तरण गर्यो नयाँ बानेश्वरको अपाङ्गमैत्री सार्वजनिक शौचालय, एक वर्षमा १४ वटा बनाउन सफल
काठमाडौं । एभरेष्ट बैंकले नयाँ बानेश्वर स्थित अन्तर्राष्ट्रिय सम्मेलन केन्द पश्चिम तर्फ छक्कुबक्कु मन्दिर नजिकै अपाङ्गमैत्री सार्वजनिक शौचालय निर्माण सम्पन्न गरी हस्तान्तरण गरेको छ । बैंकले भ्रमण वर्ष २०२० लाई सहयोग पुर्याउने उद्देश्यले निर्माण गरेको उक्त शौचालय काठमाडौं महानगरपालिका वडा नं. १० लाई हस्तान्तरण गरेको हो । उक्त शौचालयको साथसाथै सो स्थानमा अवस्थित पार्क तथा चौतारी संरक्षणमा समेत यस बैंकले सहयोग गरेको छ । उक्त कार्यबाट स्थानीय तथा आम नागरिकलाई सुविधा पुग्ने विश्वास बैंकको विश्वास छ । बैंकले यसै वर्ष विभिन्न स्थानमा गरी १४ वटा शौचालय निर्माण गरिसकेको छ । उक्त सार्वजनिक शौचालय, बैंकको सीएसआर कमिटीका सदस्य डा.गणेश गुरुङ, बैंकको सहायक महाप्रबन्धक आशुतोष शर्माले संयुक्त रुपमा, काठमाडौं महानगरपालिका वडा नं.१० का अध्यक्ष राम कुमार केसीलाई हस्तान्तरण गरेका हुन् । हाल बैंकले ९५ स्थानिय शाखा, ३ एक्सटेन्शन काउन्टर, ३० राजस्व संकलन काउन्टर, १२२ एटिएमबाट सेवा दिँदै आईरहेको छ ।
गुराँस लाईफ इन्स्योरेन्सको आय २९ करोडले बढ्यो
काठमाडौं । गुराँस लाईफ इन्स्योरेन्सले चालु आवको दोस्रो त्रैमासमा २९ करोड रुपैयाँले आय बढाएको छ । कम्पनीको चालु आवको दोस्रो त्रैमासमा आय १ अर्ब ३४ करोड रुपैयाँ रहेको छ भने गत आवको दोस्रो त्रैमासमा आय १ अर्ब ५ करोड रुपैयाँ रहेको थियो । खुद बीमा शुल्कः चालु आवको दोस्रो त्रैमासमा कम्पनीको बीमा शुल्क ९५ करोड ७७ लाख रुपैयाँ रहेको छ भने गत आवको दोस्रो त्रैमासमा कम्पनीको बीमा शुल्क ७१ करोड ९९ लाख रुपैयाँ रहेको थियो । दोस्रो त्रैमासमा कम्पनीको बीमा शुल्क २४ करोड रुपैयाँले बढेको छ । पूनर्बीमा कमिशन आयः कम्पनीको पूनर्बीमा कमिशन आय शिर्षकमा कुनै तथ्याङ्क देखिदैन । लगानी, कर्जा तथा अन्यबाट आयः कम्पनीको चालु आवको दोस्रो त्रैमासमा लगानी, कर्जा तथा अन्यबाट आयमा ३० करोड ३८ लाख रुपैयाँ छ भने गत आवको दोस्रो त्रैमासमा २३ करोड ७५ लाख रुपैयाँ रहेकाे छ । हाल कम्पनीको चुक्ता पूँजी ९३ करोड ८५ लाख २० हजार रुपैयाँ रहेको छ । कम्पनीको जगेडा कोषमा ३४ करोड ७२ लाख ९७ हजार रुपैयाँ रहेको छ । यस्तै, जीवन बीमा कोषमा कम्पनीको ६ अर्ब ६७ करोड ३४ लाख रुपैयाँ रहेको छ । बीमा लेखको धितोमा कर्जाबाट आयः बीमा लेखको धितोमा कर्जाबाट आयमा कम्पनीको चालु अवको दोस्रो त्रैमासमा २ करोड १८ लाख ४१ हजार रुपैयाँ रहेको छ भने अघिल्लो आवको दोस्रो त्रैमासमा १ करोड २९ लाख ४७ हजार रुपैयाँ रहेको थियो ।
हुण्डाई क्रेटाको नयाँ संस्करण छिट्टै सार्वजनिक हुने, यस्ता विशेषताले बनाउनेछ खास
काठमाडाैं । हुण्डाईले भारतमा आउँदो मार्च १७ तारिखका दिन क्रेटाको नयाँ संस्करण सार्वजनिक गर्ने भएको छ । यस दोस्रो जेनेरेशन क्रेटामा परिमार्जित एक्स्टेरियर र इन्टेरियरका साथै बीएस६ इञ्जिन पनि समावेस हुनेछ । नयाँ क्रेटामा पहिलेको भन्दा बोल्ड डिजाइन हुनेछ । स्प्लीट हिटल्याम्प, स्प्लीट टेल-लाइट, नयाँ बम्पर र स्किड प्लेट, डुअल-टोन अलोए व्हिल्स लगायतले यसको एक्स्टेरियरलाई पहिलेभन्दा बोल्ड बनाएको हो । इन्टेरियरको कुरा गर्नुपर्दा ल्याण्डस्केप पोजिशनमा राखिएको टचस्क्रिन इन्फोटेन्मेन्ट सिस्टम, ब्लूलिङ्क कनेक्टर-कार टेक, पानोरामिक सनरुफ, वायरलेस चार्जिङ्ग, अटोमेटिक क्लाइमेट कन्ट्रोल, कुल्ड सिटहरु लगायतले यसको इन्टेरियरलाई पहिलेभन्दा अझ तारिफयोग्य बनाएको छ । हुण्डाईले क्रेटाको इञ्जिनको बारेमा केहि खुलाएको भने छैन । तर भारतिय मिडियाहरुका अनुसार यसमा कियाको सेल्टोसकै इञ्जिन समावेश हुनेछ । यसको मतलव क्रेटा सेल्टोसको १.५ लिटरको डिजेल र १.५ लिटरकै पेट्रोल इञ्जिन र त्यसैगरी अर्को १.४ लिटरको टर्बोचाज्र्ड पेट्रोल इञ्जिन अप्शनमा उपलब्ध हुनेछ । १.५-लिटर डिजल इञ्जिनले ११५ पीएसको पावर र २५० एनएमको टर्क उत्पादन गर्दछ भने १.५ लिटर पेट्रोल इञ्जिनले चाहिँ ११५ पीएसको पावर र १४४ एनएमको टर्क उत्पादन गर्दछ । त्यसैगरी अर्को १.४ लिटर टर्बोचाज्र्ड पेट्रोल इञ्जिनले चाहिँ १४० पीएसको पावर र २४२ एनएमको टर्क उत्पादन गर्दछ । हालको क्रेटा १.६ लिटरको पेट्रोल तथा डिजेल इञ्जिन र त्यसैगरी १.४ लिटरको पेट्रोल इञ्जिन अप्शनमा उपलब्ध रहेको छ । फस्र्ट जेनेरेशन क्रेटाले मिडसाइज एसयूभी सेग्मेन्टमा ठूलो सफलता हासिल गर्न सफल भएको थियो । त्यसैले अब आउने नयाँ क्रेटालाई ठूलो जिम्मेवारी थपिएको छ, विशेषगरी अहिलेको बेजोड प्रतिष्पर्धीहरु बजारमा भइरहेको समयमा । लञ्च पश्चात् नयाँ क्रेटाले कियाको सेल्टोस, एमजीको हेक्टर र टाटाको एच५ लगायतका एसयूभी सित ठाडो प्रतिष्पर्धा गर्नुपर्नेछ । भारतिय बजारमा सो कारको मूल्य १० लाख रुपैयाँदेखि १६ लाख रुपैयाँको हाराहारी पर्न सक्ने अनुमान गरिएको छ ।
युनाइटेड फाइनान्सका ग्राहकले हेरचारको सेवा शुल्कमा १० प्रतिशत छुट पाउने
काठमाडौं । युनाइटेड फाइनान्सका ग्राहकले हेरचार डटकमको सेवा शुल्कमा १० प्रतिशत छुट पाउने भएका छन् । सो सम्बन्धि दुई संस्थाबीच बिहीबार सम्झौता भएको हो । उक्त सम्झौतापत्रमा युनाइटेड फाइनान्सका तर्फबाट प्रमुख कार्यकारी अधिकृत(सीईओ) अजय कुमार मिश्र र हेरचार डटकमका तर्फवाट प्रबन्धक उत्सव भट्टराइले हस्ताक्षर गरेका हुन् । यससँगै फाइनान्सका ग्राहकले हेरचार डटकम मार्फत गराउने मर्मत तथा सम्भार सम्बन्धि कार्यहरुको लागि १० प्रतिशत छुट पाउने छन् । हेरचार डटकमले फागुन १ गतेदेखि नै लागु हुने गरी आफ्नो बजार विस्तारलाई आक्रमक रुपमा अगाडी बढाउनको लागि फाइनान्ससँग उक्त सम्झौता गरेको हो । हेरचार डटकमले विगत डेड वर्षदेखि व्यावसायिक घराना बैंक, इन्सोरेन्स, फाइनान्स तथा घरघरमा आइपर्ने मर्मत तथा सम्भार सम्बन्धि कार्य गर्दै आइरहेको छ । छिटै नै बुटवल तथा हेटौडामा शाखा विस्तार गर्न लागेको हेरचारले काठमाण्डौ बाहिरपनि हेरचारको सेवालाई आक्रमक रुपमा विस्तार गर्न लागेको हेरचार प्रबन्धक रमेश कुमार भट्टराइले जानकारी दिए ।
सेञ्चुरी बैंकका ग्राहकले बुटवलको क्लवमा १० प्रतिशत छुट पाउने
काठमाडौं । सेञ्चुरी कमर्सियल बैंकका ग्राहकले बुटवलको रुपन्देहींस्थित क्लव दे नोभोमा १० प्रतिशत छुट पाउने भएका छन् । दुई कम्पनीबीच सम्झौता भएसँगै बैंकका क्रेडिट र डेबिट कार्ड ग्राहकहरुले क्लवको सेवा सुविधामा विशेष छुट पाउने भएका हुन् । उक्त सम्झौतापत्रमा बैंकका बुटवल शाखा प्रबन्धक यादव भट्टराईर क्लव दे नोभा प्रा.लि.का प्रबन्धक अर्जुन गैरेले हस्ताक्षर गरेका छन् । बैंकले आफ्ना क्रेडिट र डेबिट कार्ड ग्राहकहरुलाई सहुलियत प्रदान गर्नेगरी सम्झौता गरेको हो ।