सरकारले ‘हाम्रा बा-आमा, हाम्रो जिम्मेवारी’ अभियान सञ्चालन गर्ने
काठमाडौं । सरकारले ‘हाम्रा बा आमा हाम्रो जसम्मेवारी’ अभियान सञ्चालन गर्ने भएको छ । अर्थमन्त्री वर्षमान पुनले आर्थिक वर्ष २०८१/८२ बजेट प्रस्तुत गर्दै यस्तो बताएका हुन् । उनका अनुसार स्थनीय तहमा जेष्ठ नागरिक मिलन केन्द्र स्थापना गर्दै लगिनेछ । सातै प्रदेशमा सुविधा सम्पन्न वृद्धाश्रमको व्यवस्था गरिने भएको छ ।
बनेपामा फिल्म छायांकन स्टुडियो निर्माण गरिने
काठमाडौं । सरकारले काभ्रेपलाञ्चोकको बनेपामा फिल्म छायांकन स्टुडियो निर्माण सुरु गरिने बताएको छ । मंगलबार संघीय संसदको संयुक्त बैठकमा आर्थिक वर्ष २०८१/८२ को बजेट प्रस्तुत गर्दै अर्थमन्त्री वर्षमान पुनले बनेपामा फिल्म छायांकन स्टुडियोको निर्माण गरिने बताएका हुन् । अर्थमन्त्री पुनले दोलखामा सार्वजनिक तथा निजी साझेदारीमा अन्तर्राष्ट्रिय फिल्म सिटी निर्माण गरिने समेत बताएका छन् ।
सुरक्षाकर्मीको अवकास समय पुनरावलोकन हुने
काठमाडौं । अर्थमन्त्री वर्षमान पुनले सुरक्षाकर्मीको अवकास समय पुनरावेलोकन हुने बताएका छन् । अर्थमन्त्री वर्षमान पुनले मंगलबार संघीय सदनको संयुक्त बैठकमा आगामी आर्थिक वर्ष २०८१/८२ को बजेट सार्वजनिक गर्दै उनले सुरक्षाकर्मीको अवकास समय पुनरावलोकन हुने बताएका हुन् ।
वर्षामानको नजर नुवाकोटमा, सडकस्तर वृद्धिको लागि १८० करोड
काठमाडौं । नुवाकोटले गल्छी-स्याप्रुवेस-रसुवा सडकको स्तरवृद्धिको लागि १ अर्ब ८० करोड रुपैयाँ बजेट विनियोजन गरिएको छ । अर्थमन्त्री वर्षामान पुनले आगामी वर्षको बजेटमा उक्त रकम विनियोजन गरेका हुन् । पूर्व अर्थमन्त्री प्रकाश शरण महतले चालु आर्थिक वर्षको बजेट बनाउँदा नुवाकोटलाई बढी बजेट विनियोजन गरेको भन्दै आलोचना भएको थियो । यस वर्ष पनि अर्थमन्त्री पुनले नुवाकोटमा एक नजर लगाएका छन् ।
अब नेपालमा पनि पोडवे, सरकारले सम्भाव्यता अध्ययन गरी निर्माण गर्ने
काठमाडौं । सरकारले पोडवे निर्माणका लागि सम्भावयता अध्ययन गरिने बताएको छ । अर्थमन्त्री वर्षमान पुनले मंगलबार संघीय सदनको संयुक्त बैठकमा आगामी आर्थिक वर्ष २०८१/८२ को बजेट सार्वजनिक गर्दै पृथ्वी राजमार्गको विमलनगरदेखि गोर्खाको लिगलिगकोट-भच्चेक-बारपाक-बुङकोट-गोरखाबजार-मनकामना-बेनीघाटसम्म पोडवे यातायात प्रणालीको संभाव्यता अध्ययन र लगानी ढाँचा तय गरी निर्माण कार्य अगाडि बढाइने बताएका छन् । विभिन्न सहरलाई मौलिक सहर विकास गर्न बजेट विनियोजन गरेको बताएका छन् । उनले काठमाडौंका नयाँ सहर निर्माणका लागि बजेट विनियोजन गरेको पनि बताएका छन् । उनले डोटीको सिलगढीलाई सांस्कृतिक सहरका रुपमा विकास गर्ने बताएका छन् ।
दिवा खाजाको लागि ८ अर्ब ३९ करोड विनियोजन
काठमाडौं । सरकारले आगामी आर्थिक वर्षमा दिवा खाजाको रकम बढाउने भएको छ । प्रारम्भिक बाल शिक्षादेखि कक्षा ५ सम्मका ३० लाख विद्यार्थी लाभान्वित हुने दिवाखाजा कार्यक्रमको लागि ८ अर्ब ३९ करोड विनियोजन गरेको हो । आगामी आर्थिक वर्षको बजेट विनियोजीत अर्थमन्त्री वर्षमान पुनले कर्णाली प्रदेशमा दिइदै आएको दिवा खाजा रकम वृद्धि गरिएको छ ।
वन तथा वातावरण मन्त्रालयका लागि १५ अर्ब ७० करोड रुपैयाँ विनियोजन
काठमाडौं । सरकारले वन तथा वातावरण मन्त्रालयका लागि १५ अर्ब ७० करोड रुपैयाँ विनियोजन गरेको छ । अर्थमन्त्री वर्षमान पुनले आर्थिक वर्ष २०८१/८२ बजेट प्रस्तुत गर्दै यस्तो बताएका हुन् । सरकारले न्यूनतम एक तहको प्रशाेधन गरेर जडीबुटी निर्यात गर्ने वातावरण सिर्जना गर्ने बताएको छ । अर्थमन्त्री पुनले उनले वन क्षेत्रको दिगो व्यवस्थापन गरी व्यावसायिक उपयोग गरिने बताएका हुन् । उनले राजमार्ग छेउछाउमा उत्पादन हुने स्थानीय उत्पादनलाई जोड दिने बताएका हुन् । वन आगालागी नियन्त्रणका लागि आवश्यक सामग्री खरिद गर्ने बताइएको छ । राष्ट्रपति चुरे संरक्षण आयोजनाको लागी १ अर्ब ५ करोड रुपैयाँ विनियोजन गरिएको छ ।
पूर्वपश्चिम राजमार्गमा गलैंचा र जुम्लामा मार्सी धान करिडोर
काठमाडौं । सरकारले निजगढदेखि ढल्केवरसम्मको पूर्वपश्चिम राजमार्ग आसापासका क्षेत्रलाई नेपाली गलैँचा करिडोरका रुपमा विकास गर्ने योजना बनाएको छ । अर्थमन्त्री वर्षमान पुन अनन्तले मंगलबार संघीय संसदका दुवै सदनको बैठकमा आगामी आर्थिक वर्ष २०८१/८२ को बजेट प्रस्तुत गर्दै उक्त घोषणा गरेका हुन् । मन्त्री पुनले सार्वजनिक निकायले नेपाली गलैँचा खरिद गर्नुपर्ने व्यवस्था मिलाइने बताए । प्रदेश तथा स्थानीय तहको सहकार्यमा रुकुम र सल्यानको शारदा नदी आसपासका क्षेत्रलाई कृषि करिडोर, जुम्लाको हिमा नदी र तिला नदी आसपासका क्षेत्रलाई मार्सी धान करिडोर, बाराको कोल्वीदेखि सिम्रौनगढ सडक आसापासका क्षेत्रलाई माछा करिडोरका रुपमा विकास गरिने बजेटमा उल्लेख छ ।
