कालीगण्डकी करीडोर : जोमसोम-कागबेनी खण्डमा कालोपत्र
म्याग्दी । राष्ट्रिय गौरवको आयोजना कालीगण्डकी करीडोरअन्तर्गत मुस्ताङको सदरमुकाम जोमसोमदेखि मुक्तिक्षेत्र गाउँपालिकाको केन्द्र कागबेनीसम्म १३ किलोमिटरसडक कालोपत्र भएको छ । जोमसोम-कागबेनी सडक ११ मिटर फराकिलो बनाएर आक्सपाल्ट प्रविधिको कालोपत्र गरिएको हो । बेनी-जोमसोम–कोरला सडक आयोजनाअन्र्तगत जोमसोम–कागबेनी खण्डमा कालोपत्र गर्न २८ करोड १४ लाख रुपैयाँमा ठेक्का सम्झौता गरेको थियो । बेनी-जोमसोम-कोरला सडक आयोजनाका सूचना अधिकारी विष्णु चापागाँईले कालोपत्रको काम पूरा भएको तथा सडक फर्निचरको काम अन्तिम चरणमा पुगेको बताए । कागबेनी देखि कोरलातर्फ दुई किलोमिटर र एक्लेभट्टी देखि कागबेनी जोड्ने बैकल्पिक सडकको एक किलोमिटर क्षेत्रमा पनि कालोपत्र भएको छ । जोमसोमदेखि चीनको स्वशासित क्षेत्र तिब्बतको सिमानामा रहेको कोरला नाका जोड्ने उक्त करिडोरअन्तर्गत आठ खण्डमा विभाजन गरेर प्रारम्भ भएको एक सय १० किलोमिटरमध्ये ७५ किलोमिटरमा सडक विस्तार र ग्राभेलको काम पूरा भएको छ । पच्चीस किलोमिटर लामो चराङ–छोसेर खण्डमा ९२ प्रतिशत निर्माण सम्पन्न भएको छ । यो खण्डको स्तरोन्नति पूरा भएपछि जोमसोमदेखि कोरलासम्मको सडक गाभ्रेल हुने आयोजना प्रमुख ध्रुवकुमार झाले बताए । रासस
पोखरामा हालसम्मै ठूलो ‘एक्सचेन्ज एन्ड टेस्ट ड्राइभ क्याम्प’ गर्दै एमएडब्लु वृद्धि
काठमाडौं । नेपालका लागि दिपल, सेरेस र नामी इलेक्ट्रिक सवारीसाधनका ब्रान्डको वितरक एमएडब्लु वृद्धिले पोखरामा हालसम्मकै ठूलो ‘एक्सचेन्ज तथा टेस्ट ड्राइभ क्याम्प’ गर्ने भएको छ । एमएडब्लु वृद्धिले पोखरा इभेन्ट सेन्टर, बुलाउदी–०६ मा आउँदो असोज १३ देखि १५ गतेसम्म ‘एक्सचेन्ड एन्ड टेस्ट ड्राइभ क्याम्प’को आयोजना गर्न लागेको हो । यो विशेष कार्यक्रममा इलेक्ट्रिक सवारीसाधनमा चाख राख्ने गण्डकीका ग्राहकले काठमाडौंका टप ३ रिकन्डिसन हाउसबाट अभुतपूर्व ‘एक्सचेन्ज भ्यालु’ र एमएडब्लु वृद्धिबाट बेजोड ‘एक्सचेन्ज बोनस’को फाइदा उठाउँदै नयाँ पुस्ताको इलेक्ट्रिक खरिद गर्न सक्ने कम्पनीले जनाएको छ । कम्पनीका अनुसार एमएडब्लु वृद्धिको ‘एक्सचेन्ज इभेन्ट’को अवधिमा ग्राहकले दिपल, सेरस र नामीले नाडा अटो सोमा जारी गरेको विशेष अफर उपयोग गर्न सक्नेछन् । जसअन्तर्गत दिपल एस ०७ बजेट अघिको मूल्य यानि ७१ लाख ९९ हजार रुपैयाँमा खरिद गर्न सक्नेछन् । साथै, नयाँ सेरेस ३ लाई ४५ लाख ४९ रुपैयाँमा खरिद गर्न सक्नेछन् भने नामी इभीमा ७ किलोवाटको चार्जर पाउनेछन् । ग्राहकले हरेक टेस्ट ड्राइभ र पुरानो गाडीको मूल्यांकनमा आकर्षक उपहार पाउने कम्पनीको दाबी छ । यसबाहेक ‘अनस्पट फाइनान्सिंग’ र ‘अनस्पट डेलिभरी’ पनि लिन सक्नेछन् । दिपल, सेरेस र नामीलाई ८.४९ प्रतिशतको निश्चित ब्याजदरमा घर लान सक्नुका साथै यो कार्यक्रममा सहभागी हुने एक जना भाग्यशाली विजेताले रुपाकोटको स्टे पाउने कम्पनीले जानकारी दिएको छ । यी अफरहरूबाहेक एक्सचेन्ज क्याम्पमा आएर टेस्ट ड्राइभ गर्नुहुनेले ‘फुडस्टल’ र ‘लाइभ म्युजिक’को मज्जा लिन सक्ने कम्पनलिे बताएको छ ।
ग्लोबल आइएमई बैंकले अनलाइनबाटै २५ लाखसम्म सेयर कर्जा दिने
काठमाडौं । ग्लोबल आइएमई बैंक लिमिटेडले फास्ट लोन अगेन्स्ट शेयर प्लेटफर्म सार्वजनिक गरेको छ । यसअन्तर्गत ग्राहकहरूले अनलाइनबाट सेयर धितो कर्जाको लागि आवेदन दिन सक्ने बैंकले जनाएको छ । बैंकले सार्वजनिक गरेको यस डिजिटल प्लेटफर्ममार्फत ग्राहकहरूले आफूसँग भएको सेयरहरू धितो राखी सरल प्रकृयाबाट सेयर धितो कर्जा प्राप्त गर्न सक्नेछन् । ग्राहकहरूले अनलाइनबाट यो प्लेटफर्म प्रयोग गरी कर्जाको आवेदन दिन र आवश्यक कागजातहरू बुझाउन सक्नेछन् । यस प्रकृयामा अनलाइन आवेदन पूरा गरेपछि आवेदकले निवेदनको अवस्थाको बारेमा आफैँले जानकारी लिन समेत सक्नेछन् । यो सेयर धितो कर्जाको सीमा हालका लागि न्यूनतम र ५ लाख रुपैयाँदेखि अधिकतम २५ लाख रुपैयाँसम्म तोकिएको बैंकले जनाएको छ । बैंकका अनुसार यो कर्जाको निमित्त धितोको रुपमा स्वीकार गरिने सेयरहरू निवेदक स्वयम्को हुनु पर्नेछ, निवेदक बाहेक अन्य व्यक्तिको सेयरहरू धितोको रुपमा स्वीकार गरिने छैन । यो सुविधा बैंकले हालसालै सार्वजनिक गरेको डिजिटल युनिभर्समा पनि उपलब्ध छ ।
यी हुन् दशैं-तिहार बिदामा घुम्न जान सकिने भारतका पर्यटकीय गन्तव्य
काठमाडौं । सेप्टेम्बर–अक्टोबर महिनालाई भ्रमणका लागि उत्तम मानिन्छ । किनभने यस समयमा न त धेरै गर्मी हुन्छ न त धेरै जाडो । यो रमाइलो मौसममा घुम्न पाउँदा बेग्लै आनन्द हुन्छ । सेप्टेम्बर–अक्टोबर महिनामा सुन्दर र प्रख्यात ठाउँमा मौसम अनुकूल हुने भएकाले घुम्नुको रमाइलो चार गुणा बढी हुन्छ । तसर्थ, यी महिनामा मानिसहरू आफ्नो परिवार, साथीसँग यात्रा गर्ने योजना बनाउँछन् । नेपालीहरूको महान चाड दशैं–तिहार नजिकिँदै छ । चाडबाडका बेला अफिसदेखि लिएर विद्यालयसम्म बिदा हुन्छ । यही बिदाको सदुपयोग गर्दै देश बाहिर घुम्न जान चाहनेका लागि छिमेकी देश भारत पनि उपयुक्त पर्यटकीय गन्तव्य हुन सक्छ । भारतका यी पर्यटकीय गन्तव्यहरूमा तपाईं घुम्न जान सक्नुहुन्छ । मुन्नार, केरल मुन्नार, भारतको केरल राज्यमा अवस्थित एक सुन्दर पर्यटकीय गन्तव्य हो । यो विशेषगरी चिया बगान, हरिया पहाड, र शान्त वातावरणका लागि प्रसिद्ध छ । मुन्नार पश्चिमी घाटमा अवस्थित छ, जहाँ पर्यटकहरूले प्राकृतिक सौन्दर्य र शान्त वातावरणको आनन्द लिन सक्छन् । मुन्नारको प्रमुख आकर्षणहरू चिया बगान, एराविकुलम राष्ट्रिय निकुञ्ज, अनामुडी चोटी कुंडला ताल अट्टुकड झरना लगायत छन् । यहाँ विभिन्न ट्रेकिङ मार्गहरू, जस्तै अनामुडी र राजमला, साहसिक गतिविधि प्रेमीहरूको लागि उत्कृष्ट छन् । यस्तै, एराविकुलम राष्ट्रिय निकुञ्जमा जङ्गली जनावर र चराचुरुंगीहरूको अवलोकन गर्न सकिन्छ । यहाँका बजारमा स्थानीय उत्पादन विशेषगरी चिया, मसला, र हस्तकला सामान किन्न सकिन्छ । जिरो भ्याली, अरुणाचल प्रदेश जिरो भ्याली अरुणाचल प्रदेशको एक अत्यन्तै सुन्दर र शान्त पर्यटकीय गन्तव्य हो । यो क्षेत्र सुन्दर परिदृश्य र समृद्ध सांस्कृतिक सम्पदाका लागि प्रसिद्ध छ । समुद्र सतहबाट करिब १ हजार ५ सय मिटर उचाइमा अवस्थित यो जिरो भ्याली पहाडहरूको बीचमा अवस्थित छ, जहाँ हरियाली, बाँसका वन र धान खेतहरूले अद्भूत दृश्य प्रदान गर्छन् । यहाँको मौसम वर्षभरि नै शीतल हुन्छ । यस भ्यालीमा बसोबास गर्ने प्रमुख जनजाति अपातानी हो । उनीहरूको सांस्कृतिक परम्परा र जीवनशैली पर्यटकहरूका लागि आकर्षणको केन्द्र हो । यहाँका धान खेतहरू निकै प्रसिद्ध छन्, जहाँ पारम्परिक सिँचाइ प्रणालीको प्रयोग गरिन्छ । यहाँ पानीको संरक्षण गर्ने विशेष प्रणाली छ, जसले यस भ्यालीलाई पर्यावरणीय दृष्टिकोणले पनि महत्त्वपूर्ण बनाएको छ ।। भ्याली अफ फ्लावर्स, उत्तराखण्ड भ्याली अफ फ्लावर्स उत्तराखण्ड राज्यको चमोली जिल्लामा अवस्थित एक सुन्दर राष्ट्रिय निकुञ्ज हो । यो स्थान आफ्नो विशाल फूलको बगैंचा, विभिन्न प्रकारका फूलहरू र प्राकृतिक सौन्दर्यका लागि विश्वभर प्रसिद्ध छ । भ्याली अफ फ्लावर्स युनेस्कोको विश्व सम्पदा सूचीमा पनि समावेश गरिएको छ । यो स्थान प्राकृतिक प्रेमी र ट्रेकिङ पारखीहरूको लागि एउटा उत्कृष्ट गन्तव्य हो । भ्याली अफ फ्लावर्समा विभिन्न प्रजातिका रंगीन र दुर्लभ फूलहरूको अवलोकन गर्न पाइन्छ । यहाँ मनमोहक ब्रह्मकमल, ब्लु पोपी, कोबरा लिली, र अनेका प्रकारका वनस्पतिहरू पाइन्छन् । यहाँको फूलहरू विशेषगरी वर्षायाममा (जुनदेखि अक्टोबर) सम्म फूल्न थाल्छन्, जसले उक्त भ्यालीलाई रंगीन बनाउँछ । यस भ्यालीमा तपाईंले विभिन्न प्रकारका दुर्लभ वनस्पतिहरूका साथै हिमालयन काला भालु, हिमचितुवा, नीलगाई, र हिमाली कस्तुरीजस्ता वन्यजन्तुहरू देख्न पाउनुहुने छ । यहाँ पंक्षी अवलोकन गर्ने चाहनेहरूले पनि विभिन्न प्रजातिका हिमाली चरा देख्न पाउनेछन् । भ्याली अफ फ्लावर्सको यात्रा रोमाञ्चक ट्रेकिङ अनुभवका लागि पनि प्रसिद्ध छ । पर्यटकहरूले गोविन्दघाटबाट यात्रा सुरु गर्छन्, जसको रुट गोविन्दघाट – घांघरिया – भ्याली अफ फ्लावर्सको हुन्छ । गोविन्दघाटबाट घांघरिया गाउँसम्म करिब १३ किलोमिटरको ट्रेकिङ गरिन्छ र त्यसपछि ४ किलोमिटरको अतिरिक्त यात्रा गर्दा भ्याली अफ फ्लावर्स पुगिन्छ । काल्पा, हिमाचल प्रदेश काल्पा, हिमाचल प्रदेशको किन्नौर जिल्लामा अवस्थित एक सुन्दर र शान्त गाउँ हो । यो ठाउँ यसको अद्वितीय प्राकृतिक सुन्दरताका लागि प्रसिद्ध छ । जहाँ तपाईंले हिमालय पर्वत श्रृंखलाहरू, विशेषगरी किन्नर कैलाशको दृश्य देख्न सक्नुहुनेछ । काल्पा आफ्नो स्याउका बगैंचाहरू र शुद्ध वातावरणका कारण पनि चर्चित छ । काल्पामा नेपाली र हिमाचली परिकारहरूको स्वाद लिन पाइन्छ । यहाँका स्थानीय खाना, विशेष गरी स्याउको परिकार, पर्यटकहरूका लागि विशेष आकर्षण हुन् । किन्नर कैलाश पर्वतलाई धार्मिक दृष्टिकोणले विशेष मानिन्छ, किनकि यो स्थान भगवान शिवको निवासस्थल मानिन्छ । काल्पामा प्राकृतिक सौन्दर्य, स्थानीय संस्कृति र हिमालयको नजिकबाट अनुभव गर्न सकिन्छ । यो ठाउँ ट्रेकिङका लागि लोकप्रिय छ र प्रकृति प्रेमीहरूका लागि विशेष गन्तव्य हो । काल्पामा नेपाली, तिब्बती, र हिमाचली संस्कृति मिसिएको छ । यहाँका मठहरू (बौद्ध गुम्बाहरू) र हिन्दू मन्दिरहरूले यस ठाउँको धार्मिक र सांस्कृतिक विविधता देखाउँछन् । राक्छम मठ र चण्डिका मन्दिर यहाँका महत्त्वपूर्ण धार्मिक स्थल हुन् । एजेन्सी
गोलभेडाको मूल्य बढ्यो, कुन तरकारीको मूल्य कति ?
काठमाडौं । शुक्रबार गोलभेडा र केही तरकारी बाहेक अधिकांशको मूल्य घटेको छ । फलफूल तथा तरकारी बजार विकास समिति कालीमाटीले भारतीय गोलभेडा प्रतिकेजी १०५ रुपैयाँ, लोकल सानो गोलभेडा ३०.६७ रुपैयाँ र टनेलको सानोे गोलभेडा प्रतिकेजी ६१.६७ रुपैयाँ तोकेको छ । जबकि हिजो भारतीय गोलभेडा प्रतिकेजी ९५ रुपैयाँ, र टनेलको सानोे गोलभेडा प्रतिकेजी ४६.६७ रुपैयाँ थियो । तरकारी बजारका अनुसार रातो आलु ७७.६७ रुपैयाँ, भारतीय रातो आलु ५६ रुपैयाँ, मुडे आलुको ७१ रुपैयाँ तोकेको छ । भारतीय प्याज सुकेको १११ रुपैयाँ, लोकल गाजर १०५ रुपैयाँ, तराईको गाजर १०५ रुपैयाँ, लोकल बन्दा ४५ रुपैयाँ, तराईको बन्दा ३५ रुपैयाँ, स्थानिय काउली ६५ रुपैयाँ, रातो मूला २७.६७ रुपैयाँ, सेतो मूला (हाइब्रीड) २२.३३ रुपैयाँ तोकिएको छ । यस्तै लाम्चो भन्टा २७.६७ रुपैयाँ, डल्लो भन्टा ३२.३३ रुपैयाँ, तने बोडी ६५ रुपैयाँ, मकै बोडी ६५ रुपैयाँ, लोकल घिउ सिमी ४५ रुपैयाँ, हाइब्रीड घिउ सिमी ४५ रुपैयाँ, टाटे सिमी ७१.६७ रुपैयाँ, भटमासकोशा ७५ रुपैयाँ तोकिएको छ । तितो करेला आज ५५ रुपैयाँ पुगेको छ । लौका ३५ रुपैयाँ, लोकल परवर ६५ रुपैयाँ, चिचिण्डो २७.६७ रुपैयाँ, घिरौला ७५ रुपैयाँ, झिगूनी ७५ रुपैयाँ, फर्सी पाकेको ४५ रुपैयाँ, डल्लो हरियो फर्सी २७.६७ रुपैयाँ, भिण्डी ४२.३३ रुपैयाँ, बरेला ११५ रुपैयाँ, पिंडालू ४५ रुपैयाँ, स्कूस २२.३३ रुपैयाँ रहेका छन् । रायो साग ७५ रुपैयाँ, पालूगो साग ७५ रुपैयाँ, तोरीको साग ४५ रुपैयाँ, प्याज हरियो १५५ रुपैयाँ, च्याउ (कन्य) १६६.६७ रुपैयाँ, च्याउ (डल्ले) २७६.६७ रुपैयाँ, कुरीलो ४९० रुपैयाँ, न्यूरो ७५ रुपैयाँ, ब्रोकाउली ७५ रुपैयाँ, चुकुन्दर ७५ रुपैयाँ मूल्य तोकिएको छ । [pdf id=512967]
सूर्योदय वोमी लघुवित्तका सेयरधनीले बोनस सेयरमा लाग्ने कर आफैं तिर्नुपर्ने
काठमाडौं । सूर्योदय वोमी लघुवित्त वित्तीय संस्थाले वितरण गरेको बोनसमा लाग्ने कर सेयरधनीले तिर्नुपर्ने भएको छ । लघुवित्तले वितरण गरेको बोनस सेयरको कर सेयरधनी आफैंले तिर्नु पर्ने जनाएको हो । लघुवित्तको गत साउन ३२ गते सम्पन्न १२औं वार्षिक साधारण सभाले आर्थिक वर्ष २०७९/८० को नाफाबाट सेयरधनीलाई १४ प्रतिशत बोनस सेयर वितरण गरेको थियो । उक्त बोनस सेयरमा लाग्ने कर रकम बुझाउन लघुवित्तले अनुरोध गरेको हो । लघुवित्तको सेयर रजिष्ट्रार कुमारी क्यापिटल वा कुमारी बैंकको शाखा कार्यालयमा गएर करबापतको रकम बुझाउनुपर्नेछ । बुक क्लोजको समयमा सेयर रोक्का रहेका सेयरधनीहरूको बोनस सेयर फुकुवापत्र प्राप्त भए पश्चात् मात्र बोनस सेयर खातामा पठाईने लघुवित्तले जनाएको छ ।
एशियन लाइफको ५ लाख १४ हजार कित्ता सेयर बिक्रीमा
काठमाडौं । एशियन लाइफ इन्स्योरेन्स कम्पनीले संस्थापक सेयर बिक्री गर्ने भएको छ । कम्पनीले संस्थापक सेयरधनीहरूको स्वामित्वमा रहेको सेयर बिक्रीमा राखेको हो । कम्पनीका अनुसार संस्थापक सेयरधनीहरूले आफ्नो स्वामित्वमा रहेको ५ लाख १४ हजार ४६५ कित्ता सेयर बिक्रीमा राखेका हुन् । उक्त सेयरमा विद्यमान संस्थापक सेयरधनीले मात्रै आवेदन दिन पाउनेछन् । संस्थापकले ३५ दिनभित्र उक्त सेयरका लागि आवेदन दिनुपर्नेछ । यदि संस्थापकले खरिद नगरेमा सर्वसाधारण लगानीकर्तालाई बिक्री खला गरिने कम्पनीले जनाएको छ ।
हिमालयन लाइफको बोनस दर घोषणा, ८६ रुपैयाँसम्म दिने
काठमाडौं । हिमालयन लाइफ इन्स्योरेन्सले नयाँ बोनस दर सार्वजनिक गरेको छ । इन्स्योरेन्स कम्पनीले आर्थिक वर्ष २०७९÷८० सम्मको बीमा कोषको बीमाङ्कीय मूल्याङ्कनका आधारमा नयाँ बोनस दर सार्वजनिक गरेको हो । कम्पनीले जारी गरेको विभिन्न बीमा योजनामा ८५ रुपैयाँसम्म बोनस दर कायम गरेको हो । कम्पनीको आर्थिक वर्ष २०७९÷८० को बीमा कोषको बीमाङ्कीय मुल्याङकन प्रतिवेदन बीमा प्राधिकरणबाट असोज ७ गते स्वीकृत भई बीमालेखहरूमा नयाँ बोनसदर कायम हुने गरी सार्वजनिक गरेको हो । सावधिक बीमालेख योजनामा ० देखि ९ वर्ष अवधिको प्रतिहजार २७ रुपैयाँ, १० वर्षदेखि १४ वर्ष अवधिको ३२ रुपैयाँ, १५ देखि १९ वर्ष अवधिको ३७ रुपैयाँ, २० देखि २४ वर्ष अवधिको ४३ रुपैयाँ, २५ वर्षभन्दा माथि अवधिको ६४ रुपैयाँ बानेस दर निर्धारण गरिएको छ । सावधिक तथा आजीवन बीमा योजनामा ० देखि ९ वर्ष अवधिको प्रतिहजार ३६ रुपैयाँ, १० वर्षदेखि १४ वर्ष अवधिको ४५ रुपैयाँ, १५ देखि १९ वर्ष अवधिको ५० रुपैयाँ, २० देखि २४ वर्ष अवधिको ५७ रुपैयाँ, २५ वर्षभन्दा माथि अवधिको ७५ रुपैयाँ बानेस दर निर्धारण गरिएको छ । अग्रिम भुक्तानी सावधिक योजनामा १० वर्षदेखि १४ वर्ष अवधिको ५६ रुपैयाँ, १५ देखि १९ वर्ष अवधिको ६४ रुपैयाँ, २० देखि २४ वर्ष अवधिको ७१ रुपैयाँ, २५ वर्षभन्दा माथि अवधिको ८६ रुपैयाँ बानेस दर निर्धारण गरिएको छ । जीवन उपहार (अग्रिम भुक्तानी) योजनामा १६ वर्ष अवधिका लागि ४८ रुपैयाँ र जीवन उपहार (सावधिक) बीमा योजनामा १५ वर्ष अवधिको ३२ रुपैयाँ बोनस दर तोकेको छ । सावधिक बीमा योजनामा ० देखि ९ वर्ष अवधिको प्रतिहजार ३८ रुपैयाँ, १० वर्षदेखि १४ वर्ष अवधिको ४१ रुपैयाँ, १५ देखि १९ वर्ष अवधिको ४२ रुपैयाँ, २० देखि २४ वर्ष अवधिको ४९ रुपैयाँ, २५ वर्षभन्दा माथि अवधिको ७६ रुपैयाँ बानेस दर निर्धारण गरिएको छ । सावधिक तथा आजीवन बीमा योजनामा ० देखि ९ वर्ष अवधिको प्रतिहजार ३८ रुपैयाँ, १० वर्षदेखि १४ वर्ष अवधिको ३८ रुपैयाँ, १५ देखि १९ वर्ष अवधिको ४३ रुपैयाँ, २० देखि २४ वर्ष अवधिको ४८ रुपैयाँ, २५ वर्षभन्दा माथि अवधिको ७३ रुपैयाँ बानेस दर निर्धारण गरिएको छ । अग्रिम भुक्तानी सावधिक योजनामा ० देखि १४ वर्ष अवधिको प्रतिहजार ३४ रुपैयाँ, १५ देखि १९ वर्ष अवधिको ४० रुपैयाँ, २० देखि २४ वर्ष अवधिको ४६ रुपैयाँ र वार्षिक नगद फिर्ता बीमा योजनामा ० देखि १४ वर्ष अवधिको प्रतिहजार ३२ रुपैयाँ, १५ देखि १९ वर्ष अवधिको ३८ रुपैयाँ, २० देखि २४ वर्ष अवधिको ४१ रुपैयाँ बानेस दर निर्धारण गरिएको छ । सुरक्षित भविष्य जीवन बीमा योजनामा ० देखि १४ वर्ष अवधिको १८ रुपैयाँ, १५ देखि १९ वर्ष अवधिको २३ रुपैयाँ, २० देखि २४ वर्ष अवधिको ४५ रुपैयाँ, २५ वर्षभन्दा माथि अवधिको ७० रुपैयाँ बानेस दर निर्धारण गरिएको छ । ३० वर्षे जीवन रक्षक (सिमित भुक्तानी), सावधिक लघु जीवन बीमा र कर्पोरेट जीवन बीमा योजनामा ० वर्षदेखि १४ वर्ष अवधिको ३५ रुपैयाँ, १५ देखि १९ वर्ष अवधिको ३७ रुपैयाँ, २० देखि २४ वर्ष अवधिको ४५ रुपैयाँ, २५ वर्षभन्दा माथि अवधिको ७० रुपैयाँ बानेस दर निर्धारण गरिएको छ । सावधिक तथा बालबच्चा सावधिक जीवन बीमा योजनामा ० देखि ९ वर्ष अवधिको प्रतिहजार ३३ रुपैयाँ, १० वर्षदेखि १४ वर्ष अवधिको ३६ रुपैयाँ, १५ देखि १९ वर्ष अवधिको ३९ रुपैयाँ, २० देखि २४ वर्ष अवधिको ४२ रुपैयाँ, २५ वर्षभन्दा माथि अवधिको ७५ रुपैयाँ बानेस दर निर्धारण गरिएको छ । सिमित भुक्तानी सावधिक जीवन बीमा (एकल) योजनामा १० वर्षदेखि १४ वर्ष अवधिको ३० रुपैयाँ, १५ देखि १९ वर्ष अवधिको ३२ रुपैयाँ, २० देखि २४ वर्ष अवधिको ३५ रुपैयाँ, २५ वर्षभन्दा माथि अवधिको ४५ रुपैयाँ बानेस दर निर्धारण गरिएको छ । सिमित भुक्तानी सावधिक जीवन बीमा योजनामा १० वर्षदेखि १४ वर्ष अवधिको ३३ रुपैयाँ, १५ देखि १९ वर्ष अवधिको ३८ रुपैयाँ, २० देखि २४ वर्ष अवधिको ४३ रुपैयाँ, २५ वर्षभन्दा माथि अवधिको ७५ रुपैयाँ बानेस दर निर्धारण गरिएको छ । सावधिक तथा आजीवन जीवन बीमा योजनामा ० देखि ९ वर्ष अवधिको प्रतिहजार ४० रुपैयाँ, १० वर्षदेखि १४ वर्ष अवधिको ४० रुपैयाँ, १५ देखि १९ वर्ष अवधिको ४५ रुपैयाँ, २० देखि २४ वर्ष अवधिको ४५ रुपैयाँ, २५ वर्षभन्दा माथि अवधिको ७४ रुपैयाँ बानेस दर निर्धारण गरिएको छ । सिमित भुक्तानी सावधिक तथा आजीवन जीवन बीमा योजनामा सबै अवधिका लागि प्रतिहजार ५० रुपैयाँ, बार्षिक अग्रिम भुक्तानी जीवन बीमा योजनामा ० देखि ९ वर्ष अवधिको प्रतिहजार २४ रुपैयाँ, १० वर्षदेखि १४ वर्ष अवधिको २७ रुपैयाँ, १५ देखि १९ वर्ष अवधिको ३३ रुपैयाँ, २० देखि २४ वर्ष अवधिको ३३ रुपैयाँ बानेस दर निर्धारण गरिएको छ । अग्रिम भुक्तानी तथा आजीवन जीवन बीमा योजनामा ० देखि ९ वर्ष अवधिको प्रतिहजार २४ रुपैयाँ, १० वर्षदेखि १४ वर्ष अवधिको २४ रुपैयाँ, १५ देखि १९ वर्ष अवधिको २७ रुपैयाँ, २० देखि २४ वर्ष अवधिको ३० रुपैयाँ, २५ वर्षभन्दा माथि अवधिको ४१ रुपैयाँ बानेस दर निर्धारण गरिएको छ । जिवन आधार जीवन बीमा योजनाका सबै अवधिमा प्रतिहजार ५० रुपैयाँ, जिवन सम्पन्न बीमा योजनाका सबै अवधिको ५३ रुपैयाँ, जिवन उत्थान बीमा योजनाका सबै अवधिमा ४० रुपैयाँ, जिवन आवरण बीमा योजनाका सबै अवधिमा ४३ रुपैयाँ बोनस दर निर्धारण गरिएको छ । बालबच्चा सावधिक जीवन बीमा योजनामा ० देखि ९ वर्ष अवधिको प्रतिहजार ३३ रुपैयाँ, १० वर्षदेखि १४ वर्ष अवधिको ३६ रुपैयाँ, १५ देखि १९ वर्ष अवधिको ३९ रुपैयाँ बानेस दर निर्धारण गरिएको छ । कम्पनीले घोषणा गरेको बोनसदर मृत्यु दाबी, पूर्ण वा आंशिक अवधि भुक्तानी दाबी, समर्पण मूल्य दाबी, चुक्ता मूल्य दाबी तथा चालु बीमालेखमा समेत लागू हुनेछ । साथै कम्पनीको आगामी बीमाङ्कीय मूल्याङ्कन नभएसम्म सोही बोनसदर लागू हुने कम्पनीले जनाएको छ ।
