२०७५ सालदेखि फेसबुक बन्द, मन्त्रीको नाम र सरकारको छाप नै नक्कली
२०७५ वैशाख १ गतेदेखि फेसबुक बन्द गर्ने निर्णय नेपाल सरकारले गरेको जनाइएको छ । नेपाल सरकार सूचना तथा सञ्चार मन्त्रालयको नाममा जारी गरिएको उक्त सूचनामा नेपाल सरकारको लोगो र छाप प्रयोग भएको छ । तर उक्त विज्ञप्तिमा सञ्चारमन्त्री माधव पौडेलको नाम राखिएको र उनको हस्ताक्षर प्रयोग भएको छ । सूचनामा भनिएको छ ‘सम्पूर्ण सर्वसाधारण जनताप्रति नेपाल सरकार यो अवगत गराउन चाहन्छ कि यहि आउदो वर्ष २०७५बाट सामाजिक सञ्जल फेसबुक पुर्ण रुपमा बन्द गरिनेछ । फेसबुकमार्फत राजनैतिक नेताप्रति गरिएको अभद्र र आपत्तिजनक फोटोहरु पोष्ट गरिएको हुनाले नेपाल सरकार सामाजिक सञ्जाल फेसबुक बन्द गर्न बाध्य भएको जानकारी गर्दछ ।’ उक्त विज्ञप्तिमा लेखिएको माधव पौडेल पूर्व सूचना तथा सञ्चारमन्त्री हुन् । विज्ञप्ति पूर्ण रुपमा नक्कली भएको देखिन्छ । विज्ञप्ति गएको शनिबार (चैत २४, २०७४) जारी भएको हो । हालको मन्त्रिपरिषदमा सूचना तथा सञ्चार राज्यमन्त्री गोकुलप्रसाद वास्कोटा छन्, मन्त्री छैनन् । सरकारको नाममा जारी गरिएको सो नक्कली सूचना सामाजिक सञ्जालमा अहिले भाइरल बनेको छ ।
एनसेलको नयाँ डेटा प्याक, अलटाइम डेटा प्याकभन्दा १० गुणा बढी डेटा प्राप्तदेखि निःशुल्क भिडियो स्ट्रिमिङसम्म
काठमाडौं । एनसेल प्राइभेट लिमिटेडले ‘फ्यूलयोर फन’ योजनाअन्तर्गत आफ्ना ग्राहकका लागि अल टाइम डेटा प्याकलाई थप सुलभ बनाउँदै ‘सही’ डटा प्याक ल्याएको छ । यस नयाँ ‘सही’ डेटा प्याकमा ग्राहकले विद्यमान अल टाइम डेटा प्याकभन्दा १० गुणा बढि डेटा प्राप्त गरी थप सुलभ दरमा चौबिसै घण्टा ईन्टरनेटमा पहुँचका साथै बोनस स्वरुप दैनिक एक घण्टा निःशुल्क भिडियो स्ट्रिमिङको मजा लिन सकिने जनाएको छ । ‘सही’ डेटा प्याक बिहीबार देखि लागु हुने जनाएको छ । यो डेटा योजनाअन्तर्गत एनसेलका ग्राहकले आधा जिबिदेखि १५ जिबिसम्मको १ दिन देखि ३० दिनसम्मको समयावधिका चौबिसै घण्टा चलाउन सकिने अल टाइम डेटा प्याकहरु रु ३९ देखि रु ७९९ सम्ममा सुचारु गर्न सक्ने जनाइएको छ । ग्राहकले १ दिन समयावधि रहेको आधाजिबिको सही डेटा प्याक कर सहितमात्र रु ३९ मा सुचारु गर्न सक्नेछन्, भने तिनदिन समयावधि रहेको १.५ जिबि डेटा कर सहित रु ९९, सातदिन समयावधि रहेको ३.५ जिबि डेटा कर सहित रु १९९ र तीस दिन समयावधि रहेको १५ जिबि डेटा कर सहित रु ७९९ मा सुचारु गर्न सक्नेछन् । कम्पनीको अनुसार सही प्याक लिएका ग्राहकले आफूले लिएको प्याक अवधिभर दैनिक एक घण्टा निःशुल्क भिडियो स्ट्रिमिङको मजा लिन सक्नेछन् । योजनाअन्तर्गतको निःशुल्क भिडियो स्ट्रिमिङमा आईफ्लिक्स, युट्युब ,युट्युबगो तथा एनसेलको अरु भिडियो प्लेटफर्म (नेट टिभि, भियुक्लिप, लाइफस्टाइल पोर्टल, फन स्टोर पोर्टल, स्पोर्टस् पोर्टल) मा रहेका भिडियो कन्टेन्ट हेर्न सक्नेछन् । ग्राहकले गुगलको सेवा जस्तै प्ले स्टोर, म्याप लगायततका लागि निःशुल्क भिडियो स्ट्रिमिङ सुविधाको प्रयोग गर्न सक्नेछन् । ‘सही’ डेटा प्याक एनसेलको टुजी, थ्रिजी तथा फोरजी सबै नेटवर्कका लागि मान्य हुने बताइएको छ । ग्राहकले एस्ट्रिक्स १७१२३ ह्यास डायल गरी ‘६’ छनोट गरेर आफ्नो आवश्यकता बमोजिमको सही डेटा प्याक लिइ अफरको लाभ लिन सक्ने जनाइएको छ । त्यस्तै ग्राहकहरुले एसएमएसबाट तथा एनसेल एपबाट पनि यो सेवा सुचारु गर्न सक्नेछन् । मोबाइल डेटाको बढ्दो मागलाई सहज बनाउन आफ्ना ग्राहकका लागि अझ सुलभ दरमा अल टाइम डेटा प्याक ल्याउन पाउँदा एनसेल हर्षित भएको जनाइएको छ । एनसेलको सबै नेटवर्कमा चलाउन सकिने डेटा प्याकसँगै एक घण्टाको निःशुल्क भिडियो स्ट्रिमिङ सुविधाले ग्राहकलाई थप मुल्य प्रदान गर्ने कम्पनीले विश्वास लिएको छ । सही डेटा प्याकको भोलुम सकिएपछि प्याकको समयावधि भर ‘पे एज यु गो ’ दरअनुसार कर सहित प्रतिएमबि रु १.१३ लाग्ने कम्पनीले जनाएको छ । यो योजना सुचारु भएको दिन देखि ९० दिनको लागि मान्य रहनेछ ।
जोन प्लेयर्स नव वर्ष २०७५ उत्सव अफर
काठमाडौं । जोन प्लेयर्सले नयाँ वर्ष २०७५ का लागि ‘स्क्राच गर्नुहोस् र उपहार जित्नुहोस्’ अफर ल्याएको छ । अफरअन्तर्गत, जोन प्लेयर्सले एस्क्लुसिव ब्रान्डेड आउटलेटबाट जोनप्लयेर्स पहिरनको खरिदमा तत्काल छुट प्रदान गर्ने घोषणा गरेको छ । जोन प्लेयर्स, नेपालको निजि क्षेत्रको एउटा ठूलो प्रतिष्ठान सूर्य नेपाल प्रालिद्वारा आयातित तथा उत्पादित पुरुष पहिरनको प्रिमियम ब्राण्ड हो । नयाँ वर्ष २०७५ सालको को उपलक्ष्यमा, कम्पनीले यसका महत्वपूर्ण ग्राहकहरुमाझ उत्साहपूर्ण अफरको घोषणा गरेको छ । ग्राहकहरुले जोन प्लेयर्सको उत्पानदहरु प्रत्येक रु. २ हजार ७५ को खरिद सँगै स्क्राच कार्ड प्राप्त गर्न सकिने जनाइएको छ । उक्त छुट तत्काल प्राप्त गर्न सकिने कम्पनीको भनाइ छ । योजन चैत्र २३ गतेदेखि वैशाख २० गते सम्म लागू हुने कम्पनीको भनाइ छ । बजारमा जोन प्लेयर्सका सर्ट, टि(सर्ट, ट्राउजर्स लगायतका पहिरनहरु उपलब्ध छन् ।
सिटिजन्सद्वारा कमल निमाविलाई साढे २ लाख सहयोग
काठमाडौं । सिटिजन्स बैंक इन्टरनेसनल लिमिटेडले कमल निम्न माध्यमिक विद्यालयलाई रू २ लाख ५० हजार आर्थिक सहयोग उपलब्ध गराएको छ । हरेक वर्ष बैंकले आफ्नो बार्षिक उत्सवको उपलक्ष्यमा सामाजिक रूपान्तरणका लागि कार्य गर्ने संस्थालाई आर्थिक सहयोग उपलब्ध गराँउदै आएको बैंकको भनाइ छ । त्यसैको निरन्तरता स्वरूप बैंकले आफ्नो बार्षिक कार्य तालिकाअनुसार उक्त सहयोग रकम हस्तान्तरण गरेको जनाएको छ । एक कार्यक्रमबीच बैंकका प्रमुख कार्यकारी अधिकृत राजन सिंह भण्डारीको उपस्थितिमा सो रकम बराबरको चेक विद्यालयका प्राचार्य एमबि खड्काललाई बैंकका प्रमुख प्रशासकीय अधिकृत उमंग शर्माले हस्तान्तरण गरेको जानकारी दिएको छ । आउने दिनमा बैंकले संस्थागत सामाजिक उतरदायित्व कार्यक्रमअन्तर्गत सामाजिक, आर्थिक, सांस्कृतिक, शैक्षिक लगायत सकारात्मक परिवर्तन ल्याउन विभिन्न कार्यक्रम सञ्चालन गर्ने बैकले जानकारी गराएको छ ।
जोशी र शुभम् हाईड्रोपावरले पाए ५ करोड ७१ लाखको आईपीओ निष्कासन गर्न अनुमति, कहिले आउछ ? हेर्नुस
काठमाडौं । दुई जलविद्युत कम्पनीले ५ करोड ७१ लाख रुपैयाँको साधारण सेयर (आईपीओ) निष्कासन गर्न अनुमति पाएका छन् । नेपाल धितोपत्र बोर्डले बुधबार जोशी हाइड्रोपावर डेभलपमेन्ट कम्पनी लिमिटेडलाई ३ करोड ७१ लाख ४० हजार रुपैयाँ बराबरको ३ लाख ४० हजार कित्ता आईपीओ निष्कासन गर्न अनुमति दिएको हो । आयोजना प्रभावित स्थानीयबासिन्दालाई १० प्रतिशतका दरले आईपीओ निष्कासन गर्न बोर्डबाट स्वीकृती पाएका हुन् । यस्तै शुभम् पावर कम्पनी लिमिटेडलाई २ करोड रुपैयाँ बराबरको २ लाख कित्ता निष्कासनका लागि अनुमति दिएको हो । जोशीको सिद्धार्थ क्यापिटल लिमिटेड र शुभम्को सीबीआईएल क्यापिटल लिमिटेडले आईपीओ निष्कासन गर्नेछन् । हालसम्म १५ कम्पनीले आईपीओ र थप निष्कासन (एफपीओ) गरी १५ कम्पनीले २ अर्ब ६६ करोड ९० लाख रुपैयाँको अनुमति पाएका छन् ।
कुपन्डोलमा महिन्द्रा विद्युतीय गाडीको अत्याधुनिक सर्भिस स्टेसन
काठमाडौं । भारतको महिन्द्रा ग्रुप तथा विद्युतीय सवारी साधन निर्माणमा अग्रणी कम्पनीको एक हिस्सेदार संस्था महिन्द्रा एण्ड महिन्द्रा लिमिटेडको विद्युतीय गाडी तथा जेनेरेटरको आधिकारिक बिक्रेता अग्नि ग्रुपले आफ्ना विद्युतीय गाडीहरुको लागि ललितपुरको कुपन्डोलमा सर्भिस स्टेसनको प्रारम्भ गरेको छ । सर्भिस स्टेशनले सोमबारदेखिनै आफ्नो सेवा प्रारम्भ गरेको बताएको छ । उक्त स्टेसनको समुद्घाटन नेपाली टाइम्सका संस्थापक सम्पादक कुन्ददिक्षितले गरका थिए । कुपन्डोलमा स्थापना गरिएको स्टेसनबाट विद्युतीय गाडीहरुको सर्भिस, पिडिआई (प्रि डेलिभरी इन्स्पेक्शन) गरिने छ । साथै सेन्टरबाट विद्युतीय गाडीको स्पेयर पार्ट बिक्री तथा सर्भिसिङ नर्गे लगायतका सेवा प्रदान गरिने कम्पनीकाे भनाइ छ । कम्पनीको अनुसार सेन्टरबाट केभिन इन्भर्टर, कन्स्ट्यान्ट व्याट्रि तथा महिन्द्रा पावरवल जेनेरेटरको सर्भिस तथा त्यससँग सम्बन्धित स्पेयर पार्टहरु समेत सुलभ मूल्यमा प्राप्त गर्न सकिने व्यवस्था गरिएको छ ।
सरकारले ६७ अर्ब खर्चेर ३ वर्षमा थप १ लाख ७२ हजार हेक्टर जमिनमा सिंचाइ गर्ने, यस्ता छन गौरवका आयोजना
काठमाडौं । सरकारले ६७ अर्ब रुपैयाँ लगानी गरेर १ लाख ७२ हजार हेक्टर जमिनमा सिंचाई पुर्याउने भएको छ । खेतियोग्य जमिनमा सिंचाई पुर्याउन सरकारले सिक्टा सिंचाइ, रानीजमरा कुलरिया सिंचाइ, बबई सिंचाइ र भेरी बबई डाइभर्सन आयोजनाको निर्माण गरिरहेको छ । आगामी ३ वर्षभित्र यी सबै आयोजना सम्पन्न भई थप १ लाख ७२ हजार ७६ हेक्टर क्षेत्रमा सिंचाइ पुग्ने छ । सिंचाइको अतिरित्त ४८ मेगावाट बिजुली उत्पादन हुने छ । ४ वटै राष्ट्रिय गौरवका सिंचाई आयोजना हुन् । बाँके जिल्लामा रहेको अगैयास्थित राप्ती नदीमा बाँध निर्माण गरी पश्चिमतर्फ ३३ हजार ७६६ र पुर्वतर्फ ९ हजार गरी कुल ४२ हजार ७६६ हेक्टर क्षेत्रफलमा सिंचाई उपलब्ध गराउन सिक्टा आयोजना निर्माण भइरहेको छ । यो आयोजना सम्पन्न गर्न २५ अर्ब २ करोड रुपैयाँ खर्च हुने अनुमान गरिएको छ । आयोजना ०७६/०७७ मा सम्पन्न गर्ने लक्ष्य लिइएको छ । हालसम्म आयोजनाको ५६ प्रतिशत काम सकिएको सिंचाई विभागले जनाएको छ । यस्तै कैलालीमा सिंचाई सुविधा पुर्याउन कर्णाली नदीको पानी लैजान हाल रानीजमरा कुलरिया सिंचाई आयोजनाको निर्माण धमाधम भइरहेको छ । जमरा सिंचाई प्रणालीमा १४ हजार ३००, लम्किी विस्तारको ६ हजार र पथरैयादेखि कान्द्रा खोलासम्म १८ हजार गरी कुल ३८ हजार ३०० हेक्टर जमिनमा सिंचाई पुग्ने छ । आयोजना बनाउन १२ अर्ब ६३ करोड रुपैयाँ लाग्ने अनुमान गरिएको छ । हालसम्म आयोजनाको प्रगति ६८ प्रतिशत छ । आउदो ०७६÷०७७ मा आयोजना सम्पन्न गर्ने लक्ष्य लिइएको छ । यस्तै बर्दियाको ४० हजार हेक्टर जमिनमा वर्षैभरी सिंचाई पुर्याउन बबई सिंचाई आयोजना निर्माणधिन छ । बबई नदीको पुर्वतर्फ १९ हजार र पश्चिमतर्फ १५ हजार हेक्टरमा सिंचाई पुर्याउने सरकारको योजना छ । आयोजना सम्पन्न गर्न १२ अर्ब ५६ करोड रुपैयाँ लाग्ने छ । हालसम्म आयोजनाको ८१ प्रतिशत प्रगति भएको विभागले जनाएको छ । यस्तै भेरी नदीको ४० घनमिटर पानी बबइ नदीमा खसालेर बाँके र बर्दियामा गरी ५१ हजार हेक्टर जमिनमा सिंचाई पुर्याउन सरकारले भेरी–बबई डाइभर्सन आयोजनाको निर्माण थालेको छ । आयोजनाको लागत १६ अर्ब ४३ करोड रुपैयाँ छ । आयोजना ०७७/०७८ मा सकिने छ । १२ किलोमिटर लामो सुरुङबाट पानी बबईमा खसाल्ने यो आयोजनाबाट ४८ मेगावाट बिजुलीको उत्पादन हुने छ । यो आयोजनामा पहिलो पटक टनेल बोरिङ प्रविधिबाट सुरुङ खन्ने काम भइरहेको छ । हालसम्म ३ हजार २ सय मिटर सुरुङ खन्ने काम सकिएको छ । हालसम्म २५ प्रतिशत भौतिक प्रगति भएको आयोजनाले जनाएको छ । सिंचाई विभागका अनुसार हालसम्म १४ लाख ३३ हजार २८७ हजार हेक्टर जमिनमा सिंचाई सुविधा पुगेको छ । सिंचाइयोग्य जमिन १७ लाख ६६ हजार रहेको विभागले जानकारी दिएको छ ।
बुधबार सनराइज बैंकको १ करोड ६ लाख कित्ता शेयर नेप्सेमा सूचिकरण
काठमाडौं । सनराइज बैंक लिमिटेडको पौष ३ गते सम्पन्न दशौ बार्षिक साधारण सभाबाट पारित विशेष प्रस्ताव बमोजिम शेयरधनीहरुलाई वितरण गरिएको १५ प्रतिशतका दरले हुने १ करोड ६ लाख ३३ हजार ७६८ कित्ता बोनस शेयर नेपाल स्टक एक्सचेञ्ज लिमिटेडको चैत २८ गतेको निर्णयानुसार सूचिकरण भएको छ । उक्त बोनस शेयर वितरणपश्चात बैंकको चुक्ता पूँजी ८ अर्ब १५ करोड भन्दा बढी भएको बैंकले जानकारी दिएको छ । नेपाल राष्ट्र बैंकबाट ‘क’ वर्गको बाणिज्य बैंकहरुलाई न्यूनतम चुक्ता पूँजी रु. ८ अर्ब पुर्याउन निर्देशन भए अनुसार बैंकले गत आब २०७३/०७४ को मुनाफाबाट बोनस शेयर जारी गरी नेपाल राष्ट्र बैंकको निर्देशन बमोजिमको समय सिमा भित्र तोके बमोजिमको चुक्ता पूँजी पुर्याउन सक्षम भएको बताएको छ ।
