काठमाडौं । बढी भाडा लिने चालकलाई प्रहरीले कारवाही गरेको छ । काठमाडौं उपत्यका प्रहरी ट्राफिक प्रहरी कार्यालयले यात्रुहरूबाट बढी भाडा लिने ३३१ जनालाई नियन्त्रणमा लिएको हो ।
विभिन्न राइड सेयरिङ एपको दुरुपयोग गरी यात्रुहरूबाट बढी भाडा लिने र अफलाइन बार्गेनिङ गरी यात्रुहरूलाई हैरानी दिने ३३१ जना चालकहरूलाई नियन्त्रणमा लिएको काठमाडौं उपत्यका प्रहरी ट्राफिक प्रहरी कार्यालयले जनाएको छ ।
साथै उनीहरुलाई विभिन्न प्रहरी कार्यालयमा समेत बुझाएको जनाएको छ ।
यस्तै, ट्राफिक नियम उल्लंघन गर्ने अन्य २७२ जना राइड सेयरिङ चालकहरूलाई काठमाडौं उपत्यका ट्राफिक प्रहरी कार्यालयले कारवाही गरेको छ ।
