काठमाडौं । तीनवटा विमानस्थलको उडान वर्षाका कारण मौसम खराब हुँदा प्रभावित भएको छ ।
आइतबार बिहानदेखि पोखरा विमानस्थल र सुर्खेत विमानस्थलमा विमान उड्न नसकेको त्रिभुवन अन्तर्राष्ट्रिय विमानस्थलले जनाएको छ ।
यस्तै, तुम्लिङटार विमानस्थलमा समेत आजका लागि निर्धारित सबै उडान रद्द भएको त्रिभुवन अन्तर्राष्ट्रिय विमानस्थल कार्यालयले जनाएको छ ।
काठमाडौं विमानस्थलमा भने उडान नियमित भइरहेको छ । अन्तर्राष्ट्रिय उडान जारी छ ।
