काठमाडौं । बैंक अफ काठमाण्डूले झापाको मेचीनगर नगरपालिका-६ स्थित काँकडभिट्टामा नयाँ शाखा सञ्चालनमा ल्याएको छ ।
आइतबार एक समारोहका बीच उक्त शाखाको उद्घाटन मेचीनगर नगरपालिकाका मेयर बिमल आचार्य र बैंकका संचालक विजयकुमार श्रेष्ठले संयुक्त रुपमा गरेका हुन् ।
कार्यक्रममा बैंकका संचालक श्रेष्ठले ग्राहकहरूको उच्चतम लाभलाई मध्यनजर गर्दै समय सुहाउँदो आवश्यक प्रविधिगत सेवाहरू उपलब्ध गराई उत्कृष्ट बैंकिङ्ग सेवा उपलब्ध गराउँदै जानेमा बैंक प्रतिबद्ध रहेको जानकारी दिए ।
