पाकिस्तानको विदेशी मुद्रा सञ्चिति ६० लाख अमेरिकी डलरले घट्यो
पाकिस्तान । स्टेट बैंक अफ पाकिस्तान एसबीपीले आफ्नो विदेशी मुद्रा सञ्चिति ६० लाख अमेरिकी डलरले घटेको जनाएको छ । गत अप्रिल २८ मा उल्लेख भएअनुसार पाकिस्तानी केन्द्रीय बैंकको कुल विदेशी मुद्रा सञ्चिति लगभग ४।५ बिलियन डलरमा झरेको पनि एसबीपीले बिहीबार विज्ञप्ति जारी गर्दै उल्लेख गरेको छ । वाणिज्य बैंकहरुसँग रहेको खुद विदेशी सञ्चिति करिब ५ अर्ब ६ करोड डलर पुगेको पनि केन्द्रीय बैंकले जनाएको छ । एसबीपीका अनुसार पाकिस्तानमा रहेको कुल तरल विदेशी मुद्रा करिब १० अर्ब डलर रहेको छ। पाकिस्तानले केही समयदेखि आफ्नो विदेशी मुद्रा सञ्चितिमा कमीको सामना गरिरहेको छ जसले समग्र विनिमय दर र दक्षिण एसियाली देशमा व्यापार र आर्थिक गतिविधिलाई प्रत्यक्ष असर गरिरहेको छ। रासस
विश्व बैंकको अध्यक्ष बने भारतीय मूलका अजय बंगा
काठमाडौं । विश्व बैंकको अध्यक्षमा अजय बंगा नियुक्त भएका छन् । भारतीय मूलका अजयपाल सिंह बंगा विश्व बैंकको अध्यक्षमा निर्विरोध चयन भएका हुन् । बैंकका कार्यकारी निर्देशकहरुको बैठकले बंगालाई आगामी ५ वर्षका लागि अध्यक्ष पदमा नियुक्त गरेको हो । अध्यक्ष पदका लागि एकल आवेदन परेपछि उनी निर्विरोध चयन भएका हुन् । यसअघि अध्यक्ष रहेका डेभिड मालपासको कार्यकाल सकिएपछि उनलाई नियुक्त गरिएको हो । बंगा भारतीय मूलका अमेरिकी नगारिक हुन् । उनले यसअघि जनरल एट्लान्टिकमा उपाध्यक्ष पदमा रहेर काम गरेका थिए । साथै मास्टर कार्ड बन्ने कम्पनीका अध्यक्ष एवम् सीईओको रुपमा काम पनि गरेका थिए । उनको नेतृत्वमा, मास्टरकार्डले समावेशी विकास केन्द्रको सुरुवात गरेको थियो । इन्टरनेशनल चेम्बर अफ कमर्सको मानार्थ अध्यक्षको रुपमा उनले सन् २०२० देखि सन् २०२२ सम्म सेवा गरेका थिए । उनले सन् २०१६ मा भारतका राष्ट्रपतिद्वारा पद्मश्री पुरस्कार पनि प्राप्त गरेका छन् ।
बेलायती विशाल ऊर्जा कम्पनी नाफामा
बेलायत । बेलायती विशाल ऊर्जा शेलले बिहीबार कम ऊर्जा मूल्यको बावजुद पहिलो त्रैमासिकमा आफ्नो नाफा बढाएको छ । एक वर्ष पहिले रूसबाट बाहिर निस्कँदा ठूलो शुल्कको मारमा परेको कम्पनीले यस त्रैमाषिकमा नाफा बढाएको हो । करपछिको नाफा एक वर्ष अघिको तुलनामा २२ प्रतिशतले बढेर ८।७ बिलियन डलर ६।७ बिलियन युरो पुगेको छ । जुन मस्कोले युक्रेनमा आक्रमण गरेपछि रुसबाट बाहिर निस्कँदा ३।९ बिलियन डलर शुल्क लिएको थियो । रासस
