घर-घरमा बिजुली पुर्याउनु नै मेरो कार्यकालको मुख्य उपलब्धि हो : कुलमान घिसिङ
काठमाडौं । सरकारले बर्खास्त गरेको ११ दिनपछि पत्रकार सम्मेलन गर्दै नेपाल विद्युत् प्राधिकरणका निवर्तमान कार्यकारी निर्देशक कुलमान घिसिङले आफूले कानुन नीति नियममा रहेर काम गरेको दाबी गरेका छन् । उनले सरकारसँग आफू जवाफदेही रहेको बताए। उनले सरकारलाई ४ महिना कार्यकाल सकिन आगावै आफूलाई बर्खास्त गरेकोमा धन्यवाद दिए। उनले आफ्नो कार्यकालमा प्राधिकरणमा धेरै परिवर्तन भएको बताए । उनले भने, ‘मेरो कार्यकालमा प्राधिकरणको सम्पत्ति करिब तीन गुणा वृद्धि भयो । यो नाफा विद्युत पूर्वाधारमा पुनः लगानी भएको छ, जनताको घरघरमा विद्युत पुर्याउनु नै मेरो कार्यकालको मुख्य उपलब्धि हो ।’ घिसिङले आर्थिक वर्ष ०८०/८१ सम्म सञ्चित नाफा ४७ अर्ब रुपैयाँ पुगेको समेत बताए । साथै यो नाफा महसुल वृद्धि गरेर नदेखाइएको भन्दै उक्त अवधिमा २५ प्रतिशत महसुल घटाइएको उनको भनाइ छ । गत आर्थिक वर्षबाट विद्युत आयातभन्दा निर्यात बढी भएको र देशभित्र विद्युत खपत तीन गुणा वृद्धि भएको घिसिङको भनाइ छ । प्राधिकरणमा ८ वर्ष काम गरेको भन्दै उनले यसको मूल्याङ्कन जनताले गर्ने बताए । उनले नेपालको संविधान र प्रचलित कानुनभित्र रहेर देश र जनताको सेवामा आफूलाई समर्पित भएको दाबी गरे । उनले आम जनाताको माया अथाह भएको र आफुलाई गर्व महसुस भएको बताए । उनले भने,‘ सरकार मलाई रातारात हटाएको दिन अर्थात् चैत्र ११ गतेको दिन म मकवानपुरको दुर्गम क्षेत्रमा सीमान्तकृत विपन्न चेपाङ समुदायको बस्तीमा बत्ती बाल्ने कामै विजी थिए । मलाई बर्खास्तबारे केही थाहा थिएन् । एक्कासी समाचार देखेँ । अनि म झस्किए ।’ उनले नेपाली जनतालाई आफुले भरपर्दो, गुणस्तरीय, पर्याप्त र सुरक्षित विद्युत् आर्पुति उपलब्ध गराउने मुख्य उद्देश्यलाई इमान्दनरीपूर्वक पुरा गरिरहेको सुनाए । उनले सरकारले आफुविरुद्ध जे गर्न खाज्यो त्यो सबै गलत भएको बताए । उनले भने,‘म विद्युत् प्राधिकरणको कार्यकारी निर्देशकबाट मात्र बिदा भएको हुँ । तर आम जनताका लागि हरेक कुराहरुमा काम गरिरहने छु । यहाँ यहाँ स्वार्थ मात्रै चल्छ । मेरो मूल्याङ्कन नेपाली जनताले आफैँ गर्नेछन् । ’ उनले आफुले प्राधिकरणमा रहँदा कुनै पछुतो हुने काम नगरेको बताए । बक्यौता उठाउने प्रयास नै म पदबाट हट्नुको मुख्य कारण बन्न भएको बताए । सार्वजनिक संस्थाको बक्यौता उठाउने खोज्ने आफ्नो प्रयास राष्ट्र विरुद्धको अपराध हो भन्दै प्रश्न गरे । यसको जबाफ नेपाली जनता र इतिहारले आगामी दिनमा अवश्य मागिने समेत सुनाए । उनले भने, ‘ऊर्जामा मुलुकलाई आत्मानिर्भर बनाउँदै छिमेकी भारत र बङ्गलादेशसम्म विद्युत् व्यापार विस्तार गर्ने लगायतका अभियान सक्रिय रहेकोमा गत असारमा वर्तमान सरकार र ऊर्जा जलस्रोत तथा सिचाइ मन्त्रीले म माथि अनावश्यक, अनैतिक र गैर कानुनी दबाब सिर्जना गरेको सिगों देश साच्छि छ ।’ घिसिङले बाँकी रहेको बक्यौता रकम उठाउन जसरी भए पनि आम नागरिकले एक जुट भएर लाग्न सबैलाई आग्रह गरे । यसको बारे भण्डाफोर गर्नुपर्ने र यो समय विस्तार विस्तारै नजिकिँदै गएको पनि उनले जानकारी दिए । यस्तै उनले राजीतिमा आउने संकेत समेत गरे । उनले भने, ‘ हाल म कुनै पार्टीमा आवद्ध छैन् । तर राष्ट्रसेवक नागरिकको नाताले जुनसुकै जिम्मेवारी लिन तयार रहेको बताए । ‘म एउटा जिम्मेबार नागरिक हो, अब म कर्मचारी रहिनँ, सदैव देशको हित र समृद्धिका लागि जुनसुकै जिम्मेवारी लिन तयार छु’, उनले भने । मुलुक लोडसेडिङमा रहेका बेला डेडिकेटेड र ट्रङ्कलाइनबाट अनवरत बिजुली लिएका, तर सत्ता र शक्तिको पहुँच दुरुपयोग गर्दै कम्तिमा २० अर्ब रुपैयाँ महसुल नतिर्न खोजेका व्यापारीहरूको जोडबलमा लागेर सरकारले घिसिङलाई चैत ११ गते पदबाट हटाएको थियो ।
ट्रम्पले गरे ६६ करोड ७५ लाख रुपैयाँको ‘गोल्ड कार्ड’ भिसा सार्वजनिक
वाशिङ्टन । अमेरिकी पूर्वराष्ट्रपति डोनाल्ड ट्रम्पले बिहीबार एयर फोर्स वानमा पहिलो ‘गोल्ड कार्ड’ भिसा अनावरण गरेका छन् । जसको मूल्य ५० लाख अमेरिकी डलर (६६ करोड ७५ लाख रुपैयाँ) राखिएको छ । ट्रम्पले पत्रकारहरूसँग कुरा गर्दै भने, 'विशेष भिसा सम्भवतः दुई हप्ताभन्दा कम समयमा उपलब्ध हुनेछ ।' उनले आफैं पहिलो खरीदकर्ता भएको घोषणा गर्दै नयाँ भिसा कार्यक्रमलाई 'अमेरिकी नागरिकताको अत्यधिक मूल्यवान् मार्ग' भनेर वर्णन गरे । ट्रम्पका अनुसार परम्परागत ग्रिन कार्डको उच्च मूल्य संस्करणको रूपमा ल्याइएको ‘गोल्ड कार्ड’ भिसा बिक्रीबाट संकलित रकमलाई रोजगारी सिर्जना र अमेरिकी राष्ट्रिय घाटा कम गर्न प्रयोग गरिनेछ । फेब्रुअरीमा गरिएको घोषणाअनुसार, ट्रम्प प्रशासनले सम्भवतः १० लाख ‘गोल्ड कार्ड’ भिसा बिक्री गर्ने लक्ष्य राखेको छ । ट्रम्पले यस योजनामा रूसी कुलीन वर्गहरूलाई समेत समेट्न सकिने सम्भावना रहेको विषयलाई पूर्णरूपमा अस्वीकार नगरेको बताएका छन् । यो नयाँ भिसा कार्यक्रमलाई ट्रम्पको राष्ट्रपति पुनःनिर्वाचन अभियानको महत्वपूर्ण रणनीति को रूपमा हेरिएको छ । जसमा उनले लाखौँ कागजातविहीन आप्रवासीलाई देशनिकाला गर्ने नीति अघि सारेका छन् ।
भारतीय प्रधानमन्त्रीसँग राम्रो कुराकानी भयो : प्रधानमन्त्री ओली
बैङ्कक । प्रधानमन्त्री केपी शर्मा ओलीले भारतका प्रधानमन्त्री नरेन्द्र मोदीसँगको भेटमा सकारात्मक र राम्रो कुराकानी भएको बताएका छन् । भेटवार्ता कक्षबाट बाहिरिने क्रममा प्रधानमन्त्री ओलीले भने, 'म र भारतीय प्रधानमन्त्री मोदीजीबीच राम्रो र सकारात्मक संवाद भएको छ । अहिलेलाई यति ।' थाइल्याण्डको बैङ्ककस्थित होटल माडारिन ओरियन्टलमा भारतीय प्रधानमन्त्री मोदीसँग करिब ४५ मिनेट एक्लाएक्लै भेटवार्ता भएको हो । बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास ९बिम्स्टेक०को छैटौँ शिखर सम्मेलन सकिएपछि उनीहरुबीच पूर्वनिर्धारित तालिकाअनुसार भेटवार्ता भएको हो । यसअघि उनीहहरुबीच संयुक्त राष्ट्रसङ्घको ७९औँ महासभामा भाग लिने क्रममा संयुक्त राज्य अमेरिकाको न्युयोर्कमा गत असोज ७ गते भेटवार्ता भएको थियो ।
प्रधानमन्त्री ओली र भारतका प्रधानमन्त्री मोदीबीच बैंककमा भेटवार्ता
काठमाडौं । प्रधानमन्त्री केपी ओली र भारतका प्रधानमन्त्री नरेन्द्र मोदीबीच थाइल्यान्डको बैंककमा भेटवार्ता भएको छ । बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक)को छैटौँ शिखर सम्मेलन सकिएपछि उनीहरूबीच शुक्रबार भेटवार्ता भएको हो ।
भरतपुर महानगरको दोस्रो चौमासिक सार्वजनिक सुनुवाई सम्पन्न, ७७ करोड राजस्व संकलन
चितवन । भरतपुर महानगरपालिकाले आर्थिक वर्ष २०८१/८२ को दोस्रो चौमासिकमा भएका कार्यको सार्वजनिक सुनुवाई कार्यक्रम सम्पन्न गरेको छ । शुक्रबार भरतपुर महानगरपालिकाको परिसरमा आयोजित कार्यक्रममा स्थानीय वडावासीहरूले विकास योजनाहरूको प्रशंसा गर्दै थप सुशासन र अति आवश्यक योजनाहरूलाई प्राथमिकता दिनुपर्ने सुझाव दिएका छन् । महानगरपालिकाका प्रमुख प्रशासकीय अधिकृत लक्ष्मीप्रसाद पौडेलले चार महिनाको प्रगति प्रतिवेदन प्रस्तुत गर्दै गौतमबुद्ध रंगशाला, महानगर प्रशासकीय भवन, पुङ्गी खोला व्यवस्थापन, सिटी हल निर्माण, केरुङ्गा नाला सौन्दर्यकरण, मेशजाली फाउण्डेशन, ६ लेन सडक निर्माण, फोहोरमैला व्यवस्थापन तथा उज्यालो भरतपुर कार्यक्रमलगायतका योजनाको प्रगतिबारे जानकारी गराए । कार्यक्रममा प्रमुख रेनु दाहालले अल्पकालीन, मध्यकालीन र दीर्घकालीन योजनाहरूलाई एकसाथ अघि बढाइएको उल्लेख गरिन् । उनले अबको कार्यकालमा अझै धेरै विकासका काम अघि बढ्ने र भरतपुरवासीलाई सन्तुष्ट बनाउन महानगर प्रतिबद्ध रहेको बताइन् । प्रमुख दाहालले संघीय सरकार, प्रदेश सरकार तथा साझेदार निकायहरूबाट सञ्चालित विकास योजनामा कुनै गुनासो नआउने गरी गुणस्तरीय काम गर्न निर्देशन दिएकी छन् । महानगरका उपप्रमुख चित्रसेन अधिकारीले भरतपुरलाई योजनाबद्ध, सन्तुलित, दिगो र आत्मनिर्भर विकासको मार्गमा अघि बढाउने प्रतिबद्धता व्यक्त गरे । उनले शिक्षा, स्वास्थ्य, कृषि, पर्यटन, सामाजिक सुरक्षा र सुशासनलाई प्राथमिकतामा राख्दै महानगरवासीको रचनात्मक सुझावलाई आत्मसात गर्दै अघि बढ्नुपर्नेमा जोड दिए । महानगरका प्रमुख प्रशासकीय अधिकृत पौडेलका अनुसार आर्थिक वर्ष ०८१/८२ को लागि विनियोजित ६ अर्ब ५६ करोड १ लाख ४३ हजार रुपैयाँमध्ये १ अर्ब ९९ करोड खर्च भइसकेको छ । जुन कुल बजेटको ३६.४९ प्रतिशत हो । त्यसैगरी, १ अर्ब ८० करोड राजस्व संकलनको लक्ष्य लिइएकोमा हालसम्म ७७ करोड १७ लाख ५४ हजार १३७ रुपैयाँ संकलन भइसकेको छ । जुन लक्ष्यको ४३ प्रतिशत हो । कार्यक्रममा जिल्ला समन्वय समिति चितवनका प्रमुख नारायणप्रसाद अधिकारीले भरतपुर महानगरपालिकाले जनमुखी भएर नागरिकलाई सन्तुष्ट पार्न सफल भएकोमा खुसी व्यक्त गरे। भरतपुर महानगरपालिकाले सार्वजनिक सुनुवाईमार्फत स्थानीय सरकार र नागरिकबीचको अन्तरक्रियालाई मजबुत बनाउँदै आएको छ। महानगरले आगामी दिनमा अझ पारदर्शी र प्रभावकारी ढंगले सेवा प्रवाह गर्न कटिबद्ध रहेको जनाएको छ।
सांग्रिला डेभलपमेन्ट बैंक र सेन्ट लरेन्स कलेजबीच दुई वर्षका लागि सहकार्य
काठमाडौं । सांग्रिला डेभलपमेन्ट बैंक र सेन्ट लरेन्स कलेज, चाबहिलबीच आपसी सहकार्यसम्बन्धी सम्झौतामा हस्ताक्षर भएको छ । यस सम्झौताअनुसार सांग्रिला डेभलपमेन्ट बैंकले सेन्ट लरेन्स कलेजका विद्यार्थीहरूलाई इन्टर्नसिप, स्थलगत अवलोकन भ्रमण लगायतका अवसरहरूमा प्राथमिकता दिनेछ । त्यसैगरी, बैंकले आयोजना गर्ने विभिन्न कार्यक्रमहरूमा सेन्ट लरेन्स कलेजका विद्यार्थी तथा प्रतिनिधिहरूको सक्रिय सहभागिता रहनेछ । यस सहकार्यअन्तर्गत कलेजले आयोजना गर्ने ‘जब फेयर’ तथा अन्य व्यावसायिक कार्यक्रमहरूमा सांग्रिला डेभलपमेन्ट बैंकको पनि सहभागिता रहनेछ । दुई वर्षका लागि लागू गरिएको यस सहकार्यले बैंकिङ क्षेत्र र शैक्षिक संस्थाबीचको सम्बन्ध अझ सुदृढ बनाउने विश्वास गरिएको छ ।
किया एक्सचेन्ज कार्निभल गैरीधाराको सिल्भर ओकमा सुरु, ६ लाखसम्मको बोनस र डिस्काउन्टको अफर
काठमाडौं । नेपालका लागि कियाको आधिकारिक वितरक कन्टिनेन्टल ट्रेडिङ इन्टरप्राइजेजले काठमाडौंको गैरीधारास्थित सिल्भर ओक बैंक्वेटमा किया एक्सचेन्ज कार्निभल सुरु गरेको छ । शुक्रबारदेखि सुरु भएको यो कार्निभल आइतबारसम्म चल्ने कम्पनीले जनाएको छ । कम्पनीका अनुसार, जुनसुकै ब्रान्डका पुराना गाडीहरू उत्तम मूल्यमा बिक्री गरी कियाका अत्याधुनिक गाडीहरूमा अपग्रेड हुने अवसर कार्निभलमा प्राप्त गर्न सकिन्छ । साथै, कार्निभलमा टेस्ट ड्राइभ गर्ने सहभागीहरूका लागि पनि विशेष उपहारको व्यवस्था गरिएको छ । कार्निभलमा सहभागी हुने ग्राहकहरूले ६ लाख रुपैयाँसम्मको एक्सचेन्ज बोनस पाउनेछन् । त्यस्तै, नगद भुक्तानी गरेर गाडी खरिद गर्दा ६ लाख रुपैयाँसम्मको विशेष छुटको पनि लाभ उठाउन सकिनेछ । कम्पनीले गाडी खरिदकर्ताका लागि सहज फाइनान्स सुविधा उपलब्ध गराएको छ । बैंक तथा वित्तीय संस्थामार्फत सरल किस्ताबन्दीमा गाडी खरिद गर्न सकिने व्यवस्था गरिएको छ । कम्पनीले बिक्री गर्ने गाडीहरूमा एक वर्षसम्मको सडक कर र एक वर्षको पूर्ण बीमा पनि आफ्नै तर्फबाट बेहोर्ने नीति लिएको छ । कार्निभलमा ग्राहकले एक्सचेन्ज गर्ने सवारी साधनको आकर्षक मूल्यांकन प्राप्त गर्नेछन् । साथै, एक्सचेन्ज बोनसको समेत लाभ उठाउन सक्नेछन् । कियाका सवारीसाधनहरू ३० वर्षदेखि नेपाली सडकमा गुडिरहेका छन् । किया ब्रान्डका इन्धनचालित र विद्युतीय दुवै प्रकारका गाडीहरू विश्वबजारमा निकै लोकप्रिय छन् । कियाले कार्निभलमा सोनेट र सेल्टोसका ४–४ भेरियन्ट, कारेन्स ग्राभिटी एडिसन (२०२५), इभी६ र इभी९ प्रस्तुत गरेको छ । विशेष छुट र सुविधाको लाभ लिन किया एक्सचेन्ज कार्निभलमा सहभागी हुन ग्राहकलाई कम्पनीले अनुरोध गरेको छ ।
भोल्भोले मेक्सिकोमा लगानी बढाएर १ अर्ब डलर पुर्याउने
काठमाडौं । स्वीडेनको एबी भोल्भोले मेक्सिकोको उत्तरमा रहेको न्युभो लिओन राज्यमा निर्माणाधीन ट्रक कारखानामा लगानी बढाएर १ अर्ब डलर पुर्याउने भएको छ । मेक्सिकोका अर्थमन्त्री मार्सेलो एब्रार्डले बिहीबार उक्त जानकारी दिएका हुन् । भोल्भोले अगष्ट महिनामा मेक्सिकोको उत्तरी औद्योगिक केन्द्र मोन्टेरेको छेउमा रहेको स्थानलाई आफ्नो नयाँ उत्तर अमेरिकी भारी ट्रक कारखानाका लागि चयन गरेको घोषणा गरेको थियो । उक्तबेला यसको निर्माण लागत ७० करोड डलर अनुमान गरिएको थियो । 'गजब समाचार !' एब्रार्डले एक्स (पूर्व ट्वीटर) मा पोस्ट गर्दै भोल्भोको मुख्यालय स्वीडेनबाट उच्च लगानीको निर्णयबारे जानकारी पाएको बताएका छन् । उक्त कारखानाबाट उत्पादन सन् २०२६ मा सुरु हुने अपेक्षा गरिएको छ ।
