काठमाडौं । नेपाली कांग्रेसका नेता मोहम्मद अफताव आलमलाई उच्च अदालत जनकपुरको वीरगञ्ज इजलासले सफाइ दिएको छ । उनीसहित चार जनालाई अदालतले सफाइ दिएको हो ।
न्यायाधीशहरू खुसीप्रसाद थारू र अर्जुन महर्जनको इजलासले उनीहरूलाई बुधबार सफाइ दिएका हुन् ।
यसअघि जिल्ला अदालत रौतहटले उनीहरुलाई दोषी ठहर गरेको थियो । उनीहरूमाथि इँटाभट्टामा ज्युँदै मानिस पोलेको अभियोग थियो ।
रौतहट जिल्ला अदालतबाट मोहम्मद अफताव आलम सहितलाई जन्मकैदको सजाय भएको थियो ।
