निर्माण व्यवसायी महासंघले प्रत्येक प्रदेशलाई दियाे १३-१३ लाख रूपैयाँ

<p>काठमाडाैं । नेपाल निर्माण व्यवसायी महासंघले प्रत्येक प्रदेश सरकारलाई कोरोना भाईरस कोभिड-१९ नियन्त्रण तथा रोकथामका लागि १३ लाख रूपैयाँका दरले जम्मा ९१ लाख रूपैयाँ सहयोग गरेको छ। यो सहयोग रकम महासंघ अन्तर्गतका प्रदेश निर्माण व्यवसायी महासंघको अनुरोध र समन्वयमा भएको हो । सबै निर्माण व्यवसायीहरूको निर्माण कार्यको बिलबाट कट्टा गरि जम्मा भएको निर्माण व्यवसाय विकास [&hellip;]</p>


काठमाडाैं । नेपाल निर्माण व्यवसायी महासंघले प्रत्येक प्रदेश सरकारलाई कोरोना भाईरस कोभिड-१९ नियन्त्रण तथा रोकथामका लागि १३ लाख रूपैयाँका दरले जम्मा ९१ लाख रूपैयाँ सहयोग गरेको छ। यो सहयोग रकम महासंघ अन्तर्गतका प्रदेश निर्माण व्यवसायी महासंघको अनुरोध र समन्वयमा भएको हो ।

सबै निर्माण व्यवसायीहरूको निर्माण कार्यको बिलबाट कट्टा गरि जम्मा भएको निर्माण व्यवसाय विकास परिषद् अन्तर्गत रहेको निर्माण व्यवसायी कोषबाट खर्च हुने गरि कोरोना भाइरस (कोभिड-१९) को बढ्दो संक्रमण रोकथाम तथा नियन्त्रणका लागि सात वटा प्रदेश सरकारलाई उक्त रकम सहयोग गर्ने निर्णय भएको हो ।

साथै यस अघि पनि महासंघले कोरोना भाइरस (कोभिड-१९) को बढ्दो संक्रमण रोकथाम तथा नियन्त्रणका लागि केन्द्र सरकारले स्थापना गरेको कोषमा एक करोड रुपैयाँ सहयोग गरेको थियो । यसरी दुई पटक गरि महासंघले कोरोना भाइरसको बढ्दो संक्रमण रोकथाम तथा नियन्त्रणका लागि जम्मा १ करोड ९१ लाख रूपैयाँ सहयोग गरेको छ ।

साथै महासंघ अन्तर्गतका प्रदेश महासंघ, जिल्ला संघ, वस्तुगत संघ र एशोसिएट निर्माण व्यवसायी फर्म कम्पनी सदस्यहरूलाई देशभर आआफ्नो ठाउँबाट स्वास्थ्य सुरक्षा अपनाई यस कोरोना भाईरसबाट पिडितलाई राहत र यसको रोकथामको लागि सक्दो सहयोग गर्न समेत महासंघ अनुरोध गर्दछ ।

Share News