काठमाडौँ । पेट्रोल, डिजल र मट्टीतेलको मूल्य मंगलबार दिउँसो १२ बजेदेखि २/२ रुपैयाँले घटेको छ । मोतिहारी–अमलेखगञ्ज पेट्रोलिमय पाइपलाइन उद्घाटनका अवसरमा सरकारले पेट्रोलियम पदार्थको मूल्य घटाएको हो ।
पेट्रोलियम पाइलाइनको उद्घाटन हुनु अघि आयल निगमका महाप्रबन्धक सुरेन्द्रकुमार पौडेलले अमलेखगञ्जबाटै मूल्य घटाउने घोषणा गरेका हुन् ।
एलपिजी ग्याँस र हवाई इन्धनको मूल्य भने यथावत रहेको जनाइएको छ । नयाँ मूल्य अनुसार अब पेट्रोलको प्रतिलिटर १०७ रुपैयाँ र डिजेल तथा मट्टितेलको समान ९५ रुपैयाँ कायम हुने निगमले जनाएको छ ।
